اختبارات احياء ثانوية عامة من 1996الي 2004

[yasorty]

المشاركة الأصلية كتبت بواسطة الشيماء22

ممممممممممممممممممممممم

انا عملت فى السؤال الخامس بتاع الجدول
الاستنتاج التانى النسب ليست متساوية تماما وهذا يدل على ان هذه العينة ماخوذة من شريط مفردمن dna عشان لما جمعت نسب القواعد كلها طلعت 99.5 مش 100%

انا بحب الدقـــــــــــة

واللة دة الى انا عملتة كدة...بس اصحابى قالولى عادى يعنى مش هتفرق 0.5 ...بس الحمد للة انى حاليت ال 6

[محمد محمد شعيب]

طب انا اعرف قصده منين هقرا الكف يعنى وبعدين المكان اللى بيحدث فيه الاخصاب هو قناة فالوب ورقم 1 و 2 بيشيروا لقناة فالوب والاصح يبقى الثلث الاول يبقى رقم 1 والا بقى تبقى ايه لازمة انه جايبلك معلومة الثلث الاول من قناة فالوب فى كتاب المدرسه وممكن نصف درجة ميفرقشى معاك لانك جايب مجموع عالى او معندكشى غلطات تانيه فى الامتحان لكن فيه غيرك مجموعهم مش عالى وعندهم غلطات تانيه فى الامتحان

[د/نداء الجنة المصرية]

انا بالرغم من انى ماعملتش اجابة تانية فى اى سؤال وزعلت من الكلام ده بس ده مؤشر على ان التصحيح مش قاسى ودى حاجة كويسة

[Dr.mahmoud ragab]

ادى الدليل اهو

[mido the king]

الر اجل قايل في الامتحان عايز رقم تركيب يحدث فيه الاخصاب

فلو كان قصده ان واحد الثلث الاول من فالوب يبقي 1و2 هيبقوا صح تماما للانه مش عايز المكان هو عايز رقم التركيب نفسه

يبقي مينفعش غير اننا نعتبر واحد القمع و2 قناة فالوب وتبقي 2 صح

[Twilight2011]

مشكلتك انك اكيد محدش هيصدقك لأن التصحيح اصلا لسه مبدأش

[amothman123]

مفيش فايدة
حافظين معلومة الثلث الأول و عاوزين نطبقها و خلاص
ياريت نقرأ السؤال كويس
اذكر رقم التركيب الذى تحدث فيه عمليه الإخصاب
التركيب أية !!!!!!!!!!!!!!!! قناة فالوب
فين قناة فالوب على الرسم !!!!!!!!!!!!!!!!!! رقم 2
طيب 1 !!!!!!!!!!!!!!! القمع
القمع لا يحدث به إخصاب .. الإخصاب بيحصل أول ما البويضة تسيب القمع
2 مش بتشاور على المكان الى الحيوانات المنوية هاتقابل البويضة !! 2 بتشاور على التركيب الى هو القناة

[(ROAA)]

في ناس إمبارح قالوا إن النموذج قال إن مكان حدوث الإخصاب هو2 مش 1 ..و إن المدرسين كلموا الموجه عشان يسألوه لو يحسبوا الاتنين صح فرفض وقال هي 2..ففي ناس فسرت إن واضع الامتحان كان مشير لرقم 2 عموما على إنها قناة فالوب ومكانش يقصد تلت أول ولا تلت تاني وإن رقم 1 هو القمع..طب لو هو كان قاصد كدة كان ياإما يحط 1 على الزوائد الإصبعية وبالتالي هي مستبعدة وكان يسيب 2 زي ماهي _زي ما كتاب المدرسة وكتاب الامتحان عامل_ وساعتها كنا هنقول دة يقصد قناة فالوب عموما ومكانش حد هيقدر يقول بم... أو يحط رقم 2 ناحية التلت الأول ورقم 1 في اخر القناة وساعتها كان يقدر يشغل مخ الطالب عشان يفكر عشان يعرف أيهما التلت الأول

ومهما النموذج قال وعاد أنا بردو مش مقتنعة برقم 2 وبتفكير واضع الامتحان

وبدعي ربنا إنه يرحمنا من واضعي الامتحانات اللي لازم يجيبوا أسئلة يحصل حواليها جدل وفي الاخر الإجابة مبتبقاش مقنعة..ودة طبعا رأيي الشخصي

وربنا يستر

[amothman123]

حالة الجينات المتكاملة تقريباً كل مسائلها ليها أكثر من حل
بس الحمدلله مفكرتش كتير و وصلت للحلين بسهولة بالأساس الى مدرس الأحياء وضعهولى
مادام النسبة طالعة فى الآخر 1 : 1يبقى النسل كله 2
2 دى حاصل ضرب 2 × 1
إذاً الآباء لازم واحد منهم يطلع 2 من الأمشاج و التانى يطلع واحد
و كدة بالفعل حلين
بس غالباً هايمشى إجابة واحدة و خلاص

[amothman123]

المشاركة الأصلية كتبت بواسطة فلانتينو البوابة

قصدى الخط ولا المكان الفارغ بين الخطوط
لان الخط هو نفسه الغشاء الداخلى

على فكرة الأعراف و الغشاء الداخلى حاجة واحدة
المدرس كان دائماً بيقولنا كدة

[رمضان فتحى حسن]

انشاء الله رقم1 لان علميا(الثلث الاول من القناه) رقم واحد كمان القمع في كتاب المدرسه والامتحان السهم علي الزوائد الاصبعيه

ثانيا اعتقد عن واضع الامتحان من واقع الاسئله الاخري في الورقه ليس بهذه السذاجه ....اكيد بتعتمد علي معلومه وهي ان الاخصاب بيتم في الثلث الاول اما قناه فالوب ككل فالكل عارفها

[amothman123]

المشاركة الأصلية كتبت بواسطة رمضان فتحى حسن

انشاء الله رقم1 لان علميا(الثلث الاول من القناه) رقم واحد كمان القمع في كتاب المدرسه والامتحان السهم علي الزوائد الاصبعيه

[Twilight2011]

تعرفى انا مش بكره فى حياتى قد تفكير واضعى الامتحان والغباء

[طالبة ثانوية94]

عندك حق حتى ف غلطة ف الامتحان في سؤال ماالنتائج على وجود ايونات النترات والفوسفات والكبريتات فالمفروض تبقى الكبريت والنترات والفوسفات فدي غلطو وتفرق بين كبريت وكبريتات وربنا يستر ان شاء الله وبالتوفيق

[طالبة ثانوية94]

احنا ف مدرستنا تقريبا البنين كتير زي البنات جدا وكتير حوله من رياضه لعلوم والحمد لله انهم حولوا وربنا يوفقنا جميعا وده طبيعي لان البنات عامة طموحاتها عالية وكمان البنبن من اقل مجهود ما شاء الله يتفوقوا رغم وجود استهتار شوية بس ده عادي كتير كده اصلا