محدش جايب المادة دي ورا في رأيي الا 3 حاجات

[سيف سالم]

المشاركة الأصلية كتبت بواسطة technology

لو عايزين مادة الحاسب الالى تبقى فى المرتبة الأولى تخلصوا من موجهى المادة و 99% من مدرسى المادة كما حدث فى ثورة 25 يناير حيت يتم تطهير البلاد وتطهير مادة الحاسب الآلى .

بلاش زس ثورة 25 يناير
اصل يجي البعض من العسكر في مادة الحاسب سواء موجه او مدرس ويمسك المادة ويبقى يسقط حكم العسكر لأ ميسقطش وابدا بالدستور لا البرلمان ولا الخروج الامن ولا الخروج العادل

ابعدنا عن القصة دي

[اهلاوى حر]

كلامك كله صحيح بالاضافة الى متابعة التوجيه الواهية ولن تجد موجه يدخل الحصة ويسمع شرح المدرس وينبه على اخطائه انما ما يحدث يكون على الورق فقط وان حدث متابعة للمدرس المشرف بالمدرسة لمدرس يلومه التوجيه ويقول انه متقصده وطبعا منهم اولاد زملاء فى الادارات ومحدش يقدر يلوم اى مدرس على تقصيره غير الحبايب وهذا ما نعانى منه زد على ذلك اسلوب الكمبيوتر التعليمى فى التدريبات لا تكون للناس كافة ولكن عن طريق الموجهين وبالتالى الموجه يبعث الراضى عنه او الحبايب فقط بحجة السن

[يوسف محمود عبد المنعم]

بجد كلامك جميل جدا وامتحانات الحاسب السنة ديه كانت سهلة جدا بما فيهم امتحان الدقهلية عن الأعوام السابقة

[يوسف محمود عبد المنعم]

فين امتحان الدقهلية ده ال كان صعب

[monas_2007]

امتحان الدقهلية هذا العام كان اسهل بكثير من الأعوام السابقة
بالاضافة الى ان عدد الأسئلة هذا العام 3 اسئلة فقط بالمقارنة
بالأعوام السابقة كانت4 اسئلة

[زياد_عاطف]

المشاركة الأصلية كتبت بواسطة هويدا ابراهيم

امتحان الدقهلية من اصعب الامتحانات واللى واضعة بيحب الفزلكة وانا اراهنة ان معظم مدرسى المادة لم يعرفوا يجاوبو علية

======================
رأيى الشخصى أن إمتحان الدقهلية من أفضل الإمتجانات على الإطلاق
قد يعيبه الذهاب لمنطقة الطالب المتميز بعض الشىء لكنه الأفضل
المشكلة أن الطالب لا يعطى اى الاهتمام المطلوب لمادة الكمبيوتر أساسا لقلة درجاتها و الطالب المتميز بيهتم بالمادة عشان يبقى الأول و مش عايز يفقد درجات - فيه 3 محاور مهمين عشان نبقى بعد سنتين او تلاته نقول ان الامتحان ده ضعيف و هم
1- اهتمام المدرس بأدائه !!!!!!!
2- رفع درجة المادة لتكون 40 درجة بواقع 20 درجة لكل تيرم
3- وجود امتحان عملى يضاف للدرجات ضمن ال 40 درجة على سياق امتحانات ال icdl
عاطف حسان

[عبدالخالق بدر]

أنا أخوك عبدالخالق بدر مدرس كمبيوتر من المنوفية أنا معاك في كل اللي ذكرته لكن في رأيي أنت نسيت أهم سبب وهو استهتار المراقبين في امتحانات الحاسب وكل مراقب ربنا يسمحه بيجي في الامتحان ويقول للطلبة كمبيوتر ايه خلص يا بني انتا وهو غشوا خلينا نروح

[hebapussy]

انا من رأيى حاجة كمان صعوبة المادة وان الادارة مش بتعمل دورات تدريبية لتعريف المعلمين اكثر بالمادة العلمية وكيفية شرحها وتبسيطها

[hebapussy]

وبعدين المفروض ان الكمبيوتر يكون عملى بس مش نظرى لأن بيبقى تقيل جدا على الطلاب

[mahmoudbeso]

المشاركة الأصلية كتبت بواسطة زياد_عاطف

======================
رأيى الشخصى أن إمتحان الدقهلية من أفضل الإمتجانات على الإطلاق
قد يعيبه الذهاب لمنطقة الطالب المتميز بعض الشىء لكنه الأفضل
المشكلة أن الطالب لا يعطى اى الاهتمام المطلوب لمادة الكمبيوتر أساسا لقلة درجاتها و الطالب المتميز بيهتم بالمادة عشان يبقى الأول و مش عايز يفقد درجات - فيه 3 محاور مهمين عشان نبقى بعد سنتين او تلاته نقول ان الامتحان ده ضعيف و هم
1- اهتمام المدرس بأدائه !!!!!!!
2- رفع درجة المادة لتكون 40 درجة بواقع 20 درجة لكل تيرم
3- وجود امتحان عملى يضاف للدرجات ضمن ال 40 درجة على سياق امتحانات ال icdl
عاطف حسان

كلام حضرتك اقرب للواقع ولكن ينقصه شئ مهم جداااااااا
مادة الحاسب في الاساس تعتمد علي التطبيق العملي والغير موجود الا نادرا في بعض المدارس وان وجدت المعامل تجد كثافة عالية جدا من الطلاب وان وجدت هذا وذاك تجد عجز في مدرسين الحاسب في المدارس يعني الموضوع صعب جدا يا جماعه
ومحدش يقدر يقول لتلميذ عنده مثلا اعملي برنامج كذا في البيت وتعالا ناقشني فيه لانه ببساطه هيقول معنديش جهاز يا استاذ طيب ايه الحل !!!!!!!!!!!!!!!!!!!!!!

وللاسف العملية التعليمية عندنا بتعتمد في النهاية علي ضمير المدرس في الفصل (بيشرح ولا .....)

[هبة عادل1111]

فعلا الاهتمام بالمادة قليل جدا مع انها مادة مهمة جدا انا مدرسة كمبيوتر ودايما بدايق من رد فعل الولاد للمادة

[هبة عادل1111]

على فكرة انا مدرسة فى مدرسة خاصة ونفس المشكلة موجودة مع العلم ان كل الامكانيات موجودة

[ذكر الله]

3 حاجات فعلا هما ال جايبين المادة للخلف واهم شئ سهولة الامتحانات لانها بتحقر من قيمتها

[toubaaa]

انا مع حضرتك لكن ضيف لدول ضعف الامكانيات ماهو مش معقول تدى المدرس اجهزة مهلوكه بتشتغل يوم وعشره لا وتقوله طور نفسك طيب فين اللى هيساعده ع التطوير كمان قله الدورات التدريبيه للمعلمين المفروض الادارات توفر دورات تدريبيه للمعلم على مستوى عالى بس ده مش هيحصل طبعا لان التعليم اخر حاجه بيفكروا فيها اللى بيحكموا البلد دى

[mohamed1819]

على فكرة امتحان محافظة الفيوم كمان صعب جداً