كنت بتعمل ايه ؟! .. احكيلنا ..

[..Just Stop]

مفيش جزء تانى طيب

الموسم الجاى ان شاء الله






حلوة القصة دى
بداية من ولادة فى الصباح الباكر
مرورا باخويا ابن امى وابويا
وانتهاءا ببنت ابى
والله انا كمان ابن ابى
وhخويا ابن ابى

عموما ادينا متابعين
عايزين حاجة كدا تشد زى مثلا تكونى عورتى حد قتلتى حد الحاجات الرقيقة دى

تسجيل متابعة
واحتمال اتريق

دمتم فى رعاية الله

[Dr.love ferdos paradise]

ههههههههههه
جميل اووي يانهال متابعه ان شاء الله
في رعاية الله

[NOUFALL]

ههههههه

ماشى يا بنت ابوكى

انا بقه مش ابن ابى انا ابن ابى وامى

ههههههههه
متااااابع
مش تتأخرى

[nothing]

معلشى يا جماعه انى اتاخرت عليكوا لانى اخدت دور برد شديد اعذرونى
ههههههه كويس والله انها عجبتكوا انا كنت حاسه انى هابقا رخمه بس الحمد لله طلعت تمام اهو بالنوبسه بقا لباقى القصه لما كنا صغيرين ف رمضان كان لازم امسك الفانوس والف بيه الشقه كلها متعرفوش ايه لازمه الحكايه دى بس مزاج عندى واقعد اغنى والف بالفانوس والمهم انى اطفى نور الشقه كله واقعد الف بالفانوس كنت بتعب اوى ولما يجى بقا العيد الزم الهدوم تتجابلى قبل الوقفه بيوم بتبقا ماما عاوزة تفجرنى بصواريخ سام دى والهدوم لازم تتجاب وتبات ف حضنى كمان علشان محدش كان ياخدها منى يعنى ملكيه خاصه ممنوع الاقتراب او التصوير وبعدين لازم الصبح بابا يودينا الجامع واحنا صغيرين نصلى الصبح واهم شئ بقا العيديه كانت اهم شئ بالنسبالى وكنت بقا اخد الفلوس واما اصدق البس واروح بقا اشترى حاجات واغيظ بيها ولاد عمى شايفين كميه الشر والله كانوا يقعدوا يعيطوا لانى بغيظهم بيها ههههههههه ايام والله .
المهم بقا انى كنت بخاف من حاجه عمركوا ما كنتوا تتصوروها ابدا عارفين انتوا عرايس الليله الكبيره بتاعت صلاح جاهين دى انا كنت لما الاقيها ف التليفزيون لازم اجرى واقعد اعيط معرفش ليه بس اهو عقل عيال كنت مفكراهم انهم العفاريت اللى ماما كانت بتحكيلى عنهم .
وبردو لما كنت صوغيره كنت معتقده ان ورا التليفزيون هلاقى بقا الممثلين والمصورين والناس الكتيره دى وانا بقا اقعد بقا بهدومى نضيفه وشعرى مسرح ع غير العاده علشان قال هما هايشافونى يعنى ويقوموا مشغلنى معاهم ف التليفزيون هههههههه من يومى وانا ستار.وكنت اقعد اقلدهم قال يعنى ممكن حد يكتشفنى ف يوم بس لما كبرت اتصدمت بقا

[nothing]

انا قولت بالمره اكتبلكوا آخر جزء بقا كفايه دوشه ليكوا لحد كده
طبعا بقا لما دخلت مرحله الدراسه وكده كنت بقا لسه هادخل اولى ابتدائى كنت فرحان جدا قال يعنى هابقى سميرة موسى القادمه ما علينا وعماله احضر ف هدومى وشنطتى بقا وكنت فرحانه اوى وانا بقا مولوده قبل المدارس بيوم واحد شوفتوا الحظ فقبل الدراسه بيوم كانت ماما عملتلى عيد ميلادى وكده وبعد ما طفيت الشمع والحفله خلصت بقول للناس ايه يلا بقا امشوا علشان عاوزة انام واروح المدرسه بدرى ومش عاوزة اتاخر عليهاهههههههههه شوفتوا الادب من يومى والله فالمهم عرفت غلطى وروحت طبعا اتاسفت وماما طبعا قعدت تقولهم دى عيله وكده وبعد كده قالتلى يلا خشى اتخمدىمش ملهوفه اوى عالنوم يلا اتفضلى وفعلا نمت وصحيت بقا بدرى اوى رحت المدرسه وماما لبستنى وجهزتنى انى اروح فالمهم انا من يومى طالبه شاطرة ومجتهدهوبابا كان من اعداء المجموعات والدروس والحاجات دى فقالى لو الميس قالتلك خشى درس معايا قوليلها لاء انا مش باخد دروس فالمهم الميس جاتلى وتقولى نهال هاتخدى معايا درس ولا ايه قولتلها لاء فهيا قعدت تعاند معايا كتير فقولتلها لو مش سكتى انا هاروح انده ليكى الناظرة واقولها انك عاوزانى اخد درس بالعافيه فقالتلى وع ايه انا بنفسى هاروح اندهها ليكى ولا يهمك خليكى واقفه هنا وفعلا جت الناظرة وحكيت ليها الموضوع وبابا جه وفهمها وجهه نظره وانتهت المشكله وساعتها بابا قعد يضحك ضحك عليا كنت طفله مشكله
يلا اخر موقف بقا انا كنت ف تالته ابتدائى وبابا كان بيذاكرلى تعبير فالمهم كان فيه موقف واحنا هانكتب هانقول ايه ف الموقف ده فالموقف بيقول اذا وجدت رجلا اعمى ف الشارع يريد عبور الطريق ماذا تفعل له رحت قعدت افكر كده ورحت راده السؤال ان اعبر له الطريق ههههههههههه بدل ما اخد بايده لا اروحله انا مشواره وده بردو كان موقف من مواقفى.
وكده خلصت خلاص بقا مرحله الطفوله بتاعتى لانها بعد كده مفيهاش مواقف لانى كنت هاديه زى ما انتوا عارفين
ويارب ما اكونش رخمه عليكوا
سلااااااااااااااااااااام

[Dr.love ferdos paradise]

ههههههههههه
هههههههههه
كنت بعمل حكاية التلفزيون دي انا كمان
بتوع نشرة الاخبار بذات عشان بكونوا بصين في نفس المكان فا بفكرهم شايفني
من يومي وانا ذكيه
كنتي لمضه اووي يانهال

[Amethyst]

هههههههه
عسل يا نهولتي عسل
بجد
و ربنا يشفيكِ
كل ما أكلمك أنزل تحت الكيبورد عشان البرد اللي عندك ده

كنا سعداء بحلقاتك يا قمر
نورتي

[Łosт Mεмoяч]

المشاركة الأصلية كتبت بواسطة nothing

جاتلى وتقولى نهال هاتخدى معايا درس ولا ايه قولتلها لاء فهيا قعدت تعاند معايا كتير فقولتلها لو مش سكتى انا هاروح انده ليكى الناظرة واقولها انك عاوزانى اخد درس بالعافيه فقالتلى وع ايه انا بنفسى هاروح اندهها ليكى ولا يهمك خليكى واقفه هنا وفعلا جت الناظرة وحكيت ليها الموضوع وبابا جه وفهمها وجهه نظره وانتهت المشكله وساعتها بابا قعد يضحك ضحك عليا كنت طفله مشكله

بجد والله انتى زى العسل
وايه الميس المفتريه دى عيزاكى تاخدى درس وانتى فى اوله ابتدائى
وبالعافيه كمان.
يالا منتظرين العضو القادم
بس سؤال لمارمورا انتى مش نوايا تحكى ولا ايه
شكلك كنتى هاديه بردوا

[Amethyst]

المشاركة الأصلية كتبت بواسطة i!Black star!i

بس سؤال لمارمورا انتى مش نوايا تحكى ولا ايه
شكلك كنتى هاديه بردوا

جاري التعاقد و الاتفاق مع المنتج

[Amethyst]

بسم الله الرحمن الرحيم
ازيكم
عاملين ايه
تماام
أكيد تمام بوجودي

معانا اليوم ولد
مهندس
زي بابا و ماما و أخويا
خلينا في المهم
العضو ده قديم
كان اسمه كده باين توتي و لا إيه
أصل شفتها في موضوع قديم

خلينا في المهم
معانا














































يوه ميت مرة أقول في التأني السلاامة
انزلوا








































معانااا
الاسطورة
منورناااا

[الجويرية]

كنت بجد يانهال مشكلة
بس فضايح فضايح يعنى
ربنا يكفينا شرها

والبشمهندس ااسطورة معانا ياهلا ياهلا
فى ناس فاكرة ان حضرتك مش بتتكلم وطيب شوية
بس انا اعتقد غير كدة خالص معرفش ليه
لما نشوف حلقات حضرتك
فى الانتظاررر
وجزاكم الله خيرا

[**تسابيح**]

ايه العسل دا يانهال
دا انت كنتي هادية جدا
ربنا يكون في عون اهلك
ومحمود طه ينفع يبقي روائي كبير
منتظرين طبعا الباشمهندس

زي بابا و ماما و أخويا

عقبالك لما تكملي العائلة الكريمة

[Amethyst]

المشاركة الأصلية كتبت بواسطة تسابيح النجوم

عقبالك لما تكملي العائلة الكريمة

منا بدور على دكاترة بقى عشان أكمل العائلة
يللا يا بشمهندس محمود ( الأسطورة )

[NOUFALL]

هههههههه
ايه الحلاوه دى

المهم خشى نامى عشان تروحى لمدرسه بدرى



ومنتظرينك يا عم الاسطووره شكلك كنت داهيه

[الاسطورة]

بسم الله الرحمن الرحيم
باذن الله ها نبدأ مع بعض يا جماعة وربنا يعديها على خير ان شاء الله
شوفوا انا ها اقسم الطفولة مراحل عشان ما نتعبش
بس الاول احب انبهكم انى عندى زهايمر وده معروف يعنى
------------------------------------
انا ترتيبى اللى ف النص بين اخواتى عندى اختى اكبر منى ب3 سنين_هندسة اتصالات_ واخويا اصغر منى بسنتين_2 ثانوى_
_نبدأ بقى باول يوم ما انا اتولدت بابا جاب كيس مليان شيكولاتة وبسكوت ومصاصة وشيبسى لاختى وولاد عمتى وقالهم النونو اللى جايبه علشان يحبونى يعنى
_ف السبوع بتاعى بنت عمتى اللى هى اكبر منى بحوالى 6 سنين كانت بتقول لاختى انا يا ها احرقك يا احرق اخوكى ...اختى قالتلها احرقى اخويا طبعآ

_فى رمضان بقى لما كان بابا بيجيبلى الفانوس كنت باجرى اقابله ع الباب واخد الفانوس واجرى وف مكان معين ف الصالة اقع والفانوس يتكسر
بيقولوا الحكاية اتكررت كتير وف نفس المكان (قال يعنى مثلث برمودا)
_وانا صغير كنت باحب قوى العب استغماية ف البيت مع اختى بس غالبآ كنت باتقفش لانه مش كان عندى فن ازاى تستخبى
_وانا باستحمى دايمآ كنت باقعد اعيط لان الصابون كان بيدخل ف عينى لكن ها نعمل ايه بقى
انا قديم على ايامى مش كان فى شامبو جونسون ل الاطفال
_طول عمرى وانا جنتل كنت بالبس ف البيت جلاليب صغنططة كده جميلة قوى كنت باحبها جدآ كنت مخططة بالطول ومنها الوان كتيرة قوى _مش لاقى ولا واحدة منهم دلوقتى اجيبلكم صورتها _
_وانا صغير روحت مرة مع ماما المدرسة نجيب اختى بيقولوا انى بقى نزلت الحوش وقعدت اجرى وهما يجروا ورايا وانا ابدآ مش راجع
حتى الان ماما مش ناسيالى اليوم ده لان الساعة كانت 2 والجو كان حر بقى
_فى يوم من ايام الحضانة تانى او تالت يوم يعنى كنت رايح بشنطتى كانت جديدة وجميلة بقى ..المهم اتبدلت مع شنطة بنت كان اسمها مروة انا فاكر ..المهم شنطتها كانت قديمة ومتشخبط عليها بالجاف كتييير قوى ...لما روحت البيت ماما كانت ها تقتلنى تقولى من اول يوم عملت ف الشنطة كده المهم فتحتها لقت جواها سندوتشات بطاطس وانا مش كنت واخد بطاطس فا ده كان دليل البراءة

دى المواقف اللى انا فاكرها ف الطفولة قوى يعنى
انتظروا المرحلة الجاية مرحلة ابتدائى ودى انا فاكر فيها كتير
مش ها اتأخر عليكم ها استريح شوية بس