دفعة ثانوية عامة 2017

[Stevaniii]

المشاركة الأصلية كتبت بواسطة شخص 1

الوزارة منزلة دليل تقويم يا اخواننا

http://elearning1.moe.gov.eg

العربي والانجلش نسخه طبق الاصل من القديم

[Abdelrahman M M]

المشاركة الأصلية كتبت بواسطة جووجووو

جزاك الله كل خير يا دكتر
بس حضرتك كنت شغال مراجعة نهائية جيو من كتاب ايه ؟
اولو تعرف كتب قوية اوي ف الجيو والاحياء
غير الامتحان والاول
وممكن حضرتك تقولي استغل كتاب المدرسة في الفترة دي ازاي
ان انا احل الاسئلة بتاعته بس كدا تمام ولا ايه ؟
وازاي اوفق في الحل الفترة دي بين الكتب الخارجية ومذكرات المراجعة بتاع المدرسين ودليل التقويم وامتحانات ثانوية عامة
ولا كل حاجة فيهم وليها وقتها ؟
معلش بقا هنتعبك معانا

اول نقطه يريت تسيب الدروس خالص فى الفتره دى يعنى لو عايز تروح مراجعه تبقى انجلبزى وفيزياء علشان الافكار ، غير كده انت تقدر تشتغله مع نفسك عادى خالص ، انا سألت قبل كده ناس كتيره بخصوص حوار انى اسيب الدروس وكلهم نصحونى بكده حتى الاولى على ااجمهوريه قالتلى لازم تبقى مع نفسك على الاقل شهر ونصف .

المهم
فى الجلوجيا يكفيك كتاب الامتحان مراجعه نهائيه الماده حفظ ومش محاتجه فهم كتير ، بس اهم حاجه تعملها الفتره دى ما تراجع الباب نفسه من المصدر الى اتعودتوا تذاكروا منه ، امسكوا كتاب المدرسه فى الباب دوت واقرأوه كلمه كلمه ، والكلام الى تلاقيه ناقص فى مصدرك وموجود فى الكتاب علم عليه وانقله عندك ، وركز كويس فى رسومات كتاب المدرسه علشان ساعات كتاب الامتحان بيبقى ملخبط فيها

بالنسبه للأحياء ، عندك كتابةالنفيس الشرح ده جامد وعندك برضو كتاب الفايز ، لو مكنتش حليت فى واحد منهم هاتهم وابدأ حل فيهم بس برضو هات كتاب الامتحان مراجعه نهائية
ونفس النظام بخصوص كتاب المدرسه

الكيمياء عندكم كتاب الامتحان مراجعه نهائيه كان جامد اخر حاجه وكتاب الوافى ، خصوصا كتاب الوافى غى طريقة المراجعه نفسها غير امتحاناته .

بالنسبه لدليل التقويم ، فى وقتنا قالوا انه مزيف ومش الوزاره الى عملاه ، بس طالما الوزاره الى منزلهولكم يبقى تديله الاولويه فى الحل ، وبعد كده تحل فى الكتب التانيه

بالنسبه لحل الامتحانات لازم تحاولوا تبدأوا على نهاية شهر ٣ واوعوا تأخروا عن كده حتى ولو مكنتوش لحقتوا تراجعوا جزء كبير من المنهج

[Stevaniii]

المشاركة الأصلية كتبت بواسطة abdo m a

اول نقطه يريت تسيب الدروس خالص فى الفتره دى يعنى لو عايز تروح مراجعه تبقى انجلبزى وفيزياء علشان الافكار ، غير كده انت تقدر تشتغله مع نفسك عادى خالص ، انا سألت قبل كده ناس كتيره بخصوص حوار انى اسيب الدروس وكلهم نصحونى بكده حتى الاولى على ااجمهوريه قالتلى لازم تبقى مع نفسك على الاقل شهر ونصف .

المهم
فى الجلوجيا يكفيك كتاب الامتحان مراجعه نهائيه الماده حفظ ومش محاتجه فهم كتير ، بس اهم حاجه تعملها الفتره دى ما تراجع الباب نفسه من المصدر الى اتعودتوا تذاكروا منه ، امسكوا كتاب المدرسه فى الباب دوت واقرأوه كلمه كلمه ، والكلام الى تلاقيه ناقص فى مصدرك وموجود فى الكتاب علم عليه وانقله عندك ، وركز كويس فى رسومات كتاب المدرسه علشان ساعات كتاب الامتحان بيبقى ملخبط فيها

بالنسبه للأحياء ، عندك كتابةالنفيس الشرح ده جامد وعندك برضو كتاب الفايز ، لو مكنتش حليت فى واحد منهم هاتهم وابدأ حل فيهم بس برضو هات كتاب الامتحان مراجعه نهائية
ونفس النظام بخصوص كتاب المدرسه

الكيمياء عندكم كتاب الامتحان مراجعه نهائيه كان جامد اخر حاجه وكتاب الوافى ، خصوصا كتاب الوافى غى طريقة المراجعه نفسها غير امتحاناته .

بالنسبه لدليل التقويم ، فى وقتنا قالوا انه مزيف ومش الوزاره الى عملاه ، بس طالما الوزاره الى منزلهولكم يبقى تديله الاولويه فى الحل ، وبعد كده تحل فى الكتب التانيه

بالنسبه لحل الامتحانات لازم تحاولوا تبدأوا على نهاية شهر 3 واوعوا تأخروا عن كده حتى ولو مكنتوش لحقتوا تراجعوا جزء كبير من المنهج

انا عاوزة اسيب الدروس والله بس فيه دروس مش هقدر اسيبها غير ف شهر 4ع ما نكون خلصنا المناهج
متشكرة جدا يا دكتر (:
وياريتتخليك معانا بقا الكام شهر دول
عاوزين حد نقدر نعتمد علي نصايحه

[Abdelrahman M M]

المشاركة الأصلية كتبت بواسطة جووجووو

انا عاوزة اسيب الدروس والله بس فيه دروس مش هقدر اسيبها غير ف شهر 4ع ما نكون خلصنا المناهج
متشكرة جدا يا دكتر (:
وياريتتخليك معانا بقا الكام شهر دول
عاوزين حد نقدر نعتمد علي نصايحه

انا كنت اقصد ان الاغلب تكتفى فقط بالشرح ولما يخلص المستر معاكى تكملى مع نفسك فى البيت علشان تبقى عندكم اكبر كم من الوقت المتاح .

ان شاء الله ان معاكوا لغاية ما تخلصوا على خير

[اسلام صبرى عبد الرحيم]

المشاركة الأصلية كتبت بواسطة abdo m a

هما على ايامنا كانوا مجاوبين كل كلمه فى كتاب الامتحان كيمياء . والفيزياء كانت امتحانات السنين السابقه متجاوبه كلها ، لكن الامتحانات بتاعة الكتاب نفسه مكنتشى متجاوبه .

المتوسط ؛ فى الاول هتتعبوا جدا وهتلاقوا انكم مش مجمعين اى حاجه والامتحان هياخد وقت طوييييل معاكم ، علشان كده لازم تبدأوا الحل بدرى شويه يعنى على اخر شهر ٣ او اول ٤ ، متأخرهوش عن كده . لأن اول امتحانات هتحلوها شامله هتخلى نفسيتكم زفت علشان كده كل ما بدأتم بدرى كل ما كان احسن .

طبعا هتبدأوا بالمتجاوب ، وبعد كده على الغير مجاب ، طبعا متنسوش الحاجه الى تقف قصادكم تعلموها بالقلم الاحمر علشان تركزوا عليها وتراجعوها ليلة الامتحان .

تمااام أوي شكراً يا دكتور

المشاركة الأصلية كتبت بواسطة جووجووو

العربي والانجلش نسخه طبق الاصل من القديم

العربي فرق الدروس والنصوص الجديدة + اكتب 20 سطر في موضوع التعبير + مش فاكر بالظبط الأدب فارق حاجة ولا لأ .

[Norhan Mostafa]

انتوا بتكتبوا تعبير؟

[Stevaniii]

بإذن الرحمن كمان 3 او4 شهور ونحقق احلامنا يا زملائي (:

[Stevaniii]

اللي معاهم كتاب الوسام فيزياء
ص87 رقم 2
حد حلها ؟

[Stevaniii]

المشاركة الأصلية كتبت بواسطة norhan mostafa

انتوا بتكتبوا تعبير؟

لسا اول تعبير كتبتوا انهاردا يا نور
الموضوع بتاع 2015 دور اول
ربنا المعين والفترة الجايا دي نكتب واحد كل اسبوع

[Stevaniii]

المشاركة الأصلية كتبت بواسطة شخص 1

تمااام أوي شكراً يا دكتور



العربي فرق الدروس والنصوص الجديدة + اكتب 20 سطر في موضوع التعبير + مش فاكر بالظبط الأدب فارق حاجة ولا لأ .

كتر خيرهم والله انهم غيروا المواضيع القديمة (:
طب كانوا شالوا مفردات القصة بالمرة مش هي اتلغت بردوو
بس اعتقد سايبينها ك شئ من التدريب
متنساش تحل القطع النحوية اللي في الاخر دي مهمه

[Stevaniii]

المشاركة الأصلية كتبت بواسطة جووجووو

اللي معاهم كتاب الوسام فيزياء
ص87 رقم 2
حد حلها ؟

خلاص الحمد لله حلتها

[Mohamed Dokdok]

التجديد المفروض يكون للتطوير
ممكن حد يقولي القيمة المستفادة من نص زي من انت يا نفس ده ؟ وبجد مش بتريق انا ذاكرت اول 3 مقاطع مفيش اي استفادة
طب المفروض البوكليت لمحاربة الغش و الحفظ
ازاي احارب الحفظ و في المنهج المطور برضو يبقى في حفظ اخر فقرة من التكافل الاجتماعي وحفظ الرثاء وحفظ اخر مقطعين من من انت يا نفس

[Norhan Mostafa]

المشاركة الأصلية كتبت بواسطة norhan mostafa

انتوا بتكتبوا تعبير؟

هكتب بقي انا كمان

[Stevaniii]

المشاركة الأصلية كتبت بواسطة mohamed dokdok

التجديد المفروض يكون للتطوير
ممكن حد يقولي القيمة المستفادة من نص زي من انت يا نفس ده ؟ وبجد مش بتريق انا ذاكرت اول 3 مقاطع مفيش اي استفادة
طب المفروض البوكليت لمحاربة الغش و الحفظ
ازاي احارب الحفظ و في المنهج المطور برضو يبقى في حفظ اخر فقرة من التكافل الاجتماعي وحفظ الرثاء وحفظ اخر مقطعين من من انت يا نفس

ايوة للاسف معظم الحاجاتاللي احنا بنذاكرها بتستهلك وقت ومجهود وبس
بس احنا مضطرين

[Stevaniii]

هو senior وtop student مراجعة نهائية مفيش ليهم اجابات ؟