مين علوم الاسكندرية؟؟؟؟؟؟؟؟ - الصفحة 107

perfect-girl · #**1591** 30-09-2010, 03:26 AM

اقتباس:

يا قمر انتى تسألى اللى انتى عيزاه فى اى وقت و كلنا محتاسين و زهقانين و مخنوقين زيك بالظبط و الله بس اهو بنساعد بعض و المرشدين ده الوضع الطبيعى بتاعهم انهم مش عارفين حاجة و احنا اللى بنقولهم

ربنا يخليكى بجد والله الوضع فظيع محدش فاهم حاجة وفى نفس الوقت الواحد خايف ياخد مادة مش حتفيده

اقتباس:

بصى تاريخ علوم و اقتصاد عايزين مذاكرة كتير و مكلعكعين
اساسيات ادارة انا انسحبت منها عشان حسيت انها شبه الاقتصاد و الدكتور بتاعها كان ميطمنش
مهارات عرض دى اول مرة اسمع عنها

هى لو الاقتصاد زى تاريخ العلوم تبقى معقولة هو ايه اخبار الدكتور بتاعها فى كتاب ورق ولا لازم حضور المحاضرات

اقتباس:

انا عارفة انى ما افدتكيش بحاجة بس حبيت ارد اطلع المعاناة اللى جوايا

ليه بتقولى كده بالعكس انا فهمت من كلامك ان الاساسيات غلسة شوية والله المعاناة دى جوانا كلنا

اقتباس:

انتى بتاخدى كام مادة كيميا ؟؟؟

فيزيا 1
رياضة 2
كيميا نظرى 4 فيهم واحدة تقريبا حتتشال
كيميا عملى 1

اقتباس:

بس الكيميا اللى على حق حتعرفيها فى تالته و اكيد رابعة حتكون اكتر و اكتر
انا لحد دلوقتى 6 مواد كيميا نظرى و 1 عملى و 3 فيزيا نظرى و 1 عملى
ادعييييييييلى ربنا يقوينى
و ربنا معاكى ان شاء الله

اهو احنا بناخد الى على قدنا

ربنا معاكى ان شاء الله

radium4 · #**1592** 06-10-2010, 01:01 PM

لو سمحتوا انا باذن الله ناوى ادخل علوم ( جيوفيزيا ) لان كل الناس بتشكر فيه
و انا بحب كل حاجة فيها فيزيا عموما
فانا عايز اعرف المواد بس لانى سمعت انهم بياخدوا
فيزيا و كيميا و رياضة و جيولوجيا و جيوفيزيا
هل في مواد تانية ؟
و هل بناخد المواد دي كلها كل سنة ولا متقسمة على السنوات .. ؟
اسف على الاطالة .. بس اتمنى حد يجيب

zambalek_boy · #**1593** 28-10-2010, 07:03 PM

ايه يا جدعاااااااااان انتوا فرحانين كدا ليه بعلوم اسكندريه ..دنا كنت هموت واحول منها بس محصلش نصيب للاسف ...اهئ اهئ اهئ

asmaa18 · #**1594** 04-11-2010, 11:04 PM

لو سمحت هو ينفع اختار مادة البحث جيولوجيا ؟؟؟

شكرا

محمد.فوكس · #**1595** 08-11-2010, 02:04 AM

سلام عليكم
فينكم يا جماعة اخباركم ايه!

radium4 · #**1596** 23-11-2010, 12:44 PM

ايه يا جماعة محدش عايز يقول حاجة

Nogha · #**1597** 09-12-2010, 07:09 PM

السلام عليكم و رحمة الله و بركاته
ايييييييييييييييييييه يا جماعة انتم فين؟ ايه الأخبار؟ عملين ايه؟ اوعوا تكونوا لا سمح الله بتذاكروا و اللا حاجة؟
طبعا كل الاسئلة اللى اتسألت دى و لا اعرف اى حاجة عنها فياريت اللى يعرف يقول و يفيد و جزاه الله كل خير
ايه اخباركم فى المواد السكر اللى عندنا دى؟

karem20055002 · #**1598** 15-01-2011, 11:16 PM

يااه الموضوع دة غريب والله

اول كومنت كتبتة ااستاذة نوجا سنة 2008
واخر كومنت كتبتة في اخر 2010

بما انك بقي قديمة في الكلية دلوقتي
اية اخبار العلوم هل هي كلية معقدة زي ما بيقولوا ؟
انا نفسي ادخلها بردة بس يارب مجموعي يعمل حركة جدعنة ويجيب علوم قاهرة او اسكندرية .

Nogha · #**1599** 15-02-2011, 11:10 AM

اقتباس:

لو سمحتوا انا باذن الله ناوى ادخل علوم ( جيوفيزيا ) لان كل الناس بتشكر فيه
و انا بحب كل حاجة فيها فيزيا عموما
فانا عايز اعرف المواد بس لانى سمعت انهم بياخدوا
فيزيا و كيميا و رياضة و جيولوجيا و جيوفيزيا
هل في مواد تانية ؟
و هل بناخد المواد دي كلها كل سنة ولا متقسمة على السنوات .. ؟
اسف على الاطالة .. بس اتمنى حد يجيب

و الله انا ده برده اللى انا سمعته زى حضرتك بالضبط, بصراحة مقدرش افيدك فدى لأن القسم ده بعيد كل البعد عن اقسامنا و لكن بجد بسمع انه قسم روعة و كويس جدا فى الشغل, ربنا يوفقك ان شاء الله يارب

Nogha · #**1600** 15-02-2011, 11:18 AM

اقتباس:

يااه الموضوع دة غريب والله

اول كومنت كتبتة ااستاذة نوجا سنة 2008
واخر كومنت كتبتة في اخر 2010

ههههههههههههههههههههههههههههههههههههههههههه تصدق صح اول مرة اخد بالى من كدة

اقتباس:

بما انك بقي قديمة في الكلية دلوقتي
اية اخبار العلوم هل هي كلية معقدة زي ما بيقولوا ؟
انا نفسي ادخلها بردة بس يارب مجموعي يعمل حركة جدعنة ويجيب علوم قاهرة او اسكندرية .

ايوة احم احم بسم الله الرحمان الرحيم,الكلية و الله عادية زيها زى اى كلية عملية فيها صعوبة و صعوبة شديدة كمان بس ده حال كل الكليات العملية انا مش حسة ان علوم بالذات تمتاز بصعوبة عن غيرها, يمكن اللى بيصعب الكلية عالطلبة هما الدكاترة و ان على كول امتحانات مش بتخلص سواء شفوى او نظرى او نظرى العملى او العملى دووووووووخة بس عادى زى كل الكليات العملية, يارب ان شاء الله تدخلها بإذن الله و تتعذب فيها زينا بس عذاب حلو زى ما بيقولوا حتبلعلها الزلط و حتحس فوقت انك مكنش ينفع تدخل كلية غيرها زى ما انا حسيت انه رغم كل اللى الواحد فيه الا انه مظنش انى كنت حمشى فكلية تانية, حسب لو حضرتك علمى رياضة فطبعا الأفضل قسم الكيميا و لو علمى علوم فلأفضل برده اما كيميا او كيميا حيوى او ميكروبيولوجى و طبعا طبعا ده حسب ميول حضرتك شوف بتحب ايه يعنى لو بتحب الكمبيوترات و كدة يبقى قسم حاسب آلى و هكذا ادخل اللى انت بتحبه و حتتقن و تتفوق فيه ان شاء الله

Kareem Ahmed · #**1601** 16-02-2011, 08:35 AM

بقول لاى حد زعلان منى
متزعلش !!

radium4 · #**1602** 19-03-2011, 09:48 PM

الكلام واقف ليه كدة ...

Nogha · #**1603** 21-05-2011, 05:11 AM

معلش الناس انشغلت بعد الثورة ههههههه
اصل الترم اصلا صغير مش مستحمل اى حاجة فتلاقى الناس عمالة تذاكر و مفرتكين الكتب زيى كدة بالضبط, و احب اقولكم ارحموا الكتب شوية, الورق اتقطع
ايييييييه الأخبااااااار؟

محمد.فوكس · #**1604** 30-05-2011, 10:52 AM

ايه يا جماعة الأخبار .. طبعا ترم رايح في داهية مش بس عشان قصير عشان الواحد دماغه مش مع الكلية خالص.
ربنا يستر انا مش معتمد على اعمال سنة خالص

radium4 · #**1605** 30-05-2011, 09:29 PM

ربنا يسهل يا رب ...