هو ده يامصر00 حالك ؟؟!!

[Tawfeek Yahia]

السكون لف المـدينه
والعيون باكية وحزينة
والدموع ع الخد زينة
هو ده00 يامصر حالك
النهار00سواده حالك

فين زمانك؟!
فين زمانّا؟!
فين يمينك؟ّ!
فين شمالنا؟!
فين عملنا؟!
فين أملنا؟!

فاكرة يوم ماكنتى رافعة لىّ إيدى
يوم ما كان الكل يسأل00 إيه تريدى
والندا على كل مصرى00"انتَ سيدى"

إيه بيحصل00بصّىِ شوفىِ
ياكسوفك00ياكسوفى
انطفت كل المشاعل
غرقوكى فى المشاغل
كل ده 00وبفعل فاعل
اه ياخوفك00اه ياخوفى

مشيوا هُمّا 00وانت واقفة فى الطريق
عَدّوا بحر00 وانتِ فى شَطّك غريق

كل هُمّك 00واهتمامك
فى المعادى 00فى الزمالك
ناسية شعبك اللى شالك
فينها دلتا00فين صعيدك
فين عريشك00فين رشيدك
فين قناتك000بورسعيدك
فين مكانهم 00فين فى بالك؟
كل أرضك 00مشتقالك

كنت فاعل00صرتىِ مفعولاً بهِ
والكلام فى الامر ده00 ماينتهىِ

قومى يلاّ00ده المياه فى البحر راكدة
والنفوس فى العيشة زاهده
ولاّ عاجبك 00
تبقىِ بس يعنى شاهدة

قُومىِ يلاّ00الآذان عمّال يـأّذّن
قُومىِ صُلّىِ0دا نت والله شئ يُحَزّن

قُومىِ يلاّ 00وياغراب بلاش تِقَوّق
وياقابيل00هَدّىِ نفسك00بس رَوّق
دا الحياة لسه فيها شئ يشـَـوّق

شكــــــــــــــــرا جزيـــــلا

[بندق__2007]

حلوة اوى القصيدة دى بجد

عبرت عن اللى جوه مصر كلها

ميرسى بجد على الكلام الجامد ده

[ีundertaker_2000]

قصيده جامده جدا

تسلم ايدك

[Tawfeek Yahia]

شكرا علي مروركم العطر