شرح مفصل لمواد الفرقه الاولي

[Eslam Gomaa]

دي ا لمواد اللى هتدرسوها فى اولى ان شاء الله وتعريف بسيط لكل مادة.

1-أولا مواد طب

1- التشريح:
ANATOMY
ودى مادة بندرس فيها جسم الانسان من حيث التكوين وفيها دراسة العظام والعضلات والاعصاب خاصة وطبعا بيكون تشريح هيكلى وتشريح وظيفى .. فى الترم الاول بتكون دراسة الطرف العلوى وفى الترم التانى دراسة الطرف السفلى.

2- علم وظائف الاعضاء:
PHYSIOLOGY
دراسة أعضاء وأجهزة الجسم ووظيفة كل منها زى الجهاز الدورى والعضلى الهيكلى والتنفسى والاجهزة العصبية والغدد الصماء .

3- الكيمياء الحيوية:
BIOCHEMISTRY
دراسة العناصر الغذائية زى الكربوهيدرات والفيتامينات والدهون والبروتينات بالاضافة للأمراض اللى بتنتج عن زيادة أو نقص العناصر دى ، ودراسة بعض الامراض الحيوية زى مرض السكر....

4- علم الانسجة:
HISTOLOGY
ودى دراسة لأنسجة الجسم كالانسجة الطلائية والانسجة الضامة وغيرها بحيث نتعرف على التكوين الطبيعى للأنسجة دى ووظيفة كل منها وأنواعها وبعدها نقدر نميز بين الانسجة دى اذا كانت طبيعية أو مصابة بأمراض سرطانية مثلا.

ثانيا مواد علاج طبيعى:

1- وسائل العلاج الطبيعى:
MODALITIES

وهى بتنقسم لجزئين:
العلاج الكهربى electrotherapy
التمرينات العلاجية therapeutic exercises
ودى المادة الاساسية فى الكلية وفيها بندرس أهم الاجهزة اللى بنستخدمها فى العلاج سواء علاج مائى أو كهربى أو غيرها بالاضافة لدراسة أهم التمارين العلاجية والتدريب العملى على تطبيق التمارين دى ودراسة الاساليب المختلفة فى العلاج.

2- الميكانيكا الحيوية:
BIOMECHANICS
ودى من أهم مواد الكلية اللى من خلالها بنعرف مبادئ التحليل الحركى والتركيب الوظيفى لأعضاء الجسم زى العظام مثلا بندرس شكلها وتركيبها مع المفاصل وتكوين المفاصل نفسها وايه اللى بينتج لو حصل خلل فى التركيب دا وازاى نميز الاصابات اللى بتحصل فى الجسم من خلال الحركة بالاضافة لدراسة انواع كسور العظام وطرق تثبيتها.

3- الفيزياء الحيوية:
BIOPHYSICS
ودى مادة اضافية بالكلية وبندرس فيها تحليل القوة وميكانيكا الجسم بالاضافة الى تأثير الحرارة والبرودة وطرق استخدامها فى العلاج.

4- اللغة الانجليزية:
ENGLISH
مادة اضافية بردو بندرس فيها المصطلحات الطبية اللى بنحتاجها بالاضافة الى بعض قواعد اللغة اللى درسناها قبل كدا فى مراحل التعليم.

طبعا كل المواد دى تتبع قسم العلوم الاساسية الا مادة الميكانيكا الحيوية تتبع قسم الميكانيكا الحيوية ودول القسمين اللى هتدرسوهم خلال أولى وتانية لحد ما تدخلوا تالتة ورابعة وتدرسوا باقى الاقسام ان شاء الله

[مش لازم تعرف]

شكرا ربنا يزيدك يااااااااااااااااااااااااااااااااااارب

[DR_MOHAMED_97]

ربنا يوفقكم يا اصحابي
اسف علي التدخل

[songless_bird]

مشكور ع المعلومات

[سمسم ك.م]

شكرا جدا يا دكتر

[Eslam Gomaa]

الشكر لله يادكاترة وبالتوفيق ان شاء الله

[dr/nor pt]

رائع وجميل بجد

[د.سموره جمال]

امم كويس انا هربت من الصيدله علشان الاناتومي لقيتها في العلاج الطبيعي بردو
ربنا يستر بقي

[ماما ميا ميا]

الف مبرووووووووووووك تثبيت موضوع حضرتك للاهميه

[اسامة الباسل]

رائع وجميل بجد

[دكتور كريم الزعيقي]

رااااااااااااااااائع

[jooooo]

طباعة الكتب و المذكرات بالالوان باجود الخامات و اقل الاسعار ... ويوجد خدمة شحن لاى مكان ... يشرفنا التعاون معكم لاظهار مطبوعاتكم بارقي مستوى ... 01220140331 -- 01090706460
/