|
||||||
| أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية ) |
 |
|
|
أدوات الموضوع | انواع عرض الموضوع |
|
#1
28-10-2016, 01:51 PM
|
||||
|
||||
مؤتمر الشباب ( بدون تعصب ) ..
مؤتمر الشباب ( بدون تعصب ) .. بالضبط يوم : 11 / 10 / 2016 يعني من اسبوعين وشوية .. ظهر "موقع انترنت حكومي" اسمه ( المؤتمر الوطني الأول للشباب ) بشعار " ابدع انطلق " مصحوب بصفحة عالفيس بوك وتويتر .. وكلهم بيدعوا الشباب المصري لتسجيل بياناته لاختيارهم ضمن المشاركين في سلسلة ندوات يرأسها السيسي بنفسه .. ومعاه عدد كبير من المسئولين لسماع مقترحات الشباب دول .. الموقع : http://bit.ly/2eghOCP صفحة فيس بوك : http://bit.ly/2egjgVS صفحة تويتر : http://bit.ly/2eggPmt بعكس فتي وهتي غالب اللي حضروا من الشباب .. وهو انهم حضروا بناءا على دعوة مفاجئة لهم من رئاسة الجمهورية رأسا .. لكن اللي حصل انهم سجلوا بياناتهم كاملة عالموقع .. وفيه جزء في الموقع دحلاب كده وهو ( مقترحات حضرتك ايه ) .. وده اللي هيظهر قد ايه الشاب ده طينته خصبة لتأييد رئيسه .. وانتوا عارفين طبعا هيكتب في الخانة دي ايه .. بس للامانة فيه اللي دعوهم بشكل مباشر من الشباب الاشد تأييدا للنظام الحالي .. او الشباب اللي لهم مغزى من حضورهم .. ده بوست اعلان التسجيل عالفيس بوك .. وشوفوا التعليقات عليه شكلها ازاي : http://bit.ly/2egpe9j كان العدد المرصود للمؤتمر هو فقط 2000 شاب ( العدد لسه موجود عالموقع ) .. مع عدد صغير من المسئولين واعضاء مجلس الشعب .. لكن مع دخول عدد من اصحاب الفنادق بشرم الشيخ للمشاركة في تحمل نفقات المؤتمر واستضافته كممولين وداعمين وعددهم 12 رجل اعمال .. فأصبح عدد المدعوين في اللمون .. مرجع الداعمين والممولين : http://bit.ly/2egkvEM خدوا عندكم 3200 شاب .. اعتذر منهم عدد 150 شاب من اللي اتقدملهم دعوة مباشرة .. ابرزهم شباب ( حزب التيار الديموقراطي ) .. اضافة الى حضور 100 مسئول حكومي .. 300 شخصية عامة .. 143 عضو مجلس شعب .. 350 صحفي .. 42 رحلة طيران .. ده غير التأمين بالحرس الجمهوري .. بالاضافة لوحدات الصاعقة والفرق 777 و 999 .. وطائرات الهليكوبتر .. اضافة الى 100 طن سكر من الدولة للفنادق المشاركة بالمؤتمر حسب جريدة البورصة المصرية .. مرجع الاعداد : http://bit.ly/2egohho http://bit.ly/2eglLYp مرجع رحلات الطيران : http://bit.ly/2eglogs مرجع خطة التأمين : http://bit.ly/2egpJ37 مرجع السكر : http://bit.ly/2egsBgh ابتدى المؤتمر بالقران الكريم .. واللي الكمبيوتر زرجن ومرضيش يقرا على رأي السيسي .. فتم تجاهل الفقرة دي وانتقلوا للي بعدها وسط ضحكات الحاضرين على لفظ ( الكمبيوتر مزرجن .. وهاهاها وتصفيق ) فيديو الزرجنة : http://bit.ly/2eglRPN كالعادة الرئيس قال كلمة عفوية اجتهادية ارتجالية من غير ورقة .. فطبعا الصحافة العالمية نقلت نص كلماته القوية المؤثرة وامثلته الجهنمية اللي دايما ميصدقهاش اهطل مخلوق في الكون لشدة كذبها .. واللي بيحتار فيها مؤيدينه لتبريرها .. اعظمهم دي .. ( السي ان ان : السيسي .. 10 سنين تلاجتي مفيهاش غير المية وبس !! ) http://cnn.it/2egrZaG وده رد اعلام الرئيس عليها .. http://bit.ly/2egp3ec المذيع مش لاقي كلام يقوله .. فبيهلفط !! .. ده غير المارثون اللي الرئيس كان فاكر ان هيشارك فيه الـ 3000 شاب ويبعتوا رسالة سلام للعالم من مصر .. لكن مشاركش فيه الا العشرات .. http://bit.ly/2egtTbn للانصاف جلسات المؤتمر اتكلمت في معظم مشكلات مصر سياسية اقتصادية اجتماعية وازاماتية .. وفيه شوية حاجات حلوة اتكلموا عنها ابرزهم الاتي : 1 - الوعد بتعديل قانون التظاهر حسب عمل لجنة من الحكومة .. http://bit.ly/2egu5r4 2 - الوعد بفحص ملفات الشباب المحبوسين والمعتقلين على ذمة قضايا .. واعادة النظر في قوائم السجناء من الشباب .. http://bit.ly/2egpuFp 3 - مقترح لتعيين مساعدين لنواب البرلمان من الشباب .. http://bit.ly/2egswt9 4 - حرية التعبير لبعض الشباب في المؤتمر زي "اميرة العادلي" اللي قالت ( الشباب خايف يعبر عن رأية .. وشباب تاني أصحاب رأي في السجون ) http://bit.ly/2egqut7 5 - إنشاء مركز وطني لتأهيل الكوادر الشبابية سياسيا واجتماعا.. http://bit.ly/2egu5Y3 6 - عقد لقاء شهري للشباب مع الرئاسة لمتابعة تنفيذ توصيات المؤتمر .. http://bit.ly/2egujhR وبرضه المؤتمر لم يخلوا من حاجات سيئة حصلت فيه ابرزهم الاتي : 1 – عبارات نفاق وتملق فوق العادة لكتير من الحضور .. ابرزهم الاتي : * النائب / مصطفى الجندي : امي بتدعيلك ياسيسي .. إنتوا كبارنا واللي ملوش كبير يشتري له كبير .. http://bit.ly/2egvjmj * نفاق الصحفي / ابراهيم الجارحي للرئيس على قفا الاعلامي / ابراهيم عيسى .. فشدو سوا .. http://bit.ly/2egvCNU * الصحفي / مكرم محمد أحمد وكلامه ان مصر افضل دولة عربية في حرية الصحافة .. http://bit.ly/2egsSjk 2 – بالرغم من وجود عدد كبير من الشباب والمسئولين لكن هم مجرد اعداد عالكراسي .. لان اللي تم اختيارهم للمنصة هم الاشد ولاءا للرئيس فقط .. وشوفوا الاحصائية الاخيرة لعدد المشاركين للجلسات ومقارنتهم بالعدد الكلي تعرفوا .. http://bit.ly/2eguxpn 3 – تهميش شباب مدينة شرم الشيخ نفسها واللي اغلبهم بيشتغلوا في السياحة ومحدش سمع لهم مقترحات ولا قدمولهم دعوات .. http://bit.ly/2egw7Yj 4 – تم تصنيف الشباب الحاضرين من اكثر من مؤيد للنظام على انهم ليسوا شباب مصر الحقيقين .. وانما تم اختيارهم بعناية فائقة ليقابلوا السيسي ومسئولينه .. ابرز المصنفين هو الاعلامي / مفيد فوزي حسب مصادره .. http://bit.ly/2eguOIR 5 - المؤتمر ظهر شديد الشبه بمؤتمرات جمال مبارك مع الشباب .. واللي سماهم بعد كده ( جمعية جيل المستقبل ) وكانوا شباب لا يمتوا للشباب المصري المطحون بصلة .. http://bit.ly/2egvjTj 6 – المؤتمر اتكلف تكاليف مهولة حتى مع دعم رجال الاعمال له .. فبعض التقارير الاجنبية قالت انه اتكلف 3.5 مليون دولار نظرا للتأمين العالي والتنظيم الكبير والبذخ المبالغ فيه .. http://bit.ly/2egxOoE أما لو عايزين التقييم العام للمؤتمر .. فالمؤتمر ده عبارة عن مكلمة حنجورية لدولة من دول العالم الثالث .. فالعدد الكبير اساسا لم يشارك في كل ما قيل الا بالتصفيق والتهليل .. فالعدد ده مكنش له لزمة الا لاظهار صورة وهمية لاحتواء الرئيس لكل شباب مصر وطبعا ده محصلش .. فالشباب تم اختيارهم ممن قدموا او ممن تمت دعوتهم بناءا على عدم معارضتهم للسيسي .. وتم اختيار عدد صغير منهم للحديث وهم الطائفة الاشد تأييدا وتهليلا .. مرجع الوقوف على اسباب الاختيار .. http://bit.ly/2ehwim6 اما في دول العالم الاول وعند الناس اللي بتفهم بيبقى عن طريق انتخاب شباب من مختلف فئات الشعب والمعارضة منهم طبعا .. زي رؤساء اتحاد الطلبة بالجامعات وشباب النقابات والاحزاب السياسية والكتاب والمبدعين واصحاب الرأي منهم .. وبيقعدوا مع الرئيس المحترم في جلسة غير علنية .. وفيه واحد بيدون ملاحظاتاهم عشان ميبقاش كلام في الهوا .. وبيصوتوا كلهم عالمقترحات اخر الجلسة .. وبتترفع للجهات المعنية للتنفيذ .. او للبرلمان لاخد المشورة الدستورية والقانوية .. مرجع اجتماع اوباما بالشباب في البيت الابيض ( ركزو على اوبااما قاعد فين .. واقروا اسماء الشباب تحت اولهم مين .. واترشحوا بناءا عن ايه ) .. http://bit.ly/2ehstNE أخيرا .. بالبلدي المؤتمر بتاعنا هو الحالة الرسمية من ( مولد سيدي العريان ) واللي هيقلع اكتر فيه هو اللي هيعجب سيده العريان اكتر .. ده غير ان المؤتمر بيظهر الصورة الكاملة للجملة الخالدة لمؤيدي السيسي ( احنا شعب ، وانتو شعب ) .. ولا عزاء للشعب الآخر . منقول
__________________
|
|
#2
28-10-2016, 02:02 PM
|
||||
|
||||
كل الشكر و التقدير لحضرتك أستاذنا الفاضل محمد محمود بدر على طرحك هذه الموضوعات الهامة و اسمح لى بالمشاركة فى الموضوع بمقالة لنادر بكار بالأمس الحوار فى حد ذاته جيد نادر بكار شهد مؤتمر الشباب المنعقد فى شرم الشيخ بدايات جديدة يصعب تجاهلها أو الإعراض عنها إلا لمن اختار لنفسه منذ زمن خانة العداء المطلق مع النظام الحالى؛ هؤلاء وحدهم لن يبرحوا خانة التندر والسخرية من كل شاردة أو واردة تتعلق بجلسات المؤتمر أو تعليقات الرئيس أو ردود أفعال الضيوف. (الانحياز التام) أو (العداء المطلق) هما خياران استراتيجيان (Dominant Strategy) يسيطران على أصحابهما مع كل تعليق وتظهر آثارهما فى كل موقف بشكل تستحيل فيه الموضوعية ويخفت فيه صوت الاعتدال بجوار ضجيج الأصوات المتعارضة للفريقين المتحمسين أو قل المتعصبين. على قدر المتابعة الخاطفة لوقائع الحدث الضخم ــ وضخم ٌهنا تُشير إلى حجم المشاركين وتنوعهم ــ أستطيع القول إن ثمة شيئا مختلفا...على الأقل إذا ما قُورن بفعاليات سابقة كان التواصل فيها من جانب واحد لا يُسمح فيه بالأخذ والرد أو المناقشة والاعتراض... ثمة خطوة إلى الأمام وإن اختلفنا فى تقدير حجمها أو دوافعها أو توقيتها. الحوار فى حد ذاته أمر جيد، وأنا واثق من أن عددا كبيرا ممن يحيطون بالسلطة الحاكمة لم يستوعبوا ذلك بعد ومازالوا يضيقون ذرعا ًبأى حديث تُشتم فيه رائحة الانتقاد ولو من بعيد..لكن الجديد هذه المرة أن الحوار فرض نفسه.. وانضمت إليه أطياف غُيبت قسرا ًواتُهمت فى وطنيتها وشرعيتها بل وحُرضّ على التنكيل بها علانية... هؤلاء تحدثوا أمام رأس السلطة وعبروا عما سطرته من قبل أقلامهم ونطقت به ألسنتهم دون مجيب... لا يعنى ذلك وحده أن شيئا مما ذكروه أو دعوا إليه سينفذ بالشكل أو فى التوقيت الذى أرادوا... لكنه يعنى على الأقل أن تحولا فى طريقة إدارة الأزمة آخذ ٌفى التكون... وهذا فى حد ذاته ومهما قلل أنصار معسكر (العداء المطلق) من أهميته أو وصفوه بالمناورة او شابهوه بحوارات أنظمة ماضية، أقول أنه فى حد ذاته أمر ٌإيجابى. ومن المفارقات أن كثيرا من الوجوه الإعلامية القبيحة لم تظهر صورتها لا فى دور البطولة ولا حتى فى الأدوار المساندة وهى التى استمدت من سكوت النظام على انتهاكاتها طويلا نوعا من الحصانة استطالت بها ليس فقط على معارضيها أو منافسيها بل حتى على زملائها من داخل نفس الوسط... وصار رئيس التحرير فلان والمذيع علان يتبجحون علنا بعلاقات (أجهزة) الدولة بهم بعد أن كان الأمر متروكا لتكهنات الناس وتخميناتهم! هؤلاء لم يكتف رأس النظام بإهمال دعوتهم بل انتقل إلى خانة منتقديهم وإن غلف انتقاده بالإشارة إلى انتفاء سوء نيتهم... والحق أن إضرارهم بالوطن لم يعد محل نقاش.. إنما الجديد هو ما استشعره النظام الحاكم من أنهم قد أصبحوا عبئا فعليا على عاتقه. الحوار لن يخلو من فائدة مهما بلغت درجة الأزمة... هناك آراء موفقة للغاية استمع الناس لأصحابها للمرة الأولى... والجيد أن كل مسئولى الدولة تقريبا ممن يتعلق عملهم مباشرة بالملف الاقتصادى والأمنى قد استمعوا إلى هذه الأصوات جيدا.. تبقى التنقيح واستخلاص ما يمكن أن يساهم فى خطة العمل...ثم....ثم المتابعة!
|
|
#3
28-10-2016, 02:16 PM
|
||||
|
||||
|
الجانب المظلم من الشمس جزيل الشكر والتقدير علي إظهار هذا الكم من السلبيات والمصاريف والبذخ والنفاق في مؤتمر بين السيد رئيس جمهوريه مصر العربيه عبدالفتاح السيسي وبين شباب مصر .. وكأنه مش من المفروض يتم هذا اللقاء إللي كلف البلد 10 طن سكر .. وإحنا مش لاقيين 2 كيلو .. شكرا أ/ محمد بدر علي النقل المباشر .. مع إن فايده المؤتمر ده غير ماهو معلن له هدف مش هايعجب ناس كتير قوي .. *** حركات الخيانه المنتظره في 11/11 .. وأكرر لحضرتك الشكر مره أخري لبحث حضرتك المجهد في الشمس من كافه أركانها .. ولم تجد سوي نشر الجانب المظلم وفقا للرؤيه المنشوره التي تتوافق بالتأكيد مع ماتراه .. أول مره فعلا أفهم شعار المؤتمر .. إبدع .. إنطلق شكرا لحضرتك علي النشر
__________________
|
|
#4
28-10-2016, 03:03 PM
|
|||
|
|||
|
من حكاىات بلدنا اللى مش ع الخريطة
إنه كان فيه واحده زعلانه من زوجها لخلافات ماليه بين زوجها وأخيها غضبت وراحت بيت أخيها وبعد فترة عقدوا جلسة مصالحه بين الزوج وزوجته ولم يدعو فيه أخوها صاحب المشكلة فخرج هذا الأخ الأهطل فى الشارع وقعد يهلل ويزيط ويرفض هذه المصالحه فخرج له الزوج وكشف للناس عن حقيقة الخلاف بينهما فطلع الأخ حرامى ورغم إن الزوج صبر عليه احتراما للنسب ولكن الحرامى أصر على الحديث فى الشكليات رافضا الخوض فى موضوعات ستسىء له فنصحه رجل مسن وقال له تعالى على نفسك لأن هذا سيضر أختك فقال له تولع الدنيا وأنا مالى -- اللى يطلق يطلق واللى يتخرب بيته يخرب --- أنا وبس العاقل يقول - لوكانت هذه البداية بسلبياتها فعلينا أن نتمسك بها وننميها لكن الفاشل المتغاظ من التجمع هيقول - لأ نهدمها ومش عايزينها الفشلة بيمصمصوا فى شفايفهم تركوا جهود الشباب فى عرض أفكارهم وشيروا ثلاجة الرئيس فى كل العالم صحيح عالم بارده ومفيش رجا فيهم وعالم بجحة مفيش فايده فيهم رئيس حزب فى عقده السابع خرج متنكرا للأمل الذى قد يأتى بالخير على الشباب من هذا المؤتمر وصرخ -على الدولة أن تمكن الشباب -على الدولة أن تمكن الشباب والسؤال : طب انت قاعد ليه لحد النهارده على مقعدك ولم تمكن الشباب منه ؟ ولا الحزب مافيهوش شباب ولا إيه ؟ شكله مافيهوش شباب وربما كمان ولا أعضاء جاتكوا الهم ماليتوا البلد شكرا جزيلا على الموضوع
__________________
الحمد لله
|
|
#5
29-10-2016, 06:32 AM
|
||||
|
||||
|
اقتباس:
اقتباس:
شكرا على المرور
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:10 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
