ليه كل ما نكبر احلامنا بتصغر؟؟؟؟؟

[***star***]

المشاركة الأصلية كتبت بواسطة bosy 2

السلام عليكم ورحمه الله
ليه كل ما نكبر احلامنا بتصغر؟؟؟؟؟
سؤال محيرنى جداوقولت اخد رايكم فيه بما انكم صحابى الى بحبهم اوى
يعنى لو سئلت طفل صغير نفسك تطلع ايه يا حبيبى يقولك ضابط – دكتور – مهندس ………
واما تسئل واحد مراهق/ واحده مراهقه ايه مواصفات فارس احلامك تكون الاجابه يعرف ربنا – رومانسى – مخلص – صريح ………..
بعد سنين تسأل الطفل الى كان صغير نفسك تطلع ايه يقولك نفسى اطلع من البلادى
او يقولك حاجه تجيب فلوس وخلاص يعنى مش فارقه امال فين احلام زمان .. كان شيئا لم يكن
وتسال الواحد الى كان مراهق /الواحد الى كانت مراهقه ايه مواصفات فارس احلامك تلقى الاجابه
هو حد لاقى يتجوز بلا نيله طب واحلامك………كان شيئا لم يكن
العريس عاوز عروسه بتشتغل علشان تساعده فى المعيشه……. العروسه عوزه عريس يسعدها بفلوسه عربيه فيلا (يعنى كلام الاحلام ده)
هنروح بعيد ليه مثلاطلاب الثانويه العامه الواحد من دول يجيب ورقه وقلم ويقعد ويقول انا هعمل حته دين جدول هيخلينى اول الجمهوريه فعلا يعمل جدول ميخرش الميه وابقا سلملى عليه
الجدول بقا فى الضياع يعنى يقول طب المواد الى كاتبتها فى الجدول على يوم هقسمها على يومين وشويه يقولك بلا جدول بلا بتاع انا جدولى فى دماغى
طبعامش كل الناس كدا بس لو بصينا على ميت واحد هنلاقى الكلام ده بينطبق على 85واحد
ليه احنا كدا كل مادا احلامنا بتصغر…….لحد منبقاش عاوزين نحلم اصلا

في دنيتنا دي احلامنا بقت زي القطب الموجب في المغناطيس والقدر بردو بقي قطب موجب...فعلشان يتقابلو مع بعض..لازملهم مجهود جامد اوي مننا....وحاجات شبه المستحيله

اشكرك علي الموضوع البناء...جزاكي الله كل خير

[Hamset_Etab]

المشاركة الأصلية كتبت بواسطة ***star***

في دنيتنا دي احلامنا بقت زي القطب الموجب في المغناطيس والقدر بردو بقي قطب موجب...فعلشان يتقابلو مع بعض..لازملهم مجهود جامد اوي مننا....وحاجات شبه المستحيله

اشكرك علي الموضوع البناء...جزاكي الله كل خير

قطب موجب وموجب
طب ازاى هيتقابلوا ده مستحيل
اقولك خير خير خلى املك فى ربنا كبير
شكرك على مرورك يا اسلام

[the black rose]

انا هرد بكلمتين

لان الواحد لما بيكبر بيشوف الحقيقة المرة

[dedy_dody]

فعلا كلنا واحنا صغيرين بتبقى احلامنا حاجة واما بنكبر بتبقى حاجة تانية او مبيبقاش فى احلام من اساسه عارفة ليه لان الدنيا والمجتمع والسياية هما اللى بيضيعوا الاحلام دى من ايدينا ومن عنينا واحنا مش حاسين انا مثلا كان حلمى الوحيد انى اكون مذيعة او مضيفة طيران وده حلمى ومن وانا عندى 8سنين عمرى ماقولت زى كل الاطفال دكتورة او مهندسة ودى حاجة كانت بتعجب كل اللى بيشوفنى اوى وبيقولوا عليه مختلفة المهم انى عملت على حلمى ده وجبت مجموع حلو اوى فى الثانوية كان يدخلنى اجدعها كلية بس لو كنت اخدت الثانوية من مصر وعلشان اخدتها من السعودية اتظلمت ودخلت مع المراحل الرابعة وطبعا كانت كلية الاعلام اكتفت والسن كمان اكتفت وملاقوش مكان ليه غير فى تربية انجليزى مع الاسف الشديد جدا يعنى شوفتوا احلامى كلها اتحطمت قدام عنيه ومكنش بايديه اى تغيير بس لحد انهرده انا لسه عندى امل انى فى يوم هبقى مذيعة او مضيفة طيران يارب يتحقق يارب ادعولى ياجماعة

[أحمد2025]

انا من وجهة نظرى المتواضعة جدا
ده بسبب حاله البلد اللى احنا شايفنها فيها دلوقتى
البلد مش بتوفر حاجة لحد
يبقى الشباب هيجرى ورا الفلوس
علشان حاجة واحدة بس
علشان يعيش ف المفرمة اللى احنا عايشين فيها
وفى حاجة كمان عايز احكيها
الشباب دلوقتى معندوش طموح اطلاقا
معظم افكار كتير قوى من الشباب بتكون تافهة
والكلام ده عايز موضوع لوحدة
واخيرا
شكرا ع التوبيك الجامد والهام جدا جدا جدا