هاموت من الحيرة .... اسنان ولا طب بشرى ؟؟؟

[mariam 1]

انا مريم دفعة ثانوية 2015 الحمد الله جبت 99.4
ومحتارة بين اسنان وبشرى ....بس قبل النتيجة كنت عايزة اسنان لكن بعد كدة اهلى قالولى حرام المجموع وادخلى طب احسن
بس المشكلة انى الاول كنت علمى رياضة يعنى عمرى مافكرت فى طب .... و دلوقتى عايزة اسنان بس الناس قالتلى كليه مش حلوة مفهاش ابداع لكن طب ممكن تبدعى فيها عشان تخصصتها كتير وكمان العيادة مكلفة قوى وفى الاخر محدش هيجليك .....
فاتلخبط تانى واحتارت ومبقاش فى وقت .... باب التقديم هيقفل يوم الاربع؟
بجد لو حد يقدر يفيدنى ويقول رايه هاكون متشكرة قوى

[هاوى إبداع]

المشاركة الأصلية كتبت بواسطة mariam 1

انا مريم دفعة ثانوية 2015 الحمد الله جبت 99.4
ومحتارة بين اسنان وبشرى ....بس قبل النتيجة كنت عايزة اسنان لكن بعد كدة اهلى قالولى حرام المجموع وادخلى طب احسن
بس المشكلة انى الاول كنت علمى رياضة يعنى عمرى مافكرت فى طب .... و دلوقتى عايزة اسنان بس الناس قالتلى كليه مش حلوة مفهاش ابداع لكن طب ممكن تبدعى فيها عشان تخصصتها كتير وكمان العيادة مكلفة قوى وفى الاخر محدش هيجليك .....
فاتلخبط تانى واحتارت ومبقاش فى وقت .... باب التقديم هيقفل يوم الاربع؟
بجد لو حد يقدر يفيدنى ويقول رايه هاكون متشكرة قوى

خشي اسنان
طالما انت مكنش ف دماغك طب م الاول يبقي نصيحه بجد خشي اسنان
هتندمي لو معملتيش ال قولتلك عليه ده

[mariam 1]

المشاركة الأصلية كتبت بواسطة هاوى إبداع

خشي اسنان
طالما انت مكنش ف دماغك طب م الاول يبقي نصيحه بجد خشي اسنان
هتندمي لو معملتيش ال قولتلك عليه ده

ميرسى قوى لردك
وان شاء الله هاعمل كدة

[أحمد الحلوانى بك]

اكتبى طب عاادى ف الاول بعدين اسنااان لو خايفه باب الرغبات يتقفل وما تقلقيش لو جاتلك طب تقدرى تختارى اسنان عااادى وفكرى ف الموضوع براحتك
اما اختيارك فمن رايى تاخدى اللى انت حابه تدخليه بالنسبة لاستفساراتك العياده والدراسه مكلفه اهاا مكلفه لانهااا عملى اكتر وبتشترى ادوت بس الكلام ده كان زماان دلوقتى اصبحت الاسعار معقوله - مفيش فيها ابدااع .. اعتقد لأ انا حاليا ف تانيه وبشوف ناس متخرجه ومشهوره ف المجال ده وبتطلع شغل جميل وبتطور نفسهااا زى د.شادى م الاردن تقدرى تبحثى عليه ف الفيس وغيره كتيير - الناس مش هتجيلك .. الارزاق حاجه بتاعت رينا انا بشوف ناس متخرجه م طب ومش عارفه تعيش وبتحسد اسنان والعكس وف اى مجال تاانى زى صيدله مثلاااا - لو اختى مكانك انصحهاااا بصيدله او بطب وتخصص اطفال حاجه كده خفيفه فى حالة لو هى مش ف دماغها حاجه معينه انما لو انتى حابه حاجه معينه دى حاجه تانية بقى واعتقد اسنان مناسبه جدا لواحده مش بتفكر ف شغلهاا كحاجه رئيسيه يعنى مش هيبقى فى ورديات ليليه ف المستشفى وهتقضى وقت كبير مع اسرتك ....... ربنا يوفقك

[chalijaly]

اسنان احسن
متسمعيش كلام اهلك علشان متكرهمش

[Only Forward]

الكل بيقولك خشى اسنان خشى اسنان
ده ع اساس انه مفيش احلى منها مثلا
انا اهوه و بقولك تعالى و نروح احنا الاتنين تجاره
مش تنخضي بقولك
اختارى اللى انتى حاباه , الاتنين فيهم ابداع ع فكره
و انتى اللى هتدرسي مش اهلك ( مع كامل احترامى ليهم )
شوفي انتى حابه ايه و ادخليه
و صلي استخاره ع اى حال

[najah120]

السلام عليكم ورحمة الله وبركاته
وفقك الله واعانك وجعله في موازين اعمالك الصالحة
جزآك الله خيرآ