رسائل إلى ........ من مواطن مصرى

[البحار مُندى]

مفاجأه بالفيديو.. الملك سلمان لـ نيويورك تايمز :"منعرفش حاجه عن الجزر والاخوه بمصر بيردوا الجميل"


https://www.youtube.com/watch?v=UOn7hmOL32M

[أ/رضا عطيه]

خفة دم ناشطة قبل الثورة كانت تعيش فى منزل متواضع وتعمل بشركة نسيج كباقى البشر

وبعد الثورة ماشاء الله بتصيف فى فرنسا وبتشتى فى أمريكا

-وهو دا التغيير اللى كانوا بيطالبوا بيه-

للأسف حظ سيدات مصر رفضوا الدعوة وهاهم مسلوقين فى غلاءالأسعار -

وكانوا بيقولوا البلد بلدنا بس بشرط يكون التمويل خارجى ...

والشعب رفض فلازم يدوق تمن رفضه لدعواتهم --

قالوا هنحاصره ونجوعه - أه يا أغبية طب من امتى الشعب شبع -

قالوا هنضيعه - يا أغبى خلق الله طب من إمتى الشعب لقى نفسه إلا فى بلده

-تحيا مصر بشعبها وبكل مؤسساتها رغم أنف وكيد الكائدين

ربنا يخلصنا من كل الناشطين والناشطات

شوف السخرية من الشعوب وتاريخهم وصلت لحد فين -


ناشطه أمال هى ناشطة ليه؟

[أ/رضا عطيه]

طب دول هتقدر تاخد منهم حق -
ولا حتى هيدو لك حقك -
بلد مصنفات كلها فئات
ناس فى الحضيض وناس باشوات
وتسألنى عن حال المعلم هقول لك
أبوك السقا مات
لأنهم نقلوا على حاجة تانية غير بلد شهادات
بلد ربيعها وخريفها الواسطة والمحسوبيات
يحميكى يا أم الدنيا
من عودة طراطير الباهوات والباشوات

ربنا موجود

[المصري أشرف]

أستاذي الكريم / رضا الجوهري
كل عام وحضرتك بألف خير .. وفقك الله في كل حرف
تخطه يداك .. متابع ولي الشرف

[أ/رضا عطيه]

أعتذر عن التأخير في الرد

لأننى كنت ضمن أولياء أمور أطلقوا الشهادتين اليوم على باب اللجبة بعد خروج إبنى من امتحان الجيولوجيا

كان عام طويل لم أشعر به حتى مع إبنى الأكبر

الحمد لله

نجح الشباب في تحدى كل الصعوبات والمبتكرات التى وضعوها أمامهم

حرارة وصيام وفذلكة فارغة -

وربى لثوابهم على تحديهم للحرارة والصيام والامتحانات لفخر لجيل جديد بعون الله

لكن أكررها وسأكررها دائما

الحمد لله رب العالمين

شرف عظيم أن أنال متابعتكم وتقديركم ابن بلدى الغالى


جزاكم الله خيرا وبارك فيكم


كل عام وأنتم بخير

[أ/رضا عطيه]

بعد مرور رمضان بهذه السرعة

ومنحك المولى سبحانه وتعالى من فيض فضله ورزقه لتتمكن من صومه

ليس مطلوبا منك أهم من أن تتذكر أن ماشعرت به من جوع وعطش فى شهرواحد

لك أخوة حولك وفى هذا العالم يعيشون هذا الجوع طوال العام

لاتجعل رمضان جهاد لذاتك وفقط بل اجعله جهاد لإحياء أمه هى منك وبك ولك

تحتاج لزكاتك قدر ماتحتاج لصلاتك ودعواتك

كل عام وأنتم بخير

[أ/رضا عطيه]

[lehrer12]

جميل جدا بارك الله فيك شكرا

[lehrer13]

جميل جدا بارك الله فيكم شكرا لكم

[أ/رضا عطيه]

جزاكم الله خيرا

[أ/رضا عطيه]

[أ/رضا عطيه]

مايصحش الغنى ياخد دعم -كلام سليم وجميل -


اتحدى الحكومة لوكان عندها إحصاء بعدد الأغنياء والفقراء في الشعب


وبعدين الغنى صاحب اسطول سيارات النقل والمصانع والشركات- هو اللى بينقل كل حاجات الفقير وبينتجها وبيوزعها كمان -


-- يعنى هيعوض الزيادات دى من دم الغلابة وخاصة وهوعلى دراية كافية بأن مفيش رقابة من الحكومة ولا توابعها


نزلوا تليفونات للإبلاغ زى كل مرة وكل سنه وانت طيب

وزير الصحة بيقول مجانية الصحة والتعليم هى سبب ضياع البلد -

ووزير التعليم بيقول المعلمين ومطالبهم ضيعوا عليا فرحة العيد

يبقى مستنى منهم ومن زمايلهم إيه ؟

دول سلسال باشوات وجايين يعيدوا ويحرمنوا الناس حقوقهم


- يعنى سابوك هنا و...هما عايشين فى كوكب تانى

والشعب بالنسية لهم صبح عبء ومصدر إزعاج لهم

هو عيب لو سألوا الحكومات السابقة هما كانوا ممشينا إزاى


ولانفخة الثورة والثوار والفشله وتقمص الأدوار لحست عقول الوزراء كمان

إسألوا مش عيب - ربنا يهدكم قبل ماتهدوا البلد على دماغ الكل


واضح ان الحكومة واصلها تقارير بأن الشعب معظمه مرفه


وأن الفقراء لازالوا يستخدمون الفرن البلدى والكانون في إعداد طعامهم


فرفعوا تمن أنبوبة الغاز


أنبوبة الغاز زى العيش والتموين يا ساده


ولا كدا كتير على شعب علم الصبر يصبر ويتصبر


اتقوا الله فينا

[أ/رضا عطيه]

مع اعتراضى على ماتفعله الحكومة كباقى الخلق

ومحاولة اعطاء الدواء للشعب مرة واحدة فيكون ضرره أعلى من نفعه وربما يكون مميتا

وقبل أن تنساق وراء الكارهين أحب أذكرك بشىء بسيط

من يكره اختيارك وسعيد بندمك عليه الان هو فى الأصل لايريد أن يكون لك اختيار أ

فمن يعترضون على اختيار الشعب الذى لايتفق معهم يروننا شعب جاهل ومش عارف مصلحته -

فلاتعاقب نفسك لترضيهم


واعترض وانتقد كما شئت


واحمد الله أن لك بلد لازالت على قيد الحياة


فيها المبشرات والمحبطات كباقى ربوع الدنيا

[أ/رضا عطيه]

[أ/رضا عطيه]