ماذا تفعل لو كنت مكانى ؟؟ !!!!

[مس رانيا حسن]

السلام عليكم ورحمه الله وبركاته
راودتنى تلك الفكرة من فتره
أحسست أننا بحاجه لها وخاصه فى ظل الظروف الاخيره

الهدف من الموضوع

هو أن يعرض كل مدرس ومدرسه اى موقف صادفه
فى الفصل الدراسى وقد واجه صعوبه فى التصرف
بايجابيه حيال هذا الموقف او استطاع التصرف فيه بشكل لائق
وبالتالى قد يتعرض المعلم منا لموقف مشابه او مشكله مماثله
وقتها يستطيع التصرف بفطنه وثقه ويتفادى عنصر المفاجأه

ارجو من جميع الاخوة المعلمين ان يعرض اى موقف اومشكله
صادفته فى التعامل مع طلاب فصله ورد فعله تجاهها
حتى يتسنى للجميع الاستفاده

فى امان الله

[مس رانيا حسن]

السلام عليكم ورحمه الله وبركاته
ساروى لكم موقف حدث معى ....
اعمل بمدرسه ثانويه مشتركه
وبالطبع بعض الطلبه من البنين مشاغبين
ويقوموا بتشتيت زملاؤهم الملتزمين من بنين او بنات
بالنسبه لى صعب طبعا امسك عصايه واضرب
بغض النظر عن قرار الوزير الاخير
المهم كنت أطالبهم بالهدوء باسلوب طيب
لكن لم يجدى معهم هذا الاسلوب
فكرت فى طريقه وهى التحدث معهم فى امور واقعيه
تحدث فى مجتمعنا وابداء الاهتمام باستماعى لارائهم
فى تلك الامور وبالفعل احسست انهم بدأوا فى التزام الهدوء
ثم بعد ذلك بقليل عدت سريعا الى موضوع الدرس
علينا ان نواجه مشاكلنا بايجابيه ونتكيف بشكل مرضى
مع اى وضع تفرضه الظروف علينا
اتمنى للجميع التوفيق
فى امان الله

[اسامه القزاز]

( موضوع رائعك استاذه نداء الجنة )
بالنسبة للمواقف فهناك الكثير والكثير ولكن يحضرنى الآن موقف صعب جداً وهو أنه أثناء حصتى التى يغلب عليها الجدية بالإضافة لثوانى من المرح
وأثناء هذه الثوانى فوجئنا بصوت الميكرفون فى القرية يزيع خبر وفاة أحد رجالها وكان هذا المتوفى والد تلميذ يجلس أمامى فى أول مقعد والإبتسامة تملأ وجهه وفجأة تغيرت كل ملامحه واحمر وجهه وترغرغت عيناه فى الدموع وظهرت عليه علامات الذهول من المفاجأة فأخذته للسيد مدير المدرسة الذى قابلنى على السلم وأخذه وانتهى الأمر .

[شمس بياض]

بارك الله فيك اختاه

لقد علمت اليوم من رئيس المنتدى معلومات جعلتنى انبهر عن شخصيتك المعطاءه

انت والحمد لله مثال لكل امراه صالحه
ذادك الله علما ونفعنا بعلمك وعملك

كنت اقوم اليوم بالقاء نشيد مدرسى وقبل ذلك كان التلاميذ مشغولون فى نقله من السبوره

نظرا لعدم وصول كتب الغه العربيه لمدرستنا الى الان صف سادس
وبعدين وجتهم منشغلين عنى بالكتابه

فقمت بتغير نبره صوتى بتمثيل النشيد

بالقاءه بحماسه--النشيد هو--الصحه عنوان الحياه

وبفضل من الله تجاوب معى الفصلان ---معذره المدرسه بها عجز وحالات ولاده واجازه مرضيهوتربيه طفل

[نعمه محمود]

المواقف التى تقابلنا كثيرة وتتباين بتباين البيئة التعليمية ولكن الموقف الذى يتكرر كثيرا معى كمعلمة لغة فرنسية هو سخرية بعض او الطالبات الطالبات الجدد في الصف الاول الثانوى من طريقة نطق بعض الحروف أو الكلمات باللغة الفرنسية
ويكون امامى احد خياران الاول ان اكون حازمة وازجرهم وينتهى الامر او اننى اتعايش مع الموقف بلباقة وانا دائما ما اختار الحل الثانى حيث ان توبيخ الطالب ستكون نتيجته سلبية وسيحدث عنده كف التعلم ولكنى اخرج من هذا الموقف بان أشير لمن يسخر بأن يردد ما يسمع واثنى على طريقته فيسعد بذلك ويتحول موقفه السلبي من التعلم الى موقف ايجابي

[مس رانيا حسن]

المشاركة الأصلية كتبت بواسطة اسامه القزاز

( موضوع رائعك استاذه نداء الجنة )
بالنسبة للمواقف فهناك الكثير والكثير ولكن يحضرنى الآن موقف صعب جداً وهو أنه أثناء حصتى التى يغلب عليها الجدية بالإضافة لثوانى من المرح
وأثناء هذه الثوانى فوجئنا بصوت الميكرفون فى القرية يزيع خبر وفاة أحد رجالها وكان هذا المتوفى والد تلميذ يجلس أمامى فى أول مقعد والإبتسامة تملأ وجهه وفجأة تغيرت كل ملامحه واحمر وجهه وترغرغت عيناه فى الدموع وظهرت عليه علامات الذهول من المفاجأة فأخذته للسيد مدير المدرسة الذى قابلنى على السلم وأخذه وانتهى الأمر .

فعلا هوا موقف صعب ومؤثر
جزاكم الله خيرا على المشاركه

[مسيو وليد عسكر]

شكرا استاذه رانيا علي موضوعك
انا تعرضت لمواقف كتير اوي وتقريبا كل يوم موقف منها الكوميدي اوي ومنها التراجيدي فهختار الكوميدي علشان احنا مش ناقصيين نكد ..
*كنت من خمس سنين براقب في احد لجان الاعداديه في احد القري في امتحان النصف الدراسي الاول ... وكان يوم مشهود..شتا وطين وحاجه تفرح...وكنت بروح المدرسه دي راكب تلات مواصلات اخر مواصله فيهم حنطور وبعدها امشي حوالي عشرين متر علشان اوصل للمدرسه ... وطبعا كنت بوصل علي اخري ومش طايق حد...دخلت اللجنه والتنبيهات المعتاده وكنت حاسس ان تقل رجليا من الطين الي فيها زي ما اكون رائد فضاء بيقاوم الجازبيه الارضيه....المهم اعدت انبه بعدم الغش وعدم الكتابه علي ورق الاسئله ....والحزم والضيق يسيطر علي تعبيرات وجههي.... وفجاءه لقيت منادي في المسجد المحاور بيعلن عن اختفاء وزه واعد يقول اوصافها واللي يلقيها يوديها دوار ابو اسماعيل وحلاوته تلاته جنيه....انفجرت من الضحك وانقلبت اللجنه بوظه وبركاتك .........................يا ابو اسماعيل.........

[مس رانيا حسن]

المشاركة الأصلية كتبت بواسطة شمس بياض

بارك الله فيك اختاه

لقد علمت اليوم من رئيس المنتدى معلومات جعلتنى انبهر عن شخصيتك المعطاءه

انت والحمد لله مثال لكل امراه صالحه
ذادك الله علما ونفعنا بعلمك وعملك
ربنا يبارك فيكى من زوق حضرتك

كنت اقوم اليوم بالقاء نشيد مدرسى وقبل ذلك كان التلاميذ مشغولون فى نقله من السبوره

نظرا لعدم وصول كتب الغه العربيه لمدرستنا الى الان صف سادس
وبعدين وجتهم منشغلين عنى بالكتابه

فقمت بتغير نبره صوتى بتمثيل النشيد

بالقاءه بحماسه--النشيد هو--الصحه عنوان الحياه

وبفضل من الله تجاوب معى الفصلان ---معذره المدرسه بها عجز وحالات ولاده واجازه مرضيهوتربيه طفل

جميل جدا اننا نغير فى طرق التدريس
ونحاول نقرب من الطلاب
جزاكى الله خيرا
وجعله الله فى ميزان حسناتك
فى امان الله

[مس رانيا حسن]

المشاركة الأصلية كتبت بواسطة نعمه محمود

المواقف التى تقابلنا كثيرة وتتباين بتباين البيئة التعليمية ولكن الموقف الذى يتكرر كثيرا معى كمعلمة لغة فرنية هو سخرية بعض او الطالبات الطالبات الجدد في الصف الاول الثانوى من طريقة نطق بعض الحروف أو الكلمات باللغة الفرنسية
ويكون امامى احد خياران الاول ان اكون حازمة وازجرهم وينتهى الامر او اننى اتعايش مع الموقف بلباقة وانا دائما ما اختار الحل الثانى حيث ان توبيخ الطالب ستكون نتيجته سلبية وسيحدث عنده كف التعلم ولكنى اخرج من هذا الموقف بان أشير لمن يسخر بأن يردد ما يسمع واثنى على طريقته فيسعد بذلك ويتحول موقفه السلبي من التعلم الى موقف ايجابي

جزاكم الله خيرا على المشاركه الطيبه
فى امان الله

[مس رانيا حسن]

المشاركة الأصلية كتبت بواسطة m.leader

شكرا استاذه رانيا علي موضوعك
انا تعرضت لمواقف كتير اوي وتقريبا كل يوم موقف منها الكوميدي اوي ومنها التراجيدي فهختار الكوميدي علشان احنا مش ناقصيين نكد ..
*كنت من خمس سنين براقب في احد لجان الاعداديه في احد القري في امتحان النصف الدراسي الاول ... وكان يوم مشهود..شتا وطين وحاجه تفرح...وكنت بروح المدرسه دي راكب تلات مواصلات اخر مواصله فيهم حنطور وبعدها امشي حوالي عشرين متر علشان اوصل للمدرسه ... وطبعا كنت بوصل علي اخري ومش طايق حد...دخلت اللجنه والتنبيهات المعتاده وكنت حاسس ان تقل رجليا من الطين الي فيها زي ما اكون رائد فضاء بيقاوم الجازبيه الارضيه....المهم اعدت انبه بعدم الغش وعدم الكتابه علي ورق الاسئله ....والحزم والضيق يسيطر علي تعبيرات وجههي.... وفجاءه لقيت منادي في المسجد المحاور بيعلن عن اختفاء وزه واعد يقول اوصافها واللي يلقيها يوديها دوار ابو اسماعيل وحلاوته تلاته جنيه....انفجرت من الضحك وانقلبت اللجنه بوظه وبركاتك .........................يا ابو اسماعيل.........

ههههههههههههههههه
فعلا موقف مضحك
جزاكم الله خيرا مسيو وليد على روحك الطيبه
ومنتظرين مواقف اخرى لحضرتك
فى امان الله

[مسيو وليد عسكر]

المواقف كتير في حياتنا المهم نستفيد منها

[ممدوح مصطفى الانصارى]

من 7 سنوات دخل فصلى مدير ادارة التعليم الثانوى بالمديرية فصل مشترك بالصف الثانى الثانوى ،وكان تخصص رياضيات مثلى ،وكالعادة طلب التحضير وكراسة المكتب وكراسات الاولاد .
ثم علا صوته فجاءة : هو ده تصحيح يا حبيبى ،هو ده شغل ياضنايه هو انت يا ابنى مش بتصحح ثانوية عامة هو انت بتستكردنى ،هو انت مفكرنى مدرس مجالات ولا تاريخ.
حاولت بكل الطرق امتصاص غضب سيادته بهدوئى القاتل دون ان تفارقنى ابتسامتى ، وهو غضب غير مبرر لان الكراسات مصححة ، وفيها تصويب للاخطاء بقلمى الاحمر وخطوات وتمارين كاملة .
وتمالكت نفسى مشفقا عليه (يمكن ضغطه عالى ....يمكن شاهد منظر كئيب على الطريق ..........)
ومشفق ايضا على ما يحدث امام الطلاب والطالبات.
الا ان وصل به الامر وقال لى خد المسائلة دى عندك؟؟؟؟؟؟؟ ثم كتب تمرين متوسط الصعوبة على السبورة ؟؟؟؟
(ما حدث استفرق 30دقيقة من الحصة ......بدون فخر هو يشتمنى وانا افهم حضرته وابتسم)..................ماذا تفعل لو كنت مكانى ؟؟؟؟؟؟؟؟؟؟؟؟
..................ان شاء الله ساقول رد فعلى فى مشاركة اخرى .....................
خالص التقدير لموضوعكم الايجابى والمفيد .

[M.Sherif]

موضوع رائع
انا في المدرسة
سأشترك بعد العودة من المدرسة ان شاء الله

[دبدوب زهران]

مدرس رياضيات ؟؟؟؟ واستحملت دا كله ؟؟؟ انا منتظر اعرف تصرفك كان ايه ؟؟؟
دا كان من اول ما قال خد التمرين دا افتح الباب واقوله شرفت ياستاذ ومع السلامة

[دبدوب زهران]

وانا مدرس اول رياضيات واعمل فى قريتى جاء الموجه على غير ميعاد حيث كان موجود من يومين فقط فقلت له خير اكيد فيه حاجة مشكلة كبيرة فى مدرسة............. الثانوية كل ما الاستاذ يحاول يكتب شىء على السبورة يلاقى كتاب اتقذف فى راسه وطبعا الكتاب مش مكتوب عليه اسم فيتوجه بالسباب الفظيع للطلاب وطبعا الفصل مشترك وفيه بنات وبيسمعوا كلام صعب من المدرس قلت له وما الحل قال: تتنقل للمدرسه قلت له ما فيش حل غير كده قال مافيش وتم النقل على وعد ان اعود مكانى بمجرد ما نلاقى واحد اخر يقدر يسيطر على الموقف
وكانت اول حصة فراغية والتمرين اتشرح بالالوان وكانت اجسام متداخلة وسمعت صوت وكان واحد من الطلاب ضرب زميله على ظهره فالتفت فوجدت الثنين بيضحكو قلت لهم انتم فهمتم التمرين فنظروا لبعض وضحكو قلت يبقى ما فهمتوش يالا نعيد تانى ومسحت السبورة وبنفس الالوان اعدت الشرح متوجها لهم بكل الشرح . فهمتم قالوا نعم . مين فيكم ح يعيد البرهان ؟ بصو لبعض وضحكو قلت تعالى انت ومسحت الحل وسبت الرسم فلم ينطق بكلمة قلت للتانى تعالى انت حل التمرين واثناء هو ما بيحاول يتكلم اى كلام لقيت الاول وقف فى الشباك لان الفصل فى الدور الارضى وبيبسبس لبنت فى الشارع
تخيل المنظر واحد نصفه فى الشارع ونصفه فى الفصل يعنى مانتاش طايل الا نصفه اللى فى الفصل ولك ايضا تتخيل ماهى الوسيلة الوحيدة للضرب فى هذه الحالة المهم اول قذيفة ومن عامل الفاجاة وقع الطالب فى الارض وكانت الفرصة وهو على الارض لاستكمال القذائف لدرجة انه خرج يجرى على ايديه ورجليه وجرى على الشارع قلت للطلاب بعد ان سكت لمدة 5 دقائق
عايز اسمع رايكم فيما حدث قالوا احسن حاجة اتعملت واعتذر زميله .
المهم جاء الاب ومعه بعض اهل القرية فقلت له اسمع من زمايله فلما سمع قال بس مش دى الطريقة اللى ينضرب بيها الولد كان ممكن يموت بخبطة زى دى وانتظم الفصل والمدرسة .
والان عندما اتذكر الموقف واقول لو حدث ذلك فى ايامنا دى كان حصل ايه ؟؟؟ اقول الحمد لله انها عدت على خير
واقول ان الشباب له ***وانه والخبرة تساعد المعلم على ان يبحث عن اساليب اخرى لاتعرضه للخطر ولا تعرض الطالب للخطر