اكتب هنا اسوا موقف حصلك بعد ما بقيت مساعد - الصفحة 12

اميمة طه · #1 13-01-2011, 09:53 PM

بقى انا اللى باقول عليكى عاقلة.......... جبتك يا عبد المعين.............

جارةالوادى · #2 14-01-2011, 02:07 PM

اقتباس:

المشاركة الأصلية كتبت بواسطة اميمة طه

بقى انا اللى باقول عليكى عاقلة.......... جبتك يا عبد المعين.............

بصى يااميمة الحمد لله ده موقف وحصل معايا انما مش بعتبر نفسى مقياس لحد لانى بصراحة عندى واسطة كبيرة ساندانى اوى فى المدرسة بس الناظر عايز يبين للمدرسين ان معندوش حد احسن من حد ومحدش يقدر ياثر عليه عشان يعرف يظبط المدرسة ومحدش يقول اشمعنا وكمان انا بحب اتعامل زى كل الناس ولما اتميز او اخد حقى يبقى عشان حقى او انى بشتغل كويس وكمان ده رجل ناظر وقد ابويا يبقى لازم اديله برستيجه واحترامه انا مهما كان عيلة جنبه
ثانيا اام هيما واضح من كلامها ان الناظر بيعاملها بشكل شخصى لان اكيد واصله كلام عن اللى بيتقال عليه وده كان بيحصل فى مدرسة جنب مدرستى وكان الناظر بيتصرف بكدة واوحش كمان خصوصا مع المدرسات يبقى ملهاش حل غير انها تنقل من المدرسة او تخليها فى حالها اوى ولاتشارك فى اى كلام عن الناظر عشان تبقى من المحظوظين ويحل عن سماها وتشوف شغلها كويس جدا عشان محدش يقدر يمسك عليها غلطة وفى اكل الاحوال الموضوع شكله رخم وشائك جدا انصحها تنقل مدرسة تانية بس تسال عليها الاول

اميمة طه · #3 13-01-2011, 09:56 PM

لا طبعا مش كل الناس ينفع معاهم الطريقة دى ...... انا بقا باروح المدرسة 7.5 وفى ناس بتيجى 9و10 فلما المدير يجى يكلمنى اقوله لولا انى بجى 7.5 واسد العجز اللى فى المدرسة الصبح على البهوات ما يصحوا من النوم مكنتش قدرت تجاملهم كده .....

محبوالاسلام · #4 13-01-2011, 09:59 PM

وانا جاتلي فيزا قطر وباظت عليا لانها عدى عليها الوقت القانوني ستة اشهر في حين وصل مقدار الفيزا الى قطر هنا الى 25 الف جنيه وحسبنا الله ونعم الوكيل وده ليه ؟ علشان مش عاف اسافر واسيب الوظيفة حلوهالنا يا حكومة

اميمة طه · #5 13-01-2011, 10:07 PM

ان شاء الله ربنا هيعوض عليك بس ارجع واقول دى غلطتك قعدت هنا عشان ايه ؟ التثبيت ؟....على فكرة انا رائ الناس اللى بتجرى وراء التثبيت بتجرى وراء التواكل والركون الى الراحة عاوز شغلانة مضمونة راح او مرحش ضامن المرتب اخر الشهر واظن دى الحقيقة اللى بنهرب منها انما الضامن هو الله بس الواحد يقول لمين .... لو كلمت حد هيقول اصل البنات مش شايلين مسئولية بيت ؟ طيب ما انت لمل تتعين هتاخد كام ؟ واللى بيشتكى دلوقتى هيفضل يشتكى بعد التعيين ويقول التامين الصحى وحش مبنستفدش منه والحوافز قليلةوغيرها من عيوب المهنة....انما احنا متمسكين " ان فاتك الميرى اتمرغ فى ترابه"

علي عضاضلي · #6 13-01-2011, 10:39 PM

اقتباس:

المشاركة الأصلية كتبت بواسطة اميمة طه

ان شاء الله ربنا هيعوض عليك بس ارجع واقول دى غلطتك قعدت هنا عشان ايه ؟ التثبيت ؟....على فكرة انا رائ الناس اللى بتجرى وراء التثبيت بتجرى وراء التواكل والركون الى الراحة عاوز شغلانة مضمونة راح او مرحش ضامن المرتب اخر الشهر واظن دى الحقيقة اللى بنهرب منها انما الضامن هو الله بس الواحد يقول لمين .... لو كلمت حد هيقول اصل البنات مش شايلين مسئولية بيت ؟ طيب ما انت لمل تتعين هتاخد كام ؟ واللى بيشتكى دلوقتى هيفضل يشتكى بعد التعيين ويقول التامين الصحى وحش مبنستفدش منه والحوافز قليلةوغيرها من عيوب المهنة....انما احنا متمسكين " ان فاتك الميرى اتمرغ فى ترابه"

اسمحيلي اختلف معاكي:
يا ميس أميمة اللي بيطالب بالحق يبقى بيتواكل دة في اي شريعة او في عرف هذا الكلام ؟!!
وبعدين شاب بياخد 367ج وعايز يتجوز ويفتح بيت قوليلي يعمل ايه؟. والله لو اشتغل 10شغلانات مع التدريس ماهيكفي .
مفيش قدامنا غير امل التثبيت والسفر كام سنه ونرجع عشان نلاقي حاجة بعد مانرجع نعملها خصوصا اننا تربويين فملناش غير التدريس . تعرفي لو انا خريج تجارة مثلا والله ما هسأل ف التثبيت عارفه ليه؟ لان اي مؤهل تاني ليه اكتر من مجال ممكن يشتغل فيه لكن احنا لأ .
صح ولا غلط كلامي؟

ابن الأكرمين · #7 13-01-2011, 10:47 PM

اقتباس:

المشاركة الأصلية كتبت بواسطة علي عضاضلي

اسمحيلي اختلف معاكي:
يا ميس أميمة اللي بيطالب بالحق يبقى بيتواكل دة في اي شريعة او في عرف هذا الكلام ؟!!
وبعدين شاب بياخد 367ج وعايز يتجوز ويفتح بيت قوليلي يعمل ايه؟. والله لو اشتغل 10شغلانات مع التدريس ماهيكفي .
مفيش قدامنا غير امل التثبيت والسفر كام سنه ونرجع عشان نلاقي حاجة بعد مانرجع نعملها خصوصا اننا تربويين فملناش غير التدريس . تعرفي لو انا خريج تجارة مثلا والله ما هسأل ف التثبيت عارفه ليه؟ لان اي مؤهل تاني ليه اكتر من مجال ممكن يشتغل فيه لكن احنا لأ .
صح ولا غلط كلامي؟

ربنا يحقق كل أمانيك انته بالذات تستاهل كل خير

أرجو من الله أن يوفقكك وأخوانك وأخواتك

انا حزين جدا لأنهم قالولي أخبار لاتطمن

بسي انا هتأكد وأقولك

ام رهف · #8 13-01-2011, 10:07 PM

والله انتو ناس عسل الموضوع حلو اوي يااستاذة اميمة انا من اول مااتعمل وانا باتابعه واقرا كل المشاركات فوجئت ان دي الصفحة السابعة انا قرات كتيير بس لسة نفسيا مش مستعدة اني احكيلكم مواقف المهم ادعو لي بالتوفيق

اميمة طه · #9 13-01-2011, 10:08 PM

اهلا بالضيف الجديد عصام 2010

اميمة طه · #10 13-01-2011, 10:09 PM

لاول مرة احس ان فى كلام مينفعش يتقال " اسرار"

اميمة طه · #11 13-01-2011, 10:11 PM

ام رهف انا وبقية عيلة اميمة طه اللى فى المنتدى مستنينك واكيد هنستفيد منك

ام رهف · #12 13-01-2011, 10:50 PM

اقتباس:

المشاركة الأصلية كتبت بواسطة اميمة طه

ام رهف انا وبقية عيلة اميمة طه اللى فى المنتدى مستنينك واكيد هنستفيد منك

شكرا ليكي ياحبيبتي موضوعك هايل انا متابعاكو حتى يقضي الله امرا كان مفعولا

ammhhe · #13 13-01-2011, 10:12 PM

اذكرو الله

اميمة طه · #14 13-01-2011, 10:17 PM

لا اله الا الله وحده لاشريك له له الملك وله الحمد وهو على كل شيئ قدير.......اللهم انى ظلمت نفسى ظلما كبيرا فارفعه عنى برحمتك يا ارحم الراحمين ...............اللهم امين

اميمة طه · #15 13-01-2011, 10:22 PM

اجمل اوقات باقضيها فى منتدى المعلم المساعد....... ويا ريت تكونوا انتوا كمان؟