ايه اخبار تعيين أوائل الكليات ياجماعة؟

[د.عبدالرحمن المنياوي]

أنا بوجه كلامي لأخوتي الصغار المشاغبون : بوسكو و كيميائي و شريف2011 .. وإن كان الأخير حديث الانضمام إلا أن الواحد والله كان محروم الفترة اللي فاتت دي من مشاغباتكم .. ودول بيمثلوا قوى المعارضة اليمينية واليسارية في المنتدى .. ده على أساس إن انا الحكومة يعني .. ههههههههه

بص بقى ياعم بوسكو الأول انا عبد الرحمن أخوك مش وزير التعليم العالي ولا نحاس بيه بتاع التنظيم والإدارة .. وانا نقلت مايدور بالكواليس وليس قرار الحكومة .. وقلت 3 اقتراحات مطروحة للبت في إحداها ليه احنا نركن على حل معين ونتوقعه؟؟

وانت دلوقت يا بوسكو الدرجات موجوده كتير آه طبعا فيه درجات للناس اللي مشيت معاش لكن هل فيه أماكن فاضية ؟؟؟ لأ الأماكن الفاضية أقل بكثير من الأماكن الممكن استيعابها للأوائل ودي حقيقة وأي واحد فاهم أو له تعامل مع الحكومة عارف كده كويس .. ليه؟؟ مش المفروض اللي يطلع ع المعاش يجي زيه ؟؟

المشكلة بقى في إيه ؟؟ سرت في الدولة في السنوات الأخيرة فكرة التعيين المؤقت .. كان الواحد يطلع معاش يجيبوا مكانه 10 مؤقتين واتنين تلاتة تعيين ثابت بالكوسة .. لما قامت الثورة أمرت بتثبيت المؤقتين .. يعني المكان أصبح مكدس ..

طيب والأوائل مالهم مش ليهم حق ؟؟ انت بتحسبها بسنين تفوقك والحكومة للأسف بتسبها بالأرقام .. يعني خرج واحد معاش وعندنا 10 مكانه يبقى فيه تكدس مالهومش دعوة هم بقى بالباقي ..

انت دلوقت بتقول الشغل كتير وانا بفلوسي هتعين ... وبعديها بتقول لأ الاعتصام هو الحل .. أنا بقى باقولك لو انت ناوي تدفع فلوس وتتوظف ما اعتقدش إن ده متاح دلوقت لأن لا فيه مجلس شعب ولا شورى وكبار الناس بتوع النظام وقعوا فانت مش عارف هتدفع لمين علشان يعينك وهل الراجل ده صادق والا بينصب عليك ؟؟

أما بخصوص الاعتصام فده أنا باشجعه وبدعوا الناس إليه بسبب تحريك الموضوع والأوضاع للأمام ..

[أبو عمر وإلياس]

دكتور عبد الرحمن.. كل عام أنت بخير.. رمضان كريم .. ربنا يبلغنا وإياك ليلة القدر.. اللهم آمين

لي سؤال بعد إذنك ... هل فعلا تم إلغاء القرار رقم 75 بتعيين معلمي الأجر والعقود على درجة معلم مساعد ؟؟؟ مع العلم إني من أيام قمت بإمضاء إقرار القيام بالعمل وإجراءات التثبيت .. ؟؟؟؟؟؟؟ هل فعلا الكلام على إلغاء التعيين للي اتعين صحيح ؟؟؟؟؟؟؟

[د.عبدالرحمن المنياوي]

إلغاء قرار التثبيت دي إشاعة مش عارف مين مصدرها بس الناس استلمت على الثالثة .. وده أمر منتهي خلاص ..

[donga-kalosha]

that's nice

[خليل المسيرى]

حتى اليوم لا يوجد جديد فى جامعات الأزهر الساعه الان 11 صباحا وعلى انتظار تنفيذ الوعود ونشوف رئيس الجامعه ومصدقية كلامه ايه وربنا ان شاء الله ينصرنا

[خليل المسيرى]

الى الان لم يوجد جديد ولا تم ارسال للأسماء الى التنظيم ولا حاجه الساعه الان 11 صباحا واحنا فى الجامعة ومنتظرين رد رئيس الجامعه ووعده لنا ان يوم الاحد أمس كان آخر مهله وبكده هنعرف من السبب وراء هذه المماطله وعلى فكره فيه ناس مش هتمشى الا متاخذ في ايديها الأسماء وترحو بها التنظيم زى جواب الدرجات وخلى الا قاعد فى بيته مستنى واحد يجبله حقه سلام

[كيميائى اسلام الشاعر]

بسم الله الرحمن الرحيم

لقيت الخبر ده نازل امبارح



"التنظيم والإدارة" يوافق على تعيين أوائل الجامعات من 2003 وحتى 2010

الأحد، 14 أغسطس 2011 - 12:00


كتب وليد عبد السلام

أكد مصدر مسئول بالجهاز المركزى للتنظيم والإدارة أن الجهاز بدأ فى حصر الدرجات الوظيفية بكافة الجهات الإدارية بالدولة والتى تصل إلى نحو 720 وحدة لتحديد الاحتياجات الفعلية لها، لتوزيعها على أوائل الخريجين بالجامعات الحكومية بالدفعات من 2003 وحتى 2010.

وقال المصدر فى تصريحات لـ "اليوم السابع" إن الجهاز وافق على تمويل 6 آلاف درجة وظيفية لتعيين أوائل خريجى كليات جامعة الأزهر للعام الحالى، مشيراً إلى أنه تم إخطار وزارة المالية لتوفير الاعتمادات اللازمة لهذه الدرجات.

وأشار المصدر إلى أنه تم تثبيت العماله المؤقتة بهيئة المجتمعات العمرانية الجديدة وأجهزة المدن والمستوفين لشروط التثبيت، على أن يتم مخاطبة وزارة المالية بها لاعتماد التمويل اللازم.

وكانت الهيئة انتهت من مراجعة إجراءات تثبيت المرحلة الأولى وإرسالها لوزارة المالية ليصبح عدد المدن الجديدة التى تم إرسال بيانات العمالة المؤقتة بها 16 جهاز ومدينة، بالإضافة إلى رئاسة الهيئة.

[sherif 20II]

الخبر ده نزل التلات اللى فات واتعرض من أحد الأعضاء بس فى الأول والأخر ده كلام جرايد

[كيميائى اسلام الشاعر]

http://www.youm7.com/News.asp?NewsID...D=65&IssueID=0

ده الخبر من جريدة اليوم السابع بتاريخ الأحد و لو مكرر يبقا مخسرتش حاجة

[خالد عقيبى]

شكرا للأخت أم رهف على التوضيح ويارب ينتهوا من استكمال أسماء البنات كما قولتى
وأتمنى أن يعلنوا الأسماء حتى يطمئن الناس ويذهب القلق والتوتر
مش عارف ليه التأخير كده المفترض ان البيانات جاهزه من زمان وحتى لو مش جاهزه فى وجهة نظرى اعدادها لا يستغرق كل هذا الوقت يا ريت الموظفين يبطلوا الروتين ده بقى

[خالد عقيبى]

تحياتى للدكتور عبد الرحمن أنا سعيد ان الكل بيحترم حضرتك بهذه الطريقه أكيد انت تستحق هذا الاحترام وجزاك الله خيرا على ما تقدمه من معلومات موثوق منها يستفيد منها الكثير فى المنتدى
وياريت حضرتك تتابع معانا موضوع تعيين أوائل الأزهر معيدين خصوصا ان كان هناك تصريحات من الجامعه ان الموضوع هيخلص اليوم الماضى الأحد والى الأن لم يتم استكمال البيانات المطلوبه ولا تم اعلان أسماء حتى يستريح الأوائل
ولحضرتك منى خالص الاحترام والتقدير وشكرا

[د.عبدالرحمن المنياوي]

المشاركة الأصلية كتبت بواسطة خالد عقيبى

تحياتى للدكتور عبد الرحمن أنا سعيد ان الكل بيحترم حضرتك بهذه الطريقه أكيد انت تستحق هذا الاحترام وجزاك الله خيرا على ما تقدمه من معلومات موثوق منها يستفيد منها الكثير فى المنتدى
وياريت حضرتك تتابع معانا موضوع تعيين أوائل الأزهر معيدين خصوصا ان كان هناك تصريحات من الجامعه ان الموضوع هيخلص اليوم الماضى الأحد والى الأن لم يتم استكمال البيانات المطلوبه ولا تم اعلان أسماء حتى يستريح الأوائل
ولحضرتك منى خالص الاحترام والتقدير وشكرا

لا يفتى ومالك في المدينة .. القديرة أم رهف متواصله معكم ..

[خليل المسيرى]

الساعه الآن الثالثه عصرا ولا جديد فى اعلان الاسماء الأوائل فى الأزهر ولم تنهتى الجامعه من الكشوف يارب يامسهل لازم الكل يتحرك معانا

[خليل المسيرى]

الساعه الان 4.28 بعد العصر ولسه الكليه لم تنهتى من اى شئ وسلمى على اليوم السابع والصثامن والتاسع وحسبى الله ونعم الوكيل انا الان فى طريقى الى بيتى وهناك فاضل حوالى 12 واحد وقفين وفيه 7 اشخاص هيباتوا فى مصر للغد حتى استكمال باقى الكليات للأسماء وعلى فكره

الخ ام رهف الا خلص بس هم 7 كشوف على مستوى الجامعات حتى تاريخه والتباطؤ 100% بسرعة النمله زى ما يكون القرار مكتوب عليه احرق الدم والضغط لحد ما اليائس يركبهم وحسبى الله ونعم الوكيل


ونحن فى انتظار الجديد ولن يكون هناك راحت بال لحد واليائس ليس من شيمتنا

[خليل المسيرى]

أوائل الأزهر يعدون بيانات تعيينهم بالجامعة</STRONG>




قام أكثر من 25 طالبا من أوائل جامعة الأزهر اليوم بمساعدة العاملين المكلفين بحصر وجمع بيانات أوائل الجامعة، التى طلبها الجهاز المركزى للتنظيم والإدارة من الجامعة، تمهيدا لتعيينهم معيدين بالجامعة من خلال العمل معهم فى إدخال البيانات الخاصة بالأوائل على أجهزة الحاسب الآلى، تمهيدا لإرسالها إلى التنظيم والإدارة.

من جانبهم أكد أوائل الأزهر لـ"اليوم السابع"، أن الجامعة كانت قد وعدتهم بإنهاء البيانات والمعلومات المطلوبة الخاصة بالأوائل الأسبوع الماضى، و"بعدها علمنا أن من يقوم بجمع بيانات الأوائل اثنين فقط من الموظفين المكلفين بذلك، لذلك اقترحنا عليهم أن نساعدهم، فوافقوا على ذلك، وقمنا بجمع أكبر عدد من أجهزة "اللاب توب"، وقمنا بمساعدتهم، وأنهينا حتى الآن جمع أكثر من 19 كلية من 70 كلية بجامعة الأزهر، موضحين أنه مطلوب جمع بيانات أكثر من 6 آلاف طالب من أوائل الجامعة التى تم حصرهم للتعيين كمعيدين بالجامعة.

يذكر أن الجهاز المركزى للتنظيم والإدارة قد أرسل خطابا الى الجامعة يطالبها فيه ببيان بأسماء المرشحين لشغل الوظيفة، موزعا على الكليات والأقسام وأسماء من تم تعيينهم بوظيفة معيد أو مدرس مساعد خلال الفترة من خريجى الكليات من 2002 حتى 2010، وذلك لاستكمال الإجراءات الخاصة بتعيينهم.














http://www.youm7.com/News.asp?NewsID=474724&SecID=97&IssueID=168