هـنـا نـرد عـلـى إسـتـفـسـارات حـضـراتـكـم ؟

[mostafa dahshory]

لو سمحتوا انا عايز اسأل سؤال انا خلصت اعدادي هندسه بني سويف وعايز احول عين شمس وموضوع اثبات السكن محلول ان شاء الله بس انا عارف ان ممكن التحويل ميتقبلش عشان العدد وكده فكنت عايز اعرف لو انا عملت طلب تحويل في عين شمس وواحد تاني في المنيا فهل ينفع الموضوع ده ولو الاتنين اتقبلوا ينفع الغي واحد فيهم او ماسلمش الملف يعني من الاخر
ينفع نقدم طلبين في كليتين في نفس الوقت ؟
ينفع نلغي التحويل ؟
لو التحويل اتقبل ومقدمتش الملف هيحصل مشكله ولا عادي ؟
ارجو الرد

[EMaN GaD]

معلش لو سمحتوا عايزة حد يفيدنى ضروروى هو لو حد سقط فى اعدادى هندسة الاسكندرية مرتين بيطرد من الكلية ولا ممكن يكمل مر كمان زى بقية الجامعات

[issac-newton]

ahmed_algeneral
للأسف ما ينفعش تحول من هندسة خاصة لهندسة حكومية .

raven44
اه طبعا نظام الساعات المعتمدة محترم جدا , و بيدخلوا النقابة , و بيتعينو معيدين , و كل حاجة .

mostafa dahshory
اه عادي ممكن التحويل يتقبل و تفضل في مكانك , مفيش مشاكل , لان اجراءات التحويل بتتم بإن الكلية بتوافق عليه و بعدين لازم تسحب ملفك من كليتك , فاذا الكلية الي هتحولها وافقت و انت ما سحبتش ملفك , فا كدا خلاص ولا كأنك عملت حاجة .

EMaN GaD
هندسة عامة السنة الاعدادية سنتين و بعد كدا بتحول لكلية تانية .

[فيروز*]

لو سمحتم

هل بدأ التقديم فى كلية التخطيط العمرانى ولا ايه ؟ ومتى التقديم ؟؟
ضرورى لو سمحتم تردوا عليا ؟؟؟

[issac-newton]

في الغالب بدأ , لان جل الكليات بدأ التقديم فيها

[Barcamessi10]

السلام عليكم ، عندي استفسار بخصوص التحويل من كريديت للنظام العادي بعد إعدادي ( هندسة القاهرة ) أنا عارف أن السؤال ده اتسأل قبل كده بس كنت عايز تفاصيل أكتر ، يعني لازم أجيب تقدير معين وكمان لازم يكون التحويل لقسم مش موجود في كريديت ولا لأي قسم ؟!!

[issac-newton]

التحويل من كريدت للنظام العادي ؟ او تقصد العكس

[Barcamessi10]

أيوة حضرتك أنا أقصد من كريديت للعادي بعد إعدادي ، مش عارف ليه أنا مش مرتاح أني دخلت كريديت يمكن لأنه بفلوس زي الجامعات الخاصة !

[i3at3f]

كنت عاوز اعرف معلومات عن كريدت اورز هندسة القاهرة،
الفرق فلغة الدراسة سنة اعدادي،،
والفرق بين قسم اتصالات اللي فالعام وقسم كمبيوتر واتصالات اللي فكريدت،،
وبتكون الدراسة من كتب الدكاترة ولا مفيش كتب كله من مراجع؟ ،،،
وايه الميزة اللي بتدهولي الفلوس اللي بدفهعها قاعات مكيفة بس مثلا !!
(مع العلم ان موقع كلية الهندسة مفهوش جواب للاسئلة اللي بسالها دي)

واحب اعرف اقسام هندسة اللي فكريدت كلها


واخيرا الف شكر ، وياريت ترد عليا بالتفصيل لأن انا مش عارف اتواصل مع مين يشرحلي
الف شكر

[شادية المصرى]

هو صح فىنظام لو حد خريج علوم كيمياء ينفع يكمل هندسة كيميائية ويبقى مهندس كيميائى شرط ان يكون مافاتش على تخرجه خمس سنوات ارجو الافاده ضرووووووووووووووووووورى

[winniethepooh]

لو ممكن حضرتك تساعدنى هنا لو عندك اى معلومه من فضلك ماتبخلش بيها
http://www.thanwya.com/vb/showthread.php?t=468149

[eslamce787]

مشكورررررررررررررررررررررررررر

[2ad]

السلام عليكم ورحمه الله وبركاته
لو سمحتم عندي سؤال ضروري لو حد يعرف اجابته ربنا يجزيه كل خير
لو في أحد فاته التقديم بكلية هندسة في الترم الاول وقدم في الترم التاني "لسه سنة اولى "
هيكون نظامه ايه ؟ هيضطر يعيد السنة ؟؟
والسؤال التانى لو حد يعرف هو في طلبة سورين التحقوا بالجامعات المصرية الحكومية عادي بعد القرار الجديد ولا لأ ؟
وربنا يجزيكم كل خير

[titoti]

ممكن حد يرد عليا انا دلوقتى فى حاسبات القاهرة و عاوز احول هندسة العاشر هل ممكن اتقبل انا جايب 94% ومش عارف هل ممكن يرفضوا ولا اة ارجوكوا الرد

[issac-newton]

Barcamessi10 , اسأل في كليتك احسن .

i3at3f , اللغة انجليزي , اتصالات العام في القاهرة ما يفرقش عن كريدت , لان اتصالات القاهرة من افضل الاقسام فيها , الفلوس بتديلك اهتمام و افضل دكاتره الكلية , و عدد قليل و متابعة و مكان افضل دا غير الدراسة و التمارين و الكورسات الانسانية و كدا . الاقسام الحقيقة
http://unimasr.com/community/viewforum.php?f=1536

شادية المصرى , ما اقدرش افيدك ياريت تنزلي و تسألي في كلية الهندسة , الوكيل او العميد

2ad , اظن ان اغلب الكليات بينتهي التقديم فيها قبل نهاية الترم الاول , و ياريت تسأل في الكلية نفسها , بالنسبة للطلبة السوريين اه , في ناس منهم حاليا في هندسة القاهرة , و معايا ناس في القسم

winniethepooh , للأسف معنديش معلومات

titoti , دي حاجة بتكون تبع الكلية , بس عادي في الكليات الخاصة بيكون القبول او الرفض على حسب الاعداد و الاماكن المتاحة