أسئلة وائل غنيم تفضح المعارضين.. ويؤكد: مراجعة مواقفنا أهم من السخرية http://www.youm7.com/story/20

[العشرى1020]

طرح الناشط السياسى وائل غنيم، عده تساؤلات على حسابه الرسمى على موقع التواصل الاجتماعى فيس بوك، أهمها "هل اتعلمنا من أخطاء الماضى اللى وقعنا فيها؟"، داعياً المعارضين للدولة بمراجعة مواقفهم وتوجهاتهم وأفعالهم، مؤكدًا أن ذلك أهم من السخرية اليومية من أفعال السلطة. ووجه انتقادات حادة لمعارضى الدولة، حيث قال: "لحد النهاردة معارضى السلطة الحالية بيتخانقوا مع بعض خناقات غير مفيدة عن مواقف الماضى، مش الأولى إننا نحاول نوصل لصيغة تفاهم جديدة نقدر نبنى عليها شكل للمستقبل؟، فيه خلاف حقيقى على شكل الدولة بين التيارات المختلفة والخلاف ده أنتج صراع صفرى بين الجميع، والكل شايف أن بقاؤه قائم على التخلص من معارضيه". وتساءل: "هل ممكن نركز جهودنا فى الحوار عن شكل المستقبل قبل تصفية حسابات الماضي؟، هل ممكن أن ننقذ السفينة قبل غرقها بنا جميعاً، ثم بعد أن نصل لبر الأمان نتحاسب؟". وتابع: "هناك غياب حقيقى لرؤية تجمع المطالبين بالديمقراطية والحرية تجاه عمل منظم يبقى ليه دور مؤثر فى تصحيح المسار، وبدل من الشغل طويل المدى اكتفينا بدور المعلق الساخر على الأحداث، بنتفاعل عاطفيًا تجاه قضية معينة يومين تلاتة وبعدين نتوجه لقضية جديدة، ومع الوقت بيتحول ده لدورنا اللى ارتضيناه لنفسنا المنتصر دائما فى أى معركة هو صاحب النفس الأطول، وإحنا للأسف نفسنا حاليا قصير جدًا". واستطرد: "محتاجين نرتب أولوياتنا، ولو عايزين الناس تسمعنا وتثق فينا فلازم نهتم بقضاياهم العادلة ونبقى صوتهم اللى بيعبر عن مطالبهم، والأهم إننا لازم نفكر بشكل براجماتى فى مكاسب ومخاطر كل حراك بنعمله. وواجب الوقت حاليا فى رأيى هو إننا نحافظ على حرية كل واحد فينا من غير تعريض الشباب لخطر السجن نتيجة لتفاعل عاطفى مع أحداث بتحصل". وواصل حديثه: "محتاجين نتخلص من الصورة النمطية اللى كنا متخيلينها قبل ثورة يناير للنظام، اللى بتحاول تختصر المسألة فى وجود أشرار حرامية ودمويين بيحاربوا ناس طيبين، الواقع المصرى أعقد بكتير من رؤى الخير والشر، واللى بنسميه نظام هو فى حقيقة الأمر مش كتلة واحدة لكن النظام الحالى هو نتاج تعقيدات سياسية واقتصادية واجتماعية بين مجموعات مختلفة بينها أهداف مشتركة وبينها برضه مصالح متعارضة، مضيفا لازم الأول نحاول نفهم الواقع كما هو بتعقيداته وحقائقه عشان نعرف نتعامل معاه بشكل صحيح". واختتم منشوره قائلًا: "أعتقد القائمة دى ممكن تبقى أطول من كده وأتمنى إنها تفتح باب لمزيد من النقاش المفيد، وأتمنى تكون الفكرة وصلت وهى أن مراجعة مواقفنا وتوجهاتنا وأفعالنا أهم بكتير من السخرية اليومية من أفعال السلطة".

http://www.youm7.com/story/2016/5/14

[العشرى1020]

أكد الناشط السياسى وائل غنيم، أنه لم يطالب بإسقاط مرسى بل بضرورة إجراء انتخابات رئاسية مبكرة إنقاذا للديمقراطية، على غرار ما قامت به تونس، لافتا إلى أن الفرق كبير بين الأمرين، وأنه إذا عادت الأيام للوراء كان الإخوان المسلمين نفسهم سيتخذون هذا القرار. وواصل وائل غنيم إجاباته على أسئلة متابعيه عبر موقع "public.me"، كاشفا بأنه قبل 30 يونيو بأسبوع اتصل بأحد مستشارى مرسى بعد انقطاع دام لشهور منذ وقوع أحداث الاتحادية والإعلان غير الدستورى، وقال له إن الغضب الشعبى تجاوز ما قد يمكن تداركه والحل الأفضل هو عمل استفتاء شعبى لقياس شعبية مرسى، "وهو ما فعلته حركة النهضة بتونس"، إلا أن رد الإخوان للأسف كان رفض المساس بالشرعية وأن دونها الدماء وأنهم مستعدون لبذل نفوسهم فداء لرئيسهم حتى لو مات عشرين أو ثلاثين ألف مواطن، وأخبرنى أن 30 يونيو سيكون يوما عاديا ولن يخرج فيه سوى بضعة آلاف سيعودون بعدها لمنازلهم. وتابع غنيم أنه قرر بعد اتصاله بالمستشار تسجيل فيديو للضغط على مرسى وطالبه بانتخابات رئاسية مبكرة، وهو مطلب طبيعى من شخص ليس لديه سلطة يحاول الحفاظ على الديمقراطية وحماية البلد من فتنة قادمة، وبالطبع تحول هذا الفيديو فى نظر الإخوان ومؤيديهم لفيديو دعم لحركة تمرد. وردا على اتهام القارئ لغنيم بالسذاجة فى مطالبته بإسقاط مرسى، قال غنيم إن الجميع كانوا وما زالوا على قدر كبير من السذاجة، مضيفا: "وبالفعل لا يمكن أن أنكر أننى كنت على هذا القدر من السذاجة منذ 11 فبراير 2011"، متسائلا: "السؤال المهم هو: هل تعلمنا شيئا؟".

[العشرى1020]

بعد ما خربتها إنت والخونة اللى زيك ......لو عاوزين بجد البلد دى تتقدم ونبقى زى الدولة المتقدمة لازم نوضح للشعب ونعرفهم الحسابات البنكية الخاصة بغنيم ومن على شاكلته وكل حركة 6 إبريل وكفاية والجمعية الوطنية للتغيير وكل الإعلاميين والصحفيين وكل النخبة ..........عاوزين نعرف لكل دول الحسابات البنكية ليهم قبل 25 يناير 2011 وبعد 25 يناير 2011.............ومعرفة قيمة المبالغ اللى إتحولتلهم لخراب البلد كفيل وحده بإعدامهم أو سجنهم أو على الأقل إزاحتهم من المشهد السياسى بشكل تام....

[العشرى1020]

قال الناشط السياسى، وائل غنيم، إنه قرر عدم التقدم للحصول على الجنسية الأمريكية رغم زواجه من أمريكية منذ عام 2001، لأنه يحب بلده وأراد إجبار نفسه على الارتباط بها وربط مصيره بأرضها، مؤكدًا أنه حتى الآن لا يملك أى جنسية أخرى سوى جنسيته المصرية. وتابع غنيم خلاله رده على سؤال وجهه له أحد رواد موقع "public.me"، الخاص بتفاعل النشطاء مع متابعيهم عبر الأسئلة التى يقومون بدورهم بالإجابة عليها، أنه تم توجيه هذا السؤال له بمقر أمن الدولة عام 2007، حيث تم استدعاؤه لكثرة سفره دبى بسبب طبيعة عمله قائلاً: "أى حد عنده ملف فى أمن الدولة بيسافر كتير لازم يعملوا عنه تحريات ويستجوبوه". واسترجع غنيم مع متابعيه ذكرى استدعائه بأمن الدولة، زاعماً: "يوم ما سألنى العقيد رأفت الجوهرى (ده غالبا اسمه الحركي) فى مباحث أمن الدولة فى جابر بن حيان (الدقي): ليه مبقتش أمريكانى وهاجرت"، قلتله رد بسيط اختصر علاقتى بمصر: "أنا بأحب البلد دى ومتعلق بيها ورغم معرفتى إن ده مش منطقى عند ناس كتير، بس أنا حابب أعيش فى مصر وأموت فى أرضها". وبعدين قلتله بنبرة ضاحكة: "شوف مثلا حاجة فى البلد دى مش هتلاقيها فى بلد تانية إنك ممكن تصحى الصبح رايح على شغلك تلاقى عقيد أمن دولة بيتصل بيك عشان عايز يشرب معاك قهوة، فى أمن الدولة الساعة 11 بالليل، قل لى كده بلد تانية بيحصل فيها ده؟..هو قعد يضحك، بس أنا معرفش كان بيضحك على سخريتى ولا على مقولة إنى بحب البلد وعايز أموت فيها".

[العشرى1020]

أبوس إيدك خذها وبلاش موضوع الربط ده خلي البلد تستقر ونعوض ما فات وخليها تتطهر منك ومن على شاكلتك