الحملة الكبرى لإسترداد حقوق المدرسين المتعاقدين ( للإيجابيين فقط ) - الصفحة 118

مجدى جمال كامل · #**1756** 01-10-2009, 11:15 PM

يا جماعة حد يبارك لى ... مش بعد ما طلعت عين اللى جابونى ف الزحمه قدمت النهارده ف الاكاديميه وعشان خاطر الباشا(.....عارفينوه طبعاً) اللى عمل الدنيا زحمه بعد ما كانت الدنيا راقيه
المهم يا أخوانا تصدقوه أنهم أتلككوا للناس واحد قال أيه الورقه دى مش مختومه كويس ، ومره أه الختم مش فوق تاريخ العقد لدرجة الواحد فكر يأخد معاه الختم بتاع الاداره التعليميه عشان يحطوهوله ف عينه
الحق يا سيدى دول ميسرين العمليه ع الاخر من كل 500 مبيطلعوش اكتر من 100 ورقهم سليم
ولولا الحاجه داعيالى النهارده كنت بقيت من ال400
وأخيراً ...ربنا يوفقكم بكره ف الندوه ولولا المشوار من سوهاج بعيد كنت بعتلك عربيه نص نقل مليانه رجاله...............أخوكم (سوهااجى للابد)

محمد عاطف 22 · #**1757** 02-10-2009, 12:05 AM

اقتباس:

المشاركة الأصلية كتبت بواسطة مجدى جمال كامل

لدرجة الواحد فكر يأخد معاه الختم بتاع الاداره التعليميه عشان يحطوهوله ف عينه

ولولا المشوار من سوهاج بعيد كنت بعتلك عربيه نص نقل مليانه رجاله...............أخوكم (سوهااجى للابد)

بصراحة حرام اللى بيعملوة فينا دة
بس ردك جميــــــــل
بيفكرنى بتعليقات الكابتن محمود بكر
شكرااا للجميع على التواصل

tamer_hussein17 · #**1758** 02-10-2009, 12:05 AM

انا متعاقد في التربية والتعليم
وآآآآآآآآآآآآآآآآآآآآآآآآآآآآآآآآآآآ سف جدا إني بأقول إني متعاقد
انتوا بتسالوا عن حقوقنا وبتدوروا عليها
طيب شفتوا اللي بيحصل في الاكاديمية المهنية للمعلمين في بني سويف من اهانة وبهدلة للمعلمين والمعلمات حيث ان الموظفين استدعوا الامن للسيطرة على احتجاجات المعلمين على تصرفاتهم المستفزة وعدم تعاونهم مع المعلمين وسيادة الفوضى بينهم فمثلا معظم المعلمين اللي سلموا اوراقهم عندما جاء موعد الفحص لم يجدوا اوراقهم وقالولهم انها ضاعت وسابوهم يدوروا عليها في حجرة صغيرة مليئة باوراق المعلمين اما المعلمين اللي لسه مسلموش اوراقهم فحكايتهم حكاية حيث ان اعدادهم كبيرة ومفيش نظام لتسليم الأوراق وكمان الموعد النهائي لتسليم الأوراق اقترب لانه في نهاية الاسبوع القادم 8/10/2009
يبقى حقوق ايه اللي بنتكلم عليها !!!!!!!!!!!!!!!!!!!!!
لو الكلام ده حصل مع اي فئة تانية كان الموضوع كبر وكان جالهم حقهم
لكن المدرسن ليس لهم من يدافع عنهم لا وزارة ولا نقابة ولا أي حد
يبقى ليا حق اقول اني اسف اني اكون مدرس متعاقد ولا لأ !!!!!!!!!!!!!!!!!!!

(هند) · #**1759** 02-10-2009, 12:26 AM

السلام عليكم
والله حرام الى بيحصل انا رجعت مرتين النهاردة عشان الكود بين الادارة والمديرية والمدرسة حسبى الله ونعم الوكيل

مونى عزمى · #**1760** 02-10-2009, 12:46 AM

الحمد لله انى قدمت فى رمضان كانوا الموظفين فاضيين خااااااااااااااااااااااالص كان موجود اتنين موظفين واحنا اتنين بنقدم بس وبعد كدة بدا الناس يجيوا بردة كان العدد قليل جدا

ranad2003 · #**1761** 02-10-2009, 01:13 AM

ياريت يا اخت رانده توالينا بالاخبار الجديدة ويكون وشك حلو علينا

كنت اتمنى الكل يبقى معانا بس ربنا يسهل ونجيب ليكم فعلا اخبار حلوة ياااااااااااارب

ranad2003 · #**1762** 02-10-2009, 01:14 AM

محدش قال جااااااااااااااى معاكم

ahmed_592005 · #**1763** 02-10-2009, 01:59 AM

سبحان الله وبحمده، سبحان الله العظيم

sally2009 · #**1764** 02-10-2009, 02:22 AM

السلام عليكم.......
بمناسبة اللى بيحصل فى فروع الأكاديميه من اهانه وذل واستهتار من المسئولين .... أنا قدمت فى الأكاديميه فى فرع طنطا والكلام ده من يوم 13/9/2009 .... يعنى كان فى رمضان ... واللى شفته مفيش مخلوق شافه ولا هيشوفه ....!!!!
أنا مش ببالغ بس أنا اتبهدلت جداااااااااااا وحصللى اغماء تام ... وتم نقلى الى المستشفى بجوار الأكاديميه .. وكان الضغط عالى ...ومع كل ده لم يتم اعطائى قرص اسبرين واحد...وبعدها اتنقلت الى مستشفى الجامعه فى طنطا .... واللى حصل فى المستشفى الاولى اتكرر فى التانيه...... بصراحه مقدرش أقول غير حسبى الله ونعم الوكيل فى موظفين الأكاديميه وفى أطباء وممرضى المستشفيات الحكوميه.... وطول ما دولتنا فيها النماذج السيئه دى عمر ما مصر هتتقدم ولا تتغير.... أنا نفسى أى حد من المسئولين يقوللى ذنبى ايه فى اللى حصللى .... وطبعا الساده موظفى الأكاديميه مرتاحين فى الحجرات المكيفه والناس بتموت من الزحام بره ومش بيفتحوا لحد ولا حياة لمن تنادى....

MUSTAFAEGYPT · #**1765** 02-10-2009, 08:35 AM

سلامتــــــــــــــــــك ............ كويس ان الضغط بس اللى ارتفع دا أعمالهم فينا تجيب الأمراض المخفية

مجدي محمود علي · #**1766** 02-10-2009, 10:50 AM

ألف مبروك للأستاذ مجدي جمال وألف سلامة لـ sally2009 الزحمة نعاني منها في الأزهر كل عام يطلب من المتعاقدين الذهاب بالأوراق هي هي كل عام ونقدمها ونشتري دمغة ونقف طوابير زي ما يكون عيال صغيره بتشتري عيش
اقرأ كتاب تراث العبيد
وحسبنا الله ونعم الوكيل

MUSTAFAEGYPT · #**1767** 02-10-2009, 11:18 AM

اللهم اصلح لنا ديننا الذى هو عصمة أمرنا

العروبة2 · #**1768** 02-10-2009, 11:25 AM

في يا جماعة خبر حلو على الرابط ده وأكيد ده ناتج من تعبكو ومجهودكو
http://www.thanwya.com/vb/showthread.php?p=1653510#post1653510

العروبة2 · #**1769** 02-10-2009, 11:26 AM

في يا جماعة خبر حلو على الرابط ده وأكيد ده ناتج من تعبكو ومجهودكو
http://www.thanwya.com/vb/showthread.php?p=1653510#post1653510

العروبة2 · #**1770** 02-10-2009, 11:36 AM

اقتباس:

المشاركة الأصلية كتبت بواسطة tamer_hussein17

انا متعاقد في التربية والتعليم
وآآآآآآآآآآآآآآآآآآآآآآآآآآآآآآآآآآآ سف جدا إني بأقول إني متعاقد
انتوا بتسالوا عن حقوقنا وبتدوروا عليها
طيب شفتوا اللي بيحصل في الاكاديمية المهنية للمعلمين في بني سويف من اهانة وبهدلة للمعلمين والمعلمات حيث ان الموظفين استدعوا الامن للسيطرة على احتجاجات المعلمين على تصرفاتهم المستفزة وعدم تعاونهم مع المعلمين وسيادة الفوضى بينهم فمثلا معظم المعلمين اللي سلموا اوراقهم عندما جاء موعد الفحص لم يجدوا اوراقهم وقالولهم انها ضاعت وسابوهم يدوروا عليها في حجرة صغيرة مليئة باوراق المعلمين اما المعلمين اللي لسه مسلموش اوراقهم فحكايتهم حكاية حيث ان اعدادهم كبيرة ومفيش نظام لتسليم الأوراق وكمان الموعد النهائي لتسليم الأوراق اقترب لانه في نهاية الاسبوع القادم 8/10/2009
يبقى حقوق ايه اللي بنتكلم عليها !!!!!!!!!!!!!!!!!!!!!
لو الكلام ده حصل مع اي فئة تانية كان الموضوع كبر وكان جالهم حقهم
لكن المدرسن ليس لهم من يدافع عنهم لا وزارة ولا نقابة ولا أي حد
يبقى ليا حق اقول اني اسف اني اكون مدرس متعاقد ولا لأ !!!!!!!!!!!!!!!!!!!

وأكثر من كده حصل من بهدلة ووقلة ذوق وضرب من الأمن المركزي والظباط وقلة قيمة وبصراحة اليوم عمري ما شفتوا زايوه والله لما رحت اقدم في الجيش محصلش كده ومدرسات وخدين ولادهم معهم لان مفيش حد في البيت ليهم والزوج جاي مع زوجته والله أعرف بنات راحوا مرتين ومقدرش يعملوا حاجة والله حرام حرام
ماكنت كل إدارة تلم الملفات ويعملوا تنسق مع الأكاديمية وكانوا خدوه اللي هم عاوزين بدل البهدلة ديه وحسبي الله ونعم الوكيل في السبب في البهدلة والكرامة التي اتهنت واتدست بالجزم والبنات اللي بيغموا عليها والشباب اللي بتضرب ......... هاقول إليه حسبي الله ونعم والوكيل
وبس العيب مش فيهم العيب فينا إحنا