محافظة الشرقية - الصفحة 7

ا/توفيق عزت · #1 14-06-2009, 07:15 PM

انا للاسف الشديد من محافظة الشرقية
مكروهة من الحكومة
دائما يبلوها بمحافظ يتفنن فى قرف اهلها
و يبلوها بوكيل وزارة التربية و التعليم بتاع وسايط و محسوبيات
و كلما عقدوا اهل الشرقية اكتر....... تحبهم الحكومة اكتر
لانى مولود فى الشرقية
فانى لا اود ان اكون شرقاويا
حتى اهلها الطيبين البسطاء الابيض
ظهر فيهم كتير تجار لصوص قناصين بيخنقوا الناس .... و يرفعوا عليهم الاسعار
لو عايزنى اكلمك بالحقائق و الوقائع
اخليك تكره الشرقية اللى للاسف .... كانت جميلة
ربنا ينتقم من اللى وسخوها

منال مرعى · #2 08-07-2009, 08:22 PM

هاى انا منال من الزقازيق واكيد الزقزيق بلد جميل زى مكل الشراقوه عارفين طبعا وزى مبرده بيفخروا انهم شراقوه وانا فى3ثانوى ونفسى ادخل صيدله ادعولى ع مالنتيجه تبان دحنا ولاد بلد واحده

اهلاوى واثق · #3 13-07-2009, 03:36 PM

انا محمد عادل من محافظه الشرقيه مدرس لغه انجليزيه وخريج كليه الاداب قسم اللغه الانجليزيه بتقدير جيد واول دفعتى فى سنه البكالوريوس واعمل مدرس ولكن لست متعاقد مع مدرسه لاننى خريج 2006 ولكم يتسنى لى التعاقد لم تعرفونه عن العقبات التى نواجهها مع وزاره التربيه والتعليم ولكنى الحمد لله ادرس لطلاب فى الثانويه العامه والازهريه والاعداديه بجميع مراححلها وطبعا لى كامل الفخر انى شرقاوى ارجو اضافه لقب مدرس فهذا اللقب يزيدنى شرفا فكم اعشق هذه المهنه وهذه المحافظه وهذا المنتدى

طبيب عالمى قادم · #4 13-07-2009, 07:39 PM

اهلا باحسن ناس

white_flower1921 · #5 21-07-2009, 01:54 AM

انا ايضا من الشرقية
مدينة الزقازيق
اهلا بكل الشراقوة

طبيب عالمى قادم · #6 25-07-2009, 01:36 AM

مشكوووووووووووووووووووووووووووور

NOUFALL · #7 20-08-2009, 10:34 AM

السلامو عليكو
ازيكووو عاملين ايه ؟؟
يا رب تكونوا بخير دايما

نخش ف الموضوع :abdoog8:
انا جايبلكم النهارده شويه صور كده
بس الاول دى شويه معلومات عن صان الحجر
اللى هيا بلدى وانا اعتز اوفتخر انى واحد من ابنائها
دلوقتى شويه معلومات

صان الحجر هي إحدى مراكز محافظة الشرقية وهي تبعد عن مدينة الزقازيق العاصمة ما يقرب من 75 كم وقد كانت عاصمة سياسية ودينية لمصر في العصر القديم ويحتمل أن إسمها في الكتب السماوية (التوراة) بإسم " صوعن " في حين جاء إسمها في اللغة المصرية القديمة بإسم " جعنت " وبها مقابر الأسرتين الحادية والعشرين والثانية والعشرين، ويرجح البعض أنه قد ولد فيها نبي الله سيدنا موسى عليه السلام. وتربى في قصر فرعون ومنها خرج إلي مدين هاربا بعد قتله أحد الرعية ثم مكث في مدين بضعة سنين وتزوج فيها ثم عاد إلي مصر مرة أخرى وفي أثناء عودته أبلغه الله سبحانه وتعالى بالرسالة وهو في طور سيناء ثم بلغ الرسالة وخرج منها مرة أخرى بعد أن رفض فرعون الإيمان برب موسى وخرج وراءه فرعون وجنوده فأغرقهم الله في اليم. ويربط أنصار هذا الرأي بين تلك المدينة بصفتها مدينة "بي رعمسيس " التي أنشأها رمسيس الثاني ، وبين شخصية الملك رمسيس الثاني المتهم بكونه فرعون موسى ، غير أن هذا الأمر محل جدل عميق وخلاف دائم بين الباحثين في تاريخ مصر وتاريخ الشرق وتاريخ الأديان.
غير أنه يوجد رأي آخر يرجح أن الإقليم بأكمله كان خاضعا لحكم الملوك الرعاة أو ما يعرفون ب الهكسوس في فترة تسبق بكثير حكم رمسيس الثاني ، وأن أحداث قصة موسى عليه السلام مع فرعون كانت تدور في تلك المنطقة وما حولها في عهد هؤلاء الملوك الساميين ، حيث كانت تعرف المدينة بالاسم القديم وهو أواريس أو أفاريس ، ويقال بأن أواريس كانت في مناطق محتملة كلها في الشرقية ، ذهب البعض إلى كونها صان الحجر ، ومنهم من نسبها إلى قنتير ، والبعض يشير إلى تل اليهودية ، أما أحدث الأبحاث فتشير إلى مركز صفط الحنة.

وصان الحجر الآن والتي كان إسمها في العصر المصري القديم ( تانيس ) ، هي إحدى المدن السياحية وفيها بقايا أبنية للرعامسة ومن تلاهم ، وهي من المدن المصرية القديمة مهدمة الآثار مثل مدينة أخيتاتون ومدينة أواريس ( أفاريس ) ، وتبعد صان الحجر عن جزير عليوة 12 كم وتبعد عن الحسينية 16 كم وتبعد عن المنزلة 40 كم .

صان الحجر أصبحت مركز شرطه عام 2006 يضم 3 وحدات محلية هي صان الحجر القبلية وصان الحجر البحرية والناصرية بمجموع سكان 85 الف نسمة تقريبا (تعداد 2006 - الجهاز المركزى للتعبئة

نخش بقى ع الصوور

تحياتى
Mr.KaTkOoT

ahmednofal70 · #8 01-09-2009, 09:33 PM

موضوع جميل وشيق ولكن المشكلة اللي احنا واقعين فيها ان احنا دايما مركزين على الماضي والحاضر ما بيشغلش غير حيز قليل يعني لو جيت بصيت هاتلاقي موضوعك واخد 32 سطر عن التاريخ الفرعوني لصان و4 سطور فقط عن الحاضر بالاضافة ان كل الصور عن الفراعنة وما فيش ولا صورة حديثة
وعلى العموم شكراً على مجهودك الراقي

NOUFALL · #9 01-09-2009, 11:13 PM

اقتباس:

المشاركة الأصلية كتبت بواسطة ahmednofal70

موضوع جميل وشيق ولكن المشكلة اللي احنا واقعين فيها ان احنا دايما مركزين على الماضي والحاضر ما بيشغلش غير حيز قليل يعني لو جيت بصيت هاتلاقي موضوعك واخد 32 سطر عن التاريخ الفرعوني لصان و4 سطور فقط عن الحاضر بالاضافة ان كل الصور عن الفراعنة وما فيش ولا صورة حديثة
وعلى العموم شكراً على مجهودك الراقي

شكرا استاذى / احمد نوفل
على مرورك الكريم

وفعلا كلامك كله مضبووط
فأنا مثلا لو جبت لكم صور حديثه مش هلاقى حاجه عدله الا مركز الشرطه عشان لسه جديد

تحياتى