دندراوى الهوارى يكتب : دق إسفين بين القاهرة وباريس وراء اختفاء الطائرة المصرية ..تخريب علاقات مصر مع

[المصري أشرف]

دق إسفين بين القاهرة وباريس وراء اختفاء الطائرة المصرية ..تخريب علاقات مصر مع الدول الحليفة للقاهرة ..بدأت بدول الخليج ثم روسيا و إيطاليا وأخيرا فرنسا: دندراوي الهواري
http://www.youm7.com/story/2016/5/19...%D9%81/2724687
م مطار شارل ديجول = نحذر من فتح نيران الهجوم على فرنسا لأنه المطلوب لضرب العلاقات القوية بين باريس والقاهرة =ابحثوا وراء أسباب سقوط الطائرة الروسية وم*** ريجينى ومحاولة تشويه العلاقة بين الرياض والقاهرة.. واختفاء طائرة اليوم تكتشفوا أن الجانى واحد أهل الشر ، سواء أفراد أو تنظيمات أو جماعات أو جهات ، أو أجهزة استخبارات دول معادية، لا ينضب معين مخططاتها ضد مصر ، وإنها دائمة التحديث والتجديد والابتكار. قوى الشر ، مزيج من الداخل والخارج ، نذروا أنفسهم لاسقاط مصر ، وتشريد شعبها ، وتفكيك جيشها ، والعمل على تقويض دورها الإقليمى، بشتى الوسائل والطرق ، دون يأس أو احباط إذا فشلت خطة هنا ، أو مؤامرة هناك، فأن الجراب ممتلئ عن أخره. ومن بين أبرز قائمة المخططات ، ضرب علاقات مصر القوية مع أى دولة من الدول المهمة ذات الثقل السياسى ، والتى تربطها بالقاهرة علاقات اقتصادية وعسكرية قوية ، بدأت بالتسريبات المزعومة عن دول الخليج ، وبعدما فشلت ، روجوا لأكاذيب توتر العلاقات مع الملكة العربية السعودية ، عقب رحيل العظيم ، الملك عبدالله ، وتولى الملك سالمان ، وهو ما فندته الأيام ، وازدادت العلاقات بين القاهرة والرياض متانة وقوة وتفاهما. وبعد الدور الكبير الذى لعبته موسكو ، والدعم السياسى والعسكري والاقتصادى ، ووسط توقعات بأن مصر ستشهد موسما سياحيا استثنائيا ، فوجئنا بدق الإسفين ، بسقوط الطائرة الروسية فى سيناء ، وم*** كل من كان على متنها. أيضا وبعد الاعلان عن اكتشاف حقول غاز هى الأكبر فى المنطقة على يد شركة إيطالية (إينى) وتوقعات بأن مصر ستكون فى مصاف الدول المنتجة الكبرى للغاز، وتطور مذهل للعلاقات الاقتصادية والسياسية والعسكرية يغلفها علاقات قوية بين القاهرة وروما ، شعبيا ورسميا ، فوجئنا بإسفين م*** الشاب الايطالى (ريجينى) ، وبسرعة مذهلة تم توجيه أصابع الاتهامات للشرطة المصرية. ووجدنا مصريين من لوبى (25 يناير) ، إخوان على نشطاء على متثورين ، من نفس كتيبة زرع اليإس والاحباط ، ونثر الكراهية ، يرسلون معلومات مغلوطة وكاذبة للصحف الإيطالية ، لتوريط وزارة الداخلية فى م*** (ريجينى) ، وهى المؤامرة الحقيرة التى لم ينفذها الموساد الإسرائيلى ضد مصر. وعندما تطورت العلاقات ، ووصلت إلى أوجها بين مصر وفرنسا ، والتى تكللت بزيارة (فرانسوا اولاند) مؤخرا للقاهرة ، وحققت نجاحا مبهرا على كافة المستويات ، وعلى رأسها الجوانب الاقتصادية والعسكرية والسياسية ، وفشل محاولة دول وجهات ، وأيضا مصريين من عينة خالد على ، وجميلة إسماعيل ، وزياد بهاء الدين ، تأليب (اولاند) ضد مصر ، وتيقن الجميع أن فرنسا أصبحت شريكا فاعلا لدعم القاهرة ، فوجئنا اليوم باختفاء طائرة مصر للطيران التى انطلقت من مطار شارل ديجول بفرنسا. نعم ، نقولها وبصوت عال ، لا يمكن أن نستبعد من خلال الرصد ، والوقائع ، وربط بعضها ببعض ، بأن اختفاء الطائرة المصرية التى انطلقت من مطار فرنسى ، سواء سقطت ، او اختطفت ، بأن يكون ورائه مخططا هدفه الوحيد (دق اسفين) بين القاهرة وباريس، ولكم في الوقائع التى ذكرناها سلفا، دليل قاطع مانع. وأتمنى من المصريين أن يتصدوا بكل قوة لكتيبة الخونة والمروّجين للشائعات والمسخفين من أن الأمر ليس مؤامرة ، ومحاولة توجيه أصابع الاتهام للدولة المصرية ، أو فرنسا، لأن الهدف ضرب العلاقات القرية بين البلدين. وتأسيسا على ذلك ، نضع الأسئلة ، كيف تفسرون مؤامرة تسريبات الكذب والادعاء بأن النظام المصرى يٌهين زعماء دول الخلي ثم تتطور العلاقات بين روسيا ومصر ، فتسقط الطائرة الروسية فى سيناء ، ثم تتطور العلاقات بين مصر وإيطاليا ، وتتوسع وتتشعب لتشمل كل المجالات، فيُ*** (ريجينى)، ثم تزدهر وترتقى العلاقات بين مصر وفرنسا ، فتختفى الطائرة المصرية التى انطلقت من مطار شارل ديجول الفرنسى؟! وهل كل هذه الوقائع عادية ولا يقف خلفها أى جهة أو استخبارات او جماعات وتنظيمات؟ هل كل هذه الأحداث محض صدفة فقط؟ وهل عمليات التشويه والتأجيج الممنهج والتسفيه من الإنجازات أمرا عاديا ليس مخططا ومدروسا؟ المصيبة أن كل الأحداث الماضية ، بمجرد وقوعها ، تنصب قناة الجزيرة سيركا ، وتوجه بوصلة الاتهام إلى مصر ، ونظامها السياسى ، ما يكشف حقيقة الكراهية والحقد الدفين لدويلة قطر ، بقيادة الطفل المعجزة (تميم) لمصر ، حيث تبارت القناة القذرة والحقيرة ، منذ الاعلان عن اختفاء الطائرة المصرية صباح اليوم ، فى التحليل السمج ، والفارغ والبعيد عن ابسط قواعد العلم والمنطق ، فى محاولة حثيثة لتحميل الدولة المصرية مسئولية اختفاء الطائرة، فهل هذا أمرا عاديا أو خاليا من ابسط قواعد المؤامرة التى تقودها قطر متمثلة فى قناتها الجزيرة ؟ تسقط الطائرات فى دول العالم المختلفة ، ويصمت الجميع ، ولا ينبس بكلمة واحدة الا بعد مرور 24 ساعة ، الا فى حوادث سقوط أو اختفاء الطائرات المصرية ،أو التى تقع على أراضيها، تجد قطر ولندن وتركيا يتحدثون عن أن الدولة المصرية هى الجانى ، بسرعة مذهلة ، فى قلب مقيت للحقيقة ،دريم أنه من المعلوم بالضرورة ، أن الفحص الامني والميكانيكي للطائرة المختفية اليوم جرى في مطار شارل ديجول الدولى ، وأنها حلقت في الأجواء الدولية والإقليمية لأكثر من اربع ساعات قبل اختفائها ، وأن الاختفاء وقع في المنطقة الفاصلة بين الأجواء اليونانية والقبرصية والمصرية ، ومن ثم فإن السلطات الفرنسية واليونانية والمصرية والإيطالية تشارك في البحث عن موقع اختفاء الطائرة ، ومع ذلك قطر وقناتها يحملان مصر المسئولية . وفى النهاية نحذر الجميع ، قيادة وشعبا ، من الانسياق وراء العواطف ، وتوجيه سهامنا وفتح نيراننا صوب فرنسا ، لأنه هو المطلوب لضرب العلاقات القوية بين باريس والقاهرة ، وعلينا التريث والهدوء الشديد ، والبحث عن الحقيقة فقط ، دون تحليلات ساذجة ، أو تنظير تجارى ، أو السير وراء شائعات الاخوان والنشطاء وقطر ، وخالد دَاوُدَ وخالد تايتانك ، التى ستنشط من الآن على مواقع التواصل الاجتماعى (فيسبوك وتويتر).

---------------------------------------------------------------------------

صحفي محترم في زمن ندر فيه ال ؟؟؟؟؟؟
شكرا للأستاذ / رضا عطيه ..
فهو من قادني لمتابعه هذا الصحفي المحنرم
وكذلك الأستاذه الصحفيه / نشوي الحوفي

[أ/رضا عطيه]

من يوم ماعترف نواب فرنسا بالدولة الفلسطيتية وتبعها دول أخرى وهى متتبعه إرهابيا

وكمان تسعى الأن لعملية سلام بين الدولتين

وكمان أعلن دعمها السيسى رئيس مصر

دى جرأة لازم من يقترب منها يحاسب إرهابا وغدرا وخسة

صديقى اللى مابيصدقشى دايما

إياك تصدق إن فيه مؤامرة وصهيونية والكلام اللى بنسمعه ده

دا بس احنا بنتكلم مع نفسنا وكمان بنضجك على نفسنا فبلاش تتكلم ولاتضحك إنت

اللهم ارحم ضحايا الغدر فى كل زمان ومكان وصبر أهلهم وذويهم

وانتقم ياعزيز ياجبار من كل خوان وفاسد ومتجبر فأنت الأعلم بهم

شكرا أستاذ أشرف

[المصري أشرف]

مصر و روسـيا..مصر و إيطاليــا ...و أخيراً مصر و فرنـسا ( الدول الـ 3 الكبيرة اللي علاقتك بيهم كويسة )
.
- من شهرين تلاتة و احنا بنقول ( فرنسا عليها الدور ) .. ربنا يستر على فرنسا ، بس كانت التوقعات بحاجة مختلفة كنوع من التجديد ، يعني مش طيارة زي ماحصل مع روسيا ولا شاب يتعذب و يت*** زي ماحصل مع ايطاليا .
.
- الطيارة طلعت من مطار شال ديجول ، و بالتالي تأمينها مسئولية فرنسا ، بس فرنسا مفيهاش عيال صيع ولاد كلب هيتكلموا عن ضعف في التأمين و الظابط الفرنسي اللي كان بيلعب كاندي كراش و أمين الشرطة الفرنسي اللي بيتكرمش له 20 يورو ، ولا فيها خونه و شمامين كوله ... الصياعة و الوقاحة دي حصري عندنا احنا بس ، و أي حد عاقل و محترم بيبقى عارف إن الإرهاب و الجريمة بتسبق الجهات الأمنية بخطوة ، يعني مهما كنت مأمن مطاراتك كويس و قدرت تمنع و تحبط 10 عمليات ارهابية أكيد مش هتقدر تمنع العملية رقم 11 ... والكلام ده مش من عندي ، دي قاعدة أساسية في علم الجريمة ، مناظرة مستمرة بين قدراتك الأمنية و حجم التحدي الأمني .
.
- طب ايه حصل للطيارة المصرية اللي اختفت امبارح دي ؟ , اللي حصل بكل تأكيد عمل ارهابي من تخطيط و إخراج محور الشر ( بريطانيا - أمريكا - اسرائيل ) , و الفايدة بالنسبة لمحور الشر فايدة مركبة :
1- ضرب أكبر للسياحة في مصر.
2- عقاب لفرنسا على علاقتها بينا ..
3- ترديد اسم مصر للطيران و تكراره في أكتر من حادثة ، و بالتالي تشويه لسمعة الشركة وسمعة مصر نفسها ، و الإستمرار في لوي دراعك سياسيا و اقتصاديا .
.
- و ممكن تمتد الفايدة و تبقى رد على دعوة السيسي بسلام شامل في المنطقه بمبادرة عربية و مبادره فرنسية !! , محدش عايز سلام ( السيسي عارف على فكره ) .. اسرائيل و حماس مش عايزين سلام ( ولا أمريكا ) .. هما مبسوطين كده .. مرتاحين كده .. سلام حقيقي يعني قيام دولة فلسطينيه ، يعني قفل حنفية و ( سبوبة ) النضال على حركة حماس ... يعني مايبقاش فيه على حدودك عصابة ارهابية بتحكم قطاع ... يعني مايبقاش فيه أنفاق ، و بالتالي ماتبقاش فيه ماسورة مفتوحة لتوريد الإرهابيين والسلاح و المخدرات .
.
- الحقيقة إن اللي مايشوفش من الغربال يبقى أعمى ... حد يخطف رجليه بقى لغاية فيينا ، هيلاقي راجل أقرع قاعد هناك جنب البيسين ، يضربه خمسين جزمة على دماغ امه و يقوله احنا بقالنا 5 سنين منقوعين في برميل مؤامرة ، وانت كده تبقى حاجة من اتنين مفيش غيرهم ... إما إنك أغبى مخلوق على وجه الأرض ، أو أكتر واحد خاين لبلده ..
فيديو 27ثانية للرئيس السيسي يلخص كل مايحدث ومن مفتعلها ركز واعرف ان سوريا والعراق وليبيا واليمن سقطت والدور علي مصر فوقوا يامصريين
========== lمنقول من الفيسبوك ==========

عرفت بقي ياأستاذ رضا .. إني مصدق إنها مؤامره
المشكله إن النغمه السايده حالا .. أم الرشراش ( ميناء إيلات ) مصريه وإحنا عايزينها بقي
حد له حاجه عندنا .. بذمتك ياراجل يابتاع الدراسات الإجتماعيه .. بعد حرب الإستنزاف
حد سمع .. مجرد السمع عن أم الرشراش .. ولا هي حاجه كده زي الإنفلونزا
بعيد عنا .. وعن السامعين .. ناس وطنيين .. والنعمه زي مابقول لك

[الفيلسوف]

ربنا يرحم مصر ممن يريدون لها السوء
السؤال ... هو لسه فى حد مش شايف ان فى مؤامرة ؟؟؟!!

[المصري أشرف]

المشاركة الأصلية كتبت بواسطة الفيلسوف

ربنا يرحم مصر ممن يريدون لها السوء
السؤال ... هو لسه فى حد مش شايف ان فى مؤامرة ؟؟؟!!

===========================

الدنيا كلها بتصبح تشوف هاتعمل إيه في خطط تنميه ولا تخفيف
عبء عن كاهل المواطن.. لكن إحنا بنصبح نقول يارب إسترها
من إللي منتظرنا .. علي الصبح .. فعلا دي مش مؤامرة
شرفت الموضوع بمرورك .. مستر / الفيلسوف

[المصري أشرف]

رسالة إلى الرئيس
الإعلامي / فؤاد أبوهميلة
=======================
دولتنا كانت تابع ليهم ومتقدرش تاخد قرار إلا بعد الرجوع ليهم دلوقتي بتاخد قرارك من دماغك ....تفتكر ده هيفرحهم
كنت بتستورد منهم قمح علشان تاكل دلوقتي بقيت تزرعه علشان تأكل نفسك ...تفتكر ده هيفرحهم
أفشلت مخططهم اللي كان بيهدف لتقسيم بلدك وتمزيقها زي ماحصل لجيرانك .....تفتكر ده هيفرحهم
- بتشتري سلاح وتحدث جيشك وبتعمل تحالفات علشان تحارب إرهابهم .....تفتكر ده هيفرحهم
- بدأت تبني وتعمر وتصلح المكسور والخربان وتعمل تنمية علشان تحقق الخير لبلدك ....تفتكر ده هيفرحهم
- هترجع تاني تدور على حلول لقضايا المنطقة وتقود الدفة تاتي زي زمان .....تفتكر ده هيفرحهم
- حاولوا يلووا دراعك في أكتر من موقف ويركعوك ويخلوك بلا موقف أو هوية وأنت لم تستسلم ولم تركع ....تفتكر ده هيفرحهم- إنها "المؤامرة " ياسادة اللي بتتريقوا علينا لما بنقول إن البلد بتتعرض لمؤامرة من الداخل والخارج ، أمريكا عايزة مصر دايما تكون تابع ودولة أليفة ومستأنسة و بتسمع الكلام ، ضربولك الطيارة الروسية علشان علاقتك القوية بالروس ، ***ولك الشاب الإيطالي علشان يضربوا علاقتك بالطليان ، بيمولوا جمعيات بتقود الفوضى في البلد ،،، ودي مش هتكون أخر حادثة يحاولوا يكسروك بيها ، بس أنت مكمل ولسة الطريق طويل والناس مكملين معاك للأخر ولو هنموت كلنا ...#‏مصر_مابتخافش
منقول من الفيسبوك

[أ/رضا عطيه]

عرفت بقي ياأستاذ رضا .. إني مصدق إنها مؤامره
المشكله إن النغمه السايده حالا .. أم الرشراش ( ميناء إيلات ) مصريه وإحنا عايزينها بقي
حد له حاجه عندنا .. بذمتك ياراجل يابتاع الدراسات الإجتماعيه .. بعد حرب الإستنزاف
حد سمع .. مجرد السمع عن أم الرشراش .. ولا هي حاجه كده زي الإنفلونزا
بعيد عنا .. وعن السامعين .. ناس وطنيين .. والنعمه زي مابقول لك

[/quote]




وأنا عرف إنك مصدق والدليل أنك مش معتصم لا فى نقابة أبوريشة ولا فى حزب من مخلفات الحرب

حزب يدعى الناصرية ولم يرى النور إلا حين تحالفوا مع كارهى ناصر والستينات وما أدراك مالستينات

ربنا ينجينا من تفاهة الفكر الذى يحول الإنسان لمخلوق يهوى السقوط والخراب ويكره البناء والعمار

شكرا أستاذنا ----

وجزاكم الله خيرا