الحملة الكبرى لإسترداد حقوق المدرسين المتعاقدين ( للإيجابيين فقط )

[محمد عاطف 22]

المشاركة الأصلية كتبت بواسطة المؤمنه بالله

والله شى جميل انك تجمع 300 بس كفر الشيخ ممكن تجمع منها الف وفعلا الناس الاقوياء اللى زى حضرتك احنا محتاجينهم لمسانده الحمله وشكرا جدا على حماسك وربنا يوفقك وتقدر تجمع 500 علشان كل ما العدد زاد كان احسن

طبعا كفرالشيخ فيها اضعاف العدد دة وعلى فكرة اخت-المؤمنة بالله-
انا بكلم زمايلى انهم فعلا يشتركوا فى الحملة وعلى الفيس بوك كمان
وربنا يكرم ان شاء الله

[(هند)]

المشاركة الأصلية كتبت بواسطة أبو عمر سعد زغلول

انا سمعت يا جماعة اننا هنمتحن لغة انجليزية فى الاكاديمية ما مدى صحة هذه المعلومة

السلام عليكم
حضرتك هتمتحن اربع امتحانات
لغة انجليزية
تربوى
لغة عربية
مادة التخصص
؟؟
ربنا معانا

[(هند)]

المشاركة الأصلية كتبت بواسطة محمد عاطف 22

طبعا كفرالشيخ فيها اضعاف العدد دة وعلى فكرة اخت-المؤمنة بالله-
انا بكلم زمايلى انهم فعلا يشتركوا فى الحملة وعلى الفيس بوك كمان
وربنا يكرم ان شاء الله

الحمد لله ده شغل كويس قوى بس عايزين نركز اكتر فى المرحلة دى على التوكيلات

[وليد سرحان]

الله معانا ونببدأ برجواة

[الاستاذ علاء]

الاستاذ علاء الشريف
معلم مساعد لغه عربيه
للتواصل مع الزملاء
محمول / 0120767242

[المؤمنه بالله]

كتبهاصوت معلمي مصر ، في 5 أكتوبر 2009 الساعة: 15:19 م

بيان عاجل
مع بدء العام الدراسي - استغلال بشع للمعلمين الشبان وانتهاك للقانون

وردت للمركز المصري للحق في التعليم معلومات وشكاوي من عدد من المعلمين من محافظات وإدارات تعليمية مختلفة تفيد بالآتي :
1- الإهدار الكامل لحقوق شباب المعلمين عن طريق استمرار التعاقد معهم بالمكافأة الشاملة والعقد الموسمي والعمل بالحصة وهو ما يجعل دخلهم الشهري لا يصل إلي 100جنيه شهريا رغم مضاعفة العمل الذي يقومون به بسبب خطة الوزارة لمواجهة وباء الأنفلونزا( الشرقية , كفر الشيخ , القاهرة, البحيرة, شمال سيناء , القليوبية, المنوفية,الفيوم ,قنا.. وغيرها من المحافظات)
2- قيام الموجهين بتكليف بعض المعلمين الشبان في المدارس الخاصة بالعمل في مدارس حكومية دون أجر أو تعاقد ( في مقابل الدروس التي سيقومون بإعطائها والوعد بالتعاقد معهم مستقبلا) ( إدارة السلام التعليمية بالقاهرة)
3- قيام نقابة المهن التعليمية بخصم مبلغ 3 جنيهات شهريا من كل معلم بحجة تخفيض نفقات العلاج بمستشفي النقابة في حالة المرض( محافظة القليوبية)
4- الفساد المالي والإداري في توزيع الجداول والصفوف ( وهو ما يؤثر في سوق الدروس الخصوصية ) وفي تحديد نسب للمجموعات المدرسية يدفعها المدرس خصما من راتبه حسب عدد الفصول التي يقوم بالتدريس لها ( جميع المحافظات )
5- التعاقد بوظيفة معلم مساعد ( الراتب 300جنيه شهريا ) مع من لا يستحق وترك من هم أجدر بحسب المؤهل والتقدير والتأهيل التربوي والدراسات العليا)
6- خصم اشتراك نقابة المهن التعليمية في حين أن النقابة ترفض ضم هؤلاء المعلمين
7- التهديد المستمر من قبل المسئولين الإداريين بالأمن وبإمكانية الحرمان من التعيين بناءا علي تقارير ترسلها الإدارات لأمن الدولة( الشرقية , الإسكندرية, القاهرة)
8- إساءة المعاملة والتحقير من قبل الرؤساء المباشرين ( قال مدير المدرسة لإحدى المدرسات : الماجستير بتاعك أنا أحطه تحت جزمتي )(القاهرة)

ويري المركز المصري للحق في التعليم أن هذه الممارسات المؤسفة بل والمخجلة التي يعاني منها المعلمون المصريون وخاصة الشباب تشكل المستوي الرسمي للعنف المدرسي المرتبط بانتهاك الحق في العمل في كل مؤشراته ومعاييره . كما يري المركز أن الحل الإعلامي والذي يتمثل في الإنكار الدائم من قبل الوزارة وقياداتها علي مختلف مستوياتهم سوف يزيد الأمر سوءا . ويؤكد المركز علي أن الاستغلال الإعلامي للقانون 155لسنة 2007والمعروف إعلاميا بقانون الكادر ليس سوي تعمية علي بنية الاستغلال والاستبداد التي تحكم التعليم المصري والتي تمهد الطريق عمليا إلي تسليع الحق في العمل والتعليم معا كما هو الحال في تعيين معلمي الأزهر وعمال مدارسه الذين يشترون فرص العمل .

وأخيرا يري المركز المصري للحق في التعليم أن لا سبيل إلي حل مشكلات التعليم سوي بالآتي :
1- عودة التكليف لخريجي كليات التربية وتعيين كافة المعلمين المتعاقدين بأثر رجعي
2- التدريب الحقيقي والعلمي للمعلمين حسب احتياجاتهم المهنية والمتابعة والتقويم المستمرين
3- قيام المعلمين بتكوين نقاباتهم المستقلة
4- محاسبة قيادات نقابة المهن التعليمية مهنيا وجنائيا إذا ثبت مخالفتهم للقانون
5- وقف العمل بالقانون 79لسنة 69الخاص بإنشاء نقابة المهن التعليمية والعمل علي وجود قانون جديد يضعه المعلمون أنفسهم
6- العمل علي تخفيض كثافات الفصول بشكل منهجي عبر تفعيل توصية المجلس الأعلى للتعليم قبل الجامعي والصادرة عام 2005 والخاصة باحتياج مصر إلي 33ألف مدرسة حتى عام 2017
7- التوزيع العادل لمخصصات الأجور في قطاع التعليم والذي يكفل وحده حدا أدني لأجر كل من يعمل بالتعليم يصل إلي 1000جنيه شهريا.

المركز المصري للحق في التعليم
القاهرة – مدينة السلام-26عمارات صف ضباط السلام الدور الثاني – شقة 12
تليفون : 0222783795موبايل 0103603256
Email :ecer_eg***********

http://teachersvoice.maktoobblog.com...%d9%86-%d8%a7/

[المؤمنه بالله]

ياريت الكل يتفاعل مع المركز المصرى للحق فى التعليم
وياريت نبدا بكره بعمل التوكيلات كل واحد للمعهد بتاعه واللى مش عاوز يدفع ياريت الباقى يشترك ويدفع له علشان احنا الكسبانين على المدى البعيد اذا كان هو مستخسر عشرين جنيه فنحن هنخسر مصدر دخلنا كله فياريت نكبر دماغنا ونحاول نساعد بعض ونقنعه او ندفع له ونفهمه

[(هند)]

السلام عليكم
جزاك الله كل خير يامؤمنة
عايز اضيف للمعاملة السيئة للمتعاقدين نفيهم لمدارس بعيدة بحجة انك متعاقد لسه مش متثبت نبهدل فيك هو انت كنت لاقى شغل دلوقتى بتتامر شفتوا وصلنا لمرحلة ايه ؟؟
ياريت ياجماعة بسرعة نخلص التوكيلات
هقولكم حاجه نفترض انا القضية مكسبنهاش هنكسب حاجه اكيد انهم هيعرفوا انننا مش هنسكت ونطالب بحقنا والاهم من كده عارفين كويس حقنا وعارفين هنجيبة منين وازاى

[alirahim]

يجماعة على فكرة فى استجابة جامدة جدا من زملائى المتعاقدين يعن الموضوع دخل حيز اهتمام من الجميع وفية كمان اعضاء مجلس شعب متحمسين للمشاركة الفعالة معانا بس ياريت نلاقى استجابة من محافظات كثيرة نايمة فى الخط ومعندهاش اى فكرة بالموضوع ياريت ياجماعة اللى يعرف حد من محافظة اخرى يبلغة واحنا مش اقل من هانى رمز فى فيلم عايز حقى لماجمع توكيلات من الجمهورية كلها

[alirahim]

والله العظيم انا زعلان من السلبية فى كلام الخت اللى سمعت انها هتتعين بمجرد نجاحها فى امتحان الحصول على شهادة الصلاحية لمزاولة المهنة لان هو ده اسم الامتحان اللى هندخلة وليس امتحان كادر كما بعض الزملاء يسموه لان ده كلام السيد المحترم الوزير يعنى ممكن تكونى حضرتك بتشتغلى من 10سنوات ولسة عايز يعرف انتى تصلحى ام لا وبعد كدة ياتتعينى ياتروحى ولسة مصدقة كلام السيد المسئول اللى اكدلك والله احنا بنسمع الكلام دة من اول التعاقد وكل يوم يطلعو حاجة جديدة يعجزوا بيها الناس

[(هند)]

المشاركة الأصلية كتبت بواسطة alirahim

يجماعة على فكرة فى استجابة جامدة جدا من زملائى المتعاقدين يعن الموضوع دخل حيز اهتمام من الجميع وفية كمان اعضاء مجلس شعب متحمسين للمشاركة الفعالة معانا بس ياريت نلاقى استجابة من محافظات كثيرة نايمة فى الخط ومعندهاش اى فكرة بالموضوع ياريت ياجماعة اللى يعرف حد من محافظة اخرى يبلغة واحنا مش اقل من هانى رمز فى فيلم عايز حقى لماجمع توكيلات من الجمهورية كلها

جزاك الله كل خير
ايوة كده عايزين نشوف اخبار حلوة يعنى كام توكيل معاك ان شاء الله

[(هند)]

السلام عليكم
ولا ممكن تكون صلاحيتنا انتهت يعدمونا هههههههههههههه
والله حرام

[alirahim]

لحد دلوقتى ياهند ممكن نقول 100 توكيل ان شاء الله بس احب اعرف الاخوة الزملاء ان اللى هيدخلوه ان شاء الرحمان ليس امتحان كادر على حد معلوماتى اللى جمعتها عن المتحان ولكن ده امتحان علشان يعرف الوزير انت تصلح ام لا وعلشان كدة سماه امتحان الصلاحية لمزاولة المهنة الصراحة حاجة تضحك ههههههههههه

[alirahim]

حاجة تزعل اوى لمامحدش بيتصفح الموضوع غير 2بس

[mr.perfect1]

طب بالنسبه بقى لللى لسه مش لاقى اى تعاقد لحد دلوقتى دفعه 2006 وواخد دبلومه عامه تربوى وليسانس اداب انجليزى يولع فنفسه ولا ييعمل ايه برجاء تدعولى يجماعه