أخر أخبار مدرسين الحصة بأسيوط

[hon_hon]

انااسف خالص والله العظيم بس الاسم انا قرات الاسم خطا انااسف مرة تانية ورمضان كريم يابو منة

[hon_hon]

ياجماعة اية اخر الاخبار وياترى ملاتبات 7 و8 يكونوا ازاى احنا هنا فى ابوتيج محدش عارف حاجة والادارة ناس معقدة زى ما يكون هيدونا من جيبهم ياريت حد يقولى اخر الاخبار ياريت يابو منة

[abu_ menna_13]

كل سنة وحضرتك طيب

مرتبات 7 و 8 الناس هتقبض الحوافز ( 360 ) قبل المرتب وبعد كده هياخدو الشهرين على بعض ( 608.50 )

الكلام ده في ادارة اسيوط وكلام ثقة وتقريبا أغلب الادارات بتبقى شبه بعضها

[abu_ menna_13]

ومن شهر 9 هتاخد المرتب كامل 484.25 على بعضهم بدون تقسيم إن شاء الله

[طلعت احمد]

اخر محافظه ممكن تتكلم عنها اسيوط

[abu_ menna_13]

لا بصراحة الأمور ماشية حلو لحد دلوقت

[hon_hon]

'يابو منة ممكن تقولى اية اللى بيحصل حاليا هو القد اتغير ولا لا وفى نشرات فى المدارس ولا فى الادارات بالمرتبات والقبض قبل العيد معلش الناس فىالادارة عندنا مش فاهمة حاجة وكل سنة وحضرتك طيب يابو منة

[abu_ menna_13]

معرفش ايه العقد اللي مع حضرتك
أخر عقد اتمضى هو 2 / 2 وهو اللي الناس شغالة بيه حاليا

واللي بيحصل حاليا ان التوجيهات ( الله يحرقهم ) بيوزعو جوابات استلام العمل بالمدارس على المنقطعين
وفي قرار ( 1047) بتاع المحافظ ابتدى يوصل الادارات
والمرتبات على حد علمي من مصدر ثقة انهم بيقبضو الحوافز بتاعت شهر 7 و 8 الاول ( 360 جنيه )
وبعد كده هيقبضو مرتبات 7 و 8 على بعض ( 608.50 ) ومن شهر 9 هتبدأ تقبض المرتب بحوافزو ( 484.25 )
والله أعلم

[hon_hon]

انا عقد 2/5 ولسة مقبضش شهر 5و6 ومش عارف اية الاخر وبعدين سمعت ان فىالمدارس ورق بيتكتب بيانات مشعارف بتاع اية وية هو القرار 1047 ده معلش اصلى مش متابع احنا هنا اخر الادرات اللى بيوصلها تعليمات

[abu_ menna_13]

بالنسبة للقرار 1047 هو كالآتي

قرار رقم (1047) لسنه 2011
==================

محافظه اسيوط
=============
= بعد الإطلاع علي قرار رئيس الجمهورية رقم 43 لسنة 1979م بإصدار قانون نظام الإدارة المحلية ولائحته التنفيذية وتعديلاتهما.

= وعلي القانون رقم 47 لسنة 1978م بإصدار قانون نظام العاملين المدنيين بالدولة ولائحته التنفيذية وتعديلاتهما.

= وعلي القرار الوزاري رقم 75 بتاريخ 2/3/2011م والذي نص علي تثبيت العاملين المتعاقدين والعاملين بالحصة من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة ممن مضي عليهم ثلاث سنوات فأكثر.

= وعلي ما تضمنه قرار وزير التربية والتعليم رقم 75 لسنة 2011 من موافقة وزارة المالية بتاريخ 1/3/2011 وموافقة الجهاز المركزي للتنظيم والإدارة بذات التاريخ.
=وعلي موافقة السيد اللواء المحافظ بتاريخ 30/7/2011 علي اتخاذ إجراءات تثبيتهم تنفيذاً لقرار وزير التربية والتعليم رقم 75 لسنة 2011م.

= وعلي الكتاب الدوري رقم 2 لسنة 2011 الصادر عم الجهاز المركزي للتنظيم والإدارة بشأن الإجراءات التنفيذية لتثبيت العمالة المؤقتة بوحدات الجهاز الإداري للدولة.

= وعلي محضر لجنة شئون العاملين المتضمن الموافقة علي تثبيت العاملين المتعاقدين والعاملين بالحصة من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة ممن مضي عليهم ثلاث سنوات وكذا تثبيت العاملين بعقود مؤقتة في وظائف الخدمات المعاونة والذين مضي عليهم أيضاً ثلاث سنوات فأكثر والمعتمدمحضرها من معالي اللواء الوزير المحافظ بتاريخ 3/7/2011

قرر
======
ماده (1):
1-تجديد العقود لهم تلقائياً.
2- تثبيتهم عند استيفاء شروط التثبيت.
3- ضم مدة الخبرة العملية.
4- يتم صرف الراتب المنصوص عليه في العقد.
ماده (2):
علي الجهات المختصة تنفيذ هذا القرار

امضاء
س اللواء : "سيد البرعي"
محافظ أسيوط
تحريرا فى 11 /8 / 2011
=تخطر الادارات التعليميه لتنفيذ ما جاء بالقرار

وبالنسبة لقبض 5 و 6 في بعض الادارات فعلا اتأخرت جدا في قبضهم
ومقبضوهمش إلا لما راحو المديرية وعملو دوشة لوكيل الوزارة
وقدامي ناس اتكلمت مع المحافظ في اجتاعاتنا معاه ولولا كلم جمال متى وهزقو في التلفون لولا المرتبات طلعتلهم

أما بالنسبة لكونك عقد 2 / 5 ده تاريخ التعاقد بتاعك
أوعى تكون مغيرتش العقد من ساعتها
ده احنا غيرنا العقد 3 مرات تاني
وأخر تعاقد كان بأسم 2/2 ده رقمو مش تاريخو
شوف لو العقد اللي معاك مش مكتوب فيه معلم مساعد مادة ....... يبقى تروح تغيرو من التوجيه
اللي واضح انك متروحلوش أصلا ولا تسأل
وربنا يوفقك

[hon_hon]

انا تعاقد 1/7 الجديد وغيرت البند خليت 2/2 زى ماقالة وكتبت معلم مساعد بس دة من اول رمضان ومفيش جديد بالمناسبة يعنى 2/2 واية اللى بيحصل فى العقد تانى بعد القرار ده وفى عقد جديد ولا احنا بنعمل ايةبعد كدة

[nnoora]

السلام عليكم كلام ابو منه مظبوبط 100% انا قبضت الحوافز امبارح 360 جنية وروحت الادارة اسال عن المرتب لالقيت فعلا الناس بتستلم الشيكات بتاع شهر 7 ,8 مع بعض 608 جنية بس احنا لسه ما طلعتش وربنا يسهل

[abu_ menna_13]

المشاركة الأصلية كتبت بواسطة nnoora

السلام عليكم كلام ابو منه مظبوبط 100% انا قبضت الحوافز امبارح 360 جنية وروحت الادارة اسال عن المرتب لالقيت فعلا الناس بتستلم الشيكات بتاع شهر 7 ,8 مع بعض 608 جنية بس احنا لسه ما طلعتش وربنا يسهل

مليون مبروك ليكي يا أستاذه ليا الحلاوة

و

عقبالنا جميعا وعقبال هون هون الكسلان
بقولك روح اتعامل مع الشئون المالية والادارية بالمديرية
ومتسكتش وقدم مذكرة لوكيل الوزارة هتلاقي مرتبك طلع تاني يوم

وربنا يوفق الجميع

[abu_ menna_13]

هههههههههههههههههه ليه كده بس

يابشا الموضوع ان شاء الله سهل وكده كده حقكم هتاخدوه

وكل تأخيرة وفيها خير

يعني احنا مش اول محافظة تحصل على بعض حقوقها
انما كان قبلنا محافظات كتير مثل المنيا والقليوبية والشرقية و كتير كانو قبلنا

بس الموضوع محتاج منكم شوية صبر ومداومة على طلب الحق
وان شاء الله تتعدل

هون هون انا بهزر معاك بس اتعب وروح لوكيل الوزارة بش مش وحدك
شوف كام واحد من اللي لسة مقبضوش
وعلى فكرة الموضوع سهل زمايلي كانو زيك وراحو لوكيل الوزارة
ونا كنت معاهم وطلبو المرتب جابهولهم بالتلفون وفعلا مكملوش اسبوع وقبضو



ونتا طيب يا غالي

[hon_hon]

هو حضرتك ادارة اية واحنا هنا فى ابوتيج مفيش حاجة الظاهر الناس هنا ميتة احنا لسةمخدناش 5و6 عشان نفكر فى7و8