الحملة الكبرى لإسترداد حقوق المدرسين المتعاقدين ( للإيجابيين فقط ) - الصفحة 107

Observer · #**1591** 29-09-2009, 12:31 AM

اقتباس:

المشاركة الأصلية كتبت بواسطة mohammad00

هل أنت سوف تحضر يا أأبو فوزي

للأسف لا يا أستاذ محمد
لأنى من اسوان والمسافة بعيدة زى مانتا عارف
عشان كدة انا متأكد اننا كلنا واحد فى اسوان أو سيناء أو القاهرة
والموجود يسد وينوب عن الجميع
وعلى فكرة هما مش عايزين 100 واحد مثلاً يحضروا الندوة
هما عايزين اتنين أو تلاتة يكون عندهم القدرة على الحديث
على أساس يوضحوا للناس احنا مين ومشكلتنا ايه وكدة يعنى
إيه رأيك انت تروح وتمثلنا ؟!

Observer · #**1592** 29-09-2009, 12:34 AM

اقتباس:

المشاركة الأصلية كتبت بواسطة houda_lovely

ان شاء الله ارسلنا الايميلات وغدا الفاكسات و ياريت نسيب الفاكسات مفتوحه لما نقابل اخوانا وزاميلنا فى المعهد يوم السبت هيكون الجميع موجود طبعا

الخطوة دى فعلاً مفتوحة لحد آخر شهر أكتوبر
وممكن نبعت فى أى وقت بس الأفضل نبدأ مع بعض من بكرة
عشان التأثير يكون أكبر
ولما تبدأ الدراسة الأسبوع الجاى نبقى نقول لزمايلنا
ونخليهم يبعتوا معانا
محلولة يا حودة

ranad2003 · #**1593** 29-09-2009, 12:37 AM

ويرى المركز ضرورة تعيين معلمى العقود والاستعانة بمعلمين شباب حتى يتوافر لدى الوزارة عدد كبير من المعلمين

يااااااااة لو بجد الحلم يتحول حقيقة

Observer · #**1594** 29-09-2009, 12:39 AM

أخيراً
ان شاء الله يتحقق الحلم

ranad2003 · #**1595** 29-09-2009, 12:39 AM

اقتباس:

المشاركة الأصلية كتبت بواسطة mohammad00

المركز المصري للحق في التعليم :
القاهرة-مدينة السلام- 26عمارات صف الضباط- شقة 12
تليفون 0222783795 – 0103603256
هذا هو عنوان وتليفونات المركز المصري للحق في التعليم

يا جماعة انتم متاكدين من العنوان دة لو العنوان دة صح يبقى بينى وبين المركز دة عشر دقايق ممكن اتمشى لحد عندة ارجو التاكيد ع العنوان

ranad2003 · #**1596** 29-09-2009, 12:44 AM

يا محمد الندوة امتى لو العنوان صح دى جنب بيتى انا ممكن احضر بس حددلى النقاط اللى هتكلم فيها

newmasry · #**1597** 29-09-2009, 12:46 AM

تشرفت انى اتانع حملتكم الموقرة من اجل رفعة المعلم وتوفير الحد الادنى من الحياة الكريمة للمعلم المصرى مربى الاجيال...........انا مش غريب عنكوا انا اداب انجليزى بس بشتغل فى مصر للطيران بس زى ما تقولوا انا حاسس بيكوا قوى وده راجع لسببين الاول:انى كان ممكن فى يوم من الايام اكون مدرس
والتانى انى برضه متعاقد زيكوا بس تعاقدنا افضل حالا من التربية والتعليم.
عموما اتمنى ان ربنا يوفقكوا كلكوا ولو فيه اى خدمة اقدر اقوم بيها انا تحت امركوا .
والله الموفق

ra23sh · #**1598** 29-09-2009, 12:48 AM

ياريت يا جماعة نكون عندنا دافع اكبر من اجل استرداد حقوقنا وياريت اللي عنده استعداد يروح الندوة وفي نطاق القاهرة الكبرى يقول علشان نعمل حسابنا مين اللي هيروح.... وبالنسبة للندوة يوم الجمعة القادم من الساعة 10 الى الساعة 5

mohammad00 · #**1599** 29-09-2009, 12:52 AM

إن شاء الله العنوان مضبوط لأني بحثت جيد جدا في الانتر نت وكل العنوان مطابقة لهذا العنوان ونرجوا من حضرتك الذهاب غدا والتأكد من الميعاد وكم العدد المطلوب وكذلك كيفية وسائل النقل التي وعدوا بها ومكان كل محافظة في هذه الانتقالات ومن هم السادة الحضور ... أعلم أن هناك مشقة لكن جعلها الله ميزان حسناتك ..

مجدي محمود علي · #**1600** 29-09-2009, 12:59 AM

خطوة مهمة حضور الندوة وتذكيرهم ولا أقول تعريفهم بأحوال المعلمين المساعدين أتمنى ممن سكنهم قريب ألا يتكاسلوا وهي إنشاء الله في ميزان حسناتكم ونفعكم الله بخطواتكم هذه
ربنا يبدل حالنا بما هو أفضل ويذهب عدونا الطواحين الكبيره المسئولين من الأجيال السابقة الظالمة الغشومة
كم عانى شبب مصر من الظلم
حسبنا الله نعم المولي ونعم النصير

Observer · #**1601** 29-09-2009, 01:01 AM

والله لو كل واحد بيقرا الكلام ده وبعدين يروح ينفذه
كنا زماننا دلوقت متعينين ومرتاحين وزينا زى غيرنا
لكن للأسف عدد كبير بيقرا ويمشى
ويعمل نفسه مش واخد باله !!

mohammad00 · #**1602** 29-09-2009, 01:02 AM

السلام عليكم ورحمة الله وبركاته
الأخ المصري الجديد هل أنت كنت مش مصري قبل ذلك ... دي هزره ... اهلا بك وكلنا فخورين ومعتزين بأن هناك تضامن معنا من هيئات أخرى وكل هذا سوف ينعكس علينا بإذن الله .. وبمناسبة نيو مصري .. لو لم أكن مصريا لوددت أن أكون أي حاجة تانية

Observer · #**1603** 29-09-2009, 01:04 AM

شكراً أخت دينا محمد
أو ranad 2003 على المبادرة وحضور الندوة
مين تانى يا جماعة هيحضر الندوة

mohammad00 · #**1604** 29-09-2009, 01:08 AM

إن شاء الله سوف أكون من المشاركين وسوف أعد ورقة مبين فيها كل المشاكل وما في طياتها من تعنت وظلم ونحن نريد إن أمكن حضور الجنسين مما يعطي انطباع عن التوحد وقوة المرأة في المطالبة بأقل حقوقها .. يا ريت إذا كان هناك جدية يكون هناك تواصل بيننا

مجدي محمود علي · #**1605** 29-09-2009, 01:08 AM

يا عمنا احنا مصريين بالبطاقة بس وأنا لا أشعر أننا مصريين بالحقوق اللي بتنزل علينا زي السيل