هـنـا نـرد عـلـى إسـتـفـسـارات حـضـراتـكـم ؟

[issac-newton]

BooDeY93
التحويل , بين الجامعات التابعة للقاهرة الكبرى صعب , مش هينفعلك غير التحويل المرضي و دا معنديش معلومات عنه لكن حاله مشابهة ليك و صاحبها ما عرفش يحول غير بتحويل مرضي للقاهرة , فا حاول تتواصل مع وزارة التعليم .


ساره الصادق
ياريت تتواصلي مع وزارة التعليم العالي , من خلال ارقامهم او , احسن حاجة تنزلي حضرتك جامعة القاهرة , و تروحي المجلس الاعلى للجامعات و هو داخل حرم الجامعة و استفسري هناك

aya.allam
جربي اول حاجة التحويل التابع لمكتب التنسيق و إن فشل , ياريت تنزلي كلية فنون جميلة حلوان تسألي , ؟

abdou2day
العام الماضي تقديم بترول كان قبل العيد باسبوع , فا صبرا مش دلوقتي بيكون التقديم

[m - sayed]

أنا كنت عاوز آخد نظرة عامة عن المصاريف في كلية الهندسة

[معاذ نجم الدين]

انا جبت 99 % و من اسوان جتلي طبعا هندسة اسوان هل ينفع احول لاي هندسة تاني خارج التوزيع الجغرافي و لا لأ ؟؟؟ و هل صح ينفع احول بعد اول سنة لو جبت تقدير كويس ؟؟؟
شكررررا تعبتك معايا جزاك الله خير ...

[issac-newton]

aya.allam
انا اقدر افيدك فقط في قسم عمارة التابع لهندسة , و من وجهة نظري أفضل من فنون جميلة .
http://www.thanwya.com/vb/showthread.php?t=441925
حملي الكتاب دا و إقراي عن قسم عمارة

m - sayed
انا مش فاكر بس انا كنت دافع في اعدادي 200 و شويا او 300 مش جاي في بالي دلوقتي الرقم بالظبط دا غير لو هتشتري كتب او هتشتري ملازم و انا ما كنتش بشتريها غير نادرا او هتروح كورسات و انا الحمد لله ما روحتش ولا كورس و اعتمدت على نفسي ,

معاذ نجم الدين
تقدر تحول من دلوقتي مثلا للقاهرة او عين شمس شرط اثبات السكن في المنطقة الي هتروحها وصل كهربا في الجيزة مثلا باسم الوالد , او تقدر تحول بعد سنة الاعدادي , بشرط تجيب جيد جدا فيما فوق و تحول لقسم مش موجود في كليتك , و كل كلية و ليها لايحتها و قواعد التحويل ليها

[معاذ نجم الدين]

آخر سؤال و شكرا جدا لحضرتك هي مناهج اعدادي واحدة و لا بتختلف ؟؟؟

[issac-newton]

بتختلف من كلية لكلية , و لكن في المجمل واحدة

[*ahmed saleh*]

السلام عليكم ورحمة الله وبركاته
انا فى السنة الاعدادية كلية الهندسة وتم نقلى الفرقة الاولى وراسب فى مادة.............. ما موقفى من دخول الاقسام؟؟؟
ولكم منى جزيل الشكر والتقدير

[issac-newton]

*ahmed saleh*
طالما تم نقلك لسنة اولى خلاص , هتدخل الاقسام بناء على تنسيق الاقسام و مجموعك , و المادة الي شلتها هتفضل معاك .

ahmedelnahas
الحقيقة معنديش معلومات عن القسم دا في اسكندرية , و لكن ممكن تدخل الموقع الرسمي و تقرأ عنه
اما قسم ميكاترونكس فهو واحد من الاقسام المحترمة , بيشتغل شغل مهندس ميكانيكا او إلكترونيات

معالى الع ـيل
شروط التحويل لعين شمس او القاهرة , زي ما انت قلت , المجموع ثانيا و دا الاهم اثبات سكن , في الجيزة مثلا , و هتحول ازاي شوف هتحول انهي واحده و انزل مبنى التحويلات التابع للجامعة سواء القاهرة او عين شمس و اعرف معاد التحويل و المطلوب بالظبط , بالتوفيق

[ahmedelnahas]

يا ريت حضرتك تقدر تفيدنى...هل قسم Electromechanics ف جامعة الاسكندرية هو قسم Mechatronics؟؟و لو مش هو يبقى ايه الفرق بينهم؟؟و مجالات شغله ايه؟

[معالى الع ـيل]

السلام عليكم
منورين يا بشهندسين و ان شاء الله ابقى مش مهندس السنه الجايه
انا فى الفيوم للاسف
عايز ادخل هندسه القاهره او عين شمس
و طبعا المصيبه الكبر التوزيع الجغرافى فى وشى
عايز اعرف ايه الشروط علشان ادخل جامعه القاهره او عين شمس طبعا غير المجموع
مع العلم انى عندى السكن فى الجيزه بأسم جدى من والدتى فهل دا ممكن يخدمنى؟!

[issac-newton]

ليس من اختصاصتي عمل الاقسام في المنتدى و لكن , المفروض ان كلية التخطيط العمراني تابعة لهذا القسم من المنتدى

[hafez94_a]

السلام عليكم

انا جالى هندسة المنصورة علشان التوزيع الجغرافى و كنت عايز بترول السويس بس ملحقتش

عايز اعرف عشان ادخل قسم بترول القاهرة .. هل ممكن من دلوقتى و لو مينفعش

ايه التقدير الى لازم اجيبه فى اعدادى عشان احول قسم بترول القاهرة ؟؟

و انا سامع ان لو انا فى اعدادى القاهرة مش هحتاج هتقدير عشان ادخل بترول فهل لو دخلت اعدادى المنصورة و حولت محل اقامتى للجيزة السنة الجاية .. هحتاج اكون جايب تقدير علشان ادخل القاهرة ؟!!

و شكرا جزيلا

[issac-newton]

ممكن من دلوقتي لو عندك اثبات سكن في الجيزة
ممكن من تاني سنة و تجيب جيد جدا
لو اعدادي القاهرة , هيمشي عليك التنسيق بتاع بترول في الكلية

[mayar_mayar]

يا جماعة أنا جاتلي الحمدلله هندسة اسكندرية أنا بس كنت بسأل عن الاقسام الخاصة أنا عارفة الاقسام نفسها انما أنا عايزة أعرف نظام الدراسة وإيه هي الcredit hours وياترى انهوا أحسن الاقسم العادية ولا الخاصة والمصاريف كام في السنة وكده

[*Boa*]

السلام عليكم
انا محتاجة مساعدة عاجلة
انا طالبة ثانوية عامة راحة 3 ثانوي ومش عارفة اختار علمي علوم ولا رياضة لاني مش عارفه هدفي
وخايفة ادخل كلية الهندسة
هل هي كلية صعبة وما هي المواصفات المطلوب توافرها في الطالب حتى يبدع فيها؟؟
هل هي تعتمد على الرياضة والزكاء بشكل كبير وهل تشبه رياضة 2 بتاعة 3 ثانوي اللي انا معرفش عنها حاجة...؟؟
للاسف انا مش واثقة فنفسي ابدا وبحس اني مش زكية بالدرجة الكافية حتى اني ادخل هندسة
اصلي عندي اعتقاد ان اللي يدخل هندسة لازم يكون زكي وبيفهم(عبقري يعني ههههه)وده خارج الخدمة
للعلم انا جايبة مجموع 97% ومش عارفة حاجة في اي حاجة
بس انا ليا فكله عشان كده مش عارفه احدد هدفي
ايه الكلام الكتير ده....
اسفة طولت عليكم...! برجاء المساعدة