اقترح علينا قسم جديد او حذف قسم - الصفحة 11

eslam_2009 · #**151** 03-01-2009, 01:43 AM

انا عايز اعرف فين اقسام الكليات التانية فى قسم الجامعات يعنى مثلا فين كلية الزراعة وكلية الفنون الجميلة و التطبيقية وكلية دار العلوم وكلية التمريض .

ياريت تعملوا للكليات دى اقسام عشان قسم الجامعات يبقى قسم كامل وكمان عشان طلبة الكليات دى يبقوا من اعضاء المنتدى بدل ما يمشوا من منتدى عريق زى ده .

م أحمد الهواري · #**152** 03-01-2009, 11:12 PM

يعني يا عم Mohamed Nasser كلامنا احنا مثلا مبيتشفش ولا فيه حاجة غلط ؟؟
ولا مثلا كلام فارغ وملوش لزمة
علي الاقل تسيب رد حتي ولا كلمة تعبر بيها الناس اللي كاتبة برده

بجد بجد نفسي اشوف واحد من الادارة متابعنا .. ده حتي عم عبقرينومان عمل الموضوع ومبيخشش يرد حتي

ونفسي افهم انتوا ليه عاملين من المجلة هم ما يتلم كدة
مش فاهم في ايه بجد لكل ده
ما احنا بنعمل مجلات وجرايد كتير ومبياخدش وقت كبير زي كدة

Lost Dreamer · #**153** 03-01-2009, 11:33 PM

اقتباس:

المشاركة الأصلية كتبت بواسطة م أحمد الهواري

يعني يا عم mohamed nasser كلامنا احنا مثلا مبيتشفش ولا فيه حاجة غلط ؟؟
ولا مثلا كلام فارغ وملوش لزمة
علي الاقل تسيب رد حتي ولا كلمة تعبر بيها الناس اللي كاتبة برده

بجد بجد نفسي اشوف واحد من الادارة متابعنا .. ده حتي عم عبقرينومان عمل الموضوع ومبيخشش يرد حتي

ونفسي افهم انتوا ليه عاملين من المجلة هم ما يتلم كدة
مش فاهم في ايه بجد لكل ده
ما احنا بنعمل مجلات وجرايد كتير ومبياخدش وقت كبير زي كدة

انا مش فاهم

اعملك ايه يعني

انا كتبت رد

ووضحت فيه

سبب عدم الرد عشان استاذ اشرف مشغول باعمال المجله

واحنا كادارين بتتناقش في الموضوعات الي زي كده

احنا بنجمع اكبر عدد من الاقتراحات للاقسام الجديده

وهتتناقش فيها

في الفتره ما بعد امتحانات الكليات

احنا مبنفضش لحد

فيه امتحانت حاليا تمنع

وبرضه شغل المجله مش سهل

الي ايده في الميه مش زي الي ايده في النار

م أحمد الهواري · #**154** 04-01-2009, 01:54 AM

لأ مش اللي ايد في الميا ولا حاجة
انا كمان ورايا امتحانات وشغل ومشروع كمان ده غير اني بدرس مادة computer في مركز للكورسات

متفتكرش ان الادارة لوحدها هي اللي تعبانة بس ومشغولين
انتوا اللي مش عايزين تسمعوا لافكار حد ولا مساعدة حد ولا حتي عايزين ترتبوا افكاركم كويس عشان توصلوا لاعلي مستوي
باديكم كنز فعلا ومش عارفين تستغلوا ولا توضبوا صح
بتحطوا مواضيع للاستماع للاراء وبعدها ولا بتفكروا تردوا عليها حتي

وبرضه زي مقلتلك انتوا عاملين علي المجلة ( بوليكة ) من لا شئ بجد
المجلة اللي انتوا بتكلموا عنها دي انا اقدر اصدرهالكوا في خلال 10 ايام بالظبط ( design و تحرير وتجميع ) وتبئي جاهزة للتوزيع كمان

ولو عايز تشوف فعلا شغل مجلات وجرايد متنفذة من ناس عندنا في الجامعة لأ و في سنة اولي كمان يعني ناس عندها 17 سنة وعددهم مبيتعداش الـ 10 أفراد وبيعملوا احلي شغل

نصيحة تعمل بيها او لا تعمل برحتك
حاول تخلي مسيو اشرف يقسم الشغل بتاع المنتدي وبتاع المجلة علي الناس
مش كله يبئي في المجلة ولا كله يبئي في المنتدي ويبئي دور المشرفين قاصر علي احضار المواضيع المميزة بس وتعديلها وبعد كدة تتنقل للاداريين يجمعوها بطريقتهم وفي الاخر تتعمل جماعة محررين هما اللي يمسكوا المجلة كلها بئة من الالف للياء
مش كله شغال في كله

فكر فيهم براحة وانت تفهمهم
وياريت تسيبوا للناس حرية اكتر من كدة شوية ومعاملة احسن من كدة كمان

وردي اللي فوق ده كان لأنك دخلت عملت اقتباس لرد واحد بس وكتبت الرد عليه
كنت ممكن تعمل اقتباس للردود كلها وترد عليها رد واحد
متهيألي مكنتس هتستهلك من وقت او كهربا يعني !!!

mohamadelhawary · #**155** 04-01-2009, 03:29 PM

بما أن فيه ديموقراطيه....
أرجو حذف قسم المشاكل و الحلول لأنه بلا........
و السلام عليكم و رحمه الله و بركاته
محمد الهوارى

eng/diaa · #**156** 04-01-2009, 06:13 PM

انا بقتــــــــــرح انشاء قســـــــــــــــــــــم خاص للتصميم
اقصدي يعني photoshop designs
وارجو ان تتكرمون بتعين مشرفين متتخصصين للاشراف على القسم ده
وانا اعتقد ان ده هيكون موضوع حلو هينال اعجاب كثير من المشتركين
واجو قبول فائق الحترام والتقديـــــــــــــــــــــــــــــــــــــــــــ ــــــــر

eng/diaa · #**157** 04-01-2009, 06:23 PM

وده تصميم من تصاميمي

شذى العطر · #**158** 06-01-2009, 02:41 PM

السلام عليكم ورحمة الله وبركاته
انا عندي إقتراح صغير وهو ان المدرسين لكل المواد العلمية والاد

بية والثقافية والشرعية وخاصةالشرعية
ان يأتو بأسئلة دون حل والطلاب الذين في المنتدى يحلون الاسئلة وبعدين يشوفوا المدرسين الحل ويشوفا الغلط
او إذا كان في سؤال بش محلول يعني يشوفوا الحل ويعملوا الحجات الازمة وإذا حاجة بش مفهومة يشرحوها

ولو وافقتم على الاقتراح إبدأو بثالثة إعداي وبداو بالمواد المهمة زي الإنجليزي والرياضيات عشان مهمين وعشان كل لما نحل إنجليزي والرياضيات بيكون احسن والمواد الشرعية عشان لم اجد اي حاجة عن المواد الشرعية في المنتدى لثالثة إعدادي ازهري

واتمنــــــــــــــــــــــى ان تردو على إقتراحي ارجوا الرد عشان انا مستنية الرد

والسلام عليكم ورحمة الله وبركاته

Mr Hamdy Ahmed · #**159** 07-01-2009, 05:42 AM

اخى الحبيب الاستاذ/اشرف السيد

شكر حار من صميم قلبى لحضرتك واسرة ادارة الموقع ومشرفيه على هذا الموقع الرائع المفيد وما يتم فيه من جهد غير عادى لخدمة عملية من اهم ركائز المجتمع وهى العملية التعليمية التى بها يقوم المجتمع كله
لن اطيل على حضرتك وانما اريد ان اطرح فى عجالة فكرة قد تفيد جميع اعضاء المنتدى لا ادرى ان كان طالب بها احد قبلى ام لا وهى عمل دردشة (chat) على صفحات الموقع ليتمكن اعضاء المنتدى من (مدرسيين - طلاب - اولياء امور) من معرفة بعضهم البعض ومن المناقشة والحوار بطريقة افضل من مجرد طرح موضوعات والرد عليها
فمعظمنا لا نعرف عن بعض سوى مجرد اسماء واحيانا اماكن العمل او الاقامة لكن بالدردشة مع الزملاء قد نعرف عن بعض الكثيير وقد نفيد ونستفيد من بعض فى مجال العمل.

هو مجرد اقتراح وفى النهاية اشكر حضراتكم على سعة صدركم

كوكى كاكى · #**160** 07-01-2009, 02:09 PM

بقترح وجود قسم للغة الايطالية للصف الاول الثانوي

تــحــــــــيـــاتـــــي

احمد فاروق1991 · #**161** 07-01-2009, 06:31 PM

اقتراح وجود قسم خاص للحصول على الاستفتاءات وايجاد النسب العامة مثل الاسئلة اللى فى برنامج القوة العاشرة

Mr Hamdy Ahmed · #**162** 07-01-2009, 08:37 PM

اقتباس:

المشاركة الأصلية كتبت بواسطة شذى العطر

السلام عليكم ورحمة الله وبركاته
انا عندي إقتراح صغير وهو ان المدرسين لكل المواد العلمية والاد

بية والثقافية والشرعية وخاصةالشرعية
ان يأتو بأسئلة دون حل والطلاب الذين في المنتدى يحلون الاسئلة وبعدين يشوفوا المدرسين الحل ويشوفا الغلط
او إذا كان في سؤال بش محلول يعني يشوفوا الحل ويعملوا الحجات الازمة وإذا حاجة بش مفهومة يشرحوها

ولو وافقتم على الاقتراح إبدأو بثالثة إعداي وبداو بالمواد المهمة زي الإنجليزي والرياضيات عشان مهمين وعشان كل لما نحل إنجليزي والرياضيات بيكون احسن والمواد الشرعية عشان لم اجد اي حاجة عن المواد الشرعية في المنتدى لثالثة إعدادي ازهري

واتمنــــــــــــــــــــــى ان تردو على إقتراحي ارجوا الرد عشان انا مستنية الرد

والسلام عليكم ورحمة الله وبركاته

انا فعلا نفذت الكلام فى الصف الثالث الاعدادى (اللغة الانجليزية) تحت عنوان "طريقة جديدة وايجابية للمراجعة" قبل حتى ما اقرأ اقتراح حضرتك وكتيير من الطلاب كانوا بيشاركوا فى الاجابة.

شذى العطر · #**163** 08-01-2009, 02:31 PM

انا فعلا نفذت الكلام فى الصف الثالث الاعدادى (اللغة الانجليزية) تحت عنوان "طريقة جديدة وايجابية للمراجعة" قبل حتى ما اقرأ اقتراح حضرتك وكتيير من الطلاب كانوا بيشاركوا فى الاجابة

شكرا للك ياستاذ

م أحمد الهواري · #**164** 09-01-2009, 04:21 PM

لا حياة لمن تنادي

نكتار · #**165** 09-01-2009, 09:54 PM

انا مع شذى العطر في رايها
وشكرااا