|
الجامعات الخاصة والمعاهد جميع الجامعات والمعاهد الخاصة |
![]() |
|
أدوات الموضوع | انواع عرض الموضوع |
|
#1
|
|||
|
|||
![]()
انا كطالب فى معهد العاشر ومن خلال دراستى فى المعهد اقدر اقلوكم على كل حاجة بالتفصيل الممل . بس انت فضيلي نفسك كدة
![]() أولا : نظام الدراسة بالمعهد اللى هو نظام الساعات المعتمدة : الحقيقة النظام ده المفروض انو بيخلى الطالب حر نفسه ومتحكم فى كل حاجة يعنى 1- هوة اللى بيختار المواد اللى هيخدها 2- وهوة اللى بيختار الدكاترة 3- وهوة اللى بيختار مواعيد المحاضرات وايام الاجازة 4- وكمان بعد الميدترم لو جاب درجة وحشة ولقى نفسه مش هيقدر يكمل فى المادة او مش عجبه الدكتور او اي حاجة ممكن (يسحبها) والسحب معناه ان الطالب كأنه مسجلش المادة ولا خد فيهها حاجة ومش هتتحسبله فى التقدير (GPA) . كل اللى فات ده جميل اوى صح .. انا عن نفسي لما سمعت الكلام ده قبل دخول معبد العاشر كنت فرحان اوى ان النظام ده موجود عندنا وانا اللى هختار كل حاجة براااحتى ![]() لكن للأسف والندم الشديد .. الواقع مغاير تماما لكل المميزات المذكورة بالأعلى باستثناء رقم 4 ![]() هتقولى طب ازاي مش ده نظام امريكى واوروبي وبلا بلا بلا .... ؟! اقولك انا بقى اللى فيها : أولا : التسجيل فى بداية كل ترم هناك ما يعرف باسم التسجيل وما ادراك ما التسجيل ... التسجيل عبارة عن عمل جدول لنفسك تختار فيه المواد اللى عايز تدرسها والدكتور ومعاد المحاضرة وكل الكلام الجميل اللى قلناه فوق ده . وبيتم عن طريق النت او بطريقة يدوية (ورق) .. التسجيل عن طريق النت بيتم من خلال سيرفر غريب وعجيب الشكل ! تحس انه من ايام كمبيوتر الصخرة ![]() ![]() ![]() ![]() ![]() ![]() وبعد انتهاء فترة التسجيل وضياع اول اسبوع او اسبوعين من الدراسة فى التسجيل .. ندخل بقى على مرحلة الدراسة نفسها . مرحلة الدراسة 1- عدد المواد اللى بتخدها فى الترم الواحد حوالى 8 مواد او اكتر كمان . 2- مبتبقاش ملاحق بقى امتحانات طول الترم تقريبا من كويزات لميدترمات لشيتات .... 3- امتحانات الميدترم عندنا بتبقى وسط الدراسة عادى يعنى المحاضرات مش بتقف لالا بتدرس عادى خالص وتمتحن امتحان المادة فى المحاضرة بتعتها . يعنى مثلا : انت جدولك اليومى العادى عندك يوم الحد المحاضرة الاولى رياضة والتانية فيزيا والتالة انتاج .. وجت امتحانات الميدترم وامتحان الانتاج يوم الحد .. يبقى انت هتروح تاخد محاضرة رياضة وبعدين فيزيا وبعدين تروح تمتحن ميدترم الانتاج فى المحاضرة التالتة ![]() 4- ممكن يبقى عندك 2 او 3 ميدترم فى يوم واحد وحصلت معايا والله . 5- نظام الدرجات عندنا كل مادة 100 درجة متقسمين كالاتى : 30 ميدترم 30 اعمال سنة ودول فى ايد الدكتور بشكل كامل. و40 فينال . وده هنتكلم عليه فى الاخر . 6- عندنا مواد ثقافية وادارية وتجارية بالهبل ده غير بقى الــ8 كورسات بتوع التربية الرياضية (الألعاب) اللى مش موجودين فى اي حتة فى العالم ودول اجبارى وفيهم نظرى وعملى وميدترم وفينال وكل حاجة .. والله مبهزر الكلام ده بجد . وفيه ناس بتشيل المواد دى . 7- السحب بقى دى الحاجة الوحيدة اللى المعهد بيعملها صح لانه بيستفيد منها ماديا لأنك فى اول الترم بتدفع المصاريف بتاعة 20 يونت ولو سحبت مادة مبتخدش فلوسها ولا حاجة وهتضطر تسجلها تانى وتدفع فلوسها تانى وممكن السحب الكتير يأخرك فى التخرج فهتشرف بقى فى المعهد كام سنة زيادة كدة . فتلاقى المعهد بيفتح السحب لمدة اسبوع وبعدين يقفله وبعدين يفتحه تانى لمدة يومين ![]() ![]() 8- الفينال بقى : طبعا جدول الفينال مش بيبقى موحد عالكل لأن كل واحد مسجل مواد غير التانى فبتبقى الدنيا عك فى عك وتلاقى عندك 2 او 3 فينال في يوم واحد زي الميدترم (انا مرة كان جدولى فيه اربع مواد فى يومين ورا بعض يعني كل يوم مادتين ومادتين تقال ) والجديد فى الفينال بقى انك ممكن يبقى عندك مادتين فى نفس الوقت بالظبط ![]() ![]() 9- ضغط نفسي وعصبي طول الترم . 10- عندنا ترم تالت ![]() انا كدة خلصت معلش طولت عليكو بس انا حبيت احكى عن كل حاجة بالتفصيل الممل عشان لو حد هيخش يبقى عارف هوة داخل على ايه ولو حد عنده اي استفسار انا تحت امره .. وربنا يوفق الجميع . |
![]() |
العلامات المرجعية |
|
|