ايه بس؟؟ انتى مش هتبقى مراتى !!

[براءة]

بسم الله الرحمن الرحيم

(ايه المشكلة انتى مش هتبقي مراتى؟)

كلمة .. سمعناها كتير جدا جدااا
حدود كتير جدا
للأسف
بقينا بنتخطاها تحت ذلك الشعار

===============
مشهد رقم (1)
العلاقة الاساسية .. زمالة
المبرر .. بيحبوا بعض
===============

* ايه ده انت بتعمل ايه عيب كده
_ ايه بس فى ايه ؟؟ ايه المشكلة ؟؟
* انت ازاى بتمسك ايدى كده !!
_ ايه بس هو مش احنا بنحب بعض ؟؟
* ايوه بس بردو .. ميصحش يعنى
_ يووووووه بقي انتى ليه محسسانى انى بعيد عنك كده .. ايه المشكلة يعنى انتى مش هتبقي مراتى ؟؟
* بكل كسوف .. ده بجد يا حبيبي ؟؟
_ اه طبعا ؤمال انتى فاكرانى عيل من بتوع اليومين دول طيب والله انا عاوز اتجوزك (ويا رب صبرنى ع صيام ال3 ايام دول) .. وايديه راحتت تتسحب تانى
*لالالالالالا استنى عيب كده احنا قدام الناس (خدنى ف ركن يعنى ) !!
(( )) !!!

............................

================
مشهد رقم (2)
العلاقة الاساسية .. خطوبة
محل الحديث .. التليفون
===============

= ايوه يا روحى ازيك
-روحك ؟ مين ؟ انا ؟؟

= ايوة يا حبيبتى طبعا احنا مش مخطوبين لبعض ولا ايه
-ماشي مختلفناش بس الخطوبة دى وعد بالزواج .. مينفعش تكلمنى كده انا لسه مش محللة ليك
= يعنى انتى ايه رأيك هو انا خطبتك مش علشان اتجوزك ..!
-ياااه ده انا بجد بحلم باليوم ده
=قلبي
-تانى؟
=سؤال وعاوزله رد واحد
-اتفضل
=انتى مش هتبقي مراتى ؟؟
-................
=انا عارف انك مكسوفة
-..................
=احكيلى بقي يا حياتى عملتى ايه النهارده؟؟
-خدت نفس ودقيقة وردت .. ياااه ده انا عملت كتييييير رحت لـ..................... (كده خلاص اتسبتت)

............................

===============
مشهد رقم (3)
العلاقة الاساسية .. النت
المبرر.. بيحبوا بعض !
===============

& مقلتليش بقي هنتقابل امتى
-نتقابل !! يا لهوىىى
& ايه بس مالك
_ ماليش بس نتقابل بتاع ايه
& هو ينفع يعنى مشوفش اللى هتبقي مراتى
_ ياه مين دى
& ايه ؤمال انا بحبك ليه يعنى مش علشان نتجوز
_ ايوه ايوه صحيح
& وطبعا لازم تبعتيلى صورتك علشان لما نتقابل بقي اعرفك وكده (يا حلاوة حبها من قبل ما يشوفها)
_ لأ ف دى عندك حق
& ونمرتك
_ ليه نمرتى
& افرضي انا حصلى ظروف واتأخرت ع مراتى المستقبليه مش يبقي اطمنها ؟
_مش عارفة ازاى فاتت عليا دى .. بس تعرف بجد انا ارتاحتلك وواثقة فيك جدا
& يا حبيبتى انا مرتاحلك من زمان ده انا كنت هموت نفسي علشان اوصلك
_ايه ده ازاى ؟ده انا بكلمك من يومين وانت قلتلى بحبك امبارح
& ايوه ما انا معجب بيكى من زمان اوى من اول يوم شفتك فيه معانا فى المنتدى
_ايوه فعلا ده كان من زمان .... من ييجى شهر كده .... وكل ده فى قلبك وساكت ؟؟
& كنت خايف تصدينى
_ شكلك كان واقع
& ها ؟اه طبعا جدا جدا ... ها هشوف ملاكى امتى ؟ فاضية بعد بكرة
_استنى افكر
& لالالالالا هيا لسه فيها تفكير !!
_انت افتكرت ايه لالا ده انا بفكر هنتقابل فين امتى .. الموضوع محتاج تفكير بجد

================================================== =========

ودى حاجات بسيطة جدا
وما خفى كان اعظم
فى حاجات مختلفة بتتطلب تحت شعار ( هو انتى مش هتبقي مراتى ) ؟؟؟
المشكلة انى بقيت بسمع قصص كتير كل بلاويها محورها الكلمة دى

مش هتكلم كتير بس هقول لكل بنت .. حافظى عليكى
ولكل ولد .. اتق الله وخليك راجل بجد !!

و حطى ف دماغك المنظر ده كده قبل اى خطوه غلط:

هو >>> <<< انتى

واحب اسمع ارائكم .. لو انتوا حابين تسمّعونى

[** MR.SmilE **]

هاهاهاها
بجد موضوع جامد
بس الواحد هيعمل ايه!!!
يا حول الله يا رب

[Prof.Dr/A.T.M]

موضوع راااااااااااااااائع وهوا ده فعلا اللى بيحصل ولازم الكل ياخد باله
وشكرا ليكي على الموضوع

[eng.midosaid]

هههههههههههه موضوع جمييييييييل

وفعلا للاسف بيحصل

[براءة]

المشاركة الأصلية كتبت بواسطة The KinG_2939

هاهاهاها
بجد موضوع جامد
بس الواحد هيعمل ايه!!!
يا حول الله يا رب

كده الموضوع هيتنقل جرس الفسحة
الواحد هيعمل ايه ؟؟ يحترم نفسه .. بس
شكرا ليكـ ع مرورك

[the black rose]

يااااااااه
فعلا انا بسمع بلاوى
المهم ان فى بنات بتصدق
و تقول ده بيحبنى و خايف عليا
فعلا اتقوا الله

[براءة]

المشاركة الأصلية كتبت بواسطة A.T.M

موضوع راااااااااااااااائع وهوا ده فعلا اللى بيحصل ولازم الكل ياخد باله
وشكرا ليكي على الموضوع

عفوا يا جميل
وفعلا نفسي نعقل ونركن مشاعرنا دى ع جنب لوقتها
نورتى الموضوع

[براءة]

المشاركة الأصلية كتبت بواسطة midosaid

هههههههههههه موضوع جمييييييييل

وفعلا للاسف بيحصل

لو عاجبك اتفضله
يا رب يا رب الناس تخلى بالها ..
شكرا ليييييك ع مرورك

[الرحمة حلوة]

اشكرك على النصائح ده فى زمن العجايب معدش بجد فى امان لاى حاجة والضحك على البنات مفيش اسهل منه وفعلا لازم البنت تصون نفسها وتفوق للى بيحصل عشان معدش فيه اى امان للايام اللى احنا عيشنها

[Y U N A]

ودى حاجات بسيطة جدا
وما خفى كان اعظم
فى حاجات مختلفة بتتطلب تحت شعار ( هو انتى مش هتبقي مراتى ) ؟؟؟
المشكلة انى بقيت بسمع قصص كتير كل بلاويها محورها الكلمة دى


مش هتكلم كتير بس هقول لكل بنت .. حافظى عليكى
ولكل ولد .. اتق الله وخليك راجل بجد !!


و حطى ف دماغك المنظر ده كده قبل اى خطوه غلط:



هو >>> <<< انتى



واحب اسمع ارائكم .. لو انتوا حابين تسمّعونى

مانتى قولتى اللى ممكن يتقال يارحمه ..

لازم اى بنت تحافظ على نفسها وتتقى الله فى نفسها وبلاش حب فى المدارس وحب الجامعه والنت والهبل دا ...

الراجل المحترم اللى يستاهلك هيجى لحد باب بيتكم ويدخله بإستئذان ...

والولد طبعا زى ماقولتى لازم يبقى راجل بجد ويتقى الله ..

ومش جايز دا يتردله فى اخته او حتى مراته المستقبليه فعلا ..

وربنا يهدى ويعقل الشباب والبنات ...

[براءة]

المشاركة الأصلية كتبت بواسطة the black rose

يااااااااه
فعلا انا بسمع بلاوى
المهم ان فى بنات بتصدق
و تقول ده بيحبنى و خايف عليا
فعلا اتقوا الله

اه والله عندك حق
كل اللى بيحبوا عندهم اعتقاد ان اللى العيال اللى بتحبهم مش زى اى حد ..
بتغاظ اوى بحس انهم بنات عبيطة
شكرا ليكى ع المرور

[semsema_semsema]

بجد موضوع حلو بس سورى يعنى رغم انى بنت بس البنات اللى بتصدق الشعار دا تبقى ساذجة وتستاهل اللى هيتعمل فيها هى اللى سمحت بكدا تتحمل عواقب اللى عملتة

وبردو الاولاد عيب عليهم بردو تقولهم هيتعمل فى اختك يقولك ماعنديش اخوات فى مامتك .. انت بتتكلم ازاى امى ثم امى مش عارف ان مسيرة هيتجوز وهيحصل فى اعز الناس لية بنتة مراتة قريبتة اى كان هيتردله يعنى هيتردله

كله سلف ودين

وميرسى على التوبيك

[rose 2010]

الموضوع جميل اوى وبيحصل بجد..........تقبلى مرورى

[طمعانة فى رضاك يا رحمن]

علي رايك
وما خفي كان اعظم وافظع
جزاك الله كل خير
وربنا يهدينا جميعا
بس ياريت يعرفوا فين ربنا من كل ده

[براءة]

المشاركة الأصلية كتبت بواسطة الرحمة حلوة

اشكرك على النصائح ده فى زمن العجايب معدش بجد فى امان لاى حاجة والضحك على البنات مفيش اسهل منه وفعلا لازم البنت تصون نفسها وتفوق للى بيحصل عشان معدش فيه اى امان للايام اللى احنا عيشنها

اكتر كلمة عجبتنى هيا ان الضحك ع البنات مفيش احسن منه
ما هى البنت لو تبطل حنية فى الرايحة والجاية ربنا هيهديها بس نعمل ايه بقي
شكرا ليكى ع المرور