حساب مرتبات الإدارييبن والعمال بالشرح والتفصيل

[haniameen]

بمناسبة عيد الفطر المبارك يهدي إليكم أخيكم هاني الأقصري
استمارات حساب مرتبات يوليو 2015 للإداريين والعمال لمرتبات يوليو 2015 مع الشرح والتطبيق العملي نظرا لكثرة اللغط حول حساب المرتبات وارتباك الوحدات الحسابية في الإدارات ومحرري الماهيات :
يحتوي الملف على ثلاث استمارات
1 - استمارة رقم واحد وهي تختص بحساب الحافز التعويضي وجملة المستحقات عن شهر يونيو 30/6 / 2015 ( أهميتها في الحصول على جملة المستحقات لحساب الأجر الوظيفي وحساب الحافز التعويض ) ( نموذج عملي )
2 - استمارة رقم 2 نموذج عملي لحساب مرتب إداري يجب تطبيقة مرة واثنين قبل حساب مرتبك حتى تتمكن من حساب مرتبك بسهولة
3 - استمارة رقم 3 فارغة لحساب مرتبك الخاص بنفس الخطوات التي تم تطبيقها على استمارة رقم 2
ملحوظة يجب حساب الحافز التعويضي والمستحقات في استمارة رقم واحد كما حسبتها كالمثال الموجود فيها بس على الأساسي الخاص بك وعلاواتك الخاصة والحد الأدنى الخاص بك

[wmgcee]

شكرا لحضرتك جزاءاك الله كل خير .. بس ممكن توضح اكثر طريقة حساب الدمغة النسبية لانها محسوبة بطريقة غريبة شويه غير المعتاده

[إسماعيل حامد]

جهدكم مشكووووور

[إسماعيل حامد]

بارك الله في مجهوداتكم

[إسماعيل حامد]

يا ترى أخبار منهج اللغة العربية الجديد لللصف الرابع 2015- 2016 ايه

[haniameen]

المشاركة الأصلية كتبت بواسطة wmgcee

شكرا لحضرتك جزاءاك الله كل خير .. بس ممكن توضح اكثر طريقة حساب الدمغة النسبية لانها محسوبة بطريقة غريبة شويه غير المعتاده

حساب الدمغة = (الاساسي - 50 - 50٪ من الاساسي ) * حد الشريحة من الاعفاء كما هو مبين في استمارة 1 الخاصة بحافز التعويض
يعني لو الاساسي 550 يبقى الدمغة = 550 -50-55= 445 وده الوعاء النسبي يقع في شريحة 6.5/1000
اذن الدمغة 445* 0,0065= 2,89 تقرب لاقرب خمس قروش فتساوي 2,90
ارجو ان اكون قد اوضحت المطلوب

[wmgcee]

المشاركة الأصلية كتبت بواسطة haniameen

حساب الدمغة = (الاساسي - 50 - 50٪ من الاساسي ) * حد الشريحة من الاعفاء كما هو مبين في استمارة 1 الخاصة بحافز التعويض
يعني لو الاساسي 550 يبقى الدمغة = 550 -50-55= 445 وده الوعاء النسبي يقع في شريحة 6.5/1000
اذن الدمغة 445* 0,0065= 2,89 تقرب لاقرب خمس قروش فتساوي 2,90
ارجو ان اكون قد اوضحت المطلوب

مش الدمغة المفترض تتحسب كدا اجمالى الدخل الشهرى مظروحا منه التامينات و الشريحة المعفاءة 50 ج ثم نضرب فى الشريحة ..

[haniameen]

المشاركة الأصلية كتبت بواسطة wmgcee

مش الدمغة المفترض تتحسب كدا اجمالى الدخل الشهرى مظروحا منه التامينات و الشريحة المعفاءة 50 ج ثم نضرب فى الشريحة ..

لا كده دخلت في حاجة تاني اسميها ضريبة الدخل اللي = اجمالي الاجر -1000 -( اجمالي حصة الموظف من المزيا التامينية اللي هي 18,5٪ من الاساسي و 10 ٪ من الاجر المتغير) - الدمغة النسبية -الخدمات التعليمية - اي نقابات اخرى زي الرعاية 5٪ ونقابات زراعيين او تجاريين او شراء مدة الناتج بقى اسمه الوعاء الضريبي نضربه في 10٪
يعني الدمغة من الاساسي
والضريبة من اجمالي الاجر

[wmgcee]

شكرا لحضرتك جزاءاك الله كل خير بس معلش سؤال ايه المقصود بالبدل النقدى

[احمد بغدادي]

شكرا لحضرتك جزاءاك الله كل خير بس معلش سؤال لماذا لاتعمل برنامج اكسل يوضح ذلك والكل يستفيد ويجعلة فى ميزان حسناتك

[haniameen]

المشاركة الأصلية كتبت بواسطة wmgcee

شكرا لحضرتك جزاءاك الله كل خير بس معلش سؤال ايه المقصود بالبدل النقدى

البدل النقدي خاص بمحافظات الصعيد فقط تذاكر السفر بالسكة الحديد كل موظف له ثلاث تذاكر كل شهر لو كانت كاملة بتساوي 412,5 جنيه للكن محافظات بحري ليس لهم بدل نقدي

[haniameen]

المشاركة الأصلية كتبت بواسطة احمد بغدادي

شكرا لحضرتك جزاءاك الله كل خير بس معلش سؤال لماذا لاتعمل برنامج اكسل يوضح ذلك والكل يستفيد ويجعلة فى ميزان حسناتك

انا فعلا عامل برنامج اكسل بس ما ينفعش انزله دلوقتي. لان برنامج الاكسل بيحسب اتوماتك لكن حبيت الاخوة يفهموا ازاي بيتحسب على الورق ودي جات ازاي ودي جات ازاي عشان لو بتناقش محرر الماهيات تبقى عارف وفاهم كل حاجة اللي ليك واللي عليك

[abdullsttar]

كيفية حساب الضريبة الموحدة
وشكراً لتعاونكم

[wmgcee]

المشاركة الأصلية كتبت بواسطة haniameen

البدل النقدي خاص بمحافظات الصعيد فقط تذاكر السفر بالسكة الحديد كل موظف له ثلاث تذاكر كل شهر لو كانت كاملة بتساوي 412,5 جنيه للكن محافظات بحري ليس لهم بدل نقدي

تمام الف شكر لحضرتك معلش استفسار اخر عند حساب العلاوة التعويضية على مرتب 30/6 مبالغ الحصص التامينية وفقا لقانون 18 بتكون هى نفس مبالغ الحصص التامينية وفقا لقانون 47 وبالتالى فالعلاوة التعويضية بتكون فرق ضرائب ودمغات فقط يا ريت لو كنت غلطان تصححلى ولك جزيل الشكر

[haniameen]

المشاركة الأصلية كتبت بواسطة wmgcee

تمام الف شكر لحضرتك معلش استفسار اخر عند حساب العلاوة التعويضية على مرتب 30/6 مبالغ الحصص التامينية وفقا لقانون 18 بتكون هى نفس مبالغ الحصص التامينية وفقا لقانون 47 وبالتالى فالعلاوة التعويضية بتكون فرق ضرائب ودمغات فقط يا ريت لو كنت غلطان تصححلى ولك جزيل الشكر

لا انت بتتكلم صح وكلامك سليم مية في المية
الحافز التعويضي هو الفرق بين اجمالي الموظف من ضرائب ودمغات في القانونين كما في استمارة واحد والمزايا التأمينية في قانون 18 هي نفسها في قانون 78