الشلل الدماغى و العلاج الطبيعى Cerebral Palsy

[DPT-Blue Phoenix]

‫ " الشلل الدماغى "


ايه هو الشلل الدماغى ؟! ايه اسبابه ؟! انواعه ؟! اعراضه ؟! طرق علاجه ؟!



--- ‫#‏الشلل_الدماغى_ايه_هو‬ ؟!


اولا اسم الشلل الدماغى دا مش دقيق اوى احسن اننا نقول عليه ضمور المخ و دا معناه ايه برده ؟!
كلمة ضمور خلايا المخ اى موتها و تلفها و انتقالها الى اللاعودة اى ان تلك الخلايا لن تصبح قادرة على الاستجابة لاى انواع العلاج لانها اصبحت غير موجودة اصلا و على العموم اسم الشلل الدماغى دا هو اسم عام وشامل للنتائج المترتبة عن خلل او ضرر في دماغ في طور النمو الشلل الدماغي بيسبب درجات مختلفة من الاضطرابات في قدرات الطفل الحركية وفي ادائه و الاضطرابات الحسية (في الحواس)
زى الصمم والعمى و انخفاض مستوى الذكاء واضطرابات في عمل الاعضاء المختلفة في الجسم.
الخلل دا في الدماغ ممكن يحصل خلال فترة الحمل او خلال عملية الولادة او خلال فترة ما بعد الولادة حتى سن 5 سنوات ..
و الضمور او خلل الدماغ دا بيستمر مدى الحياة كلها لكن تاثيراته الجسدية بتتغير مع النمو.
نسبة انتشاره حوالى 1/400 (اي: واحدة من بين كل 400 ولادة لمولود حي).




--- ‫#‏أسبابه‬ :-

- 86 % من الحالات تعتبر خلقية أو فطرية وموجودة منذ الولادة ، و 14 % فقط تحدث بعد الولادة .

- ممكن الاصابة تتم بعد الولادة بفترة طويلة و اسمه الشلل الدماغى المكتسب و بيكون بسبب :-

1- الصدمات الجامدة على الدماج او الحوادث
2 - انك تفقد الأكسجين لفترة طويلة متعرفش تتنفس زى الغرق مثلا
3- التهابات او أورام خبيثة فى المخ
-- تلخيص الأسباب بوجه عام :-
1- الولادة المتعسرة
2- فى بعض الأسباب بتكون يعنى نقول عدم توافق مثلا بين بعض العوامل الى عند الأم و الجنين
3- إصابة الأم الحامل بالسكر Diabetes
4- الولادة المبكرة
5- الولادة المتكررة
6- نقص الأكسجين في مرحلة ما قبل الولادة أو أثنائها
7- إصابة الأم الحامل بالأمراض كالحصبة الألمانية ، والتهابات السحايا والزهري و غيرها
8- سوء التغذية وسوء الوضع الصحي للأم الحامل .
9- كبر أو صغر سن الأم أثناء فترة الحمل .
10- تسمم الحمل
11- تعرض الأم الحامل للأشعة وتناول العقاقير دون إستشارة الطبيب .
12- تعرض الأم الحامل إلى المواد الكيماوية السامة
13- تعرض الطفل للحوادث أو إصابات الرأس أو الأورام والأمراض الخبيثة
14بعض الإضطرابات الوراثية
15- تسمم الطفل ببعض المواد الكيماوية أو إستنشاق الغازات السامة


--- ‫#‏انواعه‬ :-


-- لو قسمنا حسب ‫#‏مكان_الاصابة_او_تشريحيا‬ يعنى هنلاقى :-


1- الشلل الرباعيQuadriplegia: الشلل في الأطراف الأربعة
2- الشلل الشقي أو الفالج Hemiplegia : الشلل في نصف الجسم
3- الشلل النصفي Paraplegia : في الأطراف السفلية
4- الشلل الثلاثي Triplegia : الشلل في ثلاثة أطراف
5- شلل أحادي الطرف Monoplegia : الشلل في طرف واحد فقط
6- الشلل النصفي الطرفي المزدوج Diaplegia : الشلل في الأطراف الأربعة بس في الأطراف السفلى بيكون أكتر وضوح من العليا


-- ‫#‏حسب_الأعراض_الى_بتظهر‬ ممكن نقسمه ل 4 انواع :-


1- الشلل الدماغي التشنجي (Spastic): الشكل الاكثر انتشارا للمرض.
عبارة عن توتر شديد في العضلات بيترتب عنه خطر انخلاع المفاصل و تشوه العظام و الجنـف (Scoliosis) وتشوه كفتي القدمين وكفي اليدين ..
2- الشلل الدماغي المكنوع (Athetoid): بيكون عبارة عن حركة لاارادية مستمرة في الاطراف واضطراب في تنفيذ حركات ارادية (مقصودة) بتسبب احيانا صعوبة في المشي ..
3- الشلل الدماغي الرنحي او اللاارادى (Ataxia): الشكل الاقل انتشارا و بيتمثل في انعدام التوازن وعدم السيطرة على الحركات في و الاطفال الى عندهم النوع دا بيمشوا بحركات غير منتظمة كدا و مش مظبطة و بيقعوا كتير ..
4- ممكن يكون بيجمع بين اكتر من مجموعة اعراض من الى فاتت فيكون Mixed ..




--- ‫#‏عظمة_ربنا_فى_خلق_جسم_الانسان‬ و الليونة او المرونة العصبية Synaptic Plasticity :-


-- ‫#‏للتشبيه‬ لو افترضنا ان شخص مثلا اتبرع لواحد بكليته الكلية التانية بتكبر و تتضخم عشان تعمل عمل الكليتين مع بعض هو اه مش زى الطبيعى بس بتقدر تشيل الحمل لواحدها نفس الكلام لو واحد اتبرع بفص من كبده و لو شخص ملا عنده خلل فى عضلة فى الجسم تلاقيه عمل حركة تعويضية كدا عشان يقدر يتغلب على المشكلة الى عنده الجسم فعلا حاجة عظيمة سبحان الله ..


-- ‫#‏المخ‬ بقى لو انت مثلا متعود انك تكتب بايدك اليمين بيكون مركز الكتابة فى نصف المخ الأيسر .. دلوقت ممكن انت تتعلم انك تكتب بايدك التانية لو عملنالك مثلا جلسات كهربائية عشان تدربك على الحركة ؟! الاجابة لا مفيش حاجة فى النيا هتعلمك الا لو اتدربت و جربت بنفسك المخ فيه خلايا زى احتياطى كدا ممكن تكون تشابكات عصبية جديدة و تتخصص و تقوم بوظيفة معينة و هو دا الى بنعمله اننا بندربك من الأول خالص و بنستعمل التنبيه الكهربى و غيره كحاجات مساعدة و يعنى ساعات يقولك حاجات زى ال Biofeedback بتساعد ان الشخص يتحكم فى نفسه اكتر ..


- اكتر فترة ممكن نحسن فيها من امراض الشلل الدماغى دى فى المراحل الأولى و الطفل لسه صغير لان فى الفترة دى بيبقى لسه بيتعلم و خلايا مخه قابلة للتشكل و التخصص بدرجة كبيرة جدا ..




--- ‫#‏العلاج_الطبيعى_دوره‬ ؟!


-- ‫#‏أولا_التقييم‬ :-


1-تقييم مستوى التوترالعضلي
2- تقييم الأنماط الحركية وردود الفعل التوازنية
3- تقييم القدرات الجسدية ومن ثم التعامل معها لتحسين الوضع الجسمي والقدرات الحركية الكبرى
4- إستعادة مجال حركة المفصل والإحتفاظ به من خلال الحركة والتمرين
5- تقييم طول العضلة و إنجاز تمرينات التمدد وحركة الألياف الطرية لتعزيز العضلة
6- تنفيذ التقويم الخاص بقوة الحركة
7- تقييم التوازن والتدريب على الجلوس والوقوف والمشي
8- إعطاء التمرينات الخاصة بهدف زيادة القوة و التحمل و التنسيق لمجموعة محددة من العضلات او الجسم كله
9- تقدير إحتياج الطفل للأجهزة المساعدة


-- ‫#‏ثانيا_العلاج‬ :-

1- تحسّين قدرات الحركات الضخمة (الجلوس - الوقوف - المشي - الحبو - التقلب......الخ)
2- تحسّين قدرات الحركات الدقيقة ( حركة اليدين)
3- تنبيه مهارات الوصول للأطراف العلوية
4- تقوية العضلات الخاصة بمهارات الوصول الخاصة بالأطراف العلوية
5- تدريب وإعادة تدريب الجهاز العصبي المركزي Neural plasticity
6- .زيادة التحكم في النغمة العضلية في الاتجاه الطبيعي من خلال Neural plasticity
7- تحسّين وضعية الجسم لأقرب ما يمكن إلى الطبيعي.
8- الوصول إلى القدرة الوظيفية القصوى لدى المريض.
9- يعيد الوظيفة الفسيولوجية الطبيعية للمفاصل.
10- يعيد الوظيفة الفسيولوجية الطبيعية للعضلات.
11- يعيد الوظيفة الفسيولوجية الطبيعية للعظام.
12- يقلل الحساسية المفرطة للمس .
13- يعلم النمط الصحيح للحركة.
14- ينبه الجهاز الحلزوني ( المسؤل عن الاتزان في الحركة و عن الانتباه في النواحي الذهنية)
15- يحسّن الاتزان والتوافق العضلي العصبي.
16- تدريب المريض علي استعمال إمكانياته وقدراته القوية للتعوّيض عن قدراته الضّعيفة.
17- تدريب المريض على السيطرة علي تشنج العضلات ونقص التوتر والحركات اللاإرادية.
18- تنبيه وزيادة مهارات المريض المضادة للجاذبية.
19- زيادة القوة المضادة للجاذبية عند المريض.
20- تحسّين القدرات الخاصة بالإدراك الحسي.
21- يحسّن الكلام عن طريق تقوية العضلات الخاصة بالتنفس و ايضا عن طريق زيادة الحركة و بالتالي زيادة المدارك و ايضا تقوية العضلات الخاصة بالكلام مثل الشفاه و اللسان و سقف الحلق.
22- تحسّين المهارات الأكاديمية
23- تحسين المهارات الاجتماعية ..




-- ‫#‏طرق_و_وسائل_العلاج_الطبيعى‬ :-


-- ‫#‏الوسائل‬ :-


معظمها بشكل كبير على التمرينات العلاجية سواء الحركة الى هتم دى موجبة Active أو سالبة Passive و ممكن وسائل التنبيه الكهربى و الحرارة و البرودة و المساج العلاجى و غيرهم ..
-- و من ضمن البرامج او الطرق الى مستخدمة :-
1- طريقة بوباث: وتعتمد أساسا على منع الحركات غير المرغوب فيها وتسهيل الحركات المطلوبة
2- طريقة دومان- ديلاكتو : وتسمى طريقة الأنماط، حيث يتم تطوير وتنمية الأنماط الحركية المعقدة عن طريق تطوير الأنماط الانعكاسية
3- طريقة رود: تعتمد على العلاج العصبي الفسيولوجي من خلال زيادة مستوى النشاط العضلي بطرائق مختلفة مثل الحرارة والبرودة والمساج
4- طريقة كابات- نوت: وتعتمد على توظيف الأجزاء القوية وغير المصابة من أجل تقوية الأجزاء الضعيفة ..


-- ‫#‏الأجهزة_التعويضية‬ :-


1- جبيرة للقدم
2- أحذية خاصة
3- عكاز بأنواعه للمساعدة على المشي
4- كرسي خاص ( للجلوس )
5- كرسي متحرك ( عادي ، كهربي )
6- سرير كهربي
7- مطرحة سرير خاصة ( لمنع التقرحات السريرية )
8- كأس خاص للشرب ذي قاعدة كبيرة
9- ممسك خاص للملعقة والشوكة ( لإستخدامها للأكل )
-10 مساعدات للسمع ( سماعات )
11- نظارات


-- ‫#‏الفريق_الطبى‬ :-
ممكن دكاترة البشرى و المخ و الأعصال بيكون ليهم دور و أخصائى التخاطب و غيرهم فى العلاج لكن الأساسى طبعا و أولا و أخيرا هو العلاج الطبيعى و عشان كدا ..


‫#‏افتخر_بمجالك‬
‫#‏علاج_طبيعى_أعصاب_و_أطفال‬
‫#‏العلاج_الطبيعى_الجميل‬