مسألة فى الرياضيات(أرشيف تجميعى )

[artnee]

جزاكم الله خيرا
ان شاء الله ربنا هيستر

[اشرف جوزيف رفله]

انا مش عارف هو بيعمل فينا كدة لية ربنا ينتقم منه

[kokla]

انا حاسس انى شايف التفاضل وحساب المثلثات(بل متاكد)
وعارف ان الجبر بكرة حيكون صعب ومش ححل حاجة
الواحد بيذاكر من غير نفس ومن غير دوافع وكنت بفكر والله ماروحش الامتحانات الجاية

لكن المهم درجة الامتحان الصغرى 20 لو وصلتلها حيبقى اعجاز

وانتو اية نظامكم؟ يعنى مش كل امتحان نزعل ونعيط ونصوت لانة مشحيجيب نتيجة مش كل الحاجة الثانوية العامة اية يعنى لو شيلت مدتين ولا حتة عدت السنة يعنى هو الشغل مستنى فى ناس كتيرة واخدة شهادات وقاعدة على القهاوى وناس من غير شهدات بس بشوات

وربنا يسهل ويوفقنا جميعا ان شاء الله

[Dr mo7mad ashraf]

حرااااااااااااااام ادعوله بالهداية

[bent elhob]

السلام عليكم ورحمه الله وبركاته

التفاضل وحساب المثلثات تقريبا كلنا حلينا كله بس كله غلط

انا عن نفسى مش ضامنه انى اجيب 15 حتى بعد اما كنت مش بنقص ولا درجه فى اى امتحان رياضه من صغرى الوقتى عااوزه انجح قلت للمدرس النهارده كده استغرب وحتى زمايلى مستغربين انى مااحلتش

بصراحه انا ماعدشى عندى امل

انا الحمد لله زاكرت من اول السنه ومافيش ولا حاجه من اللى زاكرتها جت
فى العربى الحمد لله حليت كويس بس الوقت ماكنشى معايا لانى حاولت اكتب اجابات نموذجيه فتاثر التعبير ويدوب 35 سطر

وفى الانجليزى هنقص على الاقل 10 درجات والتفااضل زيه
والجبر اكيد المثل
والفرنساوى اللى مش اداامه ايام هنقص النص
والكيميا هتبقى اعصبنا ضاعت هنقص النص او الاكتر

فالواحد بقا عاارف هو هيجيب كام اصلا قبل ماالنتيجه تطلع

وكفايه اللى حصل لى لحد الوقتى لدرجه انى كنت اعيط واضحك ومش عاارفه ليه ؟
وكان جسمى بيرتعش ومش قاادره امسك حاجه

المدرسينكان بيقولوا لو نقصتى هتجيبى 97% الوقتى انا عايزه انجح ؟

وان شااء الله هروح بكره الامتحان وانا هاديه ومش فى بالى حاجه غير انى انجح

ويااريت كلكم تروحوا الامتحانات مش تقولوا مش هتروحوا لان انتوا كده بيتدمروا نفسكم فى الوزااره

وياارب كلنا نحل كويس بكره

والمراقبه تكون كويسه مش لمجرد اننا عاوزين نشرب يزعقوا

وخلى فى امل تعيدوا السنه ايه احنا عااوزين نهرب منها مش نرجع لها تانى
حتى لو هتكتبوا قوانين فى الورقه وتسيبها بالوقانين احسن من لما تتسااب فااضيه انا عملت كده فى التفااضل

وفى رعايه الله

وبالتوفيق للجميع ان شااء الله

[artnee]

ربنا يستر ان شاء الله .

[MAI WORLD]

من راى اتصل اسال مدرسك هو اللى هيفيدك

[kokla]

اعتقد ان الكل اتعقد من الامتحانات

وربنا يستر انا مشعارف ازاى حنيجى من الجبر نذاكر فرنساواى

[حسين فراج]

س.ص عددان موجبان س اصغر من ص فاذا كان السط الحسابى للعددين ينقص عن حاصل ضرب العددين بمقدار 47 و الوسط الهندسى للعددين ينقص 26 عن مجموع العددين فاوجد العددين
بدون قسم هذه المساله فى الامتحان غدا ان شاء الله

[artnee]

ربنا يكون فى عون جميع الطلبه ان شاء الله .

[a7mad 3abdo]

شكرا علي مروركم الطيب و ردودكم ,
انا معاكم ان زمن الامتحان كان غير كافي , كان محتاج كمان نصف ساعة
بس المشكلة ان الروتين في مصر غريب
يعني مثلا طالما امتحان 2009 كان الزمن بتاعه ساعتين يبقي لازم امتحان السنة دي يبقي ساعتين
المفروض يخللي زمن الامتحان متسع .
لان زمن الاجابه لو كتير هنفكر احسن
و مش هنخاف من الوقت
و انا قاعد في اللجنه لقيت الراجل بيقول فاضل ربع ساعة
والله في ناس قالت له " انت بتهزر ؟! " قال " لا والله الساعه 10 و نص "
طبعا وقت الامتحان دي اول مشكلة , بس دي ملناش يد فيها
و في نفس الوقت ان المشكلة دي مشيت علي طلاب الجمهورية كلهم
يعني انا اعتقد ان المساواه في الظلم عدل
------------------------------------------------------------------------------------
بس انا معترض ان الطلاب بيشتكوا من صعوبه الامتحان
المفروض نشتكي من وقت الامتحان , و الورق اللي بنمضي عليه , و مشاكل الشطب و المحاضر ...
كل دا وقت ضايع
بس انا في غايه الاسف لطلاب شعبة ادبي علي هذا الامتحان
فقد كان في نظر بعضهم شبه مستحيل
انما طلاب علمي انا شايف ان الامتحان دا في مستواهم لم ينقصه سوي الوقت
اما عن نظام التعليم في ثانويه العامه انا معاك انه فاشل
لان احنا بنتلقي المعلومات كلها من مدرسين من بره
يعني في الدروس الخصوصية
و بعدين ما ننساش ان الوزير دا دخل في نصف السنه الثاني يعني ما كانش هيعرف يغير الا القليل
ان شاء الله - اتمني - في السنه القادمه مدرسين المدارس يبقوا منضبطين اكتر من كدا و يراعوا ربنا في الطلبه اللي ما بياخدوش دروس .
و احنا شايفين ان الوزير مشدد العقوبات عليهم يعني ان شاء الله - لو الوزير دا فضل يعني - هتبقي احسن بكتير
و يجب ان ننظر للامر علي انه نسبه
يعني كليه الهندسة مثلا يتاخد 1000 طالب كل سنه مجاميعهم اعلي من 94% مثلا في سنه معينة
السنه الجايه هتاخد نفس ال1000 طالب بس مجاميعهم اعلي من 85% مثلا نظرا لان المجاميع قلت
عشان كدا انا مش شايف ان الراجل بيشجع الجامعات الخاصه , بالعكس
لو المجاميع زادت , درجةالقبول هتزيد
لو المجاميع قلت , درجة القبول هتقل
مستحيل يبقي في كليه من كليات القمه فيها مكان و يسيبوه فاضي
لا لا ...
يعني مثلا اللي جاب 98% السنه اللي فاتت
ممكن يتساوي باللي جايب 93% السنه دي

[ahmed asmy]

معايا اله حاسبه fx 82es
هل يمكنها حل معادلات الدرجه الاولي والثانيه وكيف ذلك

[abdo305]

حسبى الله ونعم الوكيل

[artnee]

لماذا السؤال ؟
لو كان علشان الامتحان
مين قالك ينفع تحل معادلة بالاله فى الامتحان ان شاء الله ؟

[DR.marwa]

انا اسمى مروة طالبه فى الثانويه العامه واكيد مشكلتى نفس مشكله جميع زملائى الطلبه
اكيد كل واحد وواحده فينا كان ليه امل وهدف فى المستقبل وكله اتهدم بعد اول امتحان صعب وهو الانجلش
بس انا نفسى اعرف سبب واحد.......... ليه احنا بيتعمل فينا كدا ؟
وفى الاخر كلنا لا نملك غير الدعاااااااااااااء لله عز وجل