للعام الدراسي 2009 2010 انت تسأل ونحن نجيب

[حسام صبرى]

والله والذى لا اله غيره
انا نفسى يكون لحاسب وضع افضل من كده
ده لغة العصر

[Dr.Noha Sami]

بسم الله الرحمن الرحيم
انا بجد محتاجه مساعدتكوا منهج الكمبيوتر بتاع تلته اعدادى بجد صعب انا حاولت اذاكر فيه مش عرفه افهم ولا كلمه بجد محتاسه ومش عرفه هعمل فيه ايه ياريت اى استاذ يقدر ينزل شرح لفصل فصل بجد يبقى جزاه الله خيراااا
ياريت تساعدونى

[elbatrawy]

بصي يا صفاء أول حاجه تعريف نظام المعلومات يعني أيه كلمة نظام يا ستي نظام يعني مجموعة أشياء تكمل بعضها فنظام المعلومات هو عباره عن تكنو لوجيا يعني أيه تكنولوجيا يعني عندي كمبيوتر والكمبيوتر يلزمه أفراد تشغله عشان نعمل أيه يا صفاء نجمع ونخزن البيانات ونطلع المعلومات أو نستخلصها
طاب يا مستر أيه هي البيانات أقولك يا ستي هي عباره عن حقيقة زي أسمك ده حقيقه مينفعش نشكك فيها رقم تليفونك بردو حقيقه مينفعش نشكك فيها فعشان كده قالوا عليها حقيقه مجرده " مجرده تعني خاليه من الشك " يتم تجميعها بواسطة الكمبيوتر والأفراد ودول بيسمو نظام المعلومات
المعلومات أيه هي يا مستر أقولك يا ستي عباره عن نتيجة مقارنة بيانين ببعضهم " نتائج معالجة البيانات "
مثال ركزي معايا لو عندي شخص مستوي السكر في الدم 300 وشخص أخر 90 نجد بالمقارنه بيسن 300 و90 أن الشخص 3009 مريض سكر ودي معلومه حصلت عليها عن طريق المقارنه بين 300 و 90 أما ال 90 شخص سليم
دي أول حصه وإن شاء الله أشرح أشكال البيانات والمعلومات في حصة أخري
أرجو أن أكون قد بسطت المنهج بدرجه تستوعيبيها

[رزق درديري]

المشاركة الأصلية كتبت بواسطة آدم البرنس

بالله عليكم الاخوة اللى بيطالبوا بتغيير المنهج واللى بيسئلوا عن تغيير المنهج يسكتوا بجد وأسالهم سؤال واحد لو نرجع بالذاكرة من ثلاث سنوات قبل ما يضاف هذا المنهج VB.Net كان يوجد تواصل مثل هذا ولا كان فى حد من الطلاب بيعبر حد فينا كان دورنا فى المدرسة مجرد سد خانة فقط وكمالة حصص لكن تعالى اليوم قبل الطلاب احنا نفسنا كمدرسين بنسأل بعضنا ونستفاد من بعض ونمى افكارنا فما بالكم بالطلاب .

كل ده وعايزين نغير المنهج ......... أحنا لازم نقف مع بعض ضد أى محاولة لتغيير المنهج حتى لو الوزارة نفسها

ونطالب بزيادة درجات الكمبيوتر الى 40 درجة

لكل من قرأ هذه الرسالة يشاركنى الرأى

معااااااااااااااااااااااااااااااااااااااااااااك تماما
جزاك الله خيرا

[amr wf]

أنا طالب وكالامك صح 100 % وأنا معاك

[Dr.Noha Sami]

بجد شكرااااااا جدا يا مستر وجزاك الله خيرا بجد الجزء الى حضرتك شرحته شرح ممتاز
وانا هذاكر الجزء ده ومستنيه من حضرتك باقى الشرح

[عاصم حمزة]

فعلاً كلام حضرتك صح
وألف شكر

[الميجا بايت2010]

أرجو من مدرسى مادة الحاسب الالى الكرام
رفع برنامج v.b 2005
لا نى محتاج للتعلم عليه لاننى فى الصف الثالث الاعدادى
وجزاكم الله خيرا

[مسلمه لله]

حد يعرف ياجماعه ملف الانجاز هيتن في سنه ثالثه اعدادي ولا لأه

[elbatrawy]

اتكلمنا يا صفاء عن البيانات لكن متكلمناش عن أشكالها لكن أنا وأنا بشرح البيانات قولت أشكالهها بم إن البيانات هي حقائق
" فالأسماء والأرقام ولقطات الفيديو والحروف ودرجات الحراره ودرجات الأختبار ولقطات الفيديو والأصوات " دي أشكال بيانات طاب نوضح الأسم بيعتبر حقيقه كمان رقم تليفونك هو حقيقه مينفعش ننكرها وكمان الحروف دي حقيقه يعني مينفعش نقول علي الألف باء طيب لو أنتي روحتي البنك بيطلب بياناتك يعني أيه هي البيانات اللي بيطلبها منك حقائق عنك " الاسم والعنوان وتاريخ الميلاد ورقم التليفون
ده أشكال البيانات أما أشكال المعلومات فتخرج علي شكل بعد أن يتم مقارنة البيانات أو معالجتها تتطلع البيانات في شكل جداول أو تقارير أو رسومات بيانية أو قوائم
مثال قائمة الأسماء في الفصل شكل من ؟أشكال ........................
الرسومات البيانية شكل من أشكال ......................................
الجداول شكل من أشكال ................. بينما الحروف والأرقام من أشكال نقط
حلي دول
الجزء اللي هشرحه بعد كده جزء مهم جزء عن الكمبيوتر والعمليات اللي بيقوم بها وعشان نعرف ده لازم نعرف أيه هي مكونات الكمبيوتر
معلش لضيق الوقت سوف أقوم بشرحه في وقت لاحق

اتمني أكون وصلتلك البيانات والمعلومات وأرجو لو مش فاهمه أي جزء تضعيه هنا وأنا هشرحهولك

[Dr.Noha Sami]

بجد شكرااااا جدا يا استاذ شرح حضرتك ممتاز
الحل:1-المعلومات
2-المعلومات
3- المعلومات-البيانات
ممكن حضرتك تشرحلى الفرق بين المفسر والمترجم وتديلى فكره عن خرائط التدفق؟؟
انا اسفه ان كنت بتعب حضرتك

[يوسف محمود عبد المنعم]

كلامك صح جدا والأفضل زياده درجة الحاسب لازم ننادى بها علشان تبقى زى المواد الأخرى ويبقى لينا قيمة فى المدارس

[mrk206]

كلامك صح اخي ونتمنى زيادة الجردات الى 40 بدلا من 20 لاستهتار الطلبة بهذه المادة

[انجليزي]

اتمني الغاء هذه المادة لانه صعبة و الغاء التقويم الشامل علي الشهادة الاعدادية لانه فيه ظلم كبير جدا للطالب

[alimma]

جزاكم الله خيرا جميعا
تحياتى لجميع مدرسى الحاسب الالى و اتمنى للجميع الرقى و الاذدهار بعيد عن اى استغلال لطالب او ولى امر لاننا فى الاخر مدرسين و اولياء امور ايضا فكل من لديه مساهمة يرفعها word( محمى ) او pdf ولا يقلق من شئ لان الارزاق على الله و لا يضيع الله اجر من احسن عملا و ربما البعض يمتلك مهارة التوصيل و الاقناع و التبسيط و يرزقه الله بالقبول ويفتح عليه من حيث لا يحتسب نتيجة لاخلاصه
نتمنى ان ترقى المادة و تأخذ موقعها اللائق تمشيا مع لغة العصر و نداء العقل السائد الان
ونحن كاسرة للحاسب نتمنى تبادل حقيقى للخبرات حتى لو فى امور بعيدة عن المناهج ( برامج مفيدة ) اخبار علمية - تكنولوجيا جديدة .................... الخ
و التقى بكم على خير قريبا و كل عام و انتم بخير ان شاء الله
اخيكم / على عبد العظيم - الاسكندرية