هـنـا نـرد عـلـى إسـتـفـسـارات حـضـراتـكـم ؟

[ahmedelnahas]

يا ريت حضرتك تقدر تفيدنى...هل قسم Electromechanics ف جامعة الاسكندرية هو قسم Mechatronics؟؟و لو مش هو يبقى ايه الفرق بينهم؟؟و مجالات شغله ايه؟

[معالى الع ـيل]

السلام عليكم
منورين يا بشهندسين و ان شاء الله ابقى مش مهندس السنه الجايه
انا فى الفيوم للاسف
عايز ادخل هندسه القاهره او عين شمس
و طبعا المصيبه الكبر التوزيع الجغرافى فى وشى
عايز اعرف ايه الشروط علشان ادخل جامعه القاهره او عين شمس طبعا غير المجموع
مع العلم انى عندى السكن فى الجيزه بأسم جدى من والدتى فهل دا ممكن يخدمنى؟!

[issac-newton]

*ahmed saleh*
طالما تم نقلك لسنة اولى خلاص , هتدخل الاقسام بناء على تنسيق الاقسام و مجموعك , و المادة الي شلتها هتفضل معاك .

ahmedelnahas
الحقيقة معنديش معلومات عن القسم دا في اسكندرية , و لكن ممكن تدخل الموقع الرسمي و تقرأ عنه
اما قسم ميكاترونكس فهو واحد من الاقسام المحترمة , بيشتغل شغل مهندس ميكانيكا او إلكترونيات

معالى الع ـيل
شروط التحويل لعين شمس او القاهرة , زي ما انت قلت , المجموع ثانيا و دا الاهم اثبات سكن , في الجيزة مثلا , و هتحول ازاي شوف هتحول انهي واحده و انزل مبنى التحويلات التابع للجامعة سواء القاهرة او عين شمس و اعرف معاد التحويل و المطلوب بالظبط , بالتوفيق

[issac-newton]

ليس من اختصاصتي عمل الاقسام في المنتدى و لكن , المفروض ان كلية التخطيط العمراني تابعة لهذا القسم من المنتدى

[hafez94_a]

السلام عليكم

انا جالى هندسة المنصورة علشان التوزيع الجغرافى و كنت عايز بترول السويس بس ملحقتش

عايز اعرف عشان ادخل قسم بترول القاهرة .. هل ممكن من دلوقتى و لو مينفعش

ايه التقدير الى لازم اجيبه فى اعدادى عشان احول قسم بترول القاهرة ؟؟

و انا سامع ان لو انا فى اعدادى القاهرة مش هحتاج هتقدير عشان ادخل بترول فهل لو دخلت اعدادى المنصورة و حولت محل اقامتى للجيزة السنة الجاية .. هحتاج اكون جايب تقدير علشان ادخل القاهرة ؟!!

و شكرا جزيلا

[issac-newton]

ممكن من دلوقتي لو عندك اثبات سكن في الجيزة
ممكن من تاني سنة و تجيب جيد جدا
لو اعدادي القاهرة , هيمشي عليك التنسيق بتاع بترول في الكلية

[mayar_mayar]

يا جماعة أنا جاتلي الحمدلله هندسة اسكندرية أنا بس كنت بسأل عن الاقسام الخاصة أنا عارفة الاقسام نفسها انما أنا عايزة أعرف نظام الدراسة وإيه هي الcredit hours وياترى انهوا أحسن الاقسم العادية ولا الخاصة والمصاريف كام في السنة وكده

[*Boa*]

السلام عليكم
انا محتاجة مساعدة عاجلة
انا طالبة ثانوية عامة راحة 3 ثانوي ومش عارفة اختار علمي علوم ولا رياضة لاني مش عارفه هدفي
وخايفة ادخل كلية الهندسة
هل هي كلية صعبة وما هي المواصفات المطلوب توافرها في الطالب حتى يبدع فيها؟؟
هل هي تعتمد على الرياضة والزكاء بشكل كبير وهل تشبه رياضة 2 بتاعة 3 ثانوي اللي انا معرفش عنها حاجة...؟؟
للاسف انا مش واثقة فنفسي ابدا وبحس اني مش زكية بالدرجة الكافية حتى اني ادخل هندسة
اصلي عندي اعتقاد ان اللي يدخل هندسة لازم يكون زكي وبيفهم(عبقري يعني ههههه)وده خارج الخدمة
للعلم انا جايبة مجموع 97% ومش عارفة حاجة في اي حاجة
بس انا ليا فكله عشان كده مش عارفه احدد هدفي
ايه الكلام الكتير ده....
اسفة طولت عليكم...! برجاء المساعدة

[mahmoud mounir]

لو سمحت يا بشمهندس هو أنا ممكن أحول من كلية الهندسة الالكترونية الى هندسة عادية و أنا مجموعى 387 و أقل هندسة 387.5 و الكترونيات 386.5

[issac-newton]

mayar_mayar
بالنسبة للاقسام فا راجعي موقع الكلية او شئون الكلية , اما بالنسبة لأنهي افضل فا على حسب رغبتك , في ناس بتحب نظام الفصلين و ناس بتحب نظام الكريدت , انا نظام فصلين و مستريح فيه جدا


*Boa*
كل شئ بيجي بالتعلم , يعني عادي بنخلص ثانوي عام و بندخل الكلية , لو حرصنا على الالتزام و التعلم هنتفوق فيها شأنها شأن اي مجال , غير كدا لاء , يعني ما بتتطلبش مهارات خاصة , غير مهارات , الالتزام و حب التعلم و المذاكرة , و ان شاء الله كفاية اوي كدا ,

mahmoud mounir
واحد صحبي اعرفه السنة الي فاتت , كان في منوف و حل للمنصورة . على حسب كل كلية

[ahmed_algeneral]

لو سمحتم كنت عياز اعرف ينفع احول من هندسة خاصة معتمدة ومعترف بيها من النقابة للهندسة الحكومية عادى ولا فية شروط...وهل فى هندسة خاصة معينة يتقبل التحويل منها
حتى لو طلبت قسم مش موجود فى الهندسة الخاصة(التحويل لقسم غير مناظر)
ولو مينفعش طب ينفع التحويل لنظام الساعات المعتمدة (القسم الخاص)ال فى جامعة القاهرة او عين شمس
او فى اى طريقة اخرى تنفع للتحويل

[salab]

ahmed_algeneral*
أعتقد ان مينفعش تحول من كلية خاصة لكلية حكومية حتى لو القسم مش موجود الكلام ده لو انت فى كابة حكومية و هتحول لكلية ثانية عشان القسم مش موجود و ثانيا نظام الساعات المعتمدة ده قسم داخلى يعنى لازم يجيلك الأول الكلية فى التنسيق و بعد كدة لما بيتبقى أماكن بيفتحوا للى عاوز يحول من الكليات الحكومية الأخرى ماعدا هندسة التعدين السويس و هندسة الكترونيات منوف و الساعات المعتمدة لا يعتبر قسم خاص 100% و عشان كدة لازم تكون جايب مجموع أقل هندسة حكومية على الأقل هذا و الله أعلم

[raven44]

لو سمحتم هو اللي بيتخرج من نظام الساعات المعتمدة بشكل عام بيشتغل زيه زي اللي متخرج من النظام العادي و لا لا ؟؟ و هل بيبقي تبع نقابة المهندسين ؟؟ و هل نظام الساعات المعتمدة بيشغل الطلاب اللي ليهم ترتيب معيدين ف الكلية و لا لا ؟؟ ارجو الافادة

[bashmohandesa dodo 2012]

walahy im not sure bs i think en hwa bykon leh el72 en hwa yb2a tb3 neqabet elmohandseen we 7kayet el4o8l bykon rz2 walahy we rbna yektrem elkol

[eng.omar sa3d]

ياجماعه لو فى حد عندو اى معلومات عن اقسام ,PPC,CEM,AETفى كريدت هندسه القاهره يعنى الدراسه الشغل بعد كدا اى معلومه تعرفها اكتبها