|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
22-09-2008, 07:56 PM
|
||||
|
||||
اقتباس:
__________________
 ••• والعز كل العز في ايماني •••
|
|
#2
22-09-2008, 07:52 PM
|
||||
|
||||
|
(-4-) قعدنا نتريق عليها هى فعلا مكنتش عارفة انهم معيدات فضلوا يرغوا يرغوا خلص المعمل الظريف بعد رغى والله كنت هصدع لانى مش كنت مركزة فى اى حاجة المعيدات كانت بتقولها وانا وريما كابس علينا النوم وعاوزين نرغى كتيير (دى كانت وظيفتنا فى الحياة)  مشينا من المعمل ورحنا للمدرج تان بس واحد جديد الطلبة كانوا عاملين هجوم (ولا كان فى حد بيوزع هدايا ولا لحمة) الولاد والبنات زحمة بشعة وفعلا مفيش اى ولد مثلا يشوف بنات رقيقة(اللى هو احنا)  يقول مثلا عدوا ...اتفضلوا لا دول بيزقونا علشان يدخلوا يحجزوا (ولا كانهم داخلين اتوبيس)  المهم انا وريما فضلنا نبص لبعض عاوزين ندخل والباب اصلا ضيق اوى ميدخلش منه غير فرد او فردين (بس مسلوعين)  ريما قالت مش هنفضل كده هى مسلوعة اصلا لاقتها بتخترق وانا ماسكاها لغايت ما دخلنا فعلا جوة اتنين صحابها (بقوا اصحابنا) قعدوا قدامنا وانا وريما مع بعض وراهم انا وريما شغالين رغى (وظيفتنا فى الحياة) قاعدين نرغى كتيير ....اللى قدامنا قالولنا بسسسسسسسسسسسسسسسسسس  ايه ........... رغى رغى رغى اهدوا شوية اييييييييييييييه ده .... اللى جنبى ولدين واحد حط ايده على ودنه والتانى حط راسه على البنش والكشكول فوق راسه ..... اللى ورانا لاقتهم بيقولوا الصبر من عندك يااااااااااااااارب الرحمة من عندك !!!!!!!!!!!!!!! شككونا بجد ان احنا رغايين مع اننا متكلمناش فى اليوم ده غير اليوم كله كل ما نمشى فى حتة نفضل نتكلم بجد ريما شخصية ظريفة جدااا  وانا مرتاحة معاها فى الكلام وكاننا اصحاب من زمان اصلا المهم فى المحاضرة مدخلش الدوك. كالعادة ودخلولنا اتحاد الطلبة 4 شباب واحد منهم خطب خطبة الجمعة التان اللى عاوز اى حاجة ساقعة بيبسى (كان بيقولنا يعنى اللى عاوز يعرف اى حاجة عن الاقسام يقول) التالت كان بيصلح المكرفون لان التان صوته كان مسلوع اووووووووى والرابع مش عارفة تقريبا كان بيوزع ورق علينا (يتبع)
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#3
22-09-2008, 08:21 PM
|
||||
|
||||
|
(-5-)
المهم خرجنا من المحاضرة اللى ملهاش اى معالم اصلا وكالعادة . . . . . . قعدنا نرغى واللى كانوا ماشيين معانا قالولى انى رغاية اوووووووووووى  (هو انا كده)؟ قعدت انا وريما على جنب كده فى حتة ضل كان قدامنا بنااات وولد من على الحرف وجروب ولاد على بنات مع بعض على الجنب التان انا وريما شغالين رغى فوجئت ان البنات اللى قدامنا متابعين الحوار كله والله كانوا بيبصوا على بقى انا وريما واحنا بنتكلم علشان اللى ميسمعهوش يترجموه عن طريق طريقة كلامنا والولد برضه كان متابع الحوار الجروب الكوكتيل اتنين منهم فضلوا يبصولنا والغريب اللى مش فاهماه يمكن يكون تبع التطور ولا حاجة ان اللى بيبص بيبص من تحت لفوق (مش عارفة بقى ايه الحكمة فى كده) واللى بيبص خلاص بصة ودور على حد تان بقى لأ دى كانت كاميرات فيديو مش صورة وخلاص وبرده من تحت لفوق انا اتكسفت قعدت اقول فى نفسى هو احنا فينا حاجة غلط ولا ايه؟ تكنش الصورة عندهم معكوسة مش عندهم تجميع شبكية زينا .............. وفضلنا بقى نتكلم كتيير وننم على المنتدى والاعضاء الحلوين (اوعوا حد يسال مين علشان احنا مش هنقول)  جم البنتين اللى بيمشوا معانا وشافونى بتكلم لاقيت واحدة شخطت فيا قالتلى زوزو الرغاية افصلى انا صدعت منك (ازاى بقى وهى مكنتش بتمشى معانا) وعالم فضولية اوى. . . . . . عاوزة تعرف احنا بنتكلم فى ايه؟  ........... اااااه نسيت فى المعمل انا وريما قعدنا نتريق اوووووووووى لما لاقيت المعيدة بتقول:: هتجيبوا يا حلوين القلم الرصاص والاستيكة والكالكوليتور (الالة يعنى) والمقلمة والحاجات دى اللى هيجيى وحاجة ناقصة منه ميدخلش انا سمعتها بتقول القلم والاستيكة ومقدرتش اسكت قعدت اقول والزمزمية والسندويتشات والدريل (اصل فى واحد رخم اوووووووووووووى اتريق عليا وقالى كده) ومكنش عندى اى رد غلس عليه لما قالى كده (اول مرة ما الاقيش رد) مش فاكرة بقى تقريبا قعدنا نلف على اصحاب ريما علشان المدينة الجامعية وملحقناش نسلم على بعض سلام حار (بالشطة والفلفل) هى شافت التاكسى طارت يا دووب سلمنا كده اى حاجة ومشينا وكانت معاها صحبتها (يتبع)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#4
22-09-2008, 09:05 PM
|
||||
|
||||
|
زينب
إنتى رغاااااااااااااااااااااااااااااااااااااااااااااااا اايه أوى
__________________
 Always remember two things Don’t' take any decision when you are Angry Don’t' make any promises when you are Happy |
|
#5
22-09-2008, 08:53 PM
|
||||
|
||||
|
(-6-)
انا بقى يومى كان تكملته جمييل ركبت المترو وطبعا 23 محطة المهم نزلت فى نفس المحطة اللى ركبت منها ورجعت فى نفس الخطوات اللى رحت بيها للكلية المهم لاقيت اتوبيس مكتوب عليه . . . . . . . (منطقتى يعنى) سالت واحد كان واقف برة قلتله هو الاتوبيس ده رايح . . . . . ؟ قالى اه اركبى دخلت الاتوبيس سالت الناس : يا جماعة. .الاتوبيس ده رايح . . . .؟ قالولى اه اركبى قلتلهم ما انا راكبة هركب فين تان المهم لا قيت الاتوبيس بيفضى والطريق مش هو اللى انا كل مرة بشبه عليه قلت هو مش ده رايح . . . . . . ؟ لاقيتهم بيقولولى لا عارفين ترافل بقى لما حد بيضايقها بكون باردة شوية المرة دى لالالالالالالالالالا والله لو اقدر اولع فى الراجل والاتوبيس كنت عملتها زعقت فيه هو اتاسفلى على المعلومة الغلط طلع انه نزلنى فى قصر النيل يعنى مش طريقة خالص قلتله يعنى انت هتكمل تروح فين قالى هقف فى المحطة خلاص علشان اجهز الفطار قلتله اه يعنى انا مدعوة انى اجى افطر نزلنى هنا هو نزلنى عند المحطة وقالى اركبى كذا وهو هيوديكى للبيت قلتله اللهم انى صائمة ومشيت طبعا عقبال ما لفيت وعرفت انا فين وهمشى ازاى لاقيت اتوبيس مكتوب عليه . . . . . . سالت الاول هو الاتوبيس ده رايح . . . . قالولى اه قلت مش مصدقة المهم السواق هو اللى قالى بنفسه انا رايح . . . . اركبى المهم ركبت واحد قعد جنبى قلتله لو سمحت: هو الاتوبيس ده رايح. . . . ؟ قالى اه انا رايح كمان...(بصيتله وقعدت اضحك بس مع نفسى طبعا ..اممممم اتريقت عليه) قلتله طويب.... مكملتش 5 دقايق قلتله لو سمحت: هو الاتوبيس ده رايح. . . . ؟ قالى اه ما انا قلتلك انا رايح قلتله طويب بتاكد بس مكملتش 5 دقايق قلتله لو سمحت:هو الاتوبيس ده رايح. . . . ؟ قالى والله العظيم والله العظيم والله العظيم وربنا راااااااااااااااااااااايح قلتله خلاص ما انا عارفة انه رايح بس بتاكد (الراجل ولع شد شعره منى خلاص..لاقيته مشى ركب اتوبيس تان وواحد تان قعد)اشتغلت نفس الاسطوانة بس حظه مطولش معايا كتيير لان ماما طبعا لما عرفت انى تهت..كملت معايا موبايلات سبب انى كنت بعمل كده انى جالى شك رهيب من ساعة ما الاتوبيس الاول توهنى المهم: وانا نازلة خلاص لاقيت واحد قاعد على الحرف ونازل معايا بيقولى لو سمحت::هو الاتوبيس ده رايح . . . . ؟(وهو مبتسم) بصتله (ابتسامة السذاجة)...قلتله اتريق حضرتك ونزلت (مش معقولة يعنى ههزر معاه طبعا و غير كده هو اصلا كمان عامل زى الديك المنفوش) امممممممممممممممم هبقى اكمل بكرة بقى لحسن انا تعباااااااااااااااااانة اووووى تصبحوا على خير 
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#8
23-09-2008, 03:37 AM
|
||||
|
||||
|
ازيكم يا جماعة معلش انا اتاخرت شوتين
انا هحكى عن اليوم التالت ليا اول حاجة صحيت 8.5 كدة نزلت من بيتنا على 9.5 كدة لاكاعة بقى عقبال ما اصحى بقى انتوا عارفين بقى اسد بيصحى رحت لصاحبى انا بقى اعتقد انة هيشكت فيا بقى علشان اتاخرت لاقيتة لسة نايم طبعا اتنرفزت جدا المهم لبس بسرعة ونزلنا على 10 كدة قولنا بقى اية نركب تاكسى علشان احنا متاخرين ركبنا وقلنا للتاكسى بوابة حقوق هى كدة بوابة الجامعة مشهورة بكدة اللى على المشاية عل شان كدة حقوق انظف كلية يعنى   على فكرة هتلاقى اتنين ماشين فى الجامعه اللى عليهم الكلام دة دة انا وصحابة مفتاح اللى هى البوابة دى يعنى بس طبعا محدش بيدخل من الحتة النظيفة دى لا فى كدة على اليمين من برة بوابة كدة صغيرة بندخل منها كانت 10 وربع كدة دخلنا احنا قولنا اساسا للتاكسى بوابة حقوق وهو نزلنا هنا وانا مش دراسها من هنا اوى قلنا نخليها على الله ومشينا لاقينا تجارة محتلة نصف الكلية وبعدين لاقينا الكلية  صورة اوضح للبوابة  ايوة هى دى بقى الكلية بتاعتى على فكرة الزرع اللى انتوا شايفينة دة جميلة جدا وكمان فية ابو قردان  ودى بقى صورة تانية بردة للكلية  انا بقى عاوزكوا تركزوا فى الصورة دى بقى بالذات شايفين الاعمدة البنية دى فى بوابة كدا فى وسطهم دى بقى بتاعت الدكاترة بس احنا بقى بندخل من اى بوابة وخلاص على فكرة انتوا شايفينها وحشة بس هى حلوة بقى فية يفطة دلوقتى ملونة كدة يعنى بيرحبوا بينا بقى وكان فية بردة سجادة برة بردة ونزلة على السلالم والورق اللى كان على الاعمدة اللى متقطع دة عملوا ورق تانى خليكوا بقى معايا فية بقى جنب الاعمدة شبابيك وفيها ورق كدة دى بقى اسماء الطلاب الجدد والقدام يعنى وهتلاقى كدة خرم كدة جوة الشباك دة واحد من الشئون المهم بقى روحت سالتة انا وصاحبى امتى التسجيل قالى لسة لما تشوف المرشد بتاعك قولت امتى قالى لبكرة لبعدة شايفين بقى الرصيف اللى تحت الشبابيك المهم كان ملاين بنات بس كان فية شوية صبيان قاعدين فى الاخر قعدنا معاهم وبعدين زهقت من الشمس والجو النار خدت بعضى انا وصحابى وروحنايعنى كل اللى قضيتة النهاردة كان نصف ساعة الحمد لله  بصوا بقى دى بقى الكلية بس من نحية الجلاء شايفين شارع طويل كدة وكلة عربيات دا بقى روحنا منةمتورجل الحمد لله كان يوم ظريف قصدى نصف ساعة كانت ظريفة يالابقى بااااى روحت على الساعة 12 كدة صليت الظهر ونمت وبعدين صحيت على صويت ماما وهى بتشخط فى اختى الصغيرة علشان وقعت طبق السلطة بعد ما ماما خلصت منة انا بقى صليت العصر ولميت السلطة اللى وقعت بصراحة اول مرة ماما تصعب عليا النهاردة بس انا بردة ساعتها ومنها لله اختى الصغيرة بصراحة مهما ما بتعمل الكل بيموت فيها وبعدين هى مش فاهمة حاجة انا حبيت اعيشكم معايا اليوم علشان كدة انا حبيت انه يكون بالصور معلش يا جماعة بقى انا بكتب الموضوع وانا بتسحر وبكرة حاسس انة يوم مش جديد اكيد زى النهاردة يالا بقى علشان الحق اشرب واصلى وانام
__________________
|
|
#9
23-09-2008, 03:54 AM
|
||||
|
||||
|
اما انا فحكايتى قصة
قلبت معايا ايهاب توفيقام هند انا صحيت الصبح لقيت الموبايل بيرن يرن يرن صحيت لقيت امير صاحبى بيتصل  افتكرت انه قالى هستناك على المحطة عشان نروح الكلية عشان عندنا محاضرات بدرى رحت رديت عليه قلتله انى نازل فى الطريق مكنتش لسة لبست اصلاالمهم لبست بسرعة وظبطت نفسى عشان كان عندى رانديفووو بعد الكليةورحت للواد متاخر طبعا بس الحمد لله لقينا مواصلات علطول ووصلنا الساعة سبعة ونص كان عندنا محاضرة كيميا الساعة 8 الصراحة مرضتش ادخل المدرج من دلوقتى بحس بالملل من القعدة بس غصب عنى دخلت عشان لو مكنتش دخلت مكنت هلاقى مكان دخلنا اول دكتور اسمه فخرى عبد العظيم البثيونى وانا كانت ضاربة معايا كوميديا سمعت اسمه من هنا حطيت الكشكول عبى وشى وفضلت اضحك قعد يرغى شوية ومشى جالنا تانى واحد عمل فيها شيخ الازهر وقعد يقول البنات فى ناحية والولاد فى ناحية وهو اصلا ماشى بعكاز وظروفه صعبة المهم فى الاخر طلع بيدى كيميا برده بس فرع تانى وطلع اسمه فتحى الشحات والكوميديا شغالة برده قعدت طول المحاضرة اضحك وقعد يهجص ويوقل علوم عين شمس معروفين فى العالم وحركات مشمئزة كدةجالنا الدكتور التالت ده راجل خنيييييييييييييق اوى اوى اوى اوى مش لظيظ ابدا شرح من اول محاضرة وقعدت اكتب وراه بويل وشارل والكوميديا راحت الله يخرب بيته اسمه ماجد سفيق(شفيق)كان عندى محاضرة استاتيكا بعدها بس قفلت رحت خارج بره قعدت اسمع اغانى المهم طلع الدوك مداهومش حاجة قلت احسن بس رحت مروح بيتنا صليت الضهر ونمت وصحيت على الفطار ونمت تانى
__________________
اصعب احساس فى الدنيا لما تحس بظلم وقهر وانت ياعينى وحيد فى الدنيا ملكش حد ملكش ضهر |
|
#10
23-09-2008, 04:55 AM
|
||||
|
||||
|
اقتباس:
هههههههههههههه الحمد لله طلعت مش لوحدى اصلى كنتعمالة اضحك الناحية التانية وكنت مرعوبة احسن حد فيهم يحرجنى بس ربنا ستر وما خدوش بالهم اصلا يا محمد بتاع الاستاتيكا شرح انتوا بأه اللى مشيتوا ده كويس انه ما خلصش الباب الاول ادانا المتجهات كده عادى وبعدين دخل فى جمع المتجهات وبعدين دخل فى الضرب قالنا هما 5 انواع وشرح منهم 2 وللاسف وقت المحاضرة ما كفاش يا عينى انه يكمل |
|
#11
23-09-2008, 06:14 AM
|
||||
|
||||
|
بسم الله ماشاء الله
الموضوع كل شويه عمال يشتعل  استمروا بقا استمروا بس ايه دا يارحمه دا انتى وسوستك طلعتو شعانــيـن خالــــص ارغى بقا عن يومى بتاع امبارح يوم كان مستقر وحلو الى حد مش قليل كنت حالفه بالتلاته انزل بدرى عشان اقدر اقعد قدام واسمع الدكتور فجهزت بسرعه بس مش اوى واخدت اختى معايا فى التاكسى وصلتها للمدرسه كان عندها ازاعه والباص هيتاخر وهى اللى هتقول المقدمه فقولت اعمل حسنه بعدين طلعت ع الجامعه ودخلت من الباب الرئيسى عشان امشى خطوتين واوصل للكليه عشان لسه فى سلااالم مستنيانى وهيتهد حيلى بس يادوبك اول ما حودت ورايحه لكليتنا لقيت صحابى بتوع هندسه فى وشى سلمت عليهم وكدا وبعدين عرفت انهم معانا هياخدو المحاضره بتاعت الرياضه التطبيقيه طلعت انا وواحده صحبتى منهم وانا مخنوقه وحاسه انى مش هقدر اقعد عند الباب اساسا بس دخلت وبصيت للى فى المدرج وانا لاويه بوئى شفت صحبتى اللى فى طبيعه معايا بت جدعه جامد ... لقيتها حاجزه مكان ليا انا وصحبتى التانيه اللى فى طبيعه بردو واماكن لصحابنا اللى فى هندسه قعدنا فى البنش الاول وقعدنا مستنيين الدكتور واتارى الدكتور مسافر ودا اللى عرفته بعد ماروحت البيت .... بس واحنا قاعدين فى المدرج كان عندنا امل وخايفين نطلع ويدخل الدكتور يشرح من المحاضره الاولى لان معانا بتوع هندسه المهم المدرج كل شويه كان بيتملى بيتملى ومش كنت قادره ابص ورايا لانى حاسه طبيعى بالازمه كنت حاسه اننا فى سوق لحد ما فكرت اقوم اطلع اشم هوا بره بمجرد ما قومت وبصيت لورا حسيت ان المدرج هيتفزر ومش عارفه هطير فوق دا كله واطلع ازاى ولو طلعت من باب المدرج الرئيسى اللى بيدخل منه الدكتور وحصل ان الدكتور دخل مستحيل اعرف ادخل من الباب اللى ورا استسلمت للامر وقعدت اخيرا وبعد شويات دخلنا الدكتور والكل كان طاير عايز يسقف ويصفر المهم قال انه دكتور الحاسب الالى الكل هاج والراجل اتفزع وانا فضلت اضحك شاف الجدول بتاعنا وبتاع هندسه وارتبك وهو نفسه مش فاهم ايه اللى جابه راح طردهم بالزوق وقال ممكن بتوع هندسه يتفضلو ويااااااااااه بعد ماهوووونا ،،،، المدرج هِـــــــدىىى بدا المحاضره وعرفنا نظام دراستنا للحاسب وقال اننا مش هناخد المقدمه بتاعت الحاسب وازاى نعرف نشتغل عليه وكدا لاننا كليه مختصه دا هيدرسوه الكليات الغير مختصه مكنتش مركزه اوى فى الحته دى لانه اساسا توهنا <_< بس اللى فهمته يعنى اننا هندرس فكرة الحاسب الالى وطريقة عمله بطريقه علميه المهم مهدلنا بقا لطريقة عمله وكدا وقال انى دى بدايه بس لمحاضرة بكره ومش عارفه ايه اللى خلاه ينحرف و اتكلم تقريبا عن الجبر فى رياضه 2 انا بلمت واما نشوف بقا انهرده واانا طول المحاضره معلقه راسى لفوق اخر ما تعبت حطيت ايدى على خدى وبصيت فى ناحيه تانيه خالص بس المهم ودانى كنت سيباها عند الدكتور ... ماعلينا خلصت المحاضره اللذيذه _بتكلم بجد مش تريقه كانت لطيفه فعلا _ على خيرلقيت صحبتى اللى جنبى نعست سبتها وطلعت من المدرج مع التانيه واحنا نعتقد ان علينا لسا محاضرة الرياضه البحته... نزلنا نشوف ايه النظام لقينا بتوع هندسه وواحده نعرفها معيده وواحده من علوم بيولوجى وكدا وفضلنا نرغى شويه بس وبعدين فى الاخر طلعنا تانى وفهمنا تقريبا ان الجدول غلط لتانى مره ومفيش محاضرة بحته صحابى مشيو وانا قعدت مع دكتوره فى الجامعه عرفتنى على النظام واتمشينا فى الدور وعرفتنى على دكاتره وكدا ... وبعديها عتقتنى ونزلت وروحت ... ومش فاكره حاجه تانى اقولها
__________________
لم يَعُد ثمّةَ أطلال لكي نبكي عليها كيف تبكي أمَّةٌ أخَذوا منها المدامع؟؟!!
آخر تعديل بواسطة Y U N A ، 23-09-2008 الساعة 06:22 AM |
|
#12
24-09-2008, 02:06 AM
|
||||
|
||||
|
اقتباس:
يارب ميكونش زى المؤرف بتاع الاحصا ده راجل غريب مريب
__________________
اصعب احساس فى الدنيا لما تحس بظلم وقهر وانت ياعينى وحيد فى الدنيا ملكش حد ملكش ضهر |
|
#13
24-09-2008, 03:12 AM
|
||||
|
||||
|
ابدأ احكى انا بقي
بســــــــم الله اولا صحيت 6 تقريبا جهزت ف ساعة الا ( وده طبعا رقم قياسي ) نزلت من البيت 7 الا ربع كده الحمد لله المواصلات كانت ميسرة وصاحبتى اللى نزلت معايا هرتنى كلام افسادى عمالة تسألنى هتدى نمرتك لولد ؟ طيب هتمشي مع ولد لوحدك؟ طيب طيب طيب لحد ما فى الاخر قالتلى كفاية يا معقدة وانا فى المواصلة التانية زينب كلمتنى بتقولى انها وصلت الجامعة انا بشرتها انى لسه مركبتش المترو (17 محطة) اساسا ربنا يكرمها البنية كان عندنا محاضرة الساعة 8 وانا وصلت الساعة 9 الا ربع كده باب الجامعة وهيا كانت مستنيانى طبعا هى استقبلتنى استقبال جامد جدا .. بصراحة انا كنت خايفة على نفسي منها المهم رحنا ندور ع المدرج بتاعنا ودخلنا المدرج وفضلنا قاعدين شوية بس مكناش عارفين نرغي براحتنا خاااالص لان كان فى عيال بايخة ورانا قمنا غيرنا المدرج ورحنا قعدنا فى ركن بعيد هادى بعد كده فضلنا فترة نرغى نرغى و خرجنا من المدرج رحنا جبنا كرت شحن ليا ورجعنا تانى وبردو لا جديد المهم بقي قاموا اتحاد الطلبة جولنا تانى وفضلوا يتكلموا معانا و بعد كده الدكتورة دخلتلنا وفضلت تتكلم شوية كده فى الاول وتختبر معلوماتنا العلمية وطبعا احنا برفكت اوى مقولكوش يعنى والاولاد اللى كانوا ورانا الحمدلله مهمدوش نازلين تريقه تريقه واحنا كنا بنحاول نمسك نفسنا من الضحك بس ......... بعد كده الدكتورة قالت اللى عندو اسئلة وكده زينب عملت فيها ماتريكس مان و رفعت ايديها بقي اوعى الدكتورة قالتلها اتفضلى قامت زينب واقفة وفاردة طولها وقالت للدكتورة حضرتك قلتى فى 3 حالات للمادة ؤمال البلازما راحت فين الدكتورة قالتلها لا دى حاالة خاصة وكده .. وقامت مكملة بتسأل زينب انتى عارفة ايه البلازما دى اساسا ؟؟ زينب تنحت و........................ مش هوصفلكم المنظــــــــــــــــــــــــــــــــــــــــــــر ههههههههههههههههههههههههه (ادينى فضحتك يا سوستى علشان تهددينى براحتك) المهم الدكتورة فضلت تقولها يعنى بتتكلمى عنها ومتعرفيهاش وبتاع المهم قامت الدكتورة قالتلنا نعمل بحث ع البلازما يعنى زينب لو كانت قعدت ساكتة مكناش اتعاقبنا بسببها المهم واحنا فى المحاضرة انا كنت بكلم زينب بسمع 10 ورايا يردوا عليا وكذلك هى .. حاجة ظريفة جدا بعد ما الست الدكتورة مشيت سألت البناتيت اللى جنبي عندنا حاجة تانية قالولى لأ روحى المهم صاحبتى اللى بتروح معايا مكانتش فاضيالى بقي البنية كانت بتشوف مصالحها ركبت انا وزينب المترو و نزلت انا قبلها بشوية ودعتها و انطلقت الى بداية رحلة العذاب فى المواصلات ارخم حاجة فى المواصلات بصراحة انى مقدرش اقعد غير جنب الشباك وطبعا الشمس كل يوم بتبهدلنى حاسة ان خدى الشمال لونه هيتغير عن اليمين والحمد لله حاولت احافظ عليا صاحية بانى حطيت سماعات الموبايل فى ودانى وعليت الصوت ع الااااااخر واول ما وصلت اكتوبر الحمدلله اخدت تاكسي نزلنى عند بيتنا بس وطلعت روقت اوضتى علشان ده كان شرط ان بابا يدخلى وصلة النت للكمبيوتر بتاعى ودخلت المنتدى شوية وبعدها خرجت علشان انام بس كده
__________________
••• والعز كل العز في ايماني •••
|
|
#14
23-09-2008, 02:18 PM
|
||||
|
||||
|
انا صعب ارد كده ع كل
عيشوا حياتكوا فى الموضوع يا جماعة وسام انا كنت ف اول يوم لابسة لبنى فى موف والجيبة كانت عبارة عن الوان الطيف العسرة اكيد ةشفتينى بقي متنكرييييش والبت زينب كانت لابسة جيبة جينز وبلوزة لبنى افتكرى يا سوسو نورال .. احنا اخدنا بردو فكرة عن المتجهات زيكم بس مفهمناش اى حاجة يونا بجد والله اسلوبك لذيذ جدا كملى كملى يونا يلاااااااااااااااااااااااااااا احكى
__________________
••• والعز كل العز في ايماني •••
آخر تعديل بواسطة احمد رضا ، 26-09-2008 الساعة 08:05 PM |
|
#15
23-09-2008, 03:44 PM
|
|||
|
|||
|
امم نرجع بئا للموضوع
النهارده بئا حصلى موقف بايخ شوية دخلت مدرج غلط وحضرت المحاضرة مع ناس ودكتور غريب اول مرة اشوفه والناس كلها غريبة وحاسس ان مفيش الفه ولا ود بينهم حسيت ان فيه حاجة غريبة المهم فين وفين على بال ما عرفت ان الناس دى اكبر منى بس واليوم كان طبيعى كانت حتت محاضرة لا طلعت ولا نزلت ويخرب بيت التأليف اها نسيت اقولك الموضوع مثبت وياريت بلاش مشرف يفك تثبيته مش كل ما اثبت موضوع المشرف يفك تثبته |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:23 PM.
