(((___مشاكل طلاب الثانوية العامة___)))

[maryam.s]

المشاركة الأصلية كتبت بواسطة abdelrhman772007

من واقع دراستى للكيمياء و الفيزياء هتكلم
الكيمياء كان عندى كتب كتير فيها قديمة و جديدة
كان كل كتاب شارح فصل معين بطريقة أحلى من التانيين فكنت بجمع بطريقتى المنهج و صورته و اديته لواحد صاحبى طبعًا كان حجمهم مش كبير يخلصوا فى أقل من يوم بالكتير أوى
و صاحبى موثقش فى ملخصى و فضل أنه يذاكر من كتاب المدرسة و للأسف جاب درجة يا رب لا تجيبوها
و فعلاً الملخص جه منه الامتحان كله و لو ذاكره كان ممكن يجيب النهائية اللى مجبتهاش
بس للأسف نقصت بشكل كومدى مش هقوله
بالنسبة للاستنتاج ده موهبة عظيمة بس خليها فى الحك فى كل الأحوال
ازاى بأن أى حاجة توصليلها باستنتاجه قصيرة و سريعة يعنى دورى على أسهل استنتاجه لكل حاجة فى منهجك
لربما تنسيها الحاجة ده فتقدرى تستنتجيها فى ثوانى
بالنسبة لعدد الساعات مش مهم أهم حاجة ليالى الامتحان و الأهم مطلقاً توفيق ربنا-ربنا يوفقك- بالنسبة للمجموع مجموعك ما شاء الله جميل جداً و إن شاء الله تجيبى أحلى منه السنة ده آمين
و على فكرة مجموعى غريب شوية ناقص فى كل مادة نص حلوة مش كده و الله كان ممكن أجيب أعلى و ممكن أجيب أقل و ببساطة شديدة و لكن ده مقدر و مكتوب و أقصد من كلامى أنك ممكن برده تطلعى من الأوائل
بس دايمًا فى حاجة اسمها احتمالات زائد فيه حاجة اسمها الكارت الكارت ده لفظ بطلقه على الشىء غير المألوف اللى هو القضاء و القدر فممكن ببساطة تطلعى من الأوائل سواء بالاحتمال لأن مجموعك ما شاء الله
أو بالكارت بأن مثلاً الامتحانات تيجى صعبة و تحليها كويس بس
بالنسبة للقصص كنت غاوى قراية قصص السنة اللى فاتت رجل المستحيل و هارى بوتر و كنت بتفرج على يوغى
و حالياً بتفرج على كونان و أصحابى كتير على المنتدى نفس النظام و لى بعض أصحابى غاويين قصص و مجلات
عادى يعنى ده فى صالحك
متقلقيش من ناحية الكلية دلوقت و أظن علينا فى المنهج البيت اللى بيقول
يا من تحن إلى غد فى يومه قد بعت ما تدرى بما لا تعلم
حاولى تتناسى الكلية دلوقت بالنسبة لمساعدة أصحابك ده شىء ممتاز و ربنا هيجزيك من حيث لا تحتسبى
بس اعتمدى على الله دلوقت و ابدأى مراجعاتك بطموح و خليها على الله
و بالنسبة للإجابة النوذجية طبقتها أهه
اللى يرغى فى الؤال أرغى فى الجواب
أظن رغيت أحسن رغى
فى الامتحان السؤال الذكى جاوبه بذكاء و السؤال الغبى جاوبه بغباء
هى ده قاعدة لأن سعات بتقابلك أسئلة يختلف فيها مدرسين لو طبقت القاعدة ده
للأسف هتلاقيها بتدى إجابة النموذج
بصى كاتب الرسالة الساعة كام ؟؟؟
هى دى بق مشكلتى هكتبها المشاركة الجاية إن شاء الله

بجد شكرا لنصايح حضرتك جدا

[maryam.s]

على فكرة انا مش رابطة نفسي بحاجة زى كده خالص انا اعقل من كده الحمدلله
بس انا عايزة حد يمسك كلمى كلمة كلمة ويرد عليه انتو اللى جبتوه لنفسكم
وشكرا ليكى ياطفلة الامس بجد

[نغم القلوب]

بجد موضوع جميل جدا ومفيد للى زينا
انا فى تالته ثانوى السنه دى علمى علوم بس واخدة كيمياء السنه دى وجبت السنه اللى فاتت 96%
انا بقى مشكلتى تتلخص فى ان عندى دروس كل يوم حتى يوم الجمعه كمان
ووقتى متلخبط على الاخر يعنى ممكن اذاكر بالكتير تلات موراد فى اليوم واطنش الباقى
وده سببلى قلق فى مواد كتير خصوصا اننا بدانا مراجعه
يعنى مثلا الانجليزى ده مافتحتوش من اول السنه بس بحل مع المستر اسئله كتير اوى خصوصا القواعد بمووووووووت فيها
ومااعرفش حاجه فى هالو والقصه
وعلم النفس كمان بعتبره تافه وممكن المه قبل الامتحان اكيد ده غلط بس اعمل ايه ظروى مش سامحه انى اذاكره خالص
والعربى نفس الكلام
والكيميا الحمد لله ماشيه كويس فى المراجعه
اكتر حاجه مضيقانى بجد انى لو ذاكرت فيزياء بيجى على المواد التانيه ولو ذاكرت المواد التانيه بيجى على الفيزيا
بجد مش عارفه اعمل ايه
وكمان تعبت اوى وزهقت وحاسه انى هقل السنه دى
ده جدول الدروس بتاعى ياريت ياجماعه حد يساعدنى بسرررررررررررررعه
سبت_اتنين_اربع صباحاا(الساعه 9 وعربى 10 كيميا الساعه 9 وعربى الساع 10 وفيزياء 11 وانجليزى 12 وعلم نفس 1)
حد_تلات_خميس صباحا(كيميا 9 وفيزيا 11)
جمعه صباحا(مستوى عربى 9 وعربى 10)
ياريت حد يشوفلى حل فى اللى انا فيه ده
وبسررعه ارجوكم
وياترى عندى حق انى اقعد شويه قدام النت كل يوم خميس وقد ايه

[maryam.s]

هو مش المفروض ان حد يرد او يعبر مشكلتى ولا اصرف نظر ولا ايه
انا اول مرة اصلا اقول حاجة زى كده فما تحبطونيش لو سمحتم

[طـفـلـة الامـس]

هو مش المفروض ان حد يرد او يعبر مشكلتى ولا اصرف نظر ولا ايه
انا اول مرة اصلا اقول حاجة زى كده فما تحبطونيش لو سمحتم

لا والله هى الحكاية مش كده خالص
انما اصل عندنا امتحانات وكده فالواحد بيدخل تيارى ان دخل اصلا

انا عمرى ما فكرت ان عندى مشكلة فالثانوية اوعمرى ما اعترفت ان عندى مشكلة

طب الحمد لله
دى حاجة كتير كويسة

نفسي ارضى ماما وبابا بتفوق مبهر ونفسي ايا كانت الكلية اللى هدخلها(الى برضه مشكلة اختيارها عملالى مشكلة جامدة جدا ) تكون احبها طبعا واقدر عن طريقها افيد نفسي واهلى وامتى الاسلامية باختصار نفسي (وده لسة مقرراه مؤخرا)انى اكون الشخصية المؤثرة رقم واحد فالعالم

ان شاء الله تحققى حلمك وتتفوقى من اجل ارضائهم وارضاء الله

ديه اهداف جامدة وجميلة ب مثلا لما بلاقينى بستعبط او فيه حاجة فى جدول النهاردة ما عملتهاش مهما فكرت فى اهدافى ما بياثرش,ديه حاجة ...انا مش عارفة انا كدة كويسة ولا لا بالنسبة للمواد ا الفيزيا انا بحبها بس ناقصنى انى الم كل الحاجات الغريبة اللى كل الاساتذة بداوا يدوها بعد امتحان السنة اللى فاتت وفعلا ماشية فى كده واحنا دلوقتى هندخل فى التالت وكمان انا كويسة مسائل بس النظرى فهماه لكن ما اظنش انه كفاية انى اجيب النهائية فيه عشان صيغة الاجابة النموذجية

لا مش لازم صيغة الاجابة النموذجية بالنص
يكفى فقط انك تكونى فاهمة اللى بتكتبيه وخلاص وبتكتبى بصيغة صح
انما انك تحفظى صم وتكتبى بالحرف زى اللى عندك
كده بجد اكبر غلط لانك بالطريقة دى بتضيعى نفسك بنفسك
هتلاقى نفسك مش بتفتكرى الكلام ده فالامتحان
لازم تفهمى وتكتبى باسلوب صح بس اوعى واياكى من الحفظ

العربى شغالة مراجعة مع استاذى وانا الحمدلله بحب النحو والبلاغة جد وناوية اجيب فيه النهائية _لو ينفع_
الانجليزى الحمدلله حليت كتابين مراجعة عاستاذى ومازلنا وعايزة برضه جيب فيه النهائية عشان اثبت حاجة فى نفس يعقوب لانى اصلا بحبه جدا
علم النفس جميل بس المشكلة ان الاستاذ رخم بس كويس يعنى لما اجيبله سؤال مثلا حد كان كتبه فالمنتدى يترياله نص ساعة اى نعم بيجاوبه بس فالاخر يقولى اسئلة تفلسفية شوية وكمان قالنا لا نقرب من الدليل ولا كتاب المدرسة لكن احنا مشيين مراجعة معاه كويس وان شاء الله عايزة اجيب النهائية فيه
الكيميا سهلة الحمد لله وبنراجع وبنمتحن عند الاتاذ علاطول بس لسةما بداناش فعليا حل امتحانات كاملة

طب كويس خااااالص لحد كده

المشكة الكبرى والاهم هى انى عمرى بمعنى الكلمة ما ذاكرت 5_7 ساعات متواصلة ولا حتى بكتابة او بصوت عالى بس عادات المذاكرة العادية بتاعتى اتظبطت شوية بعد ما خدت كورس حياتنا فالمدارس على يد فريق حياتنا لتنمية البشرية التابع لصناع الحياة ببنى سويف
لكن عمرى ما سمعت عن حد بيذاكر زيي اى نعم هى نفعت فى جميع السنوات اللى فاتت وكنت بطلع الاولى الحمد لله بس هل برضه السنة دى هتنفع؟؟؟؟؟؟؟؟

الجزئية دى رديت عليكى فيها بس باكد تانى
مش عدد ساعات المذاكرة هو المقياس
وبعدين انتى اصلا بتقولى انه نفع السنين اللى فاتت يبقى ايه اللى مش هينفعه السنة دى

كمان السنة ديه بالذات دخلت علىافيسبوك(بس طبعا مش بالفكرة المعروفة عنه), وبقعد شبه يوميا على الانترنت بس طبعا بخلص جدولى اليومى,,, وكنت و(لا زلت ) بتابع كرتون يابانى(بس هو بينزل ويترجم حلقة كل اسبوع) بحمله فالحلقة 105 من الجزء التانى دلوقتى بس ده من السنتين اللى فاتوا لانه طويل قوى,انا بتكلم بصراحة عشان يبقى عندكوا كل المعطيات وتقدروا تساعدونى باذن الله

مش المفروض اصلا انك تذاكرى ليل نهار متواصل او تنامى بس
كده هتملى بجد فعلا
انا كنت مش بدخل طول السنة الا على نهاية شهر اربعة لما عرفت المنتدى ده وكنت بدخل كل كام يوم نص ساعة كده عالسريع
فده كان بيخلينى امل بسرعة جدا لان مكنش عندى وسائل ترفيه من اى نوع خاااااالص
انما بعد كده كنت بتفرج على كونان الساعة 11 بالليل وعندى امتحان الصبح
عادى جدااااااا
بعد ماتخلصى اللى وراكى اهم حاجة

وزى ما قلت قبل كده موضوع الكلية ده قلقنى قوى لانى مش عايزة ادخل اى كلية قمة والسلام انا عايزة حاجة تتماشى مع قدراتى وهواياتى ولسة مش عارفة حتى فيه كورس يوم واحد ممكن يساعدنى ف حاجة زى كدة ونفسي قوى اروحه بس اكيد الوقت مش مناسب ومش عايزة اكلف ماما وبابا بس الموضوع شاغلنى قوى مع انى عارفة ان لسة بدرى على حاجة زى كده
وانى المفروض اركز فىمذاكرتى خاصة انى برضه نفسي اكون من ال300 الاوائل اللى اظن ان اهاليهم بيروحوا عمرة مجانا

طبعا موضوع الكلية ده
مهم جدااااااااا
عشان تتخصى فى مجال انتى حباه والا فمش هتحبى دراستك
زى ناس كتيييير بيجيبوا مجاميع طب ويفضلوا صيدلة او اسنان
خير ان شاء الله ومتقلقيش برده
وان شاء الله تطلعى من اول عشرة كمان باذن الله

كمان نسيت انا بقرا قصص اى نعم مش كتيير بس عشان ما رحتش المعرض السنة ديه,وهل انى بساعد اصحابى ده ممكن يضيع وقتى مع العلم انى ممكن اقعد مع واحدة انصحها اعملها جدول اديها ورق ملخصت بالساعتين والتلاتة كمان
بس كدة كفاية والله صعبانين عليا انا رغاية جدا وبيقولوا على رخمة

اقرى قصص فى وقت ما انتى زهقانة او متضايقة شوية
وبرده بعد ماتخلصى اللى وراكى
والنصيحة دى اهم حاجة بجد
انا وزميلاتى فالكلية بنبقى علطول مع بعض اى حد مش فاهم حاجة بيشرحها للتانى
وحلوة روح المودة اللى بتبقى بين الاصدقاء دى بتكون جميلة جدا
وتطلعى بصحبة طيبة من دلوقتى

اتمنى اكون رديت عليكى رد وافى واستفدتى من كلامى وخبراتى المحدودة
فى رعاية الله

[طـفـلـة الامـس]

اكتر حاجه مضيقانى بجد انى لو ذاكرت فيزياء بيجى على المواد التانيه ولو ذاكرت المواد التانيه بيجى على الفيزيا
بجد مش عارفه اعمل ايه
وكمان تعبت اوى وزهقت وحاسه انى هقل السنه دى

الفيزياء مادة لذيذة جدا وهتحسى بكده بعدين
بس ياريت فعلا متحطيش فى دماغط انك لو ذاكرتيها هييجى على الحاجات التانية
لا مش كده خالص
انا مش عارفة انتى قصدك ايه بالضبط
يعنى انتى مثلا عندك بكرة درس فيزياء هتقعدى وتذاكريها اليوم
وتانى يوم تروحى مذاكرة الدرس اللى فات ومضبطاه
ويومها هتذاكرى للمادة الجاية
وممكن كمان لو الفيزياء عاملالك مشكلة
ذاكرى حاجات ومسائل زيادة ايام الاجازة
وعموما انا برده هابص فى جدول دروسك وهرد عليكى تانى باذن الله
بس فى وقت لاحق
لانى تعبانة شوية حاليا

[maryam.s]

شكرا ليكى جدا بس زى ما يكون عايزاكى تطلعى مشكلة هو ان شاء الله خير دايما
بس انا عايزة اسال هل الواقعية تتنافى مع الثقة بقدرة الله؟
بمعنى انى ما ينفعش بالا حال من الاحوال اطلع الاولى عالجمهورية مثلا لاسباب كتيلر اولها واهمها انى بالفعل ناقصة درجة ونص
يعنى ما ينفعش هل انا كده لا اثق بقدرة الله ولا الواحد لازم يبقى فيه امل علاطول
وشكرا ليكى مرة تانية على مساعدتك وربنا يوفقك فامتحاناتك
ممكن اسال سؤال تانى .............. أكيد ممكن ولا ايه؟
هى صيدلة احلى ولا اسنان ولا ما تعرفي؟
وجزاكى الله خيرا مرة تانية

[نغم القلوب]

ميرسى ياحبيتى انك اهتميتى ورديتى
بجد انا بدخل كل يوم عشان اشوف الحل ايه للمشكله دى
ياريت ياجماعه ارجوكوا لو حد يقدر يساعدنى يرد ويقول ايه الحل اللى عنده

[طـفـلـة الامـس]

شكرا ليكى جدا بس زى ما يكون عايزاكى تطلعى مشكلة هو ان شاء الله خير دايما
بس انا عايزة اسال هل الواقعية تتنافى مع الثقة بقدرة الله؟
بمعنى انى ما ينفعش بالا حال من الاحوال اطلع الاولى عالجمهورية مثلا لاسباب كتيلر اولها واهمها انى بالفعل ناقصة درجة ونص
يعنى ما ينفعش هل انا كده لا اثق بقدرة الله ولا الواحد لازم يبقى فيه امل علاطول

طبعا لازم تثقى فى ربنا دايمااااا وطالما انك بتعملى اللى عليكى
ربنا مش هيخيب ظنك فيه ابداااا
استحالة ده يحصل
انتى تعرفى يوم امتحان الاحصاء كنت مذاكرة كويس جدا واتوترت فاللجنة بسبب اللى حصل من بعض البنات فضلوا يعيطوا وكده انا اعصابى اتوترت وشفت حاجات كتير غلط وفضلت اعيط فالبيت عياط مش قادرة اوصفلك اد ايه
والله العظيم جبت درجة مكنتش اتخيلها ابدا
مجرد تخيل بس
ربنا بيعوض فعلا طالما ان الانسان بيعمل اللى عليه وربنا اعلم بنيته
فانتى متياسيش ابدا وربنا اللى فيه الخير اكيد هيكون كاتبهولك باذن الله

ممكن اسال سؤال تانى .............. أكيد ممكن ولا ايه؟
هى صيدلة احلى ولا اسنان ولا ما تعرفي؟
وجزاكى الله خيرا مرة تانية

صيدلة افضل للبنات
وده كلام دكتور الاسنان اللى ماما بتروحله قالها يفضل انها تدخل صيدلة
فهى احسن ليكى
صيدلة دراستها جميلة وممتعة وتقدرى تفيدى الناس باذن الله

وجزاكى الله خيرا مرة تانية

جزانا الله واياكى

ميرسى ياحبيتى انك اهتميتى ورديتى
بجد انا بدخل كل يوم عشان اشوف الحل ايه للمشكله دى
ياريت ياجماعه ارجوكوا لو حد يقدر يساعدنى يرد ويقول ايه الحل اللى عنده

معلش بصى انتى استعينى بالله
وحاولى متوصليش نفسك لمرحلة الملل اللى بتتكلمى عنه
طالما انك عايزة فعلا تعملى حاجة لازم هتعمليها مهما كانت العوائق
ريحى كده بين كل ساعة وساعة واهم حاجة حاولى انك تستمتعى بالمذاكرة اللى بتذاكريها
وفرصتك الوحيدة بعد كده محدش هيشرحلك اى حاجة مش فاهماها
لو اخدتى المذاكرة كانها حاجة حلوة هتحلو معاكى كتيييييييير
وجربى الكلام ده يوم واحد
مش هتملى منها ابداااااااا

[abdelRhman772007]

مشكلتى تتلخص فى أنى حاسس إنى بقيت كائن ليلى
الساعة البيولوجية قربت تتبهدل خلاص
الفيزياء بره البلد و امتحانات بمعدل امتحان فى الأسبوع و امتحان ايه ولا 2008
و قريباً تلات أو أربع امتحانات
دلوقت بقيت بسهر و أحيانا بذاكر و أحيانا لأ
دخلت علمى رياضة عشان مبعرفش أحفظ و عشان أتفرغ للانجليزى و العربى
للأسف الانجليزى الفيزياء كلته لحقت نفسى فى المنهج يتبقالى القصة
العربى الحمد لله قليل الأدب من الطراز الأول مش حافظ أكتر من 90 من الأدب
و طبعاً ما خفى كان أعظم
فى الرياضة و الفيزياء تقريباً جيد جداً و لكن مستوايا وحش فى الحديثة لأنى محضرتش حصص فيها
و فيها نظرى كتير و تحتاج فهم معقد
ربنا يستر
عارف أنى يمكن عايش الدور و بستهبل بس كل اللى قولته قابل للتصليح و قلبه كله مميزات و
الله أكبر و إن شاء الله كل الأمور تتعدل و أتفوق على نفسى السنة ده
لأنى علمى رياضة رغم أنى جايب تمانية و تسعين و شوية ى عادى بالنسبالى و لم أكن لأدخل علمى علوم
بس استشرتكم و مستنى آراءكم يمكن يكون حد عنده حل أفضل
و بإمكانكم تخيل باقى المشكلات و هى صحيحة إن شاء الله و لكن لم أذكرها عشان الوقت
كفاية سهر الناس المفروض يصحوا دلوقت و رايح أنام حاجة زى الفل
يا رب عدل أمورنا جميعًا آميــــــــن
يمكن كنت رغاى على عكس طبيعة الصبيان عامة و طبيعة خاصة
بس يكفيكم تعرفوا أنى لأول مرّة أعرض مشكلى لحد
حسبى الله و نعم الوكيل و طول عمرى كافينى
و ده أول و آخر مرّة إن شاء الله أقول لحد مشاكلى
خلوها على الله

[Rien]

المشاركة الأصلية كتبت بواسطة abdelRhman772007

مشكلتى تتلخص فى أنى حاسس إنى بقيت كائن ليلى
الساعة البيولوجية قربت تتبهدل خلاص
الفيزياء بره البلد و امتحانات بمعدل امتحان فى الأسبوع و امتحان ايه ولا 2008
و قريباً تلات أو أربع امتحانات
دلوقت بقيت بسهر و أحيانا بذاكر و أحيانا لأ
دخلت علمى رياضة عشان مبعرفش أحفظ و عشان أتفرغ للانجليزى و العربى
للأسف الانجليزى الفيزياء كلته لحقت نفسى فى المنهج يتبقالى القصة
العربى الحمد لله قليل الأدب من الطراز الأول مش حافظ أكتر من 90 من الأدب
و طبعاً ما خفى كان أعظم
فى الرياضة و الفيزياء تقريباً جيد جداً و لكن مستوايا وحش فى الحديثة لأنى محضرتش حصص فيها
و فيها نظرى كتير و تحتاج فهم معقد
ربنا يستر
عارف أنى يمكن عايش الدور و بستهبل بس كل اللى قولته قابل للتصليح و قلبه كله مميزات و
الله أكبر و إن شاء الله كل الأمور تتعدل و أتفوق على نفسى السنة ده
لأنى علمى رياضة رغم أنى جايب تمانية و تسعين و شوية ى عادى بالنسبالى و لم أكن لأدخل علمى علوم
بس استشرتكم و مستنى آراءكم يمكن يكون حد عنده حل أفضل
و بإمكانكم تخيل باقى المشكلات و هى صحيحة إن شاء الله و لكن لم أذكرها عشان الوقت
كفاية سهر الناس المفروض يصحوا دلوقت و رايح أنام حاجة زى الفل
يا رب عدل أمورنا جميعًا آميــــــــن
يمكن كنت رغاى على عكس طبيعة الصبيان عامة و طبيعة خاصة
بس يكفيكم تعرفوا أنى لأول مرّة أعرض مشكلى لحد
حسبى الله و نعم الوكيل و طول عمرى كافينى
و ده أول و آخر مرّة إن شاء الله أقول لحد مشاكلى
خلوها على الله

اولا انا مش باخد ولا فيزيا ولا رياضة
بس بالنسبة للعربى
وخصوصا الادب
حاول تذاكر كل مدرسة ف الادب مع النص بتاعها
يعنى الكلاسيكية مع غربة وحنين
الرومانسية مع المساء
وهكذا
هاتلاقى الموضوع اسهل شوية
لان غالبا خصائص المدرسة هاتطلعها من النص من غير حفظ
يعنى ..
وممكن حضرتك تشوف الجدول ده
http://www.thanwya.com/vb/showthread...32#post1230532
لو قدرت تمشى عليه هايكون كويس
لان فيه مساحة انك تاخد جنب الحاجات دى اجزاء من مواد تانية
الانجليش بقى ..
ممكن كله على بعضه كدة يخلص ف 4 او 5 ايام بالكتير
هاتاخد كل يوم 5 وحدات وشابترين من القصة
وبس ..
بالنسبة لان اليوم متشقلب عندك وبتنام الصبح وبتقعد باليل وكدة
مش هاقدر اتكلم لانى نفس النظام ده
بس حاول ف الايام دى تظبط مواعيد النوم واحدة واحدة
يعنى قلل السهر شوية وبدل ما تنام الساعة 6 او 5
خليها 4
وبعدها 3
وشوية شوية هاتلاقى الموضوع اتظبط
عشان ايام الامتحانات ماتسهرش للصبح
لانه بيأثر على تركيزك
وربنا يوفق حضرتك ان شاء الله

[Rien]

نسيت حاجة
بالنسبة للانجليش حاول تخلصه كويس جداا اليومين دول
لانك رياضة يعنى مش عندك قبل امتحان الانجليش غير يوم واحد
يعنى مراجعة سريعة وبس
حاجة كمان
بلاش نت اليومين دول
عشان الوقت مايضيعش
مش باقى غير 25 يوم بالظبط
بالتوفيق ،

[maryam.s]

المشاركة الأصلية كتبت بواسطة abdelrhman772007

مشكلتى تتلخص فى أنى حاسس إنى بقيت كائن ليلى
الساعة البيولوجية قربت تتبهدل خلاص
الفيزياء بره البلد و امتحانات بمعدل امتحان فى الأسبوع و امتحان ايه ولا 2008
و قريباً تلات أو أربع امتحانات
دلوقت بقيت بسهر و أحيانا بذاكر و أحيانا لأ
يعنى ايه دلوقتى يعنى لسبب ايه هو عشان نقدر نعالجه
دخلت علمى رياضة عشان مبعرفش أحفظ و عشان أتفرغ للانجليزى و العربى
للأسف الانجليزى الفيزياء كلته لحقت نفسى فى المنهج يتبقالى القصة
العربى الحمد لله قليل الأدب من الطراز الأول مش حافظ أكتر من 90 من الأدب
عادى جدا لسة فيه وقت يتلزق فيه ههههههههههههه لانه اصلا مش مفيد وكمان بعد ده كله عليه 2 المهم ماتقلقش من حاجة زى كده
و طبعاً ما خفى كان أعظم
فى الرياضة و الفيزياء تقريباً جيد جداً و لكن مستوايا وحش فى الحديثة لأنى محضرتش حصص فيها
و فيها نظرى كتير و تحتاج فهم معقد
على فكرة الحديثة جميلة ممكن الاول تضمن مسائلها وبعد كده لازم تعرف عن الترانزستور استخداماته بالرسم وطبعا الوصلة الثنائية كمفتاح بالنسبة لليزر ده احلى واحد المهم فيه مقارنتين بين الانبعاث بنوعيه والضوء العادى والليزر وللاطياف الذرية المهم المقارنة بين الاطياف ديه واشعة اكس ازاى تنتج وطيفها المميز والمستمر وازاى بيحصلوا وكده اما ال12 ده فعلا اللى لازم نحفظ كل التفسيرات للظواهر ومهم اوى حتة اثبات الطبيعة المزدوجة للالكترون او الفوتون يعنى ان شاء الله تتلم الحاجات ديه فى اليومين ده خاصة ان العربى مش محتاج ال13 يوم دول وكمان طبعا هيساعدك حبك للفيزيا اصلا والدعاء اهم حاجة
ربنا يستر
عارف أنى يمكن عايش الدور و بستهبل بس كل اللى قولته قابل للتصليح و قلبه كله مميزات و
الله أكبر و إن شاء الله كل الأمور تتعدل و أتفوق على نفسى السنة ده
لأنى علمى رياضة رغم أنى جايب تمانية و تسعين و شوية ى عادى بالنسبالى و لم أكن لأدخل علمى علوم
بس استشرتكم و مستنى آراءكم يمكن يكون حد عنده حل أفضل
و بإمكانكم تخيل باقى المشكلات و هى صحيحة إن شاء الله و لكن لم أذكرها عشان الوقت(عادى يعنى حلو انك تستعين بالاخرين فى حل مشاكلك )
كفاية سهر الناس المفروض يصحوا دلوقت و رايح أنام حاجة زى الفل
يا رب عدل أمورنا جميعًا آميــــــــن(يااااااااااااا رب)
يمكن كنت رغاى على عكس طبيعة الصبيان عامة و طبيعة خاصة
بس يكفيكم تعرفوا أنى لأول مرّة أعرض مشكلى لحد
حسبى الله و نعم الوكيل و طول عمرى كافينى
و ده أول و آخر مرّة إن شاء الله أقول لحد مشاكلى
خلوها على الله

بالنسبة للساعة البيولوجية فهى قابلة للتغير طبعا بجد انا كنت كدة بس طبعا ما ينفعش نفضل كده فحضرتك لازم تعود نفسك واحده واحدة بمنبه بموبايل باى حد من اهلك بميعاد صلاة الفجر بالجبار لفترة معينة لحد والله صدقا ما بتكون عايز تصحى مثلا 5 صباحا(بس طبعا نايم بدرى)وفعلا ظابط المنبه هتلاقى نفسك صاحى على الاخمسة وبتقفل المنبه عشان خلاص صحيت بجد انا دلوقتى مش بظبط حاجة وبصحى فى الميعا بس طبعا الا لو نمت متاخر او مرهقة جدا
يعنى اصلا ده يرجع لافراز مادة الميلاتونين اللالمستعانى احنا بنتحكم فيها مش حد تانى يعنى كل شى وليه سبب وحل
وتوكل على الله لانه لايغير مابقوم حتى يغيروا ما بانفسهم
وربنا يوفقنا باذن الله ونعدى السنة ديه على خير كله محقق امانيه واحلامه والله

[abdelRhman772007]

المشاركة الأصلية كتبت بواسطة مريم سامى محمد

بالنسبة للساعة البيولوجية فهى قابلة للتغير طبعا بجد انا كنت كدة بس طبعا ما ينفعش نفضل كده فحضرتك لازم تعود نفسك واحده واحدة بمنبه بموبايل باى حد من اهلك بميعاد صلاة الفجر بالجبار لفترة معينة لحد والله صدقا ما بتكون عايز تصحى مثلا 5 صباحا(بس طبعا نايم بدرى)وفعلا ظابط المنبه هتلاقى نفسك صاحى على الاخمسة وبتقفل المنبه عشان خلاص صحيت بجد انا دلوقتى مش بظبط حاجة وبصحى فى الميعا بس طبعا الا لو نمت متاخر او مرهقة جدا
يعنى اصلا ده يرجع لافراز مادة الميلاتونين اللالمستعانى احنا بنتحكم فيها مش حد تانى يعنى كل شى وليه سبب وحل
وتوكل على الله لانه لايغير مابقوم حتى يغيروا ما بانفسهم
وربنا يوفقنا باذن الله ونعدى السنة ديه على خير كله محقق امانيه واحلامه والله

شكرًا للنصائح الغالية

[Rien]

المشاركة الأصلية كتبت بواسطة abdelRhman772007

العربى الحمد لله قليل الأدب من الطراز الأول مش حافظ أكتر من 90 من الأدب

فيه مراجعة ادب 6 ورقات لسة شايفاها دلوقتى عالمنتدى
اعتقد ان فيها اهم الاسئلة
ممكن بعد ما تخلص مذاكرة الادب تراجعها وتركز عالحاجات الموجودة دى - انا هاعمل كدة -
ده اللينك
http://www.thanwya.com/vb/showthread...wpost&t=124660