نظام إمتحانات القدرات 2023 (فنون جميلة/تطبيقية/تربية فنية/نوعية) كل ماتريد معرفته هنا حصرى ومتجدد

[bahaaeldeen]

الموضوع دة هيفيدكم جدا برجاء تشييره علما انه متغير كل سنة

[99islam hussein]

السلام عليكم ورحمه الله وبركاته.

معلش انا عندي استفسار بسيط ..
انا خلصت الثانويه في 2012. وللاسف مكنتش اعرف عن فنون جميله حاجه الا وانا بكتب التنسيق..ولما عرضت الامر علي اهلي رفضو بحجه ان ممكن يكون في شبه في موضوع الرسم . مع اني والحمد لله مستوايا كويس فس الرسم وعندي الموهبه نوعا ما. ولكني استسلم ساعتها كلامهم لاني كنت بمر بمرحله احباط شويه.. المهم لما طلعت نتيجه التنسيق جاتلي اداب. وبعد كده حولت من اداب لتجاره ..وعرفت ساعتها ان متاح ليا فنون جميله اقاليم (الاقصر ) ولكني للاسف مدخلتش امتحان القدرات.. المهم انا دلوقتي في تجاره ومش لاقي نفسي فيها خالص وكل سنه بقل في التقدير ببساطه لاني مش عندي هدف. اول سنه جبت جيد جدا وتاني سنه جبت جيد.. وسنه 3 الله اعلم احتمال اشيل مواد.. انا دلوقتي بفكر اني احول ل فنون جميله . ده هينفع ولا لأ .. انا مش عندي مشكله خالص اني اضيع 3 سنين من عمري بس ما اضيعش عمري كله . واعرف انا ماشي ازاي .وهدفي ايه.. . عاوز اعرف اجراءات التقديم او التحويل هتم ازاي؟ . هقدم بالتنسيق الجديد ولا القديم.. وعن طريق النت ولا لازم اروح الاقصر... ولو قبلت هل ينفع اعمل تقليل اغتراب؟؟

[bahaaeldeen]

موضوع مفد يارب يعجبكوا

[flower dew]

لو سمحت ممكن امتحن اختبارات القدرات بعد ظهور النتيجة عشان انا نفسي ادخل كلية
الالسن لو مجبتش مجموعها اقدم فنون جميلة
وللعلم اني في الدقهلية يعني مش من السهل اني اروح امتحن قدرات وانا مش ضامنة اني
ادخل الكلية
وشكرا

[NaDa!]

ممكن حد يفيدني انا لو دخلت فنون جرافيك او ديكووووور مصاريف الكليه وطلبتها كتير وكده عالشان كل الناس مخوفاني يعني ايه المصاريف. بتعتها للادوات واسبوعيا تحتاج كام وسمعت اني لازم يكون معايا لاب وكاميرا وكده ومشروع التخرج ممكن يوصل 8000 الكلام ده ايه نظامه بقي ?

[bahaaeldeen]

المشاركة الأصلية كتبت بواسطة nada!

ممكن حد يفيدني انا لو دخلت فنون جرافيك او ديكووووور مصاريف الكليه وطلبتها كتير وكده عالشان كل الناس مخوفاني يعني ايه المصاريف. بتعتها للادوات واسبوعيا تحتاج كام وسمعت اني لازم يكون معايا لاب وكاميرا وكده ومشروع التخرج ممكن يوصل 8000 الكلام ده ايه نظامه بقي ?

مفيش الكلام دة
كل دى شائعات من ناس مبتفهمش حاجة
المصاريف الغالية بتبقى ف الحاجات اللى بتستخدميها على مدار الخمس سنين
يعنى مش كل شوية هتجيبى شاسيه خشب ب100 جنيه لكن هتجيبيه مرةواحدة
اسعار الفرخ مثلا 7 او 10 جنيه والالوان اللون البوستر ب6 جنيه والفرش حوالى 20 30 اكيد مش هتجيبي فرش كل يوم
مفيش اى كلام ع الحاجات دى فى اول سنة بس بتبقى مصاريف كتير شوية بتعدى الف ونص فى السنة كلها بس بعد كدة بتشترى حاجات لكل سنة مش بتوصل ولا بتخطى العدد دة وكل واحد على حسب مصاريفه
فى ادوزات غالية اوى فى لون ب 35 جنيه وفي لون ب6 جنيه وع فكرة انا نفسي شغال بابو 6 وبعمل بيه شغل ممتاز الحمد لله
ومش لازم لاب توب انا رايح اخر سنة اهو ومش معايا لاب
الموضوع مرن جدا وتقدرى تتعاملى معاه حتى لو الظروف المادية مش ولا بد

[^eleen^]

لو سمحت هو لسة في تقديم اختبار قدرات النهاردة ولا ايه انا محتارة مجموعي مكنتش متوقعاه خالص و اتأخرت ع الكورسات و الكلام دا كله و نفسي اخش يا فنون جميلة يا تربية نوعية بس مش فاهمه حاجة خالص و محتارة مش عارفة اعمل ايه خايفة اوي ملحقش كلية

[^eleen^]

بالله عليكوا اي حد يرد عليا بسرعة عشان لو فيها امل الحق اروح انا مرعوبة بجد حاسة اني مش هوصل لأي كلية مجموعي 78.5 و التنسيق بيقولوا هييجي عالي و كمان ف صدمة من المجموع
انا واخدة اعفاء من اللغة التانية لأني مدرستش هنا معرفش دا هيأثر ف حاجة ولا ايه

[bahaaeldeen]

المشاركة الأصلية كتبت بواسطة ^eleen^

بالله عليكوا اي حد يرد عليا بسرعة عشان لو فيها امل الحق اروح انا مرعوبة بجد حاسة اني مش هوصل لأي كلية مجموعي 78.5 و التنسيق بيقولوا هييجي عالي و كمان ف صدمة من المجموع
انا واخدة اعفاء من اللغة التانية لأني مدرستش هنا معرفش دا هيأثر ف حاجة ولا ايه

الله اعلم الدرجات هتقل باذن الله
لالا مفيش اى تاثير

[bahaaeldeen]

المشاركة الأصلية كتبت بواسطة ^eleen^

لو سمحت هو لسة في تقديم اختبار قدرات النهاردة ولا ايه انا محتارة مجموعي مكنتش متوقعاه خالص و اتأخرت ع الكورسات و الكلام دا كله و نفسي اخش يا فنون جميلة يا تربية نوعية بس مش فاهمه حاجة خالص و محتارة مش عارفة اعمل ايه خايفة اوي ملحقش كلية

هو خلص عدا الوافدين والشهادات المعادلة والدبلومات الفنية

[ΛβÐ Λɭ-ЯНϺɅИ]

بعد اذنك عايز اعرف ازاى اقدم لـامتحان قدرات فنون ( عمارة ) اسكندرية و اذا كان فيه كورسات هناك ولا لأ

[bahaaeldeen]

المشاركة الأصلية كتبت بواسطة ΛβÐ Λɭ-ЯНϺɅИ

بعد اذنك عايز اعرف ازاى اقدم لـامتحان قدرات فنون ( عمارة ) اسكندرية و اذا كان فيه كورسات هناك ولا لأ

وافدين او دبولمات او شهادات معادلة لازم تروح الفترة دى وتقدم
لكن لو ثانوية عامة مصرية انتهت المواعيد بس لازم تراجع الكلية تانى ومكتب التنسيق احتمال تفتح تانى

[اسماء وحيد]

حضرتك يا بشمندس انا في معهد فني صناعي سنتين وقدامي سنه واخلص وحابه اكمل في فنوان تطبيقية ؟
اعمل ايه وايه المجموع االلي اجيبة عشان ادخل الكليه وانا ليا امتحان قدرات ولا لأ ؟
والامتحان دي هيتم امتى بعد ولا قبل التنسيق ؟؟
وشكرا جدا لحضرتك واسفة للأطاله
جزاك الله خير

[bahaaeldeen]

المشاركة الأصلية كتبت بواسطة اسماء وحيد

حضرتك يا بشمندس انا في معهد فني صناعي سنتين وقدامي سنه واخلص وحابه اكمل في فنوان تطبيقية ؟
اعمل ايه وايه المجموع االلي اجيبة عشان ادخل الكليه وانا ليا امتحان قدرات ولا لأ ؟
والامتحان دي هيتم امتى بعد ولا قبل التنسيق ؟؟
وشكرا جدا لحضرتك واسفة للأطاله
جزاك الله خير

ليكى فنون تطبيقية وفنون جميلة عمارة
هتستنى لما تخلصى الامتحانات بتاعتكم بتكون فى شهر 8 بعد ما الثانوية العامة تخلص وكله يخلص من دبلومات ووافدين انتوا بتكونوا فى الاخر
تابعى بس الجرايد وقتها
المجموع مقدرش افيدك لانه متغير كل سنة 100% ليكى طبعا امتحان قدرات لازم تنجحى فيه
الامتحان ملوش دعوة بس غالبا بيكون قبل التنسيق عشان تعرفى تكتبى الكلية ولا لا

[supernour]

السلام عليكم
لو سمحت انا عايزه اعرف هل يوجد كلية تعلم
Tv motion graphics
انا ابنى فى ثانوى وبيحب يشتغل على برامج الافتر افيكت والسينما فور دى ونفسه يدخل كليه تنميه وتساعده فهل فى قسم فى كليه معينه للموضوع
مع جزيل الشكر