هل تحس بالظلم لدخولك الازهر

[mohammed1990]

هل احسست يوما انك قد ظلمت من ابويك لدخولك الازهر و لم يدخلوك العام
يا ريت يكون فى سبب

[..Just Stop]

حسيت بالظلم
لالالالالالالالالا مش مضبوط



...
...
...
...
...
...
..
ز...

انا حسيت بالظلم والمهانة والحسرة والندامة والمذلة و......و.....
نظام تعليمى فاشل

[Dream girl]

اه طبعا حسيت بالظلم فى الازهر من حاجات كتييييييييييييييييييير اوى ده من الاخر نظام تعليمى متخلف
هو ميزته الوحيدة القران والمواد الشرعية مع انها برده مش بتتدرس على اصولها بس هنعمل ايه ربنا يهدى بتوع الازهر دوووول:D:D:D
وحسبى الله ونعم الوكيل

[mohammed1990]

لم احس بالظلم من والدى عندما ادخلنى الازهر اصل هو كان عايزنى اتعلم الدين على اصولة
لكن حسيت بالظلم من مستوى التعليم و من الاساتذه اللى همها الوحيد انه ياخد مرتبة اخر الشهر و مش مهم التلميذ يتعلم ولا يتنيل و اهدى لهم اغنية استاذ حمام نحن الزغاليل

[هانى الشرقاوى]

لأأكبر جريمة ايوة جريمة ارتكبها بابا فى حقى انه دخلنى أزهر
أأنا نفسى اولع فى المنظومة كلها بجاز وسخ ومعفن كمان

[أيمن الوزير]

يا جماعة يا ليتكم تتركون مثل هذه الموضوعات المكررة
في كل صفحة أيه رأيك في الأزهر ؟ هتدخل أولادك أزهر ولا تربية وتعليم ؟ أنت حاسس أنك اتظلمت من دخول الأزهر ؟

وموضوع بارد وأعضاء ترد بكلمات تافهة تعيب في هذا الصرح العظيم ليس لشيء غير أنهم طلاب فشلة لو كان الواحد فيهم دخل تربية وتعليم كان هيكون أيضا فاشل هياخد دبلوم وبعدين يروح يتعلم صنعة أو يسافر يعمل عتال في البلاد العربية
أما المتفوق في الأزهر فهو لو دخل التربية والتعليم كان أيضا هيكون متفوق

أرجوكم اتركوا مثل هذه الموضوعات التافهة ولا تسيئوا للأزهر فهو أكبر من أن يسئ فيه جاهل لا يعرف قدره

والله ذهقت من تكرار مثل هذه الموضوعات

[أيمن الوزير]

علي فكرة والله أنا مدرس في التربية والتعليم ولكن حزين من تلك الألفاظ السيئة التي يرسلها أبناء الأزهر الغافلون للحط من شأن هذه المؤسسة الإسلامية الكبيرة

[mohammed1990]

الموضوع مش تافه الموضوع عند سنة 2020 هيكون فى كام طالب هيدخل الازهر
بصراحة الازهر بيحتضر و مستوى التعليم فى النازل و مستوى الطلبة زبالة

[بنت ازهريه]

هو حضرتك بتقول ان احنا بنحط من شان هذه المؤسسه
حضرتك لو متابع اخر اخبار الازهر صحيح كنت عرفت انهم بيحاولوا يهدموه ودول الناس الكبار فيه منعوا من انه يتبنى معاهد تانيه وعايزين يدخلوعندنا نظام التعليم الفنى
وعايزين الكليه يكون فيها معاهد
وفى الاخر يبقى احنا اللى بنحط من شانه
حضرتك لو شفت عدد الطلبه اللى بيروحوا يعملوا تظلمات بعد نتيجتهم مبتظر دول بيدخلهم فى اليوم الواحد ولا حوالى 5 مليون جنيه
ولا بيبنولنا كليات ولازفت قد ايه لما بنت حضرتك تبقى فى مكان يبعد عن كليتها حوالى اربع خمس محافظات وتتشحطط
يللا كل واحد منه لله
السلام عليكم

[mr.soliman]

هو حضرتك بتقول ان احنا بنحط من شان هذه المؤسسه
حضرتك لو متابع اخر اخبار الازهر صحيح كنت عرفت انهم بيحاولوا يهدموه ودول الناس الكبار فيه منعوا من انه يتبنى معاهد تانيه وعايزين يدخلوعندنا نظام التعليم الفنى
وعايزين الكليه يكون فيها معاهد
وفى الاخر يبقى احنا اللى بنحط من شانه
حضرتك لو شفت عدد الطلبه اللى بيروحوا يعملوا تظلمات بعد نتيجتهم مبتظر دول بيدخلهم فى اليوم الواحد ولا حوالى 5 مليون جنيه
ولا بيبنولنا كليات ولازفت قد ايه لما بنت حضرتك تبقى فى مكان يبعد عن كليتها حوالى اربع خمس محافظات وتتشحطط
يللا كل واحد منه لله
السلام عليكمياترى لو فيه حد عايز يهدم بيتنا نديله الفاس بايدينا يهدم بيها
اعتقد اانا من المفروض مانساعدوش وندافع عنه حتى لو بالكلمه الكويسه

[moha9]

الازهر كان منارة الاسلام ايام الشيخ جاد الحق الله يرحمه بس دلوقتي افضل حاجه بتدرس فيه القران وبس اما الباقي بقت من تاليف شخنا الطنطاوي ونادرا لمل تستفاد منها واوحش حاجه في الازهر بجد الغش وده بجد اللي عنيت منه في الامتحانات السنة دي لما كنت بشوف اللي معاي في الجنة بيغشوا بجدارة ومبطلعوش الا لمل يحلوا المتحان كله وكمان اللي يغيظ مش الغش كان بين الطلبه وبعضهم لأءه ده كان فيه مدرسات بيغششوا ولما كنت باعترض كانوا اللي معايا في اللجنة والمدرسات بيزعلوا من اعتراضي واكني انا اللي ظالمة
بس انا بجد والله عانيت السنه دي من المتحنات اوي كل يوم امتحان مش زي الثانويه العامه قبل امتحان التاريخ 10 ايام وعلم النفس كذلك علي الرغم من ان هم عندهم 5 مواد بس
وفي الاخر نتظلم في المجاميع بس مش هقول غير حسبي الله ونعم الوكيل

[she7ata]

انا مش زعلان عشان بابا دخلنى الازهر اصلا هو فى ايه فى الازهر حلو عشان ندخلو غير القران الكريم والمواد الشرعيه وهو اصلا التعليم فى الازهر يعنى تيييييييييييييييييييييييييييييييييييييييييييت
وانا انشاء الله فى المستقبل ابنى او بنتى هدخلهم الازهر

[دو رى مى]

هل احسست يوما انك قد ظلمت من ابويك لدخولك الازهر و لم يدخلوك العام

ابدا
بالعكس

انا اشكرهم من كل قلبى انهم ادخلانى الازهر

وفعلا لو لم اكن ازهرية لوددت ان اكون ازهرية

[أحمد بهدر]

رب اغفر لقومي فإنهم لا يعلمون

[زوزو المصرية]

لالالالالالالالالالالالالالا

انا ضدد كل اللي اسأو في كلامهم


الازهر حاجة جميلة اوي بتتعلم دينك علي اصولة وممكن تعرف حاجات غيرك مش عارفها


انا صحيح ازهرية واعرف الكتير اوي عن ديني ودة علشان المناهج وشح المدرسين والمدرسات


كمان دة مديني مكانة كبيرة في اسرتي واخويا الوحيد اللي في عام بيبصلي علي اني ملاك في البيت


وكمان اقاربنا كلنا بيحترموني كتير



وبعدين مش كفاية انك شايل كلام ربنا


مش عارفة انتو لية تفكركو سلبي اواي كدة


هوه في حد يطول انة اختة او بنته او خطبته او مراتة تكون ازهرية

انا افخر من كوني طالبة ازهرية


ربنا يهديكو







تحياتي

زوزو الطالبة الازهرية