الموضوع ده هيوفر كتير لكل اللي عاوز يتفوق ثانوي عام ان شاء الله

[lolododo2010]

المشاركة الأصلية كتبت بواسطة marry sam

طب الف شكر يا دكتره .. انا عندي اسئلة كتير بس مش دلوقتى (في اي وقت تؤمري بيه انا في الخدمه)
المهم
ابدأ مذاكرة جامد من دلوقتى و لا ايه .لا ليه لانك لو بديتي من دلوقتي جامد جدا هتفرملي في الاخر والعكس صحيح والعكس ده بقي بتاع الاوائل وخدنها خطوة بخطوة.
اصلى مذاكرتش خالص 7 و8شهر 7 انتي كنت بخلصه امتحانات ثانوية عامه هل هتقدري تكملي ولا انتي ليسه داخله؟؟؟؟؟ و8 مش المعضله انا السنه اللي فاتت ابتديت من شهر 9

و كتاب .. Senior فى الانجلش ؟؟ جبناه في 2 ثانوي مستواه عالي جدا
و ايه ف علم النفس ..؟ للاسف مفيش كتاب حلو علم نفس بنعتمد ع الملازم واسئله المستر بس هي كانت كتيرة وحلوة وشامله بامانه
و الاضواء عربي ..؟؟ و الامتحان عربي ؟؟ كويسين

و جزاك الله خيرا

ربنا يخليكي منتظرة اسئلتك

[a7med bondok]

هلا دكتوره ممكن طلب تنظيم وقت امتحان العربي لان انا كتبت موضوع التعبير اخر ربع ساعه وبالتالى جبت 29 والحمد لله مش وحش بس كنت ممكن اضيع لان الوقت في امتحان العربي قليل اوى

[Marry Sam]

شكرا جزيلا انا جبت senior
انا مجرباه هوا حلو بس صعب شوية ..

اه فعلا انا السنة الى فاتت فرملت ع الآخر و لسة مفرملة T.T
طب اذاكر كم ساعة كده ؟؟
و عندى سؤال .. ايه علاج الزهق ده ..انا كنت بذاكر فيزيــاء بس حسيت بزهق و ملل
و انا ذاكرت ساعتين بس
و كتير بيحصلى كده ..!!

و ربنا يخليك و يزيدك علمــا

[Marry Sam]

انت مجموعك كـآآآم ..؟! ^^

[رحيق الزهور *]

بجد ربنا يخليكى و يبارك فيكى على المجهود الجبار و النصايح الجميلة
جزاكى الله كل خيييييييييييييييييييييييييييييير
انا معلش عايزة اسالك كام سوال كده
1- انا داخلة تالتة ثانوى و حلم حياتى ادخل طب و جبت السنة ده 97.3 تفتكرى ممكن الحق
مع العلم ان كل الناس بتقولى حولى علم رياضة بس انا اكتر مدة كرهتها فى حياتى هى الرياضة
مش بحبها خااااااااااااااالص و بعدين انا نفسى اوى اخش طب
2- انا حضرت حصة احياء و فهمت كل اللى قاله المستر اويي بس سبتها كده كام يوم و جيت اذكرها
حسيت انى نسيت كتير من اللى قاله و انى مش عارفة اركز كويس و اجمع و الحفظ عندى بقى متعب
مع انى مكنتش كده خالص يعنى انا احفظ و اسمع تمام اجى اروح الدرس تانى يوم بكون ناسية خالص
انا حتى فى الطبيعى بقيت بتفرمط بسرعة اوى و بنسى جامد و مش بجمع و الله ابقى لسة مخلصة كلام
يجى حد يسالنى كنتى بتقولى ايه مابفتكرش الا بصعوبة اوى و ساعات مبتكرش اصلا فاه الحل لكده
3- اخر حاجة كنت عايزة اسال على مرواح المدرسة كنتى بتروحى ولا لا و هل المرواح مهم انا السنة اللى فاتت
مكنتش بروح كتير لانى كنت بقعد انا و صحابى نهزر و كده و مكنتش بستفاد اوى لكن السنة ده معيش حد من اصحابى
كلهم علم رياضة و كمان فى الدروس ازاى اركز

بجد شكراااااااااااااا جدااااااااااااا ليكى
و يارب تكون اشطر دكتورة فى الدنيا و ترفعى رسنا
تقبلى مرورى

[Nourshan Magdy]

انا كان عندى سؤال بخصوص الدروس.انا محتارة بين مرسين عربى انا اخدت مع مدرس عربى فى سنة اولى بس اخدت معاه من الترم التانى وكنت واخدة علشان البلاغة وهو شرحها فى الترم الاول ولما طلبتها منه علشان انا كنت لسة فى بداية الترم التانى قالى لسة شوية وهنراجعها ولما شرحها تانى كان فى اخر الترم التانى حسيت انه مش مهتم بيها اوىوشرحه كويس فى النحو مش عارفة اكمل معاه السنادى ولا اخد مع مدرس تانى بس مشكلة التانى ده انى لو اخدت معاه مش عارفة اكون مجموعة منين والاول عنده مجموعة كبيرة فيها حوالى 10 انا محتارة هو المدرس التانى انا مجربتوش بس فى انا قريبتى كانت بتاخد معاه وجايبة 29 ونص فى العربى مش عارفة اخد مع مين وهو الاول كان بيعمل امتحان صغير كل حصة وامتحان كبير فى الشهر وانا عايزة تاسيس فى البلاغة بجد اعمل ايه ؟؟

[سندريلا 4444]

باديه السنه بملل وزهق ساعديني حاسه ان مستوايا نزل ونفسي اقعد علي الكتب كتيييييييييييييير واذاكر

[Marry Sam]

باديه السنه بملل وزهق ساعديني حاسه ان مستوايا نزل ونفسي اقعد علي الكتب كتيييييييييييييير واذاكر

و انا كمان ... اخذت دروس و لسة ماذاكرتش و مش طايقة ابدا

[Marry Sam]

ممكن اساعد ؟؟
تنظيم وقت امتحان العربي
حل اول حاجة النحو
و بعدين الفروع بسرعة اجابة كويسة بس متطولش
و سيب مكان تحت كل سؤال
و بعد كده خش ع التعبير و اكتب كتير بس سيب الخاتمة
و روح راجع و كمل الاجابات
و بعد ماتخلص كمل الموضوع و راجعه
و لو فاض وقت راجع تانى بس ما اعتقدش هيفيض
و بالتوفيق

[lolododo2010]

المشاركة الأصلية كتبت بواسطة طالب المستقبل

هلا دكتوره ممكن طلب تنظيم وقت امتحان العربي لان انا كتبت موضوع التعبير اخر ربع ساعه وبالتالى جبت 29 والحمد لله مش وحش بس كنت ممكن اضيع لان الوقت في امتحان العربي قليل اوى

خلي بالك جدا من العربي في 3 ثانوي لانه هو اللي بينقص جدا فيها بالنسبه للحل وتنظيمه في الامتحان ده بيبدا من وقت مذاكرتك والمامك بالماده وتدريبك في الدراسه علي كتابه التعبير يعني ميكونش اول مرة ليك في كتابته في قلب الامتحان ادرب ولو مرة كل شهر عليه المهم متنساش ده عشان ده هيساعدك وانت بتحل الاسئله ركز وحل بسرعه وعموما السرعه والحل الصح بتركيز الحمدلله ربنا بيديها للشاطرين في الامتحان حاول بقدر المستطاع تكتب كل الحل بسرعه ومتظلمش نفسك في ربع ساعه في التعبير لان هتلف السنه وتعرف ان التعبير ده هو سلاحهم عشان ينزلوا الطلبه في 3 والمجاميع وكده لذلك اهتم بالعربي في 3 لانهم بيلعبوا عليه عشان ينزلوا الطلبه وربنا يوفقكم جميعا

[lolododo2010]

المشاركة الأصلية كتبت بواسطة marry sam

شكرا جزيلا انا جبت senior
انا مجرباه هوا حلو بس صعب شوية ..
وده كان قصدي هو حلو جدا بس صعب حبه وبيتطرق لحاجات مش تبع المنهج فمينفعش لكل مستويات الطلبه
اه فعلا انا السنة الى فاتت فرملت ع الآخر و لسة مفرملة مابلاش الفرمله كله بالتدريج واحده واحده وهتوصلي لعلمك انا في 2 كنت عكس 3 في 2 كنت بدياها حاميه جدا بس الشغل قل في الاخر مبقولش المجموع الحمدلله جبته انا اقصد القدرة ع التعب وتحمله حاجات نفسيه كتير بتلقي ظلالها ع الموضوع لكن 3 ابتديت هادي وزودت الشغل حبه بحبه لحد ما جيت في الاخر بنفس قويه وزاد شغلي وربنا وفقنيt.t
طب اذاكر كم ساعة كده ؟؟ حسب اليوم وحسب صحتك ومزاجك فيه بس خلي في بالك ان المذاكرة بحب وشغف احسن من الغصبانيه
و عندى سؤال .. ايه علاج الزهق ده ..انا كنت بذاكر فيزيــاء بس حسيت بزهق و ملل
و انا ذاكرت ساعتين بس غيري طريقه مذاكرتك اقصد خليها بحب للماده فهمي نفسك اسالي نفسك اعملي كده زي حاجات مسليه وابتكارات انا لما كنت ببقي زهقانه كنت بحاول اسلي نفسي بالتغيير في النمط العام للمذاكرة
و كتير بيحصلى كده ..!! علاج المشكله انك تنسيها من الاساس وتعالجي نفسك بطريقه صح ونسيانها احسن من تذكرها

و ربنا يخليك و يزيدك علمــا اللهم امين

ازيك اولا يارب تكوني في اتم صحه وعافيه

[lolododo2010]

المشاركة الأصلية كتبت بواسطة سندريلا 4444

باديه السنه بملل وزهق ساعديني حاسه ان مستوايا نزل ونفسي اقعد علي الكتب كتيييييييييييييير واذاكر

لالالالالا اولا وقبل كل شئ اوعي تنسي ان دي اهم خطوة في حياتك لازم كده متبتديهاش بياس
ثانيا ربنا هو الطريق صلي اقري قران افتكري ربنا علطول عشان يفتكرك ثالثا متنسيش انك مش باديه انت بتكملي مجهود بدون راحه تذكر اعرفي ان نفسيتك مش ناقصه لذلك اوصي بعدم التعقيد خدي الحياه ببساطه انتي مؤمنه طبعا بان اللي ربنا كاتبهولك من قبل ما تتولدي هو اللي هيكون وده طبعا بعلمه الواسع باللي هتعمليه وعقلك يا اما يذاكر ويساعدك يا اما هتشغليه بالسلبيات فهيقلل الشغل الايجابي والدراسي عشان يقدر يوازن لذلك اختاري الافيد لك عاوزة عقلك يساعدك في المذاكرة والتحصيل والفهم؟؟؟؟ ولا في تنميه مشاعر الياس والاحباط؟؟؟؟ انت سيد قرارك فاختار اولا بقي كده3 ثانوي بالذات محتاجه التفاؤل وكل الايجابيات ليه؟؟؟؟ لطبيعه ما ستدرسين اما تغلبيه وتخليه يبقي حلو اوي معاكي اقنعي نفسك انك قدها وهتغلبي كل الصعاب لكن لو الاحباط سيطر انت اللي هتخسري
المستوي الدراسي عمره ما هيقل الا لو قلتي كده بمعني انك لو اقنعت نفسك انك هتزيدي وعافرتي وحاولتي 1000000000 مرة حتي لو ملقتيش ثمار ده الان هتلقيها بعدين لان ربنا وعدك بكده ربنا مبيضيعش اجر من احسن عملا يبقي انتي ذاكري عموما الاحساس بالنزول ده راجع لمرحله الفصل لانك اخر السنه اللي فاتت شديتي حيلك اوي في الامتحانات وطبيعه العقل البشري انه بيبني علي اخر تجربه فاكيد هيقارن دلوقتي بدايه العام العربيه يعني وهي بتسخن باخر السنه والعربيه كانت خلاص عند خط النهايه طبعا مايتساوش ؟؟؟؟ صح ولا ايه اظن كده هتعرفي انك لازم تصبري وبمجرد ما هتدخلي في الدراسه هتلاقي المجهود اضاعف كتييييييييييييير وربنا يوفقك

[lolododo2010]

المشاركة الأصلية كتبت بواسطة marry sam

ممكن اساعد ؟؟
تنظيم وقت امتحان العربي
حل اول حاجة النحو
و بعدين الفروع بسرعة اجابة كويسة بس متطولش
و سيب مكان تحت كل سؤال
و بعد كده خش ع التعبير و اكتب كتير بس سيب الخاتمة بيتحل اخر حاجه يعني اخر ساعه نصايه تعبير ونصايه مراجعه لو سريع
و روح راجع و كمل الاجابات طب بقي لو من الاول حالل الاجابات مش هيقع فريسه للخوف والتوتر بتوع اخر الامتحان لذلك يحل كله بتسسلسله ويخلي التعبير نص الساعه قبل الاخيرة والمراجعه اخر تلت ساعه بس براحه وكده ميقعش فريسه للتوتر
و بعد ماتخلص كمل الموضوع و راجعه اخر تلت ساعه هيراجع كله افضل من انه يختم بالتعبير بس يراجع برده التعبير كويس
و لو فاض وقت راجع تانى بس ما اعتقدش هيفيض
و بالتوفيق

شكرا جزيلا لمساعدتك بس لي تعليق صغير معني او جوهر التنظيم يتنافي مع التشتت اقصد انه لو بدا بالنحو وهو حاطط في دماغه الخوف من النحو هيغلط فيه حتي لو سهل لكن لو تسلسل هيجي عند النحو والرهبه راحت عشان كده هم بيحطوا النحو في الاخر
ثانيا التطويل للاسف مطلوب لان العربي ماده نظري وتصحيحها في 3 مش مضمون لان دي بينقصوا فيها عشان المجاميع عاليه والحوارات دي لذلك العربي هو اصعب من حل الفيزياء من وجهه نظري سهل انك تقفل فيزياء بس مش سهله عربي لذلك الحل انه يكتب الاجابه كما وردت بنص كتاب الوزارة بس يسرع شويه اكيد هيتعب في امتحان العربي بس في بيت شعر كده فاكرة منه طراطيش كده لن تبلغ المجد حتي تلعق الصبرا اللي هو الصبار او علقه تفوت المهم 3 ساعات بس قلبه يطمن انه مضيعش درجات وزي ما قلت كل ما هو مش هيهمل مذاكرة العربي في السنه ربنا هيوفقه
عادي يسيب مكان عشان يزود في المراجعه لو حاجه نسيها او يصلح لو غلط
شكرا لمساعدتك فكرتني بطريقه حل العيال اللي نسيتها اعتقد ان كده افضل وعالجنا حاجه عن الناس بيعمولوها غلط وهم مش واخدين بالهم

[lolododo2010]

المشاركة الأصلية كتبت بواسطة رحيق الزهور *

بجد ربنا يخليكى و يبارك فيكى على المجهود الجبار و النصايح الجميلة ربنا يخليكي انا بساعد اخواتي هنا اللي هم انتوا ومنتظرة الجزاء من الله
جزاكى الله كل خيييييييييييييييييييييييييييييير
انا معلش عايزة اسالك كام سوال كده اتفضلي
1- انا داخلة تالتة ثانوى و حلم حياتى ادخل طب و جبت السنة ده 97.3 تفتكرى ممكن الحق
مع العلم ان كل الناس بتقولى حولى علم رياضة بس انا اكتر مدة كرهتها فى حياتى هى الرياضة بصي في 3 ممكن تزيدي وتلحقي اسنان او صيدله او علاج طبيعي بس للاسف ممكن متلحقيهمش عشان مجاميعكم عاليه برده انت استخيري ربنا ولو حولتي لرياضه مش وحشه برده ولو استمريتي في علمي علوم برده خير عندك طب اسنان وصيدله وعلاج طبيعي وعلوم فيها بعض الاقسام حلوة استخيري ربنا واعملي اللي ربنا يريحك ليه وان كان علي الرياضه تتحب مش قفلت يعني معاكي
مش بحبها خااااااااااااااالص و بعدين انا نفسى اوى اخش طب للاسف واحده صحبتي كانت جايبه 98.5 في 2 وكانت خلاص هتموت علي طب بس في الاخر نقصت وملحقتش الا السن فكري صح في مستقبلك
2- انا حضرت حصة احياء و فهمت كل اللى قاله المستر اويي بس سبتها كده كام يوم و جيت اذكرها
حسيت انى نسيت كتير من اللى قاله و انى مش عارفة اركز كويس و اجمع و الحفظ عندى بقى متعب عادي اي حاجه بتركنيها بتتنسي شويه مش مرتبطه بالاحياء بس
مع انى مكنتش كده خالص يعنى انا احفظ و اسمع تمام اجى اروح الدرس تانى يوم بكون ناسية خالص
انا حتى فى الطبيعى بقيت بتفرمط بسرعة اوى و بنسى جامد و مش بجمع و الله ابقى لسة مخلصة كلام اكمنك بس ليسه طالعه من 2 والمجموع وكده لو تغلبتي ونسيتي واجتهدتي هتلاقي نفسك احسن
يجى حد يسالنى كنتى بتقولى ايه مابفتكرش الا بصعوبة اوى و ساعات مبتكرش اصلا فاه الحل لكده اكمنك بس بتفكري بسلبيه انسي الكلام ده ركزي في هدفك اتغلبي علي صحابك وكل الصعاب هتزول وهتلاقي نفسك فاكرة كل حاجه وبلاش الياس والسلبيه
3- اخر حاجة كنت عايزة اسال على مرواح المدرسة كنتى بتروحى ولا لا و هل المرواح مهم انا السنة اللى فاتت في 2 اه وفي 3 لا بس غالبا هو نص السنه وبخلص في شهرين غياب هههههههههههه مش منتظمه مدارس ملهاش لزمة
مكنتش بروح كتير لانى كنت بقعد انا و صحابى نهزر و كده و مكنتش بستفاد اوى لكن السنة ده معيش حد من اصحابى
كلهم علم رياضة و كمان فى الدروس ازاى اركز خليكي مركزة مع المدرس وخلي مستقبل قدامك وهدفك بلاش بقي مدارس طالما هضيع وقتك وحبك لفهم الدرس هيخليكي تركزي

بجد شكراااااااااااااا جدااااااااااااا ليكى
و يارب تكون اشطر دكتورة فى الدنيا و ترفعى رسنا اللهم امين
تقبلى مرورى

نورتي الصفحه ومتقطعيش بينا

[Marry Sam]

شكرا جزيلا لمساعدتك بس لي تعليق صغير معني او جوهر التنظيم يتنافي مع التشتت اقصد انه لو بدا بالنحو وهو حاطط في دماغه الخوف من النحو هيغلط فيه حتي لو سهل لكن لو تسلسل هيجي عند النحو والرهبه راحت عشان كده هم بيحطوا النحو في الاخر
ثانيا التطويل للاسف مطلوب لان العربي ماده نظري وتصحيحها في 3 مش مضمون لان دي بينقصوا فيها عشان المجاميع عاليه والحوارات دي لذلك العربي هو اصعب من حل الفيزياء من وجهه نظري سهل انك تقفل فيزياء بس مش سهله عربي لذلك الحل انه يكتب الاجابه كما وردت بنص كتاب الوزارة بس يسرع شويه اكيد هيتعب في امتحان العربي بس في بيت شعر كده فاكرة منه طراطيش كده لن تبلغ المجد حتي تلعق الصبرا اللي هو الصبار او علقه تفوت المهم 3 ساعات بس قلبه يطمن انه مضيعش درجات وزي ما قلت كل ما هو مش هيهمل مذاكرة العربي في السنه ربنا هيوفقه
عادي يسيب مكان عشان يزود في المراجعه لو حاجه نسيها او يصلح لو غلط
شكرا لمساعدتك فكرتني بطريقه حل العيال اللي نسيتها اعتقد ان كده افضل وعالجنا حاجه عن الناس بيعمولوها غلط وهم مش واخدين بالهم

الله اعلم .. مش عارفة انا عملت كده السنة الى فاتت
بس ورقتى مكتش حلوة اوى يعنى و جبت 29.5
بس انا دايما ببدأ بالنحو
لان المخ بيكون لسة فايق لكن بعد كده الواحد بيتعب و التركيز بيروح
..
آه بس لو هوا اقعد يحل بتطويل هيقصر ف وقت حاجة تانية و ممكن ميلحقش يحلها اصلا
و كمان الاجابات ف الكتب بنلاقيها مختصرة بس جايبة المطلوب
و انا مبقولش يختصر بس يسيب الكلام الزيادة ف اللآخر عشان يكون اطمن ع الامتحان كله
و الله اعلم ^^