اى حد داخل هندسه الازهر بنات القاهره يتفضل بالدخول لو سمحتم

[yasssmine]

بجد يا ساره شكرا جدا افادتينى وهو ده ال انا كنت عايزاه وبالنسبه للكيمياء انا هسال واقول لك اما الميكانيكا فا انا عايزه اعرف انتى قاعده فى مدينه ايه انا عن نفسى فى مدينه رابعه وهنعمل محاضرات كل يوم فى الدور الرابع بعض البنات هتشرح ميكانيكا كل يوم شيت لو انتى موجوده ممكن تطلعى وتستفادى وعلى فكره فى بنات كل يوم بتشرح كل المواد وعلى فكره الدور الرابع كل يوم كده علشان احنا هندسه الدور كله فا بنستفاد ونفيد

[eng refa3y]

هو ده الكلام
على طول بقولكم روحو لاى حد من السنه اللى فاتت وهو هايفهمكم بمنتهى البساطه
او اى حد فاهم فاهم طبعا او بياخد كورسات
اى حاجه
وفى ناس بتحب الخير كتير

وفى دكاتره كتير بتحب تعقد
انتى اما تحلى وتحبى الوصفيه
هتلاقى نفسك عايزه تعدلى على الدكتور

[نورالحياه]

العفو يا ياسمين على ايه احنا زمايل ولو انا محتاجه حاجه وانتى تعرفيها اكيد هتقولهالى
وعلى فكره انا مش قاعده فى المدينه انا قاعده فى بتنا عادى بس لو ينفع ارخم عليكى شويه لو تعرفى ورق ميكانيكا كويس
تقوليلى عليه

[eng refa3y]

بقولكم ايه يا شباب

فى دعاء انا عامله موضوع

دعاء مهم جدا

ياريت تقرأوه ولو حتا مره فى حياتكم

وانشروه

وكله بثوابه

[yasssmine]

معلش يا ساره كان عندى مشكله فى النت معرفتش ارد عليكى بالنسبه للميكانيكا انا جايبه ورق شرح بالعربى بس حلو اسمه الواضح فى الميكانيكا لو عايزاه ممكن اجيبهولك بس انا مش عرفاكى كلمينى على الميل ونتفق على الموضوع ده واى خدمه يا ستى

[نورالحياه]

ميرسى ليكى اوى يا ياسمين
وانا هحاول اضيف الميل بتاعك بس لو ينفع تبعتيه تانى يبقى احسن لانى ضفته مره
ومش اضاف وان شاء الله نتقابل
ومعلش هتقل عليكى شويه كمان لو عملتى الملخصات بتاعه الكميتين ابقى قوليلى بس الطريقه
وميرسى ليكى مره تانيه يا قمر
يالا سلام

[الفارس المتألق]

بصراحه يا بشمهندس تسلم علي النصايح
وجزاك الله خيرا علي النشاط الدائم معانا
كان عندي استفسار عن امتحان الرسم الهندسي هو لو جاب ايزومتري في الامتحان وطلب ان احنا نرسمه هيدينا نقطة البدايه ولا لأه اقصد يعني الاحداثي x , y اصل طول السنه كنا مشين بالطريقه دي ان في كل رسمه كان بيحدد لينا هنبتدي منين في اللوحه .. والدكتور قال مره ان هيعلمنا نعرفها ازاي بس مشرحهاش
وبالنسبه للرياضه انت قلت اللي بياخد مع الدكتور حمدي لازم يحضره عشان الغياب انا حضرتله اول محاضره وقعد اتكلم عن الغياب وان كله واحد لازم يحضر في مجموعته عشان الغياب وفي اخر المحاضره ماخدش ورق الغياب فقلناله عليه قال انا بتعامل مع ناس كبيره ومخدهاش .. بس حتي لو خادها زي الترم الاول انا معتقدش ان الدكتور هيجيله دماغ يبص علي الاسامي دي كلها ولا انت ايه رايك؟ وبعدين اول اسبوع في الترم التاني دخل هو والدكتور مهني وقالو اللي عايز يحضر مع اي دكتور في اي وقت براحته .. ومع ذلك رجع هو وقلنا علي الغياب
نيجي للأهم وهو الشرح انا زي ماقلتلك حضرتله المحاضره الوحيده اللي شرحها من اول الترم .. اصل الاسبوع اللي فات لغي المحاضره تقريبا كان هيحضر اللقاء بتاع المهندس ابراهيم محلب اكيد انت شفت الاعلان عن الندوه .. المهم ان الحمدلله فهمت كل اللي شرحه يومها رحت احل معرفتش احل حاجه .. فحضرت لمهني المحاضره اللي بعدها لقيت نفسي ماكنتش فاهم حاجه اصلا والله لأول مره احس ان بدرس رياضه من ساعت مادخلت الكليه فعلا الدكتور مهني ما شاء الله عليه .. بس المواعيد عندي في الجدول مش هتساعدني ان احضره علي طول للأسف مش عارف اعمل ايه
والا قولي لو واحد مضيع في كل المواد اللي ممتده من الترم الاول فيه امل ان يلحق نفسه ويذاكر كل حاجه .. والامتحانات هتبقي امتي تقريبا

[yasssmine]

انا بعتهولك بالنسبه للكيمياء انا بدات بس للاسف مش عارفه والله صعبه قوى بس هحاول تانى وان شاء الله هقولك انا بدات فى الدكتوره!!!!!!مش فاكره اسمها مش اسرار التانيه بكتب العنوان واكتب ال فهماه بس

[yasssmine]

الله يبارك فيك وشكرا على مرورك بس انت مش ازهرى ولا ايه على العموم اهلا بيك

[اميرة النجوم]

السلام عليكم انا معاكم فى هندسة الازهر يا ريت نكون فعلا اصدقاء ونتعامل مع بعض

[اميرة النجوم]

يا جماعه الميكانيكا والوصفيه صعبين عليا شويه ياريت لو حد فهمهم يساعدني ضروري

[yasssmine]

اهلا بيكى يا اميره النجوم يا ريت نعرف اسمك وانتى فصل كام وكمان قاعده فى مدينه ايه علشان اعرف اساعدك علشان احنا خلاص مشاركتنا هتبقى محدوده علشان زى ما انتى عارفه الدراسه بكره وخلاص هترجع ريما لعادتها القديمه والمشاركه هتكون الحميس والجمعه وشكرا على مرورك ويا ريت تكرريها وتكون صديقه بجد ومعانا البشمهندس رفاعى اكبر مننا بس ما شاء الله بيشرح وصفيه كويس ومشارك جيد ممكن تساليه على اى حاجه انتى عيزاها دا بعد ازنه طبعا اما الميكانيكا فانا زيك بالظبط ضائعه فيها على الاخر

[eng refa3y]

وعليكم السلام ورحمه الله وبركاته لاميره النجوم

ومفيش اى مشاكل طبعا يا ياسمين
اسألو اى حاجه فى الوصفيه وانا معاكم ان شاء الله

[boogee92]

السلام عليكم ورحمة الله وبركاته
احنا كتاب الميكانيكا بتاع الدكتور سيد ناجى وهو انجليزى من الغلاف للغلاف

[نورالحياه]

ازيكم عاملين ايه
وانتى يا ياسمين مش عارفه اضيف الميل بتاعك خالص لو ينفع تبقى تاخدى الميل بتاعى من رشا عشان انا ضيفاها او انا ابقى اخدوا منها
وبالنسبه لاميره النجوم احنا اكيد كلنا اصحاب وعلى فكره انا ضايعه مــــــــــــــــوت فى الميكانيكا دى وياريت لو حد يقولنا نعمل فيها ايه