مذكرات طالب فاشل

[timo mido]

هههههههههههههه علي فكره انا قريت الحلقات دي في الاجازه وعرفت انه معايا في اسماعيليه وعرفته لوحدي

هو بصراحه بيحب يقضيها وبينفض وكده بس تقريبا في فترات الامتحان بيركز كويس بس كويس ان في حد كده معانا بدل ما نقعد كلنا كده دحيحه مع بعض مفيش حد يسلينا

علي العموم هتصل بيه وهخليه يكمل المذكرات

[dr\villa]

iam here now

[smsm.com]

لو
سمحت
تكمل
الحلقات
رووووووووعة

[smsm.com]

يا
طاااااالب
طب؟

[timo mido]

انت يالا ما تيجي تكمل البتاعه دي.......... او هاتلي الكشكول الحمضان بتاعك ده معاك الكليه وانا هكتبهم يا عم المهم

[ahmedkuwit]

المشاركة الأصلية كتبت بواسطة timo mido

انت يالا ما تيجي تكمل البتاعه دي.......... او هاتلي الكشكول الحمضان بتاعك ده معاك الكليه وانا هكتبهم يا عم المهم

هههههههههههههه

[dr\villa]

انا هنا دلوقتي
فيه حاجتين :
اكمل المذكرات دي ولا ابدأ مذكرات اولي جامعه
هااااا ؟؟؟

[MatreX50]

اللي تشوفه سيادتك بس ابدأ يالحاجة اللي فيها هلس اكتر
سلاموووووووووووز

[asmaa232]

هههههههه والله حلقات زى العسل
مستنيين الباقى

[lovely-girl5100]

فين بقيت الحلقات

[fatakat400]

والنعمه شكله بيحنسنا
ياعم احنا شايفينك اصلا عشان تقول دى ولا دى
لا كمل فلا الثانويه اول وبعدين اقلب على طب

[dr\villa]

الحلقه الاولي

بعد الثانويه والامتحانات والقرف ...الواحد بقي يلحق يظبط نفسه قبل النتيجه اصل شكلنا هنترفع بس يعني يظبط نفسه ايه ده هما اسبوعين عمي بين الامتحانات والنتيجه ..ده من تعب الامتحانات الواحد ممكن ينامهم ...المهم لعبنا كوره وروقنا نفسنا شويه وجاااااااااااء اليوم الموعود يوم النتيجه ...طبعا كله قلقان (وانا بعد قليل هههه) والوحيد اللي مش قلقان بابا ويقول لماما منتظره ايه من واحد فاشل زي ده هو كان بيفتح كتاب ....ياريت بس يجيب بيطري ولا صيدله (كلها كام ساعه وتشوف الوحش هيعمل ايه هههههههه) المهم النتيجه ظهرت كنت عند ابن عمتي (عشان يجبهالي قرفان من البيت هههههه) المهم كتبنا رقم الجلوس وهندوس بقي اوك عشان النتيجه تظهر (تخيلوا الشعور ههه) والاقي نفسي يا جدعان جايب 403 ولسه ما حسبتش المستوي الرفيع ....ايه ده يا جدعاااااااان هههه وانا شفت الدرجات دي من هنا وبلمت من هنا ما قولتش كلمه ولا ضحكت ولا فيه اي تعبير وابن عمتي يبصلي وميت علي نفسه من الضحك ....المهم ضحكنا شويه وهزرنا ...زبعدها بربع ساعه كده بابا اتصل (ما رضتش اتصل بيه ...سيبه كده هههههه) بيقولي هااااااااا جبتها ؟؟؟؟
اه جبتها
عملت ايه ؟؟؟
407
تخيلوا هيقولي ايه ؟؟؟؟؟!!!!!
407 !!!!!!! بس (انا قولت انك فاشل ههههههههههههههههه) والله ده اللي حصل )
كنت مشغل الاسبيكر وموتنا علي نفسنا من الضحك بجد


المهم كتبت طب اسماعيليه اول رغبه طبعا ونفضت بقي ما انا كده كده داخل ....وبعد كده قدمت واستنيت
الدراسه بقي

اول يوم كليه :
انا رايح كليه الطب (في دماغي بقي عيال دحيحه وناس محترمه ....محدش بيهزر عيال خنيقه وشغل مرض )
رايح وفي دماغي هلاقي عيال نضيفه بقي كلهم ولاد ناس مش العيال السيس (سوري في الكلمه ) اللي كانوا معايا في المدرسه!!!!
طبعا كله بيقولي اول يوم روح بدري عشان تتوه براحتك هههههه (اتوه مين ..مش انا )
اول يوم ...روحت جايب الهدوم الجديده ومحتار اروح بأيه !!!ههههه مفكر هقابل انجلينا جولي هناك ههههه
وبعد عناء شديد قررت هلبس التيشرت اللي بيبين العضله اللي حليتنا (عشان العيال تخاف من اول يوم كده ههه )
المهم لبست وضربت الجيل والبيرفان ومظبط نفسي ومفكر نفسي اروش واحد في الكليه دي (والله انا خساره في الكليه دي هههههه)
علي فكره كله بيبقي مفكر نفسه اروش واحد حتي لو رافع البنطلون لحد بطنه ههههههههههههه
المهم وعلي غير اللي اتحكالي ما توهتش والحمد لله وروحت علي طول
داخل علي الباب لقيت واحد بيقولي سنه اولي ؟؟؟
ايوه
ثانويه ولا شهاده معادله ؟؟؟
(وبعدين في ابن الرغايه ده ) ثانويه يا باشا ....هتفرق يعني ؟؟؟ (بغلاستي ههه)
طب ادخل هنا
ودخلت يا جدعان لقيت بشر وامم وناس كتير اوي (ياااااااااااااااااااااااااه كل دول في طب ...كل دول جايبين فوق 98 وانا اللي كنت بترسم علي صحابي ههههههههههه ما الناس اللي جايبه مجاميع كتير اهي ) بس انا برضه ثقتي في نفسي ما اتهزيتش هههههه انا لسه شخص مش عادي رغم ان فيه بشر وامم جايبين مجاميع عاليه زيي ماعلينا هههههههههههه
دخلت وابص علي الناس الاقي كله ضارب الحته اللي علي الحبل وجاي يقابل فتاه احلامه ....والبت برضه مأجره فستان وضاربه ميك اب من اللي بيتباع علي الرصيف وعامله نفسها جايباه من بيوتي سنتر وجايه تلفت نظر فتي احلامها (مش مشكله هعمل نفسي مصدق انه من بيوتي سنتر ههه)

هكمل اليوم ده بعدين
يتبع ...

[fatakat400]

soooooooooooooooooooooooooo nice
يضحك جامد بس كان نفسى تكمل ثانوى اصلى داخله تالته
ومنفضه طول السنين اللى فاتت عوزه اعرف اكملها تنفيض ولا احرت
بس
ولا يهمك يا دك انا معاك

[dr\villa]

شكرا علي المرور والتشجيع
اكيد هكمل الثانوي ...بس هكتب دلوقتي الكليه عشان لسه فاكر الاحداث فأكيد هكتبها احسن

[dr\villa]

الحلقه التانيه

نكمل بقي اول يوم في الكليه ....داخل من باب المدرج وكله الناس كانت قاعده والجميع يحدق (حلوه يحدق دي ايه الهبل اللي انا بقوله ده ) قصدي يعني بيبصوا بغباء ما علينا وانا داخل ادور بقي علي انجلينا جولي امال انا تاعب نفسي ومبين العضله ليه وادور مفيش ....ادور مفيش .....طب دور تاني مفيش برضه ....ايه ده هي البنات كلها وحشه ولا ايه ؟؟؟؟ مش مشكله الحلاوه حلاوه الروح رررررررررررررررررررررروح (ميلودي تتحدي الملل ....عااااااااااااااااااااشق للافيهات ههههههههههههههههه طير انت ) ادور علي واحده روحها حلوه مفيش ...ايه كميه التناكه دي !!!! ما علينا ما تحترم نفسك بقي انت جاي تتعلم ولا جاي تخطب ؟؟؟؟
بصراحه انا جاي اخطب ههههههههه المهم ادور علي مكان اقعد فيه ...ده باين مش هصاحب حد كلهم عيال خنيقه وباردين .... شوفت اي مكان ورحت راشق فيه وجت واحده كده في سنه تانيه وقال ايه هتفهمنا نظام الكليه ( ارغي يا حاجه ) وبترغي وبترغي فعلا والغريب انها منفضالي بتتكلم مع المجموعه كلها ومنفضالي ( شكلنا مش هنعمر في الكليه دي ) جه واحد شافني لوحدي (ليه مش واحده يا جدعان انا قرفان من العيال صحابي هههه ) ما علينا حاجه تسلي علي ما كله يبقي اشطه ...جاي بيقولي ايه يا كابتن ...قاعد لوحدك ليه ... قولتله اصل انا معرفش حد واللي اعرفه زمايلي معرفهمش اوي ....قالي متعرفش تتعرف وراح ضاحك هههههههههههههه ( ايه الواد الغلس ده ) طيب اسمك ايه ؟؟؟ ومن فين ؟؟؟ من اسماعيليه
المهم اتعرفت علي شويه ناس وكله تمام
ولحد دلوقتي لسه مصدوم مفيش ولا بت حلوه هههههه ده بنات ثانوي كانوا نعمه يا جدعان يلا مش مشكله ممكن يكون الحلوين مجوش اول يوم ولو الدنيا ضاقت اهو احنا في الجامعه وربنا يخلي تجاره بقي ههههههههه

هكمل بعدين
يتبع ....