|
#1
15-09-2015, 12:13 AM
|
|||
|
|||
سااااااعدوني بالله عليكم محتااار
السلام عليكم يا شباب انا باذن الله طالب طب وعندي شوية اسالة مش لاقي جوابها 1- هل اخد باكلوريوس الطب من مصر ولا من المانيا افضل 2- الطب في مصر كام سنة بالضبط 3- امتا اقدر افتح عيادة خاصة 4- هل الجيش اجباري 3 سنين 5- ايه هوا التكليف اللي بعد الطب وبيكون كام سنه وهل هوا اجباري 6- ايه الفرق بين الزمالة والماجستير وايه الافضل ماديا وعلميا ياريت اللي يعرف جواب اي سؤال من دول ما يبخلش عليا ولكم جزيل الشكر مقدما 
|
|
#2
15-09-2015, 09:30 AM
|
||||
|
||||
|
اقتباس:
1 / في مضمون الدراسة المانيا احسن كنت قريت على موقع من مواقع الجامعات الالمانية انهم قللوا الدراسة النظرية من التلتين الى الربع !! و عموما مادام في ارادة سياسية تاخدك لقدام ثق انك هتتقدم ان شاء الله لكن دة ان كان موجود في المانيا بشدة فهو مش موجود تقريبا " اطلاقا " في مصر.. :\ لكن اللي بيقعد في مصر بيقعد لاسباب اولا ماديات 1 لانك بتحتاج حوالي 8 الاف يورو حساب مغلق . 2 مصاريف المعيشة شهريا 600 يورو 3 الكتب الدراسية 250 يورو في الترم . دي المصاريف الاساسية فلو عندك استعداد ماديا تتحملها تبقى مشكلة و اتحلت .. تاني مشكلة هي اللغة انت لازم تتعلمها هنا و هتحتاج تكمل هناك في معهد لغة لحد ما تتقنها و دة بيتكلف برضه .. ثالثا في سنة تمهيدية في المانيا اسمها studienkolleg بتتنطق شتودن كوليج .. الغرض منها تأهيلك للحياة الجامعية و دي ممكن تعفى منها لو انت اخدت سنة في كلية في مصر .. رابع مشكلة هي الاهل و انك تسيبهم و تعيش لوحدك او انك تبقى من جواك هتقدر تستحمل تعيش في بلد مش مسلم يعني مثلا يوم الجمعة انت بتبقى وراك كلية و ممكن تنسي ان في صلاة النهاردة .. و امور زي المحافظة على الدين . دي صورة اوضح شوية عن موضوع الدراسة في المانيا و انت بايدك تختار .. فلو على مضمون الدراسة هناك احسن بمرااحل . بس لو حطينا العقبات دي في الاعتبار ممكن الطالب يضطر انه يكمل في مصر ... بس في حاجة انا شايف ان ملهاش لزمة و هي انك في مصر بتدرس طب بالانجليزي و في المانيا بالالماني .. انا مش شايفها مشكلة يعني سهل انك تعرف المصطلح اسمه ايه بالانجليزي لان اللغتين شبه بعض . 2 - الطب في مصر 6 سنوات دراسية ( 3 مواد اكاديمية و 3 مواد اكلينيكية ) و سنة تدريب " سنة الامتياز " المجموع 7 سنين ... بس لما اقولك تدريب متعليش سقف طموحاتك اوي لانك في الاخر ممكن تلاقي نفسك مجرد بتخدم على المستشفى و بتروح تجيب اكياس دم و اشعة و تقارير " ابعتلي كام واحد امتياز من عندك " .. و ممكن تسلك نفسك و تتصاحب على دكاترة تخليهم يعلموك زي كل حاجة في مصرر انت و شطارتك . الطب في المانيا لو شلنا سنة studienkolleg فهيبقى 5 سنين ( سنتين مواد اكاديمية و 3 سنين مواد اكلينيكية ) بالاضافة ل 3 شهور تقريبا لازم تقضيهم في شغل التمريض و انت في اول سنتين -تقريبا عشان تحس بالمرضى او كدة - و 4 شهور انت بتوزعهم كشغل تدريب في 4 اقسام في المستشفى انت بتختارهم ) و سنة تدريب المجموع 6 سنين . 3 - امتى تقدر تفتح عيادة ؟ قانونا بما انك معاك بكالريوس طب من حقك تفتح عيادة من اول ما تتخرج لو عايز ... لكن عشان تاخد وقتك في التدريب و تبقى دكتور كويس و تقدر تنافس و الناس تجيلك و يبقى عندك حاجة تقدمهالهم فانت اقله محتاج تخلص ماجستير عشان تبقى وصلت لدرجة كويسة من الاختصاص يعني 5 سنين بعد الكلية كدة . 4 - الجيش معظم الدكاترة بيبقى 3 سنين يعني يبقوا بتوع طب واقفين كدة يقوموا قايلينلهم "كلكم ظباط " .. ممكن تدخل عسكري سنة واحدة انت و حظك او لو معاك- واسطة ^~^ -في ناس بتنزل من ظابط لعسكري ... في حالة تانية ........ لو انت هتتعين في الجامعة بتدخل عسكري سنة واحدة امر منتهي . 5 - التكليف " الطبيب يشكر مجتمعه " هو المفروض سنة عمل كاملة " لا تحتسب الاجازات " بتقضيها بتشكر مجتمعك انه خلاك دكتور في احدي الوحدات الصحية كدكتور ممارس عام بتاع كله بتكشف على كل الاعمار و كل حاجة .. طب هم ليه بيقولوا انه سنتين ؟ السبب انه على ما الاجراءات بتتم و تظهر نتيجة " النيابات " يعني المستشفى اللي انت هتروح تتعلم فيها تخصصك .. على ما تظهر نتيجية النيابات بيكونوا اتاخروا سنة .. في طريقة لاختصار فترة التكليف ؟ في لكن انا دوختك مش مهم دلوقتي لكن ممكن . 6 - ايه الفرق بين الزمالة و الماجستير ... بص اجابة السؤال ده معقدة شوية فحاول تركز معايا : اولا الماجستير : هو درجة علمية زي البكالريوس يفرق عن الزمالة هي مش درجة علمية هي " شهادة مهنية " و هقولك الفرق بينهم حالا .. عموما الماجستير هو عبارة عن مرحلتين فرست و سكند بتذاكر فيهم مواد و بتمتحن عليها .. مواد تخصصك اكاديمية و اكلينيكية يعني مثلا لو انت بتعمل ماجستير جراحة بتدرس تاني تشريح المرئ مثلا و الفسيولوجي و انواع الجراحات اللي فيه و هكذا .. و انت مطالب فيه تعمل رسالة .. بحث علمي .. و بتناقشه و كدة انت كملت الماجستير .. بس لو تلاحظ هنا مجبناش سيرة الشغل خالص كل كلامنا دراسة و مذاكرة .. طبعا انت اثناء الماجستير بتشتغل في تخصصك في مستشفي معينة و لما بتخلصه بتترقى اخصائي .. لكن الماجستير لا ينضوي على ممارسة .. يعني مش بيقيم انت اشتغلت ولا لا او بتعرف تعمل الحاجة دي او لا .. الزمالة .. و خلينا نكون اكثر تحديدا " الزمالة المصرية " هي شهادة مهنية يعني ايه يعني الفيصل فيها انت اشتغلت العملية دي ولا لا و عملتها كام مرة و كدة .. طبعا فيها جزء نظري لكن انت المفروض درست الحجات دي في الكلية يا دوب ترجعلها الاهم دلوقتي انك تدخل في الممارسة العملية " الاكلينيكية " و تبقى دكتور شاطر مش مجرد معاك معلومات .. فانت بيبقى ليك حاجة اسمها " لوج بوك " مكتوب فيه الحجات اللي المفروض تعملها لحد ما تخلص الزمالة يعني تشارك في عدد كذا عملية .. تعمل اجراء معين عدد من المرات .. و بيبقى ليه مدة مثلا 4 سنين كل سنة بتتدرج في مهاراتك لحد ما تخلص و تبقى معاك الزمالة المصرية و هو دة مفهوم الزمالة العام و المعروف في العالم ... في حاجة تانية اسمها " الزمالة البريطانية " : و دي انا مش عارف سموها كدة ليه تحس انهم كانوا مش لاقيين اسم .. او اي حاجة نسميها ايه يلا نسميها زمالة و خلاص .. الزمالة البريطانية خليني اقولك مثلا : امتحان صعب . دة في رايي مفهوم بسيط . امتحان صعب لازم تذاكرله جامد اوي و تعود طريقة تفكيرك تبقى محددة ومرنة و كل اللي عملوها بيقولوا قد ايه هي بتعلي فكرك كدكتور و ممتعة في دراستها لان دراستها عبارة عن حل اسئلة و تفكير و كدة .. بس برضه لا تنضوي على ممارسة .. المفروض ان الزمالة البريطانية اللي بنعملها في مصر دي الجزء النظري في جزء عملي المفروض تروح انجلترا تكمله و تتدرب هناك عشان تبقى معاك زمالة + شهادة التدريب لكن اعتقد الموضوع مبقاش سهل انك تروح تقريبا محتاج اقامة في انجلترا او ***ية .. مبقاش الموضوع سهل زي الاول . لكن لحد انك امتحنت الامتحان الصعب انت معاك الزمالة البريطانية لكن بدون تدريب ايه الافضل علميا و ماديا ؟ ... علميا .. الموضوع قدامك واضح ده هتاخد منه معلومات و ده هتتعلم تشتغل في كلا الحالتين في علم سواء عن طريق المذاكرة او عن طريق الممارسة يعني بتاع الزمالة بيذاكر و بيقرا و بتاع الماجستير بيشتغل .. بس عشان اريحك العالم كله مفيهوش حاجة اسمها ماجستير لحاجة اكلينيكية زي الجراحة و الباطنة فيهم زمالة بس اما الماجستير و الدكتوراة دول في المواد الاكاديمية المختبرية زي " الكيمياء الحيوية - الفسيولوجي " و كدة اما العالم عارف انك كدكتور محتاج تشتغل و تشتغل و تشتغل بس. ماديا : لو كعيادة انت و شطارتك و معاملتك مع الناس و مكان عيادتك و انت بقالك قد ايه مش هتفرق اوي سواء زمالة او ماجستير في عوامل تانية بتحدد . لكن لو على مستوى دول الخليج مثلا .. فهم بدأوا يفهموا الموضوع و على كلام ناس كبيرة انهم بدأوا يفضلوا الزمالة المصرية على الماجستير و الزمالة البريطانية بقوا بيطلبوا الجزء التدريبي بتاعها لانه عارف انها شهادة بدون ممارسة . و الله اعلم .. معلش اجاباتي طويلة و متشعبة لكن انا حبيت اديلك نهاية اللي انا عرفته لاني دورت في الحجات دي قبل كدة .. و الحجات دي صح ان شاء الله لحد وقتنا ده 2015 يمكن لما تتخرج تكون حجات اتغيرت و تبقى الاجابات دي عتيقة ؟ الله اعلم .
|
|
#3
15-09-2015, 01:04 PM
|
||||
|
||||
|
عاااااااااااااااااااااا مصطفى سبقنى
بس حلوة اجابات الدكتور مصطفى وأظن أنه كفى ووفى وعموما أنا هرد برده باختصار 1-البكالريوس :من وجهة نظرى المتواضعة من ألمانيا أفضل ليييه؟ لأن ألمانيا أحد الدول المعترف بشهادتها الطبية وغير أنك هتتعلم كويس انما مصر (التعليم الطبى المصرى قول عليه يارحمن يارحيم ) بس د مصطفى لفت النظر الى حاجات مهمة لازم تحطها فى عين الاعتبار بس من رايى دى فرصة متتعوضش (ألمانيا وش) 2-الطب فى مصر فعليا 8سنين وليس سبعة ازاى؟ بس ياسيدى 3سنين اكاديمى 4سنين اكلينكال (لحظة لحظة ) مش هما رابعة وخامسة وساتة يبقى بقوا اربعة ازاى؟ أنا هأقولك : سنة خامسة مش سنة طبيعية دى سنة ونصف حضرتك وسنة ساتة نفس النظام ومفيش بينهم أجازة يبقى المجموع سبعة وأضف سنة الامتياز يبقى كاااام؟ 8 حلو الكلام 3-تقدر تفتح عيادة أخصائى بعد ماتكون أخصائى يعنى لما تاخد الماجستير أو زمالةى يعنى 5سنين على الأقل بعد المحروقة (احم احم ...قصدى المحروسة) 4-بدون واسطة أو تعيين فى الجامعة الاجابة هى نعم 5-التكليف : شغل اجبارى فى وزارة الكحة (احم احم.....الصحة) فى الوحدات الصحية فى القرى ده للى الخرجين العاديين (مش للى اتعينوا فى الجامعة ) بتشتغل دكتور ربيع (بتاع كله ) أقل مدة 6 شهور وأقصاها سنتين 6- الفرق بين الماجستير والزمالة صراحةى كتيييييير وأنا صراحة مكسل غير أن مصطفى جاب لك من الأخر وصعب تحديد مين الأفضل على أى حال (على حسب ) مثلا ماجستير جامعة ألمانية ولا جامعة القاهرة ؟ زمالة مصرية ولا أجنبية ؟ كدة يعنى
__________________
|
|
#4
15-09-2015, 08:50 PM
|
||||
|
||||
|
الدكاتره ردوا عليك بزياده كمان واجابوا باسلوب سلس ومفهوم جدا
بس انا عندي تعليق ع نقطه د مصطفي كتبها وهي اقتباس:
__________________
تذكروني بدعوة 
|
|
#5
15-09-2015, 09:13 PM
|
||||
|
||||
|
http://www.ems.org.eg/hospitals
الجزء اللي بيقول "إذا كان الطبيب ممارس عام يكتب على اللافتة والروشتة "ممارس عام" أو "بكالوريوس طب وجراحة" و لا يسمح بكتابة (باطني – أطفال). " --- http://www.ems.org.eg/emsadmin/uploa...ادة%20خاصة.jpg و البند اللي في الصورة اللي بيقول " صورة شهادة الاخصائي الصادرة من النقابة (اذا كان الطبيب اخصائي) " . دة من موقع النقابة بس لو عندك معلومة اقوي ان الموضوع مينفعش قولنا و انا هعدل الكلمة. و الله اعلم .
|
|
#6
15-09-2015, 10:19 PM
|
|||
|
|||
|
اقتباس:
لاكن من رأيك لو أدت الشهادة البكالوريوس من ألمانيا في الشغل هتكون مفضلة ومرغوبه مثلا عن الشهادة المصرية وهل الماجستير والزماله المصرية تفرق عن اللي من أوروبا أو أمريكا
|
|
#7
15-09-2015, 10:21 PM
|
|||
|
|||
|
اقتباس:
|
|
#8
16-09-2015, 03:56 PM
|
||||
|
||||
|
اقتباس:
بص مش هكدب عليك أى حاجة من برة أحسن مليون مرة من هنا يعنى لو زمالة بريطانية أحسن من مصرية فى رأيى لو ماجستير من جامعة أمريكية مثلا أحسن من جامعة مصرية أنا من وجهة نظرى الماجستير أحسن ليه؟ لأنك فيها بتهتم بالجانبين أحسن من الزمالة (الجانب العملى والنظرى ) فأنت بتذاكر النظرى وبتشتغل على العملى وتتدرب وتاخد مرتب (على حسب مكان شغلك) أما الزمالة ففلوسها كتير وطريقها متعب وطويل غير انه فى مصر بتتاخد على أنها حاجة ثانوية يعنى مثلا دكتور فى جامعة حب يزود الcv بتاعه وكدة أما السؤال التانى فى موضوع أنك بتاخد مرتب أثناء الزمالة فده صراحة معرفوش
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:32 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
