أي حد نفسه يسأل عالكلية او أي استفسار يخش هنا ويسأل براحته

[mado95]

وصحيح هي حلوان ممكن تاخد مجموع كام بعد امتحان التفاضبل ده ربنا يسترها ان شاء الله لاني سمعت ان فيها احسن قسم حاسبات خاص
وهل فعلا قسم عين شمس بتاع الاحياء وهم ؟؟
لاني قريت موضوع بيقول ان الدكاترة مش متخصصين فيه

[Eng.Mo'men]

المشاركة الأصلية كتبت بواسطة mado95

وصحيح هي حلوان ممكن تاخد مجموع كام بعد امتحان التفاضبل ده ربنا يسترها ان شاء الله لاني سمعت ان فيها احسن قسم حاسبات خاص
وهل فعلا قسم عين شمس بتاع الاحياء وهم ؟؟
لاني قريت موضوع بيقول ان الدكاترة مش متخصصين فيه

93% بس الله اعلم عشان الامتحانات واعداد الطلبة بيختلفوا كل سنة .... لالا مش احسن قسم ولا حاجة هو اسم بس وعلى فكرة هو زي معلوماتية حيوية بتاع عين شمس والقسمين مصالح وخلاص عاوزين يجمعوا فلوس وبس انما فى الآخر الشهادة هي هي .. ايوة مافيش حد فى كلية حاسبات متخصص اصلا لان الكلية لسة جديدة بس بدأ يبقا فيه متخصصين فى علوم الحاسب وفى نظم المعلومات وبالوقت الدنيا بتتحسن

[AG184]

ايه افضل الاماكن يامؤمن اللى ممكن تاخد فيها كورسات فى لغاات البرمجه بالتحديد php وايه اسعارهم

[Eng.Mo'men]

افضل الاماكن واشهرهم itshare و yat و yamit وفيه غيرهم برده كتييير

http://amit-learning.com/

http://www.yatlearning.com/Front/Eng...obal/Home.aspx

www.iteshare.com

[EhabAmmar]

Yat -Amit

ده افضل مركزين على مستوى الجمهوريه مفيش غيرهم بالنسبه لمحتويات كل دبلومه او كورس

[AG184]

شكرا يابشمهندس واقرب حاجه ليا Amit بالرغم من انها بعيده برده وكلمتهم مش بيردوا وهحاول معاهم تانى لانى لقيت فيها كورسات كنت فاكرها اون لاين بس وتشكر ع المساعده ياكبير وربنا يبارك فيك

[Eng.Mo'men]

المشاركة الأصلية كتبت بواسطة ag184

شكرا يابشمهندس واقرب حاجه ليا amit بالرغم من انها بعيده برده وكلمتهم مش بيردوا وهحاول معاهم تانى لانى لقيت فيها كورسات كنت فاكرها اون لاين بس وتشكر ع المساعده ياكبير وربنا يبارك فيك

لا يا حبيبي فى اي وقت كلمني

[فكر وابتكر واحلم]

طيب انا جايب 91.1 % ما هي احتمالات فبولي بهذه الكليه كلية حاسبات ومعلومات

[mestry boy]

انا سمعت عن قسم ف هندسه اسمه هندسه الحاسبات و النظم
انا عايز اعرف هو بكام و ايه الفرق بينه و بين حاسبات و معلومات ؟؟
يا ريت تقوللي عشان انا محتار اوي
و انا جايب 95.2 يعني ممكن اخش هندسه ف عايز اعرف لوسمحت

[yours]

السلام عليكم

انا مصرية لكن بدرس تخصص تقنية المعلومات it خارج مصر
هل لما ارجع لمصر ابقى تبع النقابة ولا هيبقى غير معترف بيا ؟!
ولما النقابة تتعمل ان شاء الله هيكون خريجين حاسبات حاصلين على لقب مهندسين بدراسة 4 سنوات فقط ؟
وهيا النقابة شكلها هتطول لغاية ماتتعمل صح

وشكرا ..

[X-Turbo]

المشاركة الأصلية كتبت بواسطة yours

السلام عليكم

انا مصرية لكن بدرس تخصص تقنية المعلومات it خارج مصر
هل لما ارجع لمصر ابقى تبع النقابة ولا هيبقى غير معترف بيا ؟!
ولما النقابة تتعمل ان شاء الله هيكون خريجين حاسبات حاصلين على لقب مهندسين بدراسة 4 سنوات فقط ؟
وهيا النقابة شكلها هتطول لغاية ماتتعمل صح

وشكرا ..

ان شاء الله لما النقابه تخلص هيبقى حاصلين على لقب "مهندس برمجيات" ودى هيبقى نقابه خاصه ليهم

والنقابه دى كانت هتخلص فى مجلس الشعب قبل كده لولا انه اتحل وحاليا مفيش مجلس شعب

فيه امل ان شاء الله

[Eng.Mo'men]

المشاركة الأصلية كتبت بواسطة yours

السلام عليكم

انا مصرية لكن بدرس تخصص تقنية المعلومات it خارج مصر
هل لما ارجع لمصر ابقى تبع النقابة ولا هيبقى غير معترف بيا ؟!
ولما النقابة تتعمل ان شاء الله هيكون خريجين حاسبات حاصلين على لقب مهندسين بدراسة 4 سنوات فقط ؟
وهيا النقابة شكلها هتطول لغاية ماتتعمل صح

وشكرا ..

لو شهادة حضرتك والمواد اللى درستيها زي مواد علوم الحاسب الدولية يبقا معانا فى النقابة ان شاء الله على طول .. هيبقا المسمى مهندس برمجيات لان النقابة هيبقا اسمها نقابة مهندسي البرمجيات ان شاء الله .. بس ادعي تخلص على طول عشان طولت اوي اوي .. بس احنا املنا كبير ان شاء الله انها تخلص قريب وبالتوفيق

[Eng.Mo'men]

المشاركة الأصلية كتبت بواسطة mestry boy

انا سمعت عن قسم ف هندسه اسمه هندسه الحاسبات و النظم
انا عايز اعرف هو بكام و ايه الفرق بينه و بين حاسبات و معلومات ؟؟
يا ريت تقوللي عشان انا محتار اوي
و انا جايب 95.2 يعني ممكن اخش هندسه ف عايز اعرف لوسمحت

القسم دا لو خاص يبقا هتدخل هندسة خاص على حسب المعهد بس معظم المعاهد ب15 ألف فى السنة

الفرق بينه وبين حاسبات .. ان القسم دا بيدرس hardware يعني الاجزاء المادية للحاسب وتصنيعها وبرمجتها يعني تعريفها على الجهاز بس .. انما طالب حاسبات بيدرس برمجة البرامج العادية ونظم التشغيل للأجهزة زي الويندوز وزي الماك لاجهزة الapple وزي الاندوريد لاجهزة الموبايلات وهكذا وطالب حاسبات برده بيدرس شبكات يعني نظم التوصيل بين الاجهزة ومراقبة الاتصال دا وحماية المعلومات على الاجهزة وبيدرس برده الداتا بيز يعني قواعد البيانات لاي مؤسسة او شركة او مصنع بدل الدفاتر والنظم القديمة

[Eng.Mo'men]

المشاركة الأصلية كتبت بواسطة فكر وابتكر واحلم

طيب انا جايب 91.1 % ما هي احتمالات فبولي بهذه الكليه كلية حاسبات ومعلومات

صعب شوية .. تقدر تدخل خاص وربنا يوفقك

[Ahmed-Ramy]

هو الكليه دي كام سنه