ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة uiuiui

هو مافيش تفسير للكلام ده ياريت يا د. عبد الرحمن تطمنا الا الواحد خلاص هيتجنن

وعاوزنين نعرف هنقدم امتى كمان

التقديم بمجرد إعلان التنظيم والإدارة الأماكن المتوفرة ليتم الاختيار بينها ..

بيني وبينكم الأكاديمية معطلة بعض الكشوف بحجة أن عملها متوقف بسبب الاعتصامات .. طبعا ده كلام فاضي لكن هم عاوزن يضغطوا على الحكومة لفض الاعتصام اللي فيها..

[د.عبدالرحمن المنياوي]

المشاركة الأصلية كتبت بواسطة uiuiui

انا مش فاهمه اى حاجه

ازاى يعنى هياخدوا دفعه واحده من 2002/2003
ولا دى غلطه وقده 2002/2010

الثانيه ايه الخمسه الاوائل دى مش الكلام كان على عشرين ولا ايه

وهيتيعد المعيدين بس ولا المؤمن عليهم كمان

ياريت د. عبد الرحمن تفهمنا وترد علينا الا خلاص قربت اتجنن

لا استبعاد للمؤمن عليهم

[منى أبو الجود]

السلام عليكم يا أستاذ رامي ايه أخر الأخبار هل عندك من جديد يارب يكون الفاكس ده خاطئ لان الامر مش مقبول وفيه حلقة مفقودة لان من الطبيعي ان الجهاز المركزي للتنظيم والادارة يطلب بيانات الاول والتاني على الاقسام والشعب مش على الكلية كلها لان القرار الي طلعه الدكتور عصام شرف ينص على هذا ومفيش اي أخبار تانية ان الدكتور عصام غير قراره او عدله طمني جزاك الله خيرا

[بتول2011]

حرام والله بيسلوا علينا الوقتى بقوا الخمسة الأوائل كمان شوية الغاء قرار التعيين ربنا يصبرنا ويرزقنا سفر للخارج من هذه البلد

[uiuiui]

د. عبد الرحمن مكتوب ف المصرى اليوم التنظيم والاداره تتلقى بيانات الاوائل

يعنى اروح

اروح واسال واقدم ولا اقدم امتى

وانا اعرف منين ان مفروض اقدم او بمعنى اصح اعرف منين ميعاد التقديم

[uiuiui]

ياريت ياد. عبد الرحمن لانى ماسالتش خالص ولا روحت التنظيم والاداره وخايفه يكون ف تقديم وانا قاعده ف الطناش

[د.عبدالرحمن المنياوي]

هم قصدهم تلقي بيانات الأوائل من الأكاديمية مش من الأوائل نفسهم ..

[uiuiui]

سؤال اخير انا عارفه ان اسئلتى كتييييير

انا اعرف منين اى مفروض اروح اكتب رغباتى ف التنظيم والاداره


يعنى التنظيم والاداره هتعلن فين الكلام ده

وميرسى جدااااااا لرد حضرتك

[uiuiui]

فى طلب بقه عوزاه من حضرتك

عاوزه من حضرتك تشترك معانا ف الجروب ده على الفيس بوك بافكارك وارائك ومعلوماتك طبعااااا
http://www.facebook.com/home.php#!/g...722992111?ap=1

[د.عبدالرحمن المنياوي]

يشرفني اشتراكي معكم .. وبالنسبة لموعد التقدم للتنظيم والإدارة سيتم إعلان ذلك في الجرايد وعلى الموقع وانتظري ذلك بنهاية الشهر ..

[ramy gama]

المشاركة الأصلية كتبت بواسطة منى أبو الجود

السلام عليكم يا أستاذ رامي ايه أخر الأخبار هل عندك من جديد يارب يكون الفاكس ده خاطئ لان الامر مش مقبول وفيه حلقة مفقودة لان من الطبيعي ان الجهاز المركزي للتنظيم والادارة يطلب بيانات الاول والتاني على الاقسام والشعب مش على الكلية كلها لان القرار الي طلعه الدكتور عصام شرف ينص على هذا ومفيش اي أخبار تانية ان الدكتور عصام غير قراره او عدله طمني جزاك الله خيرا

انا دا الكلام اللي اتشرح ليا النهارده وبعدها كمان اتصلت بدكتور كان في الكليه النهارده وإديته بياناتي وبيانات الأح خليل عشان يشوف ترتيببنا علي الكليه ؟؟؟ لقيتو اتصل عليا وقال إن الكلام اللي بتقولو دا وإن الكليه هتاخد 1 ،2 علي الكليه مش ليكو دا عشان اللي هيتعينو اداري ...حتي لاحظي في الفاكس مع استبعاد المعيدين اللي تم تعيينهم أو أي كان في هذه الهيئات في الجهاز الإداري للدوله
أمال ام رهف فين ....... ربنا ييسر الحال

[uiuiui]

د. عبد الرحمن هو حضرتك عضو ف الجروب ده قبل كدا بيقولى حضرتك عضو مسبق

[خليل المسيرى]

المشاركة الأصلية كتبت بواسطة ramy gama

انا دا الكلام اللي اتشرح ليا النهارده وبعدها كمان اتصلت بدكتور كان في الكليه النهارده وإديته بياناتي وبيانات الأح خليل عشان يشوف ترتيببنا علي الكليه ؟؟؟ لقيتو اتصل عليا وقال إن الكلام اللي بتقولو دا وإن الكليه هتاخد 1 ،2 علي الكليه مش ليكو دا عشان اللي هيتعينو اداري ...حتي لاحظي في الفاكس مع استبعاد المعيدين اللي تم تعيينهم أو أي كان في هذه الهيئات في الجهاز الإداري للدوله
أمال ام رهف فين ....... ربنا ييسر الحال

الأخ رامى
لاحظ ان الناس اليوم فى حاله لا يعلمه الا الله فأرجوا منك ان يكون كل الكلام موثوق به او بدليل لن قرار حصر ألأول والثانى على الكليه بخصوص جامعة الأزهر ده صريح فى مضمونه اما بالنسبة لكلامك أنه بخلاف الأول والثانى على كل قسم فحتى الان لم نرى القرار الخاص بذلك فارجو منك التأكد ثم النشر
ولا تنسى الاستفسار عن بياناتى وشكراُ

[ام رهف]

بالنسبة لاوائل الازهر
على ارض الواقع لم يصل اي قرار سوى قرار تعيين الاول والثاني على كل كليه مع استبعاد المؤمن عليهم في وظائف اخرى
اما عن تفسير هذا القرار وبعد سؤال كثير من زملائنا في مختلف الكليات فكان في اجماع على ان لم يصل شيء من هذا الكلام وان الجامعة ارسلت حصر الاول والثانى على كل قسم وشعبة ولا جديد
وبعد لقاء احد زملائنا باحد مستشاري عصام شرف قال له ان موضوعكم لسة زي ماهو ماشي ومنتظرين توفير الدرجات المالية وقرار رئيس الوزرا وان تعيينكم هيكون بقرار من رئيس الوزرا شخصيا ولا علاقة لكم بالتنظيم والادارة
هذا هو ماحدث وعليه ساد هدوء حذر بين الاوائل مع الاستمرار في متابعة الموضوع مع رئاسة الوزرا
وده على حد علمي حتى الان
والله المستعان

[emtaha2010]

المشاركة الأصلية كتبت بواسطة ام رهف

بالنسبة لاوائل الازهر
على ارض الواقع لم يصل اي قرار سوى قرار تعيين الاول والثاني على كل كليه مع استبعاد المؤمن عليهم في وظائف اخرى
اما عن تفسير هذا القرار وبعد سؤال كثير من زملائنا في مختلف الكليات فكان في اجماع على ان لم يصل شيء من هذا الكلام وان الجامعة ارسلت حصر الاول والثانى على كل قسم وشعبة ولا جديد
وبعد لقاء احد زملائنا باحد مستشاري عصام شرف قال له ان موضوعكم لسة زي ماهو ماشي ومنتظرين توفير الدرجات المالية وقرار رئيس الوزرا وان تعيينكم هيكون بقرار من رئيس الوزرا شخصيا ولا علاقة لكم بالتنظيم والادارة
هذا هو ماحدث وعليه ساد هدوء حذر بين الاوائل مع الاستمرار في متابعة الموضوع مع رئاسة الوزرا
وده على حد علمي حتى الان
والله المستعان

ربنا يستر