حـــياة أو مـــوت........هام

[ashraf15115]

السلام عليكم ورحمة الله وبركاتة

انا طالب خلصت 3 ثانوى الحمد لله والمفروض انى محتار بين طب اسنان وصيدلة هدخلهم خاص ومحتار جدا لدرجة الجنون

حابب مجال الاسنان لانو ارقى اجتماعيا بس راتب الطبيب التكليف بيبقى قليل حوالى الف وشوية ودا مش كويس للمعيشة وعلشان اعمل عيادة محتاج كام سنة عقبال ما تشتشهر وقصة

وصيدلة بالنسبالى اقل اسنان بس مربح ماديا فانا محتار جدا كل كلية فيها عيب وميزة بالنسبالى ارجو الرد لانى لازم ارد بكرة

[Only Forward]

صل استخاره و انت تعرف
كل مجال فيه الكويس و الوحش
انت بقي شوف قدراتك متماشيه مع ايه !!
سيبك من مجال الربح ده ... صحيح مهم بس لما تتميز في مجالك ,ده ملهوش علاقه بالسن او الزمن
لو بتحب الشغل العملى و تشتغل بايدك كتير و غيره .. ادخل اسنان
بتحب كميا عضويه و فروعها .. ادخل صيدله
ادخل حاجه انت حاببها عشان مش تتعب قدام و تضظر لا قدر الله تسيبها زى ما بيحصل مع ناس
فكر كويس لان ده مستقبل العمر كله