اى استفسار بخصوص كليه ألسن هنجاوبك عليه

[بسمة2011]

شكرا يا سرانتي ربنا يخليكي ...بس مع الافس الرابط مش شغال بيقول error هجرب بعدين ادخله ....بس قوليلي طالما الانجلش شغاااااااااال ومطلوب زي ما حضرتك قولتي ليه بلاش اخده سكند او حتي فرست انا اصلا بحب الانجلش ونفسي اقوي النطق بتاعي زي الاجانب بالظبط وممكن اخد اي لغة تانية جنبه ولا كورسات احسن ولا اعمل ايه
مش ينفع اخد فرنساوي سنكد ولا ايه ....؟

وشكرا للاستاذ مصطفي

[Guitarist]

basma alsun elmnia gher alsun 3en shams

[mustafa.sharf]

المشاركة الأصلية كتبت بواسطة sranty

ههههههههههه انت تعرف ان كل حد اقوله انى تشيكى يقولى روندا تشيك مع انى مش شفت الفيلم بس نفسى اشوفه عشان الجمله دى
حتى وانا بقدم فى اى حته يسيبوا كل اللغات يعنى مثلا اصحابى اسبانى وايطالى وكده ولما انا اروح اديلهم الورق يقولولى يعنى ايه تشيكى دى ولازم جمله هنيدى معاها عشان كده انا مصاحبه بتوع المدينه الرئيسيه عشان علطول بيسالونى السؤال ده وبنبدا نتكلم بقى

يعنى ربنا يكرمه محمد هنيدى اللى شهر لنا القسم

[mustafa.sharf]

المشاركة الأصلية كتبت بواسطة sranty

ليه بس كده دا انتوا عندكم دكتور تحفه اوى اسمه عمرو انا عن نفسى بموت فيه
وكمان عشان متزعلش هديك صوره لخريجى السن السنه اللى فاتت كانوا تحفه وعملوا شغل جامد فى الكليه



ايه رايك بقى اهم حاجه متزعلش

مش عارف والهى نودى جمايلك دى فين ههههههه دفعه تشيكى دول صح ( عقبالنا يااااااااااارب )

[mustafa.sharf]

المشاركة الأصلية كتبت بواسطة بسمة2011

شكرا يا سرانتي ربنا يخليكي ...بس مع الافس الرابط مش شغال بيقول error هجرب بعدين ادخله ....بس قوليلي طالما الانجلش شغاااااااااال ومطلوب زي ما حضرتك قولتي ليه بلاش اخده سكند او حتي فرست انا اصلا بحب الانجلش ونفسي اقوي النطق بتاعي زي الاجانب بالظبط وممكن اخد اي لغة تانية جنبه ولا كورسات احسن ولا اعمل ايه
مش ينفع اخد فرنساوي سنكد ولا ايه ....؟

وشكرا للاستاذ مصطفي

انجلش فرست صعب وتقديراته صعبه بردوا والدفعه كبيره وكل ما الدفعه كانت قليله كل ما قدر استفادك بيكون اكبر بس شغله كويس جداا وبتستفادى اوووووى بتتخرجى موسوعه انجلش
اما الانجلش سكند بقى مش بتاخدى حاجه جديده تفيدك تقدرى تقولى هو هو بتاع ثانوى ده غير انى مفيش
حد بيجيب فيه تقديرات لو خدى انجلش فرست خدى اسبانى سكند من رأيى

[بسمة2011]

ماشي كده احسن هاخد انجلش فرست واسباني سكند علشان اوازن بينهم

[الشخصية المحتارة]

طب انا عندي سؤال ليك يا مصطفي هو عدد روسي بيبقي حوالي قد ايه وهو ينفع بنت محجبة تشتغل تورجايد او مرشدة ولافي تمييز ولاايه وسؤال لسرانتي انتي قبل كده قولتي ان في اقسام ما بتدخلش المعامل هي ايه وهو انتي اعتراضك علي اسباني اوايطالي العدد بس ولا الشغل ومن رايك الروسى احلي ولا التشيكي ولا التركي كشغل للبنات والسؤال الاخييييييييييييير هو انا لو خدت انجليزي سكند ماينفعش اني اعمل فبه كورسات واشتغل بيه بعد اللسته دي واللهي انا بوكشبو المدرسة جدا

[mustafa.sharf]

المشاركة الأصلية كتبت بواسطة الشخصية المحتارة

طب انا عندي سؤال ليك يا مصطفي هو عدد روسي بيبقي حوالي قد ايه وهو ينفع بنت محجبة تشتغل تورجايد او مرشدة ولافي تمييز ولاايه وسؤال لسرانتي انتي قبل كده قولتي ان في اقسام ما بتدخلش المعامل هي ايه وهو انتي اعتراضك علي اسباني اوايطالي العدد بس ولا الشغل ومن رايك الروسى احلي ولا التشيكي ولا التركي كشغل للبنات والسؤال الاخييييييييييييير هو انا لو خدت انجليزي سكند ماينفعش اني اعمل فبه كورسات واشتغل بيه بعد اللسته دي واللهي انا بوكشبو المدرسة جدا

بيبقى كبيروا 200 او 200 وشويه وبيبقى متقسم لسكاشن ف حكايه الحجاب دى بقى هيبقى صعب عليكى
تدخلى مجال السياحه وتفضلى لابساه عشان كدا الروسى وحش للبنات لكن ممكن
ربنا يكرمك وتشتغلى بشركه بالحجاب عادى جداا

للبنات ارشحلك التركى وده مجالات شغل التركى :
مترجم فوري في مصانع وشركات تركية
في شركات الاتصالات في خدمة العملاء
تركي وانجلش ممكن تشتغل في الخطوط الجوية التركية
المعارض التركية التي تقام في مصر ممكن تشتغل فيها
هي بتبقي كام يوم كده
لو لغتك برفكت واثبت نفسك في اللغة تترجم في مؤتمرات في مصر وتركيا
لو في مؤسسات عالميه ليها فروع تشتغل باللغة التركية ممكن تشتغل فيها
زي وكالات الاخبار وكده
ممكن بقي لو ربنا فتحها عليك تتعرف علي مستثمرين اتراك وتعمله انت شغله في مصر
دا غير السياحة هي موجودة دلوقت بس بنسبة قليلة جدا
لكن في المستقبل ان شاء الله
خصوصا لما تتشال الفيزا بين مصر وتركيا لما الرئيس المصري الجديد يجي ان شاء الله
وطبعا الترجمة التحريرية
-=-=-=-=-=-=-==-=-=-=-=-=-==-=-=-=-
وكمان الفرص في الشغل بتبقي كويسة لأن عدد المترجمين تركي في مصر قليلين
-=-=-=-=-=-=-==-=-=-==-=-


الانجلش ممكن تاخدى فيه كورسات وتشتغلى بيه بس بيبقى الاولويه للغه الاولى وطبعا اللى واخد انجلش
فرست بيبقاله الاولويه ف الشغل

[sranty]

المشاركة الأصلية كتبت بواسطة mustafa.sharf

مش عارف والهى نودى جمايلك دى فين ههههههه دفعه تشيكى دول صح ( عقبالنا يااااااااااارب )

لااااااااااا دى دفعه روسى انت مش شايف علم روسيا فوق ولا ايه؟

[sranty]

المشاركة الأصلية كتبت بواسطة بسمة2011

شكرا يا سرانتي ربنا يخليكي ...بس مع الافس الرابط مش شغال بيقول error هجرب بعدين ادخله ....بس قوليلي طالما الانجلش شغاااااااااال ومطلوب زي ما حضرتك قولتي ليه بلاش اخده سكند او حتي فرست انا اصلا بحب الانجلش ونفسي اقوي النطق بتاعي زي الاجانب بالظبط وممكن اخد اي لغة تانية جنبه ولا كورسات احسن ولا اعمل ايه
مش ينفع اخد فرنساوي سنكد ولا ايه ....؟

وشكرا للاستاذ مصطفي

لانه صعب وودراسته مش حلوة فى الكليه
انا عن نفسى واخداه سكند لانى باخد قاموس تشيكى انجلش بس يعنى ملهوش عربى
لكن اوحش حاجه ان تقديره بيكون مش حلو
يعنى اخرك جيد او مقبول وبس

ايوه ينفع تاخدى فرنش سكند عادى

[sranty]

المشاركة الأصلية كتبت بواسطة الشخصية المحتارة

طب انا عندي سؤال ليك يا مصطفي هو عدد روسي بيبقي حوالي قد ايه وهو ينفع بنت محجبة تشتغل تورجايد او مرشدة ولافي تمييز ولاايه وسؤال لسرانتي انتي قبل كده قولتي ان في اقسام ما بتدخلش المعامل هي ايه وهو انتي اعتراضك علي اسباني اوايطالي العدد بس ولا الشغل ومن رايك الروسى احلي ولا التشيكي ولا التركي كشغل للبنات والسؤال الاخييييييييييييير هو انا لو خدت انجليزي سكند ماينفعش اني اعمل فبه كورسات واشتغل بيه بعد اللسته دي واللهي انا بوكشبو المدرسة جدا

ايوه الاقسام اللى عددها كبير مش بيدخلوا المعامل خالص

اه انا اعتراضى عليهم العدد بس لكن الشغل كويس طبعا الحمد لله

بالنسبه للشغل الروسى الاول وبعدين التشيكى وبعدين التركى
مفيش فرق بين بنت وولد الفرق فى القدرات بس
يعنى احنا كان عندنا واحده جايبه امتياز ومش اشتغلت لانها مش كانت بتعرف تتعامل مع حد خالص

انا مش عارفه حكايه السكند ينفع تشتغلى بيه ولا لا
لكن طالما انك هتعرفى تتكلمى بيه يبقى هتعرفى تشتغلى بيه

[emyemo]

تؤتؤتؤتؤتؤ
انا بدات ازعل
هو مافيش حد واخد سينى ولا اية
طب سؤال
مجالات المتاح فى الشغل الاكتر الصينى ولا التركى

[الشخصية المحتارة]

طب يعني موضوع الحجاب في كل اللغات في السياحة ولا في الروسي بس وهو بجد مفيش ولا مرشدة سياحية محجبة بس اعتقد ان التركي مترجماته عادي بيكونوا محجبات وبعدين انا عندي سؤال كل الناس بتقو ل ان الانجليزي مجاله واسع طب لو شيلنا منه السياحة يفضلنا الترجمة والتدريس وكنت معلش كمان عايزة اسال علي عدد دفعة تركي و الدكاترة الاجانب والبعثاتوشكرا جدا ليك يا مصطفي وليكي يا سرانتي بجد مش عارفة من غيركم كنت هعمل ايه

[sranty]

المشاركة الأصلية كتبت بواسطة emyemo

تؤتؤتؤتؤتؤ
انا بدات ازعل
هو مافيش حد واخد سينى ولا اية
طب سؤال
مجالات المتاح فى الشغل الاكتر الصينى ولا التركى

ههههههههههه
يااااااااااه دا انتى هتلاقى كتير هناك متخافيش
الاول فكرى فى الدراسه وبعدين فى الشغل
مهتمين اوى بالشغل مش عارفه ليه
اننا بقول تشيكى له شغل يبقى اكيد صينى وتركى ليهم برضو فى اى مجال يتعلق باللغه

[sranty]

المشاركة الأصلية كتبت بواسطة الشخصية المحتارة

طب يعني موضوع الحجاب في كل اللغات في السياحة ولا في الروسي بس وهو بجد مفيش ولا مرشدة سياحية محجبة بس اعتقد ان التركي مترجماته عادي بيكونوا محجبات وبعدين انا عندي سؤال كل الناس بتقو ل ان الانجليزي مجاله واسع طب لو شيلنا منه السياحة يفضلنا الترجمة والتدريس وكنت معلش كمان عايزة اسال علي عدد دفعة تركي و الدكاترة الاجانب والبعثاتوشكرا جدا ليك يا مصطفي وليكي يا سرانتي بجد مش عارفة من غيركم كنت هعمل ايه

الحجاب مفيهوش مشكله انا كل اللى اعرفهم بيشتغلوا فى شركات ومحجبات

مش فاهمه السؤال بخصوص الانجلش قصدك ايه؟

دفعه تركى بتكون 60 هو فيه دكتوره من تركيا جت السنه اللى فاتت مش عارفه بقى هتستمر ولا ايه

البعثه بتكون لاول اتنين على الدفعه فى الفرقه التانيه الترم الاول

ربنا يخليكى يارب ويوفقك ان شاء الله