رسائل إلى ........ من مواطن مصرى

[الأستاذة ام فيصل]

فعلا مثل هذه الكلمات تبقى خالدة
جزاك الله خيراً استاذ رضا وبارك الله بحضرتك
تحياتي وتقديري

[أ/رضا عطيه]

كل التحايا والتقدير دائما لأستاذتنا الفاضلة /أم فيصل

جزاكى الله كل خير

[أ/رضا عطيه]

فى الخصم مش محتاجيين لاقانون ولامداولات ولامجلس نواب -

فى الزياده محتاجين فضايح اعلامية وتكســير شبابيك وأبواب -

حكومه مدربه ولها إنياب

[أ/رضا عطيه]

العشق المصرى الفريد والوحيد الذى يحمل شعار (صنع في مصر )

خدتينى 100 ألم
انا شفت فيكى مرمطة وعرفت مين اللى اتظلم
ليه اللى جايلك اجنبى عارفة عليه تطبطبى
وتركبى الوش الخشب وعلى اللى منك تقلبى

عارفة سواد العسل- اهو ده اللى حالك ليه وصل
ازاى قوليلى مكملة وكل ده فيكى حصل
يا بلد معاندة نفسها يا كل حاجة وعكسها
ازاى وانا صبرى انتهى لسة بشوف فيكى امل

طرداك وهى بتحضنك وهو ده اللى يجننك
بلد ماتعرف انت ساكنها والا هى بتسكنك
بتسرقك وتسلفك ظلماك وبرضه بتنصفك

ازاى فى حضنك ملمومين وانتى على حالك كده

[الأستاذة ام فيصل]

المشاركة الأصلية كتبت بواسطة أ/رضا عطيه

العشق المصرى الفريد والوحيد الذى يحمل شعار (صنع في مصر )

خدتينى 100 ألم
انا شفت فيكى مرمطة وعرفت مين اللى اتظلم
ليه اللى جايلك اجنبى عارفة عليه تطبطبى
وتركبى الوش الخشب وعلى اللى منك تقلبى

عارفة سواد العسل- اهو ده اللى حالك ليه وصل
ازاى قوليلى مكملة وكل ده فيكى حصل
يا بلد معاندة نفسها يا كل حاجة وعكسها
ازاى وانا صبرى انتهى لسة بشوف فيكى امل

طرداك وهى بتحضنك وهو ده اللى يجننك
بلد ماتعرف انت ساكنها والا هى بتسكنك
بتسرقك وتسلفك ظلماك وبرضه بتنصفك

ازاى فى حضنك ملمومين وانتى على حالك كده

الله الله عليك يا استاذ رضا
كلام معبر فيه نقد قوي لكنه غير جارح
تناقضات عجيبه لكن عايشيها
دنيا ماشيه بالمقلوب واحنا حابيها
كلمات رغم بساطتها تدخل القلب على طول
لانها صادقه وخارجه من قلب محب لبلده ووطنه
هي مصر اللي كلنا بنحبها
تسلم الايادي
تحياتي وتقديري

[أ/رضا عطيه]

[/QUOTE]







سيدتى الفاضلة والأخت الطيبة رقيقة القلب والروح
تسائم تعليقاتك دائما تسر النفس
جزاكى الله كل خير

[أ/رضا عطيه]

كل من سيرى هذه الصورة - سيبرأ نفسه أولا من ذنبهم -
ثم سيند ظهره على مقعده ويبدأ فى صب مجرات غضبه على كل الناس -
فكل الناس شياطين وظلمه إلا هو يلتحف قلبه بالرحمة والاحسان -
- كلنا مذنبون -
فبعضنا بالنظرة الأولى سيصفهم بالقذارة
وبعضنا من اللفتة الأولى سيضعهم فى سلة المتشردين

وبعضنا سيرميهم بكل مايشعره بأنه برىء من ذنب ماهم فيه ---
كل بعضنا مذنبون

[أ/رضا عطيه]

بعد ماخرجنا خارج خارج التصنيف

وجاى تتعامل مع جنودك بقانون نظيف

يبقى اسمح لى يافندم

انت كدا وزير مش حريف

وماعديتشى مستحمله ورق ورق وتستيف

وإذا كان نية التطوير حقيقة مش تزييف

أصلح حال جنودك أولا لينصلح جيش التطوير

[أ/رضا عطيه]

تزوير التاريخ (1)
ليس دفاعا عن عصور ولكن دفاعا عن وطن احتضن الثلاث ديانات وقدم الملايين أرواحهم من أجل نشرها والدفاع عنها
بعثة خرجت من مصر متجهة إلى بلد الهيمنة الكونية ليتلقى أحفاد مينا وخوفو وأحمس وعمرو بن العاص وصلاح الدين وقطز وبيبرس علوم السكان الأصليين من أحفاد إبادة الهنود الحمر السكان الأصليين فى بلدهم

- دخلت الشقراء الهيفاء التى خطفت كل قلوب المتابعين إلا صعيدى مصرى
-روت حكاوى السكان الأصليين فى بلدان العالم ولم تذكر رواية وطنها أمريكا ...

- كل هذا لم يهتم به هذا الصعيدى والذى درجة إجادته للإتجليزية تفوق قدرات نصف سكان أمريكا

- رست الشقراء عند مصب نهر النيل والتى ذكرت أن كل السكان الأصليين لمصر رحلوا مع سيدنا موسى إلى فلسطين وبعد رحيلهم توقفت الحياة تماما فى مصر
لأن من رحلوا مع موسى هم من كانوا يبنون البنايات ويفجرواالحضارات

فقاطعها الصعيدى قائلا ومن فرعون موسى عليه السلام - ولماذا تتعالى الأصوات لتندد بفرعون موسى ولا أحد يذكر شيئا عن فرعون يوسف عليه السلام ؟ ولماذا مررتى على الهنود الحمر ولم تذكرى عنهم شيئا ؟وما أصول من يسكنون مصر الأن؟

فانقلب الجمال والرشاقة لعنفوان وطلاقة فى السب لتصف هذا الفعل ومقاطعتها بالهمجية واللا تحضر - هكذا شعوبكم دائما ولم ترد على أسئلته واستمرت فى ما كلفت به

هكذا كما يبررون للصهايته فى فلسطين هم أيضا يريدون اقناع العالم وخاصه علمائه وباحثيه بأن كل سكان الوطن العربى وافدون من الصحارى وليس لهم الحق فى أوطانهم

فلاتتعجب حين تستمع لشطحات الصهاينة بأن كل الحضارة المصرية من صنعهم!!!!!!!!!!!

[أ/رضا عطيه]

تزوير التاريخ (2)
الحقير صلاح الدين الأيوبى

من وحد جيوش المسلمين فى الشام ومصر واليمن والجزيرة العربية وكسر بهم جيوش أوربا --- حقير !!!

من حول الجامع الأزهر من نشر المذهب الشيعى للمذهب السنى---- حقير !!!!

من حرر بيت المقدس من أيدى إرهابى الغرب وصار المشعل والدعاء لكل مسلم بأن يرزقنا الله بصلاح أخر يحرر بيت المقدس من أيدى الصهاينه --حقير !!!!...

صلاح الدين الأيوبى الرجل الكردى والقائد المسلم العظيم والذى يعيش أحفاده في زماننا فى تركيا وإيران كإرهابيين --- ولهكذا فقط صار حقيرا

لم يرد على حديث هذا ------سوى ليبرمان الذى ذكرها علانية - إن فى مصر عقول تريد تصويب التاريخ --- فماذا تعنى عبارة تصويب التاريخ بالنسبة لإسرائيل ؟

وانشغل عن هذا الحديث كل دعاة الخير وحماة الدين
انشغلوا بقضية مكبرات الصوت في التراويح وكأن السلف الصالح نشر الإسلام في كل بقاع الأرض بمكبرات الصوت

كل في طبقه يلهو ولمصدر فكره وعونه يصبوا

حسبنا الله ونعم الوكيل

[أ/رضا عطيه]

كل عام وأنتم بخير

[أ/رضا عطيه]

[على عمر داودد]

اميـــــــــــــــــــــــــــــــــــــــــــــــ ــــــــــــــــــــــــــــــــن

[اشرف محمود حسن]

اللهم امين

[أ/رضا عطيه]