مسابقة عمان للمدرسين 2012/2013 ارجو التثبيت

[عصام2010]

المشاركة الأصلية كتبت بواسطة mustafaegypt

لازم ياعصام يجيلك رسالة على الموبايل
بعد كدة المفروض والله اعلم انك تروح الامتحان التحريرى والمقابله
فيه واحد صاحبى امبارح راح امتحن تقنية معلومات قال الامتحان سهل جدا ومن مناهج الاعدادى
زميلى قلى وباقى الاسئلة اختيارى وحاجات عبيطة
ربنا يوفقك

اولا شكرا علي الرد
ثانيا نفس الكلام امتحن وخلاص انما الاسئلة ايه ؟؟؟ مفيش اجابة

[الصفوى971]

ومن يتق الله يجعل له مخرجا
لعن الله الراشى والمرتشى والرائش " أى الوسيط بينهما "
اترك الحرام ويقينا والله سوف يرزقك الله من الحلال

[شجيع عبد الفضيل]

المشاركة الأصلية كتبت بواسطة ميرو1988

انا مقدم تاريخ
ياريت ياباشا لما تروح تقولنا الاسئلة ايه وعن ايه وكده والمقابلات وخلافه

حاضر استاذ ميرو ان شاء الله بكره ابلغك بكل ما حدث معى سواء وفقت ام لا

[عصام الفولي]

السلام عليكم اخوانى الكرام ( النقاط دي منقولة عن احد الزملاء )
كل عام وانتم بخير
انا حبيت توضيح بعض النقاط لعل وعسى تكون فيها اجابه لبعض الاسئلة وهي
1- راتب المعلم هناك ينقسم حسب الدرجه التى سيعين عليها وان كان معظم المسافرين بنسبة 90% يتم تعينهم على الدرجه السادسة
- راتب الدرجة السادسة 345 اساسي + 60 بدل غلاء معيشه + 20 بدل مياة وكهرباء = 425 ريال
- راتب الدرجة السابعة 305 اساسي + 60 بدل غلاء معيشه + 20 بدل مياة وكهرباء = 385 ريال
- طبعا ممكن المشرفين ومديره المدارس تكون درجتهم الدرجة الخامسة بس صراحه ما متأكد من راتبهم
2- تقوم الوزارة بتوفير تذاكر طيران ذهاب وعوده للمدرسين او اعطائم بدل بنسبة 75 % ولك حرية الاختيار بين البدل او التذكره
3- تقوم الوزاره بتوفير سكن اعزب مؤثث وغالبا ما يكون السكن غير لائق ولكن مع اعتراضك وتمسكك بحقك يتم توفير السكن اللائق بك ولا توفر سكن للعائله وانما بعد مرور غالبا اكثر من عامين من الممكن ان يوافقوا لك على استقدام العائله على حساب الوزاره وفى هذه الحاله يتم اعطائك بدل سكن حسب المنطقه ويتراوح بين 50 : 100 ريال مع توفير تذاكر طيران للزوجة و3 من الاولاد وصرف بدل تأثيث يقدر ب 750 ريال وفى حاله استقدامك للعائله دون الموافقه لك يتم استقدامهم على حسابك الخاص الى ان يأتى دورك وتصرف ما سبق ذكره
4- بعض الاماكن التى يتم التوزيع عليها تكون قاسيه ولا تناسب الكثير من الناس فمن الناس من يتحمل المعيشه ومنهم من يضجر وسريعا ما يقدم استقالته وده حصل العام الماضى بكثره
5- مسأله الدروس دى نصيب ورزق وعلى حسب المكان بس متحطش امل فيها كبير الا اذا كنت فى مناطق حيويه مثل مسقط - بعض مناطق الباطنة - صلاله وفيه معلمين من اول سنه بيشتغلوا دروس كويس وفيه غيرهم بيغيبوا سنين ولا بيحصلوا 5 ريال من الدروس
6- اهل عمان وطلابها من اكثر الشعوب العربيه احتراما وطيبه وتقديرا للضيوف وبالهم طويل اوى بس ده ميمنعشى ان المعلم يفرض شخصيته على الطلاب والا ممكن القله من الطلاب يسيئوا الى هيبته اذا كان ضعيف الشخصيه
7- متوسط معيشه الفرد الاعزب اكله وشربه واتصالاته فى الشهر ممكن لا تتعدى 60 او 70 ريال ده لو الاخ من المسرفين وومكن لو وسطى فى حدود 40 وطبعا ده لو بياكل لوحده لكن لو مشترك مع بعض الزملاء وهذا ما لا انصح به طبعا التكلفه بتقل
8- متوسط معيشه الاسره طبعا بتعتمد على عدد افراد الاسره بس ممكن متقلش عن 110 ريال
9- الايجارات لمن سيستقدم اسرته على حسابه من اول عام فيه اماكن ب 60 او 70 و 80 وفيه اماكن نائيه ب 40 و 45 وفيه فى مسقط توصل 250
10- ملحوظه يا جماعه العام الماضى نظرا لكثره المسافرين حصل بعض المشاكل مع البعض من تأخر للرواتب وتذمر الكثير من ذلك وفى نفس الوقت الكثير من المعلمين راتبهم كان منتظم مع العلم انه هناك لو حقك ريال سوف يأتيك حتى لو كان نصف ريال مفيش اى شئ بيروح هناك ابدا بس اللى يسافر ويحصل معاه ارجو ان يصبر والا يتذمر ويسئ لنا كمصريين بتصرفاته الحمقاء





وهنا بعض النقاط الهامه فى التقديم
1- اولا اى حد هيدفع فلوس لاى حد دى اشتغاله ولا دخل لاحد فى اختيارات اللجنه فده نصب
2- العام الماضى قام بعض المعلمين بالتقديم اكثر من مره واعتقد انه لم يحدث اى استبعاد والله اعلم
3- من الممكن كتابه اى رقم جواز حتى لو لم تملك بحيث تستطيع التقديم المهم جدا فى البيانات ان تكتب رقم هاتف سليم لانه وسيله الاتصال بك
4- اعتقد انه لن يسمح ابدا بدخول المقابله من يأتى بدون جواز السفر او شهاده المؤهل وممكن الخبره لو فيه افاده على ما تطلع الخبره يعدوها وتحضر المقابله ان تتمكن من توفير الورق اللازم ومش لازم الورق يكون موثق من خارجيه او سفاره عمانيه ولكن ان تم القبول لابد من توثيقهم
5- بعض الناس هتسأل انا خبرتى كذا واللى هيقول انا شغال ابتدائي واللى يقول مش عارف ينفع اقدم ولا لاء ؟ أحب اوضحلكم ان التقديم ببلاش ومش هيكلفك شئ قدم وممكن كمان لو تخصصك مش موجود وعرفت تقدم قدم انته مش خسران شئ يمكن يكون ليك نصيب
6- موقع الوزاره هناك متكامل مع متصفح Internet Explorer فيجب استخدام هذا المتصفح حتى لا تقابلك بعض المشكلات وممكن الموقع ميفتحشى معاك نظرا للضغط الذى سيلاقيه فانته اختار وقت ممكن تحسه هيكون مريح زى ساعه الافطار
7- فى الاعلان طلب ارفاق الشهادات لو لقيت مكان للارفاق خير وبركه ما حصلت يكتفى بالصوره ولو عرفت تبعت من غير صوره مفيش مشكله
__________________

اولاً الامتحان ليس صعب ولكن توجد بعض التمارين التي لا ندرسها في مناهجنا المصرية مثل الاحتمال الشرطي
(1) مجموعة تتكون من 5 آباء وثلاثة أبناء بكم طريقه تجلس المجموعة في خط مستقيم على ان تجلس اآباء متجاورة
(2) القي حجر نرد مرتين متتاليتين فاذا كان مجموع العددين الظاهرين يساوي 7 فاحسب احتمال ان يكون الفرق بينهما 3
(3) اذا كان س = جان + جتان , ص = جذر(جان جتان) فأنها تمثل معادلة (دائرة - قطع مكافيء - قطع ناقص- قطع زائد) الحل سوف يكون زائد وتأكد انت
(4) بسط به جذر(س- 2 ) على مقام به جذر( س+9) عين مجال الدالة الجواب سوف يكون [ 2 ، مالانهاية [ وتأكد انت
(5) معادلة لوغاريتمية الحل سيكون أ ب = 7 مش متذكر التمرين ولكن متذكر الحل المهم التمرين سوف يكون سهل
تذكرته لو أ + ب / على رقم = نصف ( لو أ + لو ب) فإن أ ب = 0000 اختيارات
(6) مقياس 2س+1 > مقياس س+2 أوجد قيمة س التي تحقق المتباينة ممكن تكون المسألة ارقامها مختلفة المهم الفكرة مثل هذا
(7)مثلث قائم الزاوية والوتر يمس قوس ربع الدائرة ورأس القائمة هي مركز الدائرة ويطلب نصف القطر هتستخدم نظرية اقليدس ويطلع نصف القطر 7سم طبعاً ضلعي القائمة معلومة
(8) مثلث قائم الزاوية أ ب جـ قائم الزاوية في ب د تنتمي الى ب جـ بحيث ب د= 3 د جـ وعطيك طول أ ب وطول أ جـ ويطلب طول أ د ارسم الشكل وتخيل الوضع سهلة من اعدادي ومش فاكر الارقام على فكرة رقم (7) , (8) مرسومين في ورقة الاسئلة
(9) دائرتان متحدتا المركز ويوجد وتر طوله 14 سم يمس الدائرة الصغرى ويريد المساحة بين الدائرتين الحل سوف يكون 49 ط وتأكد من الحل
(10) ن ق2 + ن ق3 + نق 4 +ن ق5 000 = 15 - ن أوجد قيمة ن ملحوظة ن ق 2 تمثل التوافيق رياضة2 على فكرة لاتوجد نقط ولكن انا مش متذكر
آخر رقم كان ايه
(11) جذر 2 + 2 +2جذر2 + 0000000000+64 فإن عدد حدود المتسلسلة يكون ايه الحل سيكون 12 وتأكد
(12) رسم دالة تربيعية راس المنحنى (0 , جذر3) فيكون قياس زاوية نقطة الانعطاف هي 000000 الاجابة 30
(13) اذا كان د(س) = ا س7 + ب س5 + جـ س - 5 وكان د(-10) = 15 فإن د(10) = 00000 الحل تقريباً سيكون -25ممكن يكون يوجد اختلاف في المسألة بسيط ولكن انا فاكر الحل طلع -25وتأكد من الحل وهي على هذا الاسلوب
(14) معادلة دالة مثلثية يريد مجموعة الحل ولست متذكرها ولكنها سهلة( جا2أ=م فان حاأ+جتا أ بدلالة م تساوي
(15) مسألة نهاية بها فكرة في التحليل ويريد قيمة جـ وتقريباَ ولست متذكر الحل( انا حليتها بقاعدة لوبيتال) بس بردو مش فاكرها)
(16) ومسألة احتمال شرطي لست متذكره ولكنها رخمة لأني لست متذكر الاحتمال الشرطي( يوجد عشر اماكن لركن السيارات اذا ركنت سيارتين عشوائيا ما هو احتمال ان تركنا متجاورتين... اعتقد الاجابة 2 علي 10 يعني خمس هو عاطي الاختيارات)
17 مسالة نهايات علي متتابعه هندسية اساسها 2 /3 وحده العام 2/3 اس 2ن -1 وطالب مجموعها لما ن تؤوول الي مالانهايه (هو اتب المتتابعه كلها علي شكل نهايات عموما دي حلها مجموع هندسيه الي المالانهايه يعني 1 علي 1- الاساس لان الاساس اصغر من واحد
وباقي المسائل سهلة أكيد سوف تقوم بحلها وكان أوحش حاجة لم أكن مذاكرها هي الاحتمال الشرطي
وعلى فكرة الامتحان 20 سؤال فقط في نصف ساعة بالضبط ويأخذ منك الورق سواء أنتهيت أم لم تنتهي وربنا يوفقك وفي حاجة كمان الامتحان نماذج أ , ب , جـ
لأنني بعد ما خرجت من الامتحان سألت زملاء عرفت ان امتحانهم مختلف ولكن بيدور حول نفس الافكار


منقول للفائدة

[mr_ms1985]

حبيبى الحمد لله ان انت حاطت فى اعتبارك الحرمانيه وانت تعلم علم اليقين ان الرشوه حرام ومافيهاش نقاش فكر تانى وحاول تستعيد اللى حضرتك دفعته ولو مكتوبالك اكيد هاتجيلك من غير رشوه

[أ / محمود هيكل]

رد الله عليك مالك ورزقك من حيث لا تحتسب

[زياد نور]

اقتباس:
المشاركة الأصلية كتبت بواسطة عصام2010
انا قدمت من السبت اللي فات تقنية معلومات لا حس ولا خبر خبرة 5 سنوت
اخيرا كل واحد راح المقابلة لاعايز يقول حصل ايه ولا عايز يقول ايه اللي تم معاه
اجري يابن ادم جري الوحوش غير رزقك لم يحوش

لازم ياعصام يجيلك رسالة على الموبايل
بعد كدة المفروض والله اعلم انك تروح الامتحان التحريرى والمقابله
فيه واحد صاحبى امبارح راح امتحن تقنية معلومات قال الامتحان سهل جدا ومن مناهج الاعدادى
زميلى قلى وباقى الاسئلة اختيارى وحاجات عبيطة
ربنا يوفقك
_____________


ياريت يامستر مصطفي رقم زميلك اللي عمل المقابلة عشان اعرف التفاصيل لو سمحت

او لو الرقم خاص ممكن تبعتليه علي الميل

tamer2003_2010
ع الياهوو

[النجم الأحمر]

عشان تدفع 23000 وتدفع عليهم كمان 6000 تأمينات ومعاشات على 2000 جنيه على الأقل مشتريات ومستلزمات سفر يبقى هتشتغل أول سنة ببلاش وكمان تطلع مديون فى النهاية ياراجل حرام عليك دا الناس بيجيلها العقد ببلاش وبتعمل استخارة تروح ولا لا؟ وانت تروح تديلهم 5000 بإيدك

[احمد حاكم]

نعم المصريين بيبيعوا المصريين للاسف سلوك لم يتغير ولن يتغير وكمان بيعلموا بتوع الخليج ازاي يبيعوا العقد وكمان فيه اكتر من سيده بتبيع وتشتري في المدرسين المصريين للاسف ..يعني اللي عايز يتعاقد في عمان لازم يدفع ...رشوة

[احمد سمسوم]

هل ارسلوا رسائل عبر الموبايل لمدرسي اللغة العربية؟ ارجو الرد ولكم جزيل الشكر

[مصطفى جابر راشد]

شكراااااااااااااااااااااااااا بارك الله فيك

[عابدين مدرس لغة عربية]

أنا قدمت من أسبوع ولم تصل إلى أى رسالة .

[مهندس رضا]

المشاركة الأصلية كتبت بواسطة النجم الأحمر

عشان تدفع 23000 وتدفع عليهم كمان 6000 تأمينات ومعاشات على 2000 جنيه على الأقل مشتريات ومستلزمات سفر يبقى هتشتغل أول سنة ببلاش وكمان تطلع مديون فى النهاية ياراجل حرام عليك دا الناس بيجيلها العقد ببلاش وبتعمل استخارة تروح ولا لا؟ وانت تروح تديلهم 5000 بإيدك اللى هياكلها الدود؟

و في ناس كتير راحو سنة واحدة و معرفوش يكملوا تاني لأنهم بيودهوم مناطق جبلية وعره يصعب الوصول اليها و لا توجد بها خدمات أساسية .. اثنين من مدرستنا سافروا سنة و احدة و عادوا و لم يكملوا العقد ...

[احمد سمسوم]

بما انك عضو ممتاز في المنتدي ايه رايك في موضوع عمان وطرقه الملتوية

[أ / محمود هيكل]

وفقك الله والجميع