|
#151
16-08-2009, 03:31 PM
|
||||
|
||||
اقتباس:
هههههههه هنشووووف و اللي جوا مسيره يطلع يا جميلة  اقتباس:
جمال مين .؟
لأ دي نهال نهال نهال نهال بعينها نهال  قالتلي هكتبها دلوقتي و قعدت تحكي شوية و بعدين قفلت في وشي جزاءً ليكِ يا قمر كل كلمة هتقوليها .. هاجيبلها مقابل تريقة و مش تقطعي الجوابات يا نهولتي كملي يعني شكراً على متابعتك يا محمد و على متابعة الجميع 
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#153
16-08-2009, 03:55 PM
|
||||
|
||||
|
بدايه كده ازيكوا عاملين ايه جمعيا يارب تكونوا بخير والصحه عال
وكل عام وانتم بخير علشان طبعا رمضان اصلى عارفه الذكاء اللى فى الشعب المصرى عالى ما شاء الله انا هنا انهارده علشان احكيلكوا حكاياتى لما كنت طفله وقد ايه انى كنت طفله هاديه وامورة وبتسمع الكلام جدا ياااااااه ايام وان شاء الله هابتدى بمرحله الولاده وما بعدها علشان فيها حكايات يعنى احب انكوا تعرفوها عنى ايه الرغى الكتير ده معلشى استحملونى اصلى مش بحب الكروته المهم هاتبقا بعنوان (ولاده عبقريه)اللى هوا انا يعنى  اولا انا ماما كانت حامل فيا مش زى الناس الطبيعين لا انا كنت هابقا تؤام بس شكلى من الافترا بتاعى روحت كلته  لاء يعنى انا كنت متخنه ماما جدا ومبهدلاها معايا اوى طول عمرى والنعمهالمهم ماما تعبت يعنى ف يوم 17\9 تحديدا الساعه 8 كده صباحا ومش مهم السنه بلاش احراج وجيت للدنيا وكانت الساعه 11 الصبح بردو وولدت للعالم الدكتور الفليوسوفه واميره الشعرا مع احترامى للجميع يعنى انا نهال وبابا مش كان موجود ساعتها كان خالو بس وهو كان اول واحد يشلينى وكل شويه يذلنى لما يشوفنى  مش فاهم انا ليه ع العموم هما كانوا محتارين يسمونى سمر ولا نهال بس طبعا علشان بابا بيحب الاسماء النارده فسمانى نهال وراح تانى يوم علشان يسجلنى يعنى فضلت يوم كامل بلا هويه مش موضوعنا ده ومن هونا ومن موقعى هذا ابتدت رحلتى مع الحياه والصراع للبقاء .......... يلا كفايه عليكوا دول دلوقتى وهاكمل بعدين بقيه حكايتى 
__________________
 آخر تعديل بواسطة nothing ، 16-08-2009 الساعة 03:58 PM سبب آخر: يعنى فيه حاجه مضبطها وانت مالك:d |
|
#155
16-08-2009, 08:16 PM
|
||||
|
||||
|
إيه يا مرموره الموضوع الجامد ده
بجد والله موضوع جامد جدا بس للأسف لسه شايفينه متأخر الأجمل فيه إننا إتعرفنا ع ناس كان نفسنا نتعرف عليهم بس كلهم شخصيات جميله بدايه من محمد واميره ومحمود وأخيراً نهال متابعين الموضوع الجامد ده ومستنين نشوف طفولتك برده ربنا يكرمك يا مرموره
__________________
اللهــم انصـــر الحق بنـا .. واعنـا على استرداد أوطاننـا .. ورد اخواننـا سالميـــن لذويهــــم .. اللهـــــم آميـن .. اللهـــم تقبــل ..
|
|
#156
16-08-2009, 08:35 PM
|
||||
|
||||
|
ههههههههههههههههههه
لا جامدة يا نهال طول عمرك متعبة انتى هتقولى ليا اكلتى اختك يا مصيبة وحتى متعبة وانتى بتتولدى تصحى ماما الساعة 8 الصبح يا شيخة حرام عليكى وتنزلى كمان الساعة 11 فى عز الحر والدكتور بيولدك فى 3 ساعات ربنا يكون فى عونة والله كملى كملى د انتى هتشوفى تريقة للركب متابع ان شاء الله فى رعاية الله
__________________
لا اله الا الله ... محمد رسول الله
آخر تعديل بواسطة MoHaMeD ELsHeRbEnY ، 16-08-2009 الساعة 08:37 PM |
|
#158
16-08-2009, 09:47 PM
|
||||
|
||||
|
اقتباس:
يللا عقبال عندكم
هتيجوا إن شاء الله هنا و مش عندنا حد يقول لألأ كله بييجي لازم ييجي اقتباس:
مش سامعة شكراً يا حلوين على الرد الجميل و المرور الكريم كملي كملي يا أستاذة نهال كملي كملي بتقفلي في وشي ده هنركرموكي آخـــــــر كرم 
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#159
17-08-2009, 01:07 AM
|
||||
|
||||
|
نيجى بقا للجزء بتاع حلقتنا معايا وهي بقا ذكريات ما بعد الولاده يعنى لما كنت بيبى صغنن كده اولا كده انا كنت طفل امور اوى الشعر بقا الاسود السايح ده واخدين بالكوا كدب يعنى
وكنت امورة ف نفسى كده من يومى والله بس كانت فيا حاجه غريبه انى مكنتش ببطل زن ولا عياط كنت قارفه ماما علطول وماما زمان كانت تقعد تغنيلى ماما زمانها جايه جايه بعد شويه جايبه فران وقطط انا مش فاكر بقا الاغنيهبس مكنتش متعبه اوى نيجى بقا لمرحله لما جه اخويا الصغير كان انا عندى لسه سنتين كنت بكره الواد ده اوى وكنت بضربه كمان كان غلس كده معلشى ع العنف اللى انا فيه انا والله كنت انا وهو ناقر ونقير ومحدش يقولى يعنى ايه اسمعه وانتوا ساكتين كنت بنلاعب بعض ملاكمه بس لما كبر شويه اصلى كنت بنوته رقيقة جدا كانت ماما بتقول انا مخلفه ولدين مش بنت وولد يلا محدش بياكلها بالساهل وبعدين بقا بما انى الكبيره كنت بحس نفسى مسئوله عنه اوى لما كنا نروح الحضانه كنت ألاقى اى ولد اضربه اضربهوله انا امال كبيره ع الفاضى كنت عنيفه جدا يا سبحان الله ما علينا انا لما كبرت شويه كده لما بقا عندى اربع سنين رحت البلد مع بابا واختى الكبيره وكنت هناك بعمل ف عيال القريه عمايل كنت اوقفهم كلهم طابور وامسك طابشيره وعصايه حلوة كده واعمل نفسى الميس بتاعتهم وقولوا ورايا واحد اتنين المهم ف اليوم ده اختى كانت رايحه عند ناس قرايبنا فانا راسى والف سيف انى اروح معاه وهيا كانت رافضه وبابا بردو قالى العبى هنا ومش تروحى مع اختك انا بردو مصممه انى اروح المهم فكرت ف فكره شيطانيه رحت قولت لبابا اختى وافقت يا بابا انا رايحه وقولت امشى ورا اختى وبكده هاروح وهيا مش تعرف واحطها قدام الامر الواقع ههههههههه معلشى كل لما افكتر اضحك المهم فعلا مشيت وراها وكانفيه طريقين طريق لليمين وواحد للشمال هيا دخلت ع اليمين وانا الشمال فرحت تايهه بقا وقعدت من الصبح لغايه العصر تايهه ف بلد محدش يعرفنى ولا اعرف حد ويدوروا عليا بقا ويا ولاد الحلال ف بنت تايهه لغايه فين وفين لما شخص كده لاقينى مش عارفاه وخدنى لبابا ولما شفت ابويا بقا قعدت اعيط واترميت ف حضنه ههههههه بس من ساعتها وانا مش بروح مع اختى دى اى حتهعايزين بقا تعرفوا حكايه انا بنت ابى تابعووووووووووونا
__________________
آخر تعديل بواسطة nothing ، 17-08-2009 الساعة 01:10 AM |
|
#161
18-08-2009, 12:21 AM
|
||||
|
||||
|
اقتباس:
__________________
|
|
#162
18-08-2009, 12:33 AM
|
||||
|
||||
|
احكيلكوا بقا ع حكايه انا بنت ابى دى هيا متعلقه بالحادثه بتاعتى دى انا واحنا صغيرين ابويا كان معتنق الصوفيه وكده فالمهم كان بيقولنا قولولى يا ابى وماما نقولها نقولها يا امى فالمهم انا كنت بحب اسمع الكلام اوى
 شوفتوا الطاعه اتعلموا بقا المهم انا مكنتش اعرف اسم والدى ايه صغيره بقا فالمهم لما تهت كان كل اللى يكلمنى يقولى انتى اسمك ايه اقوله نهال وانا بقا كنت طفله طبعا شيك ع الاخر فمظهرى مش يدل انى من عندهم ويقولولى طيب اسمك ابوكى ايه اقولهم ابى عيله بقا مش فاهمه حاجه فالمهم كل لما حد يسالنى اقولهم ابى انا بنت ابى يقولولى عارفين ان ليكى اب بس ابوكى ده مالهوش اسم يعنى اقولهم انتوا مش بتفهموا قولت بنت ابى ههههههههههه غريبه من يومى لغايه ما واحد من عيلتى شافنى واخدنى لبابا بقا بعد مشقه وتعب ومشى اكتر من تلت ساعات وانا لوحدى اتعذبت كتير اوى انا عارف بس اهو الواحد مش بيتعلم ببلاش بس بقا لغايه دلوقتى الناس تشاور عليا وتقولى مش انتى بنت ابى بقيت ماركه مسجله ع اخر الزمن
__________________
|
|
#163
18-08-2009, 01:16 AM
|
||||
|
||||
|
اقتباس:
حلوة اوى بنت ابى كملى متابعة |
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:35 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
