رابطة طلاب هندسة عين شمس الجدد

[figo_ff]

المشاركة الأصلية كتبت بواسطة mahmoud atiya

بشمدهندس فهمى ممكن يفيدك ..

-----------



صحيح يا جماعه .. انا بدور على قاموس مصطلحات هندسيه .. شويه كدا وهجبلكم واحد محترم

انا اللي اعرفه انه يوم الاحد زي ما سالت والله عليك يا محمود بافكارك الجميلة مستنين افكارك وجديدك

[ENG.HAGAR]

السلام عليكم يا شباب الهندسة
هو صح الباش مهندس محمود عمل ايه فى التظلم انهارده ؟؟

[mahmoud atiya]

المشاركة الأصلية كتبت بواسطة ENG.HAGAR

السلام عليكم يا شباب الهندسة
هو صح الباش مهندس محمود عمل ايه فى التظلم انهارده ؟؟

والله يا بشمهندسه هاجر لو اتكلمت كتير فى التظلم دا .. يبقى هموت نفسى احسن !!

انا موش هتكلم .. انا هسيب الصور تتكلم !!!

انا جبت 48 فيزياء ! .. المهم انا قلت اكيد ال درجتين دول

واحده السؤال الاول فى الاستخدامات ( المقاومه االموصله فى الجلفانوا ميتر ) .. كنت عاملها صح ومتأكد وكل زميلى زى

( بس شفت نوذج الاجابه كان فى اجابه غريبه شويه .. ) .. ودى برده المدرسين قالولى الاثنين صح

و الدرجه التانيه قلت هنفقصها علشان كتبت كفاءه المكبس الهيدروليكى موش الفائده الاليه ( بس كتبت الرمز و كلمه ايتا )


المهم رحت التصحيح ..

دخلت ادونى ورقتى اجابتى ( صوروها وعملوها زى ورقه الامتحان بالظبط .. بس تصوير موش الاصل )

دخلت فى المدرج انا وواحد صاحبى برده عامل تظلم فيزياء

المهم فتحت الورقه : لقيت حاسبلى الدرجتين اللى كنت متوقع انى هنقصهم صح !!!!!!!!!!!!

قلت طب الحمد لله ادور بقى نقصنى فى ايه !!!


لقيت مدينى نصف فى تعريف قوه التفريق اللونى من واحد !!!

انا كاتب " تقدر بالنسبه بين الانفراج الزاوى الى الانحراف المتوسط " .. ودىاجابه موجوده فى كتب خارجيه كتير .. وورق استاذى برده !

طيب لييييييييه يا عم تنقصنى ؟؟؟ موش عارف ( ودى كتبتها فى الملاحظات علشات تتصححلى تانى من المستشار )

ودى صوره صورها زميلى لما رحت اشترى اقلام ( صورها وقالى على فكره انا صورت كله الاجابات علشان يبقى معانا اثبات مادى ) والمدرس موش واخد باله .. ( مينفعش اصور حاجه او الورقه تطلع بره اللجنه على فكره .. قانويا خطأ )


تانى حاجه ودى اغرب


فى السؤال السادس ..

ما النتائج

وجود اسطوانه مشطوره

الاجابه هيا " تقويم التيار الكهربى المار فى الدينامو .. " لحد هنا صح !! تمام وممكن تسألى اى مدرس

انا كاتب بالظبط " يحدث عندئد تقوم التيار الكهربى المتولد فى الديناموا بحيث يكون التيار المار فى الدينامو ثايت الشده موحد اتجاه "

احنا اخدت صفــــــــــــــــــــــــــــــــــــــــــــــــ ــــــــــــــــــــــــــــر


صاحبى كاتب ( اللى كان معايا ) " تقويم التيار الكهربى المار فى الدينامو بجعله موحد الاتجاه " .. والرسمه مكنتش مطلوبه ( ومفيش حد عملها من اصحابىا للى جابوا 50 )
دى ورقه صاحبى



ودى ورقتى ( السؤال الرابع فى ما النتائج .. )




يا عم انا موش هقول الاجابه صح 100 % .. بس ادينى نصف درجه على الاقل !!!! ليييييييييييييييييييه صفر ليييييييييييييه صفر

والتعريف واقسم بالله صح 100%

وانا كتبت دا فى الملاحظات !!!


--------------------------------


بس والله يا بشمهندسه انا موش هزعل لو مجتش اى حاجه ( ومع انى هموت على النصف درجه اللى شايف انها من حقى من 1.5 درجه حقى اساسا كلهم ) ...

انا بدأت انسى ..

والله والله من اول ما بدأت اتواصل معاكم فى التوبيك بقيت استربح اكتر .. .. وحاسس انى هتأقلم فى الكليه دى اسرع مما انا متخيل


انا كل المواد لو عملت فيها تظلم هزيد .. ( ولو كنت عملت فى 2 ثانوى كنت هبقى الاول على علمى رياضه فى مدرستى ) .. لكن لحظوظ تقسم ..

اللى ربنا كاتبه اكيد هرضى بيه


--------------------


فيجو فييييييييييييييييييييين ؟

[ENG.HAGAR]

والله يا بشمهندسه هاجر لو اتكلمت كتير فى التظلم دا .. يبقى هموت نفسى احسن !!

ياباش مهندس صلى على النبى واستهدى بالله وحضرتك دخولك كليه هندسة عين شمس يعنى انك من المتفوقين وكون واحد مش عاجبه اجابتكم او كدة والله صدقنى ربنا هيعوضك خيير .

المهم فتحت الورقه : لقيت حاسبلى الدرجتين اللى كنت متوقع انى هنقصهم صح !!!!!!!!!!!!

سبحان الله الحمد لله ان الاجابةاللى حضرتك شاكك فيها لحد دلوقتى صح .

انا كاتب " تقدر بالنسبه بين الانفراج الزاوى الى الانحراف المتوسط " .. ودىاجابه موجوده فى كتب خارجيه كتير .. وورق استاذى برده !

طيب لييييييييه يا عم تنقصنى ؟؟؟ موش عارف ( ودى كتبتها فى الملاحظات علشات تتصححلى تانى من المستشار )

بص يا باش مهندس محمود الدكتور اللى كان بيدينا فيزياء كان دائما بيقول كلمة ودى انا استفدت منها جداا
وهى ان الواحد لو كتب حاجة غلط يبقى مش هتتساب يعنى هينقص لان اى حاجة فى الفيزياء غلط يبقى انا مش فاهمه الجزئية دى كويس وهينقصنى عليها حتى لو كانت مش مطلوبة فى السؤال . تخيل بقى ّّ!!
لدرجة انى فى الامتحان كتبت حاجة زيادة وشكيت فيها وبعدين شطبت عليها .
بص هى المفروض تحدد انحراف متوسط بين انهى الوان بالظبط يعنى المتوسط ده بيتجاب ممكن بين اى لونين على فكرة
علشان كدة ممكن يكون هو منقصك فيها و الله اعلم . يعنى يا باش مهندس محمود اللى اقصده والله انى مش الومك بس انت كتابتك مظبوطة لكن ممكن تكون ناقصه . تخيل مثلا الالوان كتيرة جدا وممكن بين اى لونين اجيب لون متوسط بينهم علشان كدة من الافضل ان الواحد يقول اللون المتوسط بين الشعاعين الكذا والكذا .

ما النتائج

وجود اسطوانه مشطوره

الاجابه هيا " تقويم التيار الكهربى المار فى الدينامو .. " لحد هنا صح !! تمام وممكن تسألى اى مدرس

انا كاتب بالظبط " يحدث عندئد تقوم التيار الكهربى المتولد فى الديناموا بحيث يكون التيار المار فى الدينامو ثايت الشده موحد اتجاه "

احنا اخدت صفــــــــــــــــــــــــــــــــــــــــــــــــ ــــــــــــــــــــــــــــر

والله العظيم انا قولت ايه اللى ممكن يكون غلط قبل ما اتأكدت من جملة زميل حضرتك .
الخطأ بيكون هو ان التيار ثابت الشدة تقريبا . لان التيار عمره ما هيكون ثابت الشدة والا ماكناش استخدمنا محول يجيب التيار لحد
البيت .
التيار اللى فى البيت زى ما حضرتك عارف تيار متردد .
بالتالى هو نقصك لان كتبت معلومة غلط حتى لو كانت زيادة .
بس بصراحة المفروض يعديلك الجزئية دى لانك راسم الرسمة
انا والله راسماها كمان علشان الواحد يضمن ان الواحد فى السليم .

يا عم انا موش هقول الاجابه صح 100 % .. بس ادينى نصف درجه على الاقل !!!! ليييييييييييييييييييه صفر ليييييييييييييه صفر

والتعريف واقسم بالله صح 100%

وانا كتبت دا فى الملاحظات !!!

زى ما قولت لحضرتك هو نقصك لانك قولت معلومة ممكن هو يكون شايفها مصيبة لان معنى كدة ان حضرتك معتقد ان التيار اللى خارج منه ثابت الشدة وبكدة انا مش هستخدم المحول وبكده الواحد ما عرفش مسائل عن الدمج بين المحول والدينامو .
بس هو بصراحة دقيق جداا ونقصك على حاجة ممكن يعديها لو شاف رسمتك واجتهادك فى الورقة وده واضح فعلا والله .

بس والله يا بشمهندسه انا موش هزعل لو مجتش اى حاجه ( ومع انى هموت على النصف درجه اللى شايف انها من حقى من 1.5 درجه حقى اساسا كلهم ) ...

انا بدأت انسى ..

اهم حاجة انك ما تضايقش نفسك بسبب غلط غيرك
حضرتك من حقك كم معين من الدرجات هتيجى او مش هتيجى الخير ان شاء الله مكتوبلك فى اى مكان لان ده قدر ربنا .

انا كل المواد لو عملت فيها تظلم هزيد .. ( ولو كنت عملت فى 2 ثانوى كنت هبقى الاول على علمى رياضه فى مدرستى ) .. لكن لحظوظ تقسم ..

اللى ربنا كاتبه اكيد هرضى بيه

صدقنى وانا كمان والله انا يا سيدى نقصت السنة اللى فات بالظلم 3.5 انجلش والمستر قاللى مش هتنقصنى اكتر من درجة ونص تخيل بقى صدمتى . وكمان الكيمياء والله نقصت السنة اللى فاتت 3 درجات والمفروض انقص 2 درجة لكن ما عملتش تظلم وقولت ان شاء الله ربنا يعوضنى السنة اللى جايه
وجبت توتال السنى دى 97 بالرغم انى مظلومة والله فى العربى نقصت 4 درجة . دى كانت ممكت تخلينى اجيب 98 شفت بقى ده غير درجات الانجلش يعنى كان ممكن اوصل لـ 98.5 at least
هتلاقى كتير مظلومين
واحسن حاجة انك وصلت لدرجة الرضا انك تكون راضى عن قدر ربنا سواء فى عين شمس او كايرو
يارب ما تضايقش لو انى اتكلمت عن موضوع دقة المعلومة لكن دى امانة ولازم اقولها
وكمان حضرتك هتكون متفوق فى اى مكان وده اللى انت المفروض تثبته للايام
ربنا يوفقك يااااااااارب .
بالنسبة لفيجو انا والله ما اعرفش فين !!

[bode93]

el t2deeem emta fl; gam3aaa ??

[ENG.HAGAR]

el t2deeem emta fl; gam3aaa ??

يوم الاحد باذن الله من الساعة 9 الى 12 صباحا

[mahmoud atiya]

موش هعلق على ردك على الورقه .. نبص لادام احسن

-----

بصى موضوع الانجلش انا جبت 23 انجلش فى 2 ثانوى ( حقى 24 ) .. بس فى 3 ثانوى استهبلت شويه ومكنتش بروح درس انجلش ( كنت مركز فى الاكست ، كلمات كتييييييييير كتييييييييييير وقواميس احفظها ، و البرونانسياشن النطق الصح ) واخدت كورسيز ونزلت كورسيز كتير .. وبستخدم كامبريدج كقأموس ناطق ( هوا الافضل مع اوكسفورد اكيد )

كان ليا برسيتج فى المدرسه .. وكنت بغلط مدرسينى فى النطق !! .. والكلمات اللى اصلا مسمعوش عنها فى الانجلش ( لانى بدخل على مواقع الياربن دكشينريز .. القواميس اللى بتنزل كل يوم كلمات جديده .. مثلا كلمه because .. ممكن تكتبى cos او coz او cuz ) .. بركز فى الحتت دى اوى لانها بتخيلنى دستنكتيف فى مدرستك او بين اصحابك

وفى الاخر دخلت الامتحان لقيييييييييت عبط عبط .. ومع ذلك ونقصت 3 درجات


انا نقصت 3 كيمياء و 3 فرنساوى !! ( لو 3 بس كنت خدتهم زى حد كنت هبقى الاول على علمى رياضه فى مدستى )

بسسسس قلت موش مهم قدر الله ما شاء فعل


---------------


موش مهم نتفائل بققققققققققققققققققققى ..

نبص فورورد ادمنا

[ENG.HAGAR]

موش هعلق على ردك على الورقه .. نبص لادام احسن

-----

بجد يارب ما يكونش حضرتك مدليق من كلامى وياريتتكون حضرتك اقتنعت بيه .

بصى موضوع الانجلش انا جبت 23 انجلش فى 2 ثانوى ( حقى 24 ) .. بس فى 3 ثانوى استهبلت شويه ومكنتش بروح درس انجلش ( كنت مركز فى الاكست ، كلمات كتييييييييير كتييييييييييير وقواميس احفظها ، و البرونانسياشن النطق الصح ) واخدت كورسيز ونزلت كورسيز كتير .. وبستخدم كامبريدج كقأموس ناطق ( هوا الافضل مع اوكسفورد اكيد )

كان ليا برسيتج فى المدرسه .. وكنت بغلط مدرسينى فى النطق !! .. والكلمات اللى اصلا مسمعوش عنها فى الانجلش ( لانى بدخل على مواقع الياربن دكشينريز .. القواميس اللى بتنزل كل يوم كلمات جديده .. مثلا كلمه because .. ممكن تكتبى cos او coz او cuz ) .. بركز فى الحتت دى اوى لانها بتخيلنى دستنكتيف فى مدرستك او بين اصحابك

هو حضرتك كنت بتاخد كورسات فين ؟ وادينا معلومات عنها ياريت .
الواحد كان ببيتقال عنه شكسبير فى المدرسة من كتيرة ان النطق بتاعى صحيح وعندى حب للانجلش
وفى الاخر جبت توتال 45.5 من 50
الحمد لله السنة دى نقصت درجة اونلى .
وكمان النسة اللى فاتت كنت حاله كل الجزئيات الصعبة صح والله وحدث ما اراده الله وكمان حليت الجزئيات السهلة تقريبا كلها صح
يعنى لو نقصت بالكتير قدامى درجة ونص حلو اوى ونقصت 3 درجات ونص .

بسسسس قلت موش مهم قدر الله ما شاء فعل

فعلا قدر الله وما شاء فعل

موش مهم نتفائل بققققققققققققققققققققى ..

نبص فورورد ادمنا

اخيرا يا باش مهندس قولتها فعلا اهم حاجة نتفائل .
بس كنت عايزه راى حضرتك فى كلامى اللى فوق هل هو منطقى ولا ايه بالظبط ؟؟؟ ولو مدايق حضرتك السؤال ده مش مهم تجاوب عليه .

[mahmoud atiya]

المشاركة الأصلية كتبت بواسطة eng.hagar

بجد يارب ما يكونش حضرتك مدليق من كلامى وياريتتكون حضرتك اقتنعت بيه .

هو حضرتك كنت بتاخد كورسات فين ؟ وادينا معلومات عنها ياريت .

معهد سوزان مبارك .. واخذت كورسين فى مكتبه خالد ابن الوليد .. انا كنت بروح المكتبه قرأءه اطلاع وقلت بالمره اخد كورسيز وكمان قريبه منى .. عندك المعنهد البريطانى و الجماعه الامريكيه ( دى للمعاهم فلوس .. موش انا اكيد ) لان ممكن الكورس يعدى 7 الاف ( واصلا الكورس بيقعد 12 او 13 سيشن محاضره او لقاء ) !!

انا مرحتش السنادى علشان الوقت كان مضغوط وخلصنا متأخر .. وكنت مستنى النتيجه .. وبعدين التنسيق ..

بس بعمل بروفيجن لنفسى اكيد فى البيت .. بحاول اطور من مستوالى فى الاجلش اكيد


الواحد كان ببيتقال عنه شكسبير فى المدرسة من كتيرة ان النطق بتاعى صحيح وعندى حب للانجلش

لا انا مسمينى ( بنات وصبيان ) .. محمود بتاع الانجلش لانى كنت قابل المدرسه وعايش دور اللى عاش فى امريكا طول عمره ( بس من غير تكبر واقسم بالله .. هوا علشان لهجتى قويه جدا زى الاجانب والبروناسياشن دقيق اوى اوى ودا للاسف مدرسينا موش بيركزوا فيه !! )
وفى الاخر جبت توتال 45.5 من 50
الحمد لله السنة دى نقصت درجة اونلى .
وكمان النسة اللى فاتت كنت حاله كل الجزئيات الصعبة صح والله وحدث ما اراده الله وكمان حليت الجزئيات السهلة تقريبا كلها صح
يعنى لو نقصت بالكتير قدامى درجة ونص حلو اوى ونقصت 3 درجات ونص .

فعلا قدر الله وما شاء فعل

اخيرا يا باش مهندس قولتها فعلا اهم حاجة نتفائل .
بس كنت عايزه راى حضرتك فى كلامى اللى فوق هل هو منطقى ولا ايه بالظبط ؟؟؟ ولو مدايق حضرتك السؤال ده مش مهم تجاوب عليه .

انا والله اللى يعرفنى هيعرف انى اكتر وااااااااااااااااحد متفائل عرفه ( بس يقدر يفرق بين انه واقعى ومتشائم !!! ) ..

[ENG.HAGAR]

طيب استأذن حضرتك يا باشمهندس محمود
وياريت حضرتك تقول رأيك فى كلامى على موضوع التظلم ده اذا ما كانش يضايق حضرتك
وربنا يوفقك ويرجعلك كل درجة تستحقها ياااااااااااااااااااااارب .

[ENG.HAGAR]

معهد سوزان مبارك .. واخذت كورسين فى مكتبه خالد ابن الوليد .. انا كنت بروح المكتبه قرأءه اطلاع وقلت بالمره اخد كورسيز وكمان قريبه منى .. عندك المعنهد البريطانى و الجماعه الامريكيه ( دى للمعاهم فلوس .. موش انا اكيد ) لان ممكن الكورس يعدى 7 الاف ( واصلا الكورس بيقعد 12 او 13 سيشن محاضره او لقاء ) !!

انا مرحتش السنادى علشان الوقت كان مضغوط وخلصنا متأخر .. وكنت مستنى النتيجه .. وبعدين التنسيق ..

بس بعمل بروفيجن لنفسى اكيد فى البيت .. بحاول اطور من مستوالى فى الاجلش اكيد

بس هى مكتبة سوزان مبارك دى اللى فى مصر الجديدة ؟
ياريت تدينا معلومات عنهم يا باش مهندس اكتر يعنى المستويات وكمان امتحان تحديد المستوى والاسعار وكدة .
وكورسات خالد بن الوليد دى فين بردو انا اول مرة اسمع عنها .!!
فعلا كورسات المعهد غالية وكمان بتاعة الجامعة الامريكية مش جامدة كان فى ناس كتيرة بيعيبوا فيها . ان ادشن تو الاسعار .
بس حضرتك بتعمل بروفيجن لنفسك ازاى يعنى ؟؟ من خلال المواقع اللى حضرتك بتبعت لك الكلمات الجديدة ولا حاجات تانية .؟

لا انا مسمينى ( بنات وصبيان ) .. محمود بتاع الانجلش لانى كنت قابل المدرسه وعايش دور اللى عاش فى امريكا طول عمره ( بس من غير تكبر واقسم بالله .. هوا علشان لهجتى قويه جدا زى الاجانب والبروناسياشن دقيق اوى اوى ودا للاسف مدرسينا موش بيركزوا فيه !! )

فعلا الواحد لما تكون الاكسنت بتاعته مميزة بيبقى مشهور فى المدرسة وكمان بسبب ان الاوحد عايز يتعلم صح مش مجرد جرامر وكلمات وخلصت على كدة .

انا والله اللى يعرفنى هيعرف انى اكتر وااااااااااااااااحد متفائل عرفه ( بس يقدر يفرق بين انه واقعى ومتشائم !!! ) ..

اكيد فى فرق يا باش مهندس
وفعلا فى اوقات الواقعية بتبقى هى الحل المنظقى زى مثلا المشاكل الواحد دايما بيبقى محتاج حل منطقى مع شوية تفاؤل علشان تبقى النتيجة كويسة .
بارك الله فيك

[mahmoud atiya]

المشاركة الأصلية كتبت بواسطة ENG.HAGAR

بس هى مكتبة سوزان مبارك دى اللى فى مصر الجديدة ؟

عنونها محطه مترو كوبري القبه القاهره ..

ودا توبيك فيه كل الداتا اللى عيزاها

http://www.2gna.com/vb/showthread.php?t=3714 .. الكورس بحوالى 400 الى 500 جنيه .. تحديد المستوى من 50 الى 70 جنيه .. الكتاب بتاع المستوى من 40 الى 70 جنيه
ياريت تدينا معلومات عنهم يا باش مهندس اكتر يعنى المستويات وكمان امتحان تحديد المستوى والاسعار وكدة .
وكورسات خالد بن الوليد دى فين بردو انا اول مرة اسمع عنها .!!

بصى نفس اللى هنقوله على سوزان مبارك .. نقوله على خالد ابن الوليد

بس اسعار اقل .. الكورس ب 300 .. او 350 حوالى 12 او 13 سيشن .. تحديد المستوى 50 جنيه .. لازم عضويه فى المكتبه ب 40 جنسه ( واعتقد سوزان برده كدا ) .. والكتاب ب 50 جنيه

بس اقل برستيج ( على ما اسمع .. اقل تطور .. وان كانت كويسه موشوحشه خالص )

بس ك كورسز ورايح تتعلم بجد يبقى خالد بن الوليد افضللل بكتير .. ( برده على ما اسمع من اللى راحوا هن او هنا )

خالد بن الوليد فى الكيتكات .. قريبه منى فكنت بفضلها اكتر ..

اختى الصغيره وبنت خالتى و بنت خالى بيروحوا السنادى ( بس انا كسلت والله اخد كورس السنادى مع انه كان فى الاسكيدجوال )
فعلا كورسات المعهد غالية وكمان بتاعة الجامعة الامريكية مش جامدة كان فى ناس كتيرة بيعيبوا فيها . ان ادشن تو الاسعار .

ما قلتلك احنا غلبانين .. نزل فى 300 و 400 احسن .. ( ونحاول نستفيد من الكورس استفاده قسوى .)

بس حضرتك بتعمل بروفيجن لنفسك ازاى يعنى ؟؟ من خلال المواقع اللى حضرتك بتبعت لك الكلمات الجديدة ولا حاجات تانية .؟

بصى البروفيحن دا مرحله تانيه ( المرحله الاولى انى كنت قوى اساسا ! .. اقصد السنه اللى فاتت كنت خلاص اعودت انى ادخل مواقع اجنبيه كتير .. انزل كورسز .. قواميس زى اوكسفورد و كامبريدج .. حفظ كلمات كتييييييييير بشكل لا يطاق .. مركزتشس فى الجرامر ولا حرف حتى ( نشيل الجرمار من دماغنا خالص لو حبينا نتعلم انجلش بشكل بروفيشنال .. خليك 50 % جرامر ) .. مفيش حاجه فىالانجلش اسمها شيل No sooner وحط had !! .. الكلام دا احنا بس اللى بنعلمه !! كلام فاشل انجلش جرامر ابس من كدا بكتير

بصى ..
1- انا بدخل مواقع اجنبيه كتييييير .. تقريبا معظم السيرش بتاعى عن حجات اجنبيه .. بر كز على المقالات ( ويكيبيديا مقلاتها تعقد ) .. هتقرأى مقال كامل ( مقالات بتتقرأ فى ساعه )

هتطلعى ب 3 او 4 حجات من المقال الواحد
1- هيقبلك كلمات جديده ( كشكول جنبك واكتبى الكلمات اللى معرفتهاش .. وترجميها بعدين بأى قاموس ) اول مره هيقف ادامك نصف المقال ! .. عادى انا كنت كدا وناو الحمد لله ممكن 5 او 10 كلمات المقال كله
2- تركيب الجمل الدقيق .. مقاله ويكبيديا هيا اقوى مقاله ممكت تتقرأ !
3- برده هتستعيدى ذاكره القراءه تانى ( ما انتى موش هتبصى على المقله وعامله ل نفسك سايلانت )
4- برده هتطلعى بمعلومات جديده من المقاله ! ( لان ويكبيديا نظامه رائع رائع .. بيفصص كل حاجه .. من اول التعريف حتى بتاع الكلمه اللى بتبحثى عنا )

انا ناو اهو بقرأ مقال عن ساينس فيكشن . خيال علمى .. مقال طحن !! فيه كلمات كتيييييير غبيه بس دا احسن لانى هستفيد من المقال اكتر

كل اللى عليكى اجخلى ويكبيديا واكتبى اى حاجه .. الزراعه فى الوطن العربى ( بالانجش طبعا ) .. واقرأى المقال

الكلمات اللى وقفت يبقى تقرأيها بقاموس ناطق .. علشان يبقى النطق دقيق

2 - برده بروفيجن ل نفسى عن طريق القواميس عندى قاموس عربى / انجلش .. بكتت كله بالعربى ( اى كلمه ) .. بيجبى كل المعانى الانجلش اللى ليها .. يعنى مثلا : كلمه ضحم يعنى ايه ؟؟ .. مثلا superb .. هوا بيجب 15 او 20 معنى tremendous / superb / titanic / immense / volumous / big / large / huge / ... et cetera الخ

ادخل على قاموس ناطق بقى ( كامبرديج اللىع ندى ) واكتب كل الكمات دى وسمعها وهيا بتنطق .. كدا يبقى بقيت فله شمعه منوره

3- برده الاغاااااااااااااااااااااانى الاجنبى الاغااااااااااااااااااااااااااانى الاجنبى مهمه جدا جدا .. ( اقرأيها بالليركس .. الكمات على الاغنيه ) .. النظق بتاع الاغانى يضرب ميت قاموس بالجزمه ( لان نطقهم واقعى اللى الناس الاجانب بينطقوا بيه فعلا .. ودا اللى نا عايزه )

يعنى مثلا .. موش هتلاحظى الا فى الاغانى ان مفيش حاجه اسمها ing !!! ..

مثلا كلمه feeling !!

تنطق لو فيرب : feelin' لحد حرف n ( كدا نطقك يبقى بروفيشل لو وانتى وسط الكلام قلتى i: i'am feelin' euphoria

لكن لو قلتى i am feeling euphoria بقى كدا تروحى تدرستى انجلش ( لان مدرسين الانجلش عايشين ايام ا ing ولسه معرفوش ان g موش بتنطق .. الا لو الكلمه ناون ! اسم ... وكمان القواميس الجديد قالت : وليه نصعب يا عم خلى الناون كمان ينطق in بس !! )

صحيح دا مع كل الفيربس اللى اخرها ing انطقى in بس ..

لكن عمى مارك انزونى ( مغنى جامد ) قال : we are dreami ..

نطق لحد ال i .. يعنى كمان ماقلش in ..

مابالك بقى مدرس الفصل يقولك ing !!!! ..



الانجلش دا لذييييييييييييييييييييذ لما بتركزى فى االحجات دى ..

فعلا الواحد لما تكون الاكسنت بتاعته مميزة بيبقى مشهور فى المدرسة وكمان بسبب ان الاوحد عايز يتعلم صح مش مجرد جرامر وكلمات وخلصت على كدة .

اكيد فى فرق يا باش مهندس
وفعلا فى اوقات الواقعية بتبقى هى الحل المنظقى زى مثلا المشاكل الواحد دايما بيبقى محتاج حل منطقى مع شوية تفاؤل علشان تبقى النتيجة كويسة .
بارك الله فيك

اكيد ..

[figo_ff]

انا يا محمود تعليقي الوحيد علي التظلم ان انت اكيييد في مصر ربنا يصلح الحال ويعوض عليك قل حسبي الله ونعم الوكيل وفكر في اللي جاي ضارة نافعة

[mahmoud atiya]

المشاركة الأصلية كتبت بواسطة figo_ff

انا يا محمود تعليقي الوحيد علي التظلم ان انت اكيييد في مصر ربنا يصلح الحال ويعوض عليك قل حسبي الله ونعم الوكيل وفكر في اللي جاي ضارة نافعة

انا عملت اللى عليا .. نو ماتر

-----------------

صحيح انا جبت الاستماره ال 2 ، 3 جند

لازم من مديريه امن الجيزه


بنصف جنيييييييييييييييييييييييييييييه

لازم تروح ببطاقه شخصيه

[figo_ff]

انا اسف والله ياجماعة لعدم وجودي بالامس ولكن كنت مع اصحابي