الحملة الكبرى لإسترداد حقوق المدرسين المتعاقدين ( للإيجابيين فقط )

[elbltagy78]

هل المتعاقدون بالتربية والتعليم فى 1/1/2009 التربوى فقط هيقدموا فى الاكاديمية بمحافظة الشرقية دا كلام سمعتة من الادارة التعليمية افيدونى بسرعة جزاكم الله خيرا

[مجدي محمود علي]

لا تقارن فقطاع التعليم من أشد القطاعات ظلما في مصر فالأوقاف مثلا تزيد مرتباتهم دون أن يسمع أحد بهم أو السنترال أو غيرهم ولكن كادر المعلم من وعود ثم انتظار ثم وعود تم تحجيم لقيمة الكادر تم تصفية أكبر عدد ممكن التعليم هو القطاع الوحيد الذي امتحن موظفيه وممن هم في سن قبيل المعاش إن كانت النية هي بغرض التسكين الوظيفي فكيف يسكن هؤلاء ممن بقي له شهور ويترك الوظيفة ما الجدوى من امتحانه إلا أن يكون الهدف مادي بحت وإخراج أكبر عدد ممكن
لا تقارن فإن زاد مليم في التربية والتعليم لابد أن يسمع بالمعلم المصري من يعيش في انتركاتيكا ويتيقن أنه أخذ المليم في يده وتجاوز بعد مرحلة التشهير
أما السابقة التي لن توجد في أي قطاع في مصر أو في العالم هي الخصم فعلى هذا الأساس سوف يأتي يوم ندفع فيه نحن للأزهر مقابل عملنا لديه
حسبنا الله ونعم الوكيل

[متعاقده مخنوقه]

من لايملك قوت يومه لايملك حريته

[أبوطالب82]

احنا اللى رقصنا ع السلم
احنا الدفعة اللى رقصت ع السلم تعاقدنا فى 2005 وضحكوا علينا فى 2008 ونصبوا علينا فى 2009 وهيمشونا فى 2010
فين العدل يا عم متعاقد وعايز تعمل حملة حملة ليه ؟ ومين هيسمعلك ولو سمعلك هيعملك أيه ؟
بلاش بقى الكلام الثورى الكبير اللى ما يأكلش بسكوت ده وعيش معانا فى عالم الواقع
الواقع

[محمد عاطف 22]

مرعي يصالح الخبراء وينصف العاملين
6 أشهر مكافأة عن كل سنة خدمة..لخبراء العدل عند المعاش
خمسة أشهر للموظفين 3 آلاف جنيه حداً أدني لمنحة الزواج
كتب- جمال إمبابي:
في خطوة رسمت السعادة علي وجوه موظفي الوزارة.. أصدر المستشار ممدوح مرعي وزير العدل قراراً بزيادة مكافأة نهاية الخدمة لخبراء وزارة العدل والكيميائيين والأطباء الشرعيين ومصلحة الطب الشرعي إلي ستة أشهر عن كل عام عند الإحالة للمعاش.. وأيضاً زيادة مكافأة نهاية الخدمة للموظفين والعاملين بالوزارة إلي خمسة أشهر عن كل عام وزيادة منحة الزواج إلي عشرة أشهر من الأساسي بحد أدني ثلاثة آلاف جنيه.
كان المستشار عبدالسلام تمراز مساعد وزير العدل للديوان العام وصندوق الرعاية الصحية والاجتماعية لأعضاء الهيئات القضائية قد عرض مذكرة بمطالب العاملين علي المستشار مرعي.
وصرح تمراز بأن الوزير يحرص علي دعم كل الجهات المعاونة والموظفين بالوزارة إيماناً بدورهم في المنظومة القضائية.. مشيراً إلي أنه تم زيادة بدل العلاج للعاملين إلي 120 جنيهاً تصرف شهرياً مع مرتب أكتوبر القادم وزيادة بدل نظارة إلي 350 جنيهاً.
أضاف أنه يستفيد من هذه القرارات ما يقرب من 30 ألفاً من الفنيين والعاملين بالديوان العام ومصلحة الخبراء والطب الشرعي مشيراً إلي أنه تمت أيضاً زيادة منحة المولود إلي 600 جنيه والقيصري 1250 جنيهاً و1650 جنيهاً إعانة وفاة.

http://www.algomhuria.net.eg/almessa...t/detail00.asp

طيب مهو فية فلوس فى الدولة اهوة

[مونى عزمى]

ههههههههههههههههههههههههههههههههههههههههههههههه

والله الناس دمها خفيف مووووووووووووووووووووووووووووووووت وهم مضايقين . احنا مع الحملة يعنى هنخسر اية اهو بنعمل اللى علينا ولا نقعد جنب الحيط ونحط ايدينا على خدنا

[أبوطالب82]

لأ نقعد جنب الحيط أحسن

[Observer]

المشاركة الأصلية كتبت بواسطة أبوطالب82

لأ نقعد جنب الحيط أحسن

تقدر حضرتك تقعد جنب الحيط أو فى أى حتة تعجبك
ولو مش عايز تشارك فمحدش ضربك على إيدك
المنتدى كبير اتفضل شارك فى أى قسم تانى
شكراً

[مجدي محمود علي]

قهر المعلمين اقتصاديا ليست عشوائية
التعليم يطبق خطوات منظمة
تجعل منه قمرا بوجهة نظر الحكومة
أو تابعا بوجهة نظر الفلكيين

[أبوطالب82]

لأ أنا أشارك ف الحته اللى تعجبنى ولا مؤاخذة

[مجدي محمود علي]

المشاركة الأصلية كتبت بواسطة أبوطالب82

لأ أنا أشارك ف الحته اللى تعجبنى ولا مؤاخذة

طب ورينا الفتونة دي على الظالمين و لا نتشطر ع المظلومين

[أبوطالب82]

يا عمنا والله ما هنقدر نعمل حاجة والله ياعم الظلم فارد دراعاته وأقوى منى ومنك
وبرضه مش هنقدر نعمل حاجة

[Observer]

المشاركة الأصلية كتبت بواسطة أبوطالب82

يا عمنا والله ما هنقدر نعمل حاجة والله ياعم الظلم فارد دراعاته وأقوى منى ومنك
وبرضه مش هنقدر نعمل حاجة

خلاص ياعمنا عرفنا إن الحملة فاشلة ومش هنقدر نعمل حاجة
وان الظلم منتشر وفارد دراعاته وأقوى من الكل
تحب تضيف حاجة تانية !!!
حاجة غريبة

[مجدي محمود علي]

وَماذا بِمِصرَ مِنَ المُضحِكاتِ وَلَكِنَّهُ ضَحِكٌ كَالبُكا


صلي عالنبي انت وهو واخذوا الشيطان

[مجدي محمود علي]

ممكن والعلم عند المولي نتيجة الحملة تتأخر لأن حكومتنا ودانها وحدة طين والتانية عجين
ده حقيقي هي مش عاملة كده لكن احنا داخلين على انتخبات شورى وشعب ويمكن رئاسة بعد سنتين
ممكن نشوف الأعضاء اللي بنشوفهم يوم الانتخابات وقبلها بالأحضان والاحترام ويعد الانتخاب تكلمه على رأي أبو ذكري كأنه شايف زلطه قدامه