مساعدة ضروري مستقبل مجهول

[Dr.Ranyaa]

بالنسبة للناس اللي زي حالاتي اول سنة في كلية طب اسنان عايزين نحدد اهدافنا بس انا مش عارفه ايه المجالات المتاحة غير اني افتح عيادة ياريت تفهمونا يعني التعيين في الجامعه بيبقا بناء عن ايه وايه مميزاته وعيوبه واقدر احضر ماجستير من امتى والدكتوراه وايه التخصصات اللي ممكن اشتغلها عادي واللي لازم ماجستير وبالنسبه للتكليف ايه ظروفه وبقدر احضر فيه الماجستير وانا لما بتعين في الجامعه ببقا معيده امتي بيبقا اسمي دكتوره في الجامعه وايه اللي ممكن اعمله تاني غير الماجستير والدكتوراه ؟ وبالنسبه للنقابة ايه فايدتها ياريت حد يفهمني لان المستقبل بالنسبه لي مجهول

[mostvip]

السلام عليكم و رحمه الله و بركاته

المستقبل ان شاء الله كله خير يا دكتوره لانه بيد الله سبحانه و تعالي
اما بالنسبه للعياده فهي طبعا الأختيار الأفضل للشغل بلليل.
اما شغل وزاره الصحه فاغلب الناس بتشتغله لانه الفرصه الوحيده للشغل الصبح لان العيادات الصبح تقريبا مبتشتغلش.
بس طبعا لو فيه تعين في الجامعه " بيكون بالمجموع التراكمي" او في عياده تبع شركه فطبعا بيكون احسن.

او البديل التاني و هو السفر و الطبيبات عامه مطلوبين في الخليج و بخاصه السعوديه.

اما بالنسبه للماجستير فأظن ان أخر لائحه بتقول بعد سنتين من الأمتياز.

اما الفروع اللي ممكن تشتغليها بدون دراسات عليا فهي كل الفروع عدا التقويم لانه مبيتدرس اصلا في الكليه
بس فيه ناس بتاخد فيه كورسات و بتشتغله بعد كده.

اما بالنسبه للنقابه , فنقابه اطباء الأسنان نقابه مهنيه يعني مينفعش حد يشتغل طبيب اسنان في مصر منغير تصريح النقابه. فحضرتك بعد التخرج و الأمتياز بتروحي النقابه و بتاخدي التصريح.

أرجو اني اكون وفقت في الرد علي حضرتك و اي استفسار تاني تحت امرك.