اكتب هنا اسوا موقف حصلك بعد ما بقيت مساعد - الصفحة 11

اميمة طه · #**151** 13-01-2011, 03:02 PM

هتصالح مين ولا مين؟خلينا ساكتين

ابن الأكرمين · #**152** 13-01-2011, 03:05 PM

اقتباس:

المشاركة الأصلية كتبت بواسطة اميمة طه

هتصالح مين ولا مين؟خلينا ساكتين

والله زعلتيني لو ردوي بتزعل حد مستعد ماردش

اميمة طه · #**153** 13-01-2011, 03:11 PM

ردى فى الموضوع التانى....... واللبيب بالاشارة يفهم

ابن الأكرمين · #**154** 13-01-2011, 03:29 PM

اقتباس:

المشاركة الأصلية كتبت بواسطة اميمة طه

ردى فى الموضوع التانى....... واللبيب بالاشارة يفهم

شكراً وانا بهزر بسي انتي قلبتي علينا ماضي كان راح وولى

hossam_azazi · #**155** 13-01-2011, 03:36 PM

أناشيد الصف الثاني ترم أول.rar

اميمة طه · #**156** 13-01-2011, 03:37 PM

جارة الوادى انتى دفعة كام

اميمة طه · #**157** 13-01-2011, 03:44 PM

اهلا بيك استاذ حسام العزازى..........نورتنا طبعا........

اميمة طه · #**158** 13-01-2011, 05:03 PM

الاناشيد دى يا استاذ حسام سنة تانية رياض اطفال ام حضانة

اميمة طه · #**159** 13-01-2011, 06:27 PM

رائحة الورد زعلانه منك جدا ........ازاى متتكلميش بقالك يومين

اميمة طه · #**160** 13-01-2011, 07:19 PM

اسوا حاجة حصلت النهارده الخبر اللى نزله واحد من الاعضاء واللى انا شايفه انه كويس على عكس بقية الناس بس مش دى المشكلة المشكلة كلها دلوقتى اننا بنحاول ننسى شدة الاعصاب وهىى نفسها اللى احنا بنعملها فيا ريت يا جماعة محدش يقول حاجة غير بصور الورق ومتقلش سمعت ومتقولش على لسان واحد من المقربين واى حاجة بالسمع والبق سيبك منها مش هنصدق الا العين ........ كفايا بقا بنضيع عمر بعض والله فى هم وغم ..... عاوزين نفكر دايما ان الرزق بيد الله فمتقلقش مش قلقك اللى هيمشى الموضوع

اميمة طه · #**161** 13-01-2011, 08:06 PM

اسوا حاجة فيا وهى معايا دايما انى من النوع الوفى جدا الانانى لابعد الحدود بمعنى لو انى لااقبل شريك فى اى حاجة خاصة بيا حتى ولو اصحاب .... عارفين لولو طبعا ... هى صاحبتى الوحيدة .... وانا صاحبتها الوحيدة..... يعنى لو كانت مثلا هنا فى المنتدى وحبت اننا نبقى اصحاب هادخل على بياناتها ... ولقيتها مش مصاحبة حد هاضيف نفسى انما لو لقيت انها ضايفة غيرى فاشعر بانى لا امثل لها اى قيمة انما مجرد اضافة وعند النقطة دى امنع نفسى من اضافتى لاصدقائها على الرغم من اهميتها بالنسبة ليا.....معلش انا انانية جدا واحب انى دايما ابقى نقطة تغيير مش اضافة.

أم هيما · #**162** 13-01-2011, 08:48 PM

اقتباس:

المشاركة الأصلية كتبت بواسطة جارةالوادى

اولا ياام هيما انتى بتشتغلى لنفسك مش للناظر ولا للمدرسة ودايما احتسبى شغلك ابتغاء مرضاة الله وان شاء الله هتلاقى الدنيا اتسهلت معاكى وفرجت انا عارفة ان دى حاجة تصعب لما محدش يقدر مجهودك بس احتسبى زى ماقلت لك وكل حاجة تبقى تمام
ثانيا عودى زميلاتك ان اى خلاف بينكم يفضل بينكم ميروحش لادارة المدرسة انا عارفة ان هى اللى اكيد وجريت اشتكت له بس لما تيجى تعاتبيها بالراحة كدة قولى لها احنا ملناش غير بعض وفهميها موقفك وانك عايزاها كزميلة ومتدخلش ادارة المدرسة بينكم وطبعا الباقى هياخد باله من النقطة دى ومش هيكررها معاكى
ثالثا طبعا مديرك ده رجل كبير قد والدك فاللى تقدرى تفوتيه له فوتيه مادام مش حاجة تمس الكرامة ولاالسمعة او تدخل فى حياتك الخاصة وايه يعنى لما يقول كدة انى كبرتك وعملتك ومكنتيش تعرفى تعملى حاجة قولى له وماله مانا زى بنت حضرتك واتعلم منك وحضرتك الكبير وانا الصغيرة وكلمة طيبة صدقة وهتلاقى دفة الكلام اتغيرت ومعاملته اتحسنت لانه هيقدر زوقك معاه انا عارفة ان دى حاجة صعبة لان الواحد بتصعب عليه نفسه خصوصا لما يكون شايف شغله كويس بس دى خبرات حياتية بتضفيها ليكى ومتخسريش مديرك لانه زى ماقلت لك رجل كبير ولازم نحترمه بزيادة كانه والدنا وكمان عشان يقدر ظروفك وشغلك
رابعا بقى مش كل الجديد اللى عاوزين نروح احسن من القديم لانك اتعودتى على المدرسةومهما كان بقالك وضع وعشان تنقلى مكان تانى بتبقى عايزة وقت كبير عشان تبدأى من تانى انك تاخدى عالناس وتالفى المكان انا شخصيا حصلى كدة لما جيت انقل مدرسة تانية وفين وفين لما اتعودت عالناس وفهمتهم وفهمونى والفت المكان وبقالى وضع وبالواسطة كمان لانى كنت فاهمة ان الجديد هلاقى نفسى فيه بس صراحة بعد ماجربت مدرستى القديمة كانت اجمل وزميلاتى هناك احسن
وربنا يوفقك ويكرمك فى خطواتك الجاية

شكرا جدااا على ردك والله كلامك على عينى وعلى راسي بس الموضوع كبير اوى وللأسف كله قلة أدب ومقدرش اتكلم فيه فى مكان محترم زى دا الحكاية حكاية مدير وزميلة مش حكاية مدير وانا وزميلتى يا جماعه الموضوع بجد كبير اوى وبعدين انا مسمعتش غير الكلمتين اللى قلتهم بس انا بقولك قلتلها ما تقليش ادبك عليا ياترى ايه اللى قبل ما تقليش ادبك عليا كلام جارح ما يتقالش فى هيئة تعليمية وعشان قلتلها متقليش ادبك عليا عشان بقولها ابنك زييه زي بقيت الطلبه فى المدرسة ودا شغلى
انا تعبانه من موقف المدير معايا بدل ما يهدى الأمور بينا لا اخد موقف معاها ودى حطى تحتيها مليون خط احمر وزى ما قلت ما اقدرشى اوضح عشان يمكن محدش يصدق
وياريتها وقفت لحد كدة دا كمان بيضطهدنى يوم اجى الاقي متشطب عليا مرة حضور مرة انصراف وطبعا ظلم ما بعده ظلم ومع ذلك سكت وصبرت وقلت ربنا يسهلى واتنقل مدرسة تانية

تصورى هى تغيب يوم من المدرسة نروح نمضى تانى يوم نلاقيها مضتت اليوم دا ومعايا زمايلى فى المدرسة فى نفس اليوم متشطب عليهم
الحدق يفهم بقى واستغفر الله العظيم من كل ذنب عظيم

رائحه الورد · #**163** 13-01-2011, 08:56 PM

اقتباس:

المشاركة الأصلية كتبت بواسطة اميمة طه

رائحة الورد زعلانه منك جدا ........ازاى متتكلميش بقالك يومين

مقدرش على زعلك يا قمر انا معاكم دائما قلبا وقالبا بس مش عاجبنى حالنا والظلم اللى واقع علينا

اميمة طه · #**164** 13-01-2011, 08:59 PM

موضوع التشطيب ده حاجة فوق النورمال وتحت الفظيع

اميمة طه · #**165** 13-01-2011, 09:01 PM

بالنسبة بقا لرائحة الورد مش مكلماكى ومخصماكى